105
bir cəsarət əsasən poçt və filateliya ilə əlaqədar olan
tarixçələrdə baş verib.
– Belaruslu oğlan, mənə de görüm dünyada ən
böyük çay hansıdır?
– Əlbəttə, Nildir! - Maksimka dərhal cavab verdi.-
Uzun müddət hesab edirdilər ki, ən iri çay Amerika
Missisipisidir... Lakin artıq iki yüz ildi ki, həqiqət məlum
olub. Nilin uzunluğu 6650 kilometrdir. Ondan sonra gəlir
Amazonka çayı-6400 kilometr, daha sonra Yantsızı-6300
kilometr...Missuridən başlayan Missisipinin uzunluğu isə
6275 kilometrdir.
Düzgün cavab verdiyinə görə oğlan yuxarıya doğru
uzanmağa başladı, artıq şahzadə onu yaxşı görürdü.
Mekonın Menslikoviç Zerıxun gülməkdən uğundu.
– Deməli, sən beləymişsən! Cəsur və sözəbaxmayan
filatelist və Belarusdan gəlmiş səyyah!.. Nilin nəhəngliyini
və uzunluğunu bilmək ziyalı olmağın əlamətini göstərir.
Bir çox avropalılar, bu sakit çaya şübhəylə yanaşırlar,
lakin onlar elə bu çayın sularında həyatlarını itiriblər...
Yaxşı, növbəti sualı verirəm: De görüm o hansı quşdur ki,
tikanlı küsdüm ağacında yuva qurur? Sənə hətta bir qədər
kömək də edə bilərəm...
Maksimka sağ əlini qaldırb etiraz elədi:
– Lazım deyil... Şimal-Şərqi Afrikada küsdüm
ağacının üstündə yuva quran quşun adı Nil Qazıdır. Quşu
həm də belə çağırırlar: Misir Qazı. Amma qeyd etmək
istəyirəm ki, buna təəccüblənmək də lazım deyil. Bu quş
həmin ağacın budaqlarından yuva düzəltsə də, yuvanın
içinə özü üçün napnazik çöplər və otlar döşəyir.
Mekonın Menslikoviç Zerıxun bu cəsur səyyahı
diqqətlə süzdü və gördü ki, oğlan onun gözləri önündəcə
böyüyür, ehtiram əlməti olaraq azca gülümsədi, dedi:
106
– Maksimka, sən yavaş-yavaş mənim xoşuma
gəlirsən. Və ürəkdən istəyirəm ki, sən imtahan suallarının
hamısına cavab verib udasan. Onsuz da sənsiz biz əsl
həqiqəti üzə çıxara bilməyəcəyik. Lakin asan suallar da
olmayacaq. Başqa cür alınmayacaq. Bilərəkdən asan sual
vermək, razılaş ki, düzgün deyil. Bir yalan o biri yalanı
doğurur... Buna görə də asan suallar dalınca qaçmıram.
Yaxşı, de görüm, bilirsənmi ki, bir zamanlar belə bir
dövlət vardı-Xəlifət?..
– Əlbəttə, bilir...
– Bu dövlət Qərbi Asiya, Şimali Afrika və Cənub-
qərbi Avropada ərəb istilasından sonra yarandı. Bizim
eranın 750-ci ilinə qədər ölkədə yollar şəbəkəsi vardı, bu
yollarla səyyahlar və xəbərçilər hərəkət edərdilər. Onlar
piyada, dəvə, qatır, at belində məktub və poçtanı müxtəlif
ünvanlara daşıyardılar. Bağdadın əsasını qoyan Xəlifə
Mənsur bu sözləri təkrar eləməyi xoşlayarmış: "Mənim
taxt-tacım dörd sütun üstündə durub, hakimiyyətim isə
dörd nəfərin çiynindədir..." Və o, dörd nəfərin adını çəkir-
nöqsansız qazının, çevik polis rəisinin, işgüzar maliyyə
nazirinin və bir də...Bax o dördüncüsü kim idi?
– Əlbəttə, rabitə naziri! Dövləti yaxşı idarə eləmək
üçün Xəlifəyə informasiya lazım idi. Məlumatları isə
nəhəng məmləkətin xəbərçiləri müxtəlif yerlərdən
gətirirdilər. Etibarlı rabitə və poçt xidməti olmasa ölkəni
idarə eləmək mümkün deyil...
Cavabdan dərhal sonra Maksimka böyüdü.
Doğrudur, indi o, Şahzadənin yarısı boydaydı. Nədənsə
nənəsinin xoşladığı bir atalar məsəli yadına düşdü:"Elm
ağlın açarıdır". Nənəsi həm də deyərdi ki, "elmsiz adam
qolsuz adama bənzəyir". Bilik hər zaman kara gəlir, ən
mürəkkəb vəziyyətlərdə belə adamı xilas edə bilir.
107
Maksimka sevindi; o, demək olar ki, əvvəlki
vəziyyətinə qayıtdı. Həmin köynək, həmin şalvar idi
əynindəki. Hətta krossovkaları da bir balaca toza batmışdı.
Elə bil heç uzun və çətin yol gəlməyib. Lakin onu hələ bir
sınaq da gözləyirdi.
Mekonın Menslikoviç Zerıxun dördüncü, sonuncu
sualı verdi:
– Əziz Maksim, əgər bu suala da düzgün cavab
versən, biz bərabər səviyyədə danışacağıq... Bu dəfə lap
asan sual verəcəyəm. Çünki sən özün onu qazandın. Xahiş
edirəm, de görüm, Efiopiyada birinci Olimpiya markası
hansı ildə buraxılıb?-Efiopiya şahzadəsi yenə güldü. O,
Maksimkanın ümumi filatelist maraqları ilə tanış idi. Onun
Minskili yaşıdı onun özü kimi flora və faunaya dair
markalar toplayırdı. Doğrudur, Şahzadə bir şeyi də bilirdi:
öz kral atası kimi Maksimkanın atası da idmana dair
markalara aludə olmuşdu.
– Efiopiyada ilk olimpiya markası yüz əlli il bundan
qabaq, 1961-ci ildə buraxılıb, – deyə oğlan cəsarətlə
bildirdi.-Yeri gəlmişkən, bu marka mənim atamın
kolleksiyasında var. O zaman Efiopiya idmançılarının
nailiyyətləri bir o qədər çox deyildi. Lakin Romada (1960-
cı ildə) və Tokioda sizin həmvətəniniz marafon
yarışlarında qızıl medal almışdı...
– Hə, sən Abeb Bikilu barədə danışırsan. Bundan
başqa bu idmançının anadan olmasının yüz illiyi
münasibətilə Ades-Abebanın mərkəzində qızıldan abidə
ucaldılıb. İndi bir çox idman növlərinə görə Efiopiyalılara
bərabər idmançılar yoxdu. Gələn il Belarusda keçiriləcək
yelkənli qayıq yarışlarında da iştirak edəcəyik, məncə bu
yarışlar Ptiç çayında olacaq, – deyə Şahzadə əlini
Maksimkaya uzatdı. Oğlan artıq onunla bərabər boydaydı.
108
Görünür, şahzadə oğlanın əlini sıxıb bu bərabərliyi qəbul
elədi.
Bilici Babanın söylədikləri
Nil Qazı (quşa həm də Misir Qazı deyilir) səhralıq və
meşəliklərdən savayı Afrikada da geniş yayılıb. Onun
əsas məskəni Nil vadiləri və Saharanın cənub
səhralıqlarıdır. Qazlar əsasən yerdə yaşayırlar, lakin
bəzən istirahət və özlərini qorumaq üçün ağacları və ya
damları seçirlər. Nil Qazları yaxşı üzürlər. Ağır-ağır
uçurlar. Onlar ağacların hətta dəlmə-deşiklərində də
yuva qura bilirlər. Qədim misirlilər qazları müqəddəs
quşlar adlandırırdılar.
Abeba Bikilu (1932-1973) – Efiopiya marafonçusudur. 1960
və 1964-cü illərdə Roma və Tokioda Olimpiya çempionu
olub. Tarixdə ilk dəfə iki dəfə marafon yarışlarında
olimpiya çempionu adına layiq görülüb. Romada
məsafəni ayaqyalın qaçıb. Qələbədən sonra deyib:"Mən
istəyirdim bütün dünya bilsin ki, mənim ölkəm – Efiopiya
qətiyyəti və qəhrəmanlığı hesabına qalib gəldi". 1968-ci
il yarışlarında ayağından aldığı zədəyə görə qaçış
meydançasının 17-ci kilometrliyində yarışı dayandırıb. O
zaman qalib onun həmyerlisi Mamo Volda oldu. 1969-cu
ildə Abeba avtomobil qəzasına düşür və əlil olur. Bundan
sonra oxatmayla məşğul olur. 1971-ci ildə dünya
əlillərinin yarışlarında iştirak edir. O, 25 oktyabr 1973-
cü ildə vəfat edir. İdmançını son mənzilə 75 000 adam
yola saldı. Efiopiya qəhrəmanının ölümünə görə
imperator 1 Hayle Selasie ölkədə matəm elan eləmişdi.
109
Maksimka və Efiopiya şahzadəsi
qarşılıqlı anlaşmaya nail olurlar
Belarusdan olan səyyah Qara Leylək barədə
əfsanə danışır. Mekonın Menslikoviç Zerıxun
təsirli hekayətdən sarsılır. Puxoviçdə Quş
Dostluğu muzeyi.
erıxun Mekonın Menslikoviç öz Belarus dostunun
əlini uzun müddət sıxdı. Hər şeydən aydın
görünürdü ki, uzaq ölkədən gəlmiş səyyah onun
xoşuna gəlmişdi. Şahzadə həyəcanla bildirirdi ki, əsl dost
tapmaq və dost olmaq çox vacib məsələdir. Maksimka isə
Belarus atalar məsəlini yadına saldı: "Dostsuz insan
odunsuz ocaq qalamaq kimidir"...
– Əziz Mekonın Menslikoviç Zerıxun, mən sənə
dəhşətli bir tarixçə danışmaq istəyirəm. Bu hadisə qədim
zamanlarda bizim ölkədə baş verib, – deyə Maksimka
Qara Leylək barədə söhbətin üstünə gəldi.
– Əziz dost, sənə diqqətlə qulaq asıram, buyur.
– Bizim Belarusda bir mif var, onu nəsildən nəslə
ötürürlər... Bir zamanlar Qara Leylək ağ olub. O da o biri
yaxşı dostları kimi insanlarla bir yerdə yaşayarmış. Çox
sadə, hər şeyə inanan bir quş imiş, insanın xeyirxahlığına
və səmimiyyətinə xeyirxahlıq və səmimiyyətlə cavab
verərmiş. Günlərin birində leyləyin qırıltısı bir zalım
adama xoş gəlmir və o, quşun yuvasını dağıdır. Bütün
leylək balalarını yerə tullayır, onlar da ölürlər... Belə qəfil
müsibəti görüb leyləklər kəndi tərk edirlər, uçub gedirlər
qalın meşələrə ki, orda özlərinə sığınacaq tapsınlar.
Hündür bir palıd ağacında özlərinə yer eləyirlər.
110
Adamlardan mümkün qədər uzaq olmaq istəyirlər.
Nəhayət, yeni nəsil-ətçəbalalar doğulur. Onlar da ağ
olurlar. Ana-Leylək öz balalarına zalım insanın onların
başına gətirdiyi müsibəti nəql edir, bundan sonra bütün
bala quşlar matəm libasına bürünürlər- qanadları qaralır. O
vaxtdan Qara Leyləklər yalnız meşələrdə yaşayırlar. Bizim
Belarusda isə insanlar mümkün qədər onlara kömək
etməyə çalışırlar. Çalışırlar ki, heç olmasa bir qədər o
zalım adamın əməllərini dualarla unutdursunlar. O
vaxtdan Qara Leyləkləri meşə rahibləri adlandırırlar...
Bax, əziz Mekonın, mən sənə bunu söyləmək istəyirdim.
Efiopiya şahzadəsi kürsüsündən durdu, Maksimkaya
yaxınlaşdı, onun çiyinlarındən yapışıb qucaqladı.
– Dostum, mən sənə inanıram. Bağışla ki, səni Qara
Leyləkdən ötrü narahat olmağa vadar elədim. Biz yalnız
şad olarıq ki, bütün qış aylarında Qara Leyləyi və onun
doğma qohumlarını burda saxlayaq.
– Sənin bu qərarına Şura etiraz etməz ki?
– Maksim, mən təkcə əmr eləməyəcəm, həm də
sənin mənə danışdığın əfsanəni hamıya danışacağam.
Bizim insanlar çox həssasdılar, onlar özgə dərdinə şərik
olurlar... İndi isə mən bura bütün Afriklada ən nüfuzlu və
böyük sayılan İnternet-qəzetin redaktorunu çağıracam. O
bizim görüşümüz barədə reportaj hazırlayar. Və iki-üç
saatdan sonra bütün Efiopiya, dünya və ən müxtəlif saytlar
da bilər ki, Belarus quşu Qara Leylək və onun bütün
qohum-əqrabası bizim ən əziz qonaqlarımızdır...
Efiopiyada hər zaman onları çox mehriban
qarşılayacaqlar...
Maksimka üstündə Qara Leyləyin təsviri olan
açıqcaya əliylə toxundu. Və birdən şahzadədən xahiş
elədi:
111
– Mekonın, xahiş edirəm icazə ver açıqcanı geri
götürüm. Onu üstünə yapışdırılmış markayla birlikdə Quş
Dostluğu muzeyinə verəcəm; o muzey artıq yarım əsrdir
ki, mənim baba və ulu babalarımın vətənində işləyir.
Orada, qədim Puxoviç kəndində leyləklərə xüsusi ehtiram
var. Küçələrdən birinin adı da belə adlanır: Quşlar küçəsi.
Leylək yuvalarını siz hər həyətdə ağaclarda görə
bilərsiniz. Həmin küçə isə muzey malikanəsi ilə başa çatır.
Orada ikimərtəbəli ağac-sarayda çoxlu kol və ağac da var.
Palıd xiyabanı da var. Quşlar Muzeyində hamıya yer var.
Sığırçınlar sığırçın yuvalarında yaşayırlar. Palıd
ağaclarının bir çoxunda ağacdələnlər özlərinə yuva
qurublar, başqa quşların da yuvalarını görmək olur.
Gecələr muzey malikanəsini qoca bayquş qoruyur.
– Maksimka, sən məni qonaq dəvət edə
bilərsənmi?... Açıqcaya gəlincə isə, onu sənə dərhal
qaytararam, qoy bizim baş arxiv işçiləri onun surətini
çıxarsınlar, sonra dərhal qaytararam...
Gənc səyyahın üzündə sanki xoşbəxt bir təbəssüm
oynamaq istəyirdi, axı əsas missiya yerinə yetirilmişdi.
Lakin oğlanın yadına düşdü ki, o, hələ yenə də
gözləməlidir; yenə kimsə onu imtahana çəkməli, filateliya
və təbiətşünaslıq sahəsində biliklərini yoxlamalıdır. Əks
halda, o, evə qayıda bilməzdi. Yaxşı tutaq ki, imtahan
verməlidir; axı yeni açıqca da lazımdır! Poçtovikin ona
təklif etdiyi həmin o sehirli açıqcadan tapılacaqmı
görəsən?..
– Əziz Mekonın, mən şəxsən böyük məmnuniyyətlə
səni Puxoviçə və Minskə dəvət edirəm, əlbəttə, belə
yüksək çinli şəxsə bu dəvət caizdirsə... Yaxşı olar ki, bizə
yazda gələsən. Biz təkcə Muzeydəki quşlarla yox, həm də
Beryozin qoruğu və digər qoruqlarla da tanış olarıq.
112
Amma indi məni narahat edən bir problem var: bilmirəm
Belarusa necə qayıdım...
– Dostum, bu ki problem deyil. Güman edirəm ki,
sənin bizim kral "marabu"muz (təyyarənin adını füsunkar
Afrika leyləyinin adıyla qarışıq salma!) – "Boeing 1787
Dreamliner"dən daha çox xoşuna gələcək. Amma qoy
atama zəng vurum, öyrənim görüm bu gün ona təyyarə
lazım olmayacaq ki...
Maksimka şahzadəyə mane olmasın deyə kənara
çəkildi. Bir neçə dəqiqədən sonra şahzadə atasıyla danışıb
qurtardı. Görünür, onların danışıqları müsbət sonluqla
bitmişdi, əks halda, Maksimkanın təzə dostu beləcə
məmnunluqla gülümsəməzdi. Bəli, kral öz şəxsi
təyyarəsindən istifadə etməyə razılıq vermişdi. Həm də
gənc səyyaha "yaxşı yol" arzulamışdı, söz vermişdi ki, özü
də Belarusa mütləq gələcək...
...Bir saatdan sonra Maksimka artıq Adis-Abeba
hava limanında idi. Ondan olsaydı kral laynerinə daha tez
minərdi, lakin şahzadə onunla nahar etmək istədi, ona
Efiopiyanın hansısa xüsusi milli yeməklərini təklif etdi, o
da razılaşdı... Göydə olarkən Maksimka Mekonın
Menslikoviç Zerıxunun ona hədiyyə etdiyi yeni markalara
baxırdı... Hər markanın üstündəki miniatür adama yeni
nəsə deyir, gənc filatelist üçün yeni bir dünya açırdı.
Bilici Babanın söylədikləri
Bəşər övladının quşlara göstərdiyi belə bir diqqəti nəzərə
alsaq, düşünmək olar ki, onlara ucaldılan abidələr də,
tikilən muzeylər də kifayət qədərdir. Lakin belə muzeylər
çox azdır. Sankt-Peterburqda "Minda" ekzotik quşlar
muzeyi var. Rusiyanın Vladimir vilayətinin əfsanəvi
"Meşera" Milli Parkında "Quşlar aləmi" adlı təbiət
113
muzeyi var. Almaniyanın Nürnberq şəhərində
göyərçinlər muzeyi var. Rusiyanın Altay vilayətində
Quseletevo kəndində qazlara aid muzey var. Rusiyanın
Saxalin adasında Saxalinsk vilayətinin balaca
Aleksandrovsk şəhərciyində quşlar muzeyi fəaliyyət
göstərir. (Yeri gəlmişkən, Saxalinsk vilayətində 360
növdə quş yaşayır). Yolunuz düşsə, bir muzeyə də baş
çəkin- bu, Rusiyanın Kaluqa vilayətindəki quşlar
muzeyidir.
114
Kitabın içindəkilər
Ön söz əvəzi
............................................................................................... 3
Maksimkanın Vətəndə və digər ölkələrdə
sərgüzəştləri. Oxu
cuya ....................................................................... 7
Yelski panlarının bulağı ..................................................................... 11
Bilici Babanın söylədikləri ................................................................ 13
Bütün ölkə idmançını axtarır ........................................................... 14
Bilici Babanın söylədikləri ................................................................ 16
Kuba filatelistlərinin gözlənilməz diqqəti .................................. 17
Bilici Babanın söylədikləri ................................................................ 20
Atanın məsləhəti ................................................................................... 22
Bilici Babanın söylədikləri ................................................................ 25
Zamanla səyahət ................................................................................... 26
Bilici Babanın söylədikləri ................................................................ 28
Lekarla tanışlıq ...................................................................................... 29
Bilici Babanın söylədikləri ................................................................ 34
Çıxış yolunu Kuba professoru göstərir ........................................ 36
Bilici Babanın söylədikləri ................................................................ 40
Ptiç çayı xilas edilir .............................................................................. 41
Bilici Babanın söylədikləri ................................................................ 46
Palıd qozası meşə sakinlərinə necə ev qurdu ........................... 47
Bilici Babanın söylədikləri ................................................................ 52
Maksimka Latın Amerikasını... kəşf edir ..................................... 55
Bilici Babanın söylədikləri ................................................................ 60
Qara Ağacdələnlə görüş ..................................................................... 62
Bilici Babanın söylədikləri ................................................................ 67
115
Professor Rodriqesə məktub ........................................................... 69
Bilici Babanın söylədikləri ................................................................ 71
Qara Ağacdələnin qərarı .................................................................... 73
Bilici Babanın söylədikləri ................................................................ 75
Poçt markalarının səyahəti .............................................................. 76
Bilici Babanın söylədikləri ................................................................ 79
Gözlənilməz münaqişə ....................................................................... 80
Bilici Babanın söylədikləri ................................................................ 85
Köməyə Poçtovik gəlir........................................................................ 86
Bilici Babanın söylədikləri ................................................................ 92
Poçt kartoçkasının üstündə səyahət başlanır ........................... 94
Bilici Babanın söylədikləri ................................................................ 97
*** ................................................................................................................ 99
Bilici Babanın söylədikləri ............................................................. 101
Şahzadənin Maksimlə tanış olması ............................................ 103
Bilici Babanın söylədikləri ............................................................. 108
Maksimka və Efiopiya şahzadəsi qarşılıqlı
anlaşmaya nail olurlar ..................................................................... 109
Bilici Babanın söylədikləri ............................................................. 112
116
Kompüter səhifələnməsi və üz qabığının işlənməsi –
Mətanət QARAXANLI
Kitab «Mütərcim» Nəşriyyat-Poliqrafiya Mərkəzində
səhifələnmiş və çap olunmuşdur.
Çapa imzalanıb: 21.09.2014.
Format: 84x108 1/21. Qarnitur: Times.
Həcmi: 7,5 ç.v. Tiraj: 500. Sifariş № xx.
Qiyməti müqavilə ilə.
ТЯРЪЦМЯ
ВЯ НЯШРИЙЙАТ-ПОЛИГРАФИЙА
МЯРКЯЗИ
Аз 1014, Бакы, Рясул Рза кцч., 125
596 21 44; 497 06 25; (055) 715 63 99
e-mail: mutarjim@mail.ru
www.mutercim.az
Dostları ilə paylaş: |