MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 29 Təqribən bir-iki dəqiqə sonra həkim-ekspert çölə çıxaraq Tərlanı içəri çağırdı və başı ilə Tərlana atanı öldürülmüş övladının cəsədindən ayırmağa işarə etdi. Onlar məcburən, sanki sürüyə-sürüyə atanı çölə çıxardılar. Müstəntiq Allahverdiyev həkim-ekspertlə birlikdə mərhumun atasını Tərlanın maşınına əyləşdirdilər. Tərlan onu öz maşınında prokurorluq binasına qaytardı. Tərlan özü bilərəkdən həmin şəxsə öz maşınında qayıtmasına icazə vermədi. Çünki belə bir situasiya ilə qarşılaşmış şəxsin rul arxasında oturması təbii ki, düzgün deyildi. Prokurorluğa qayıtdıqdan sonra müstəntiq Allahverdiyev qətlə yetirilənin atasından mərhum barədə bir qədər məlumat aldıqdan sonra başqa bir maşınla onu evinə yola saldı. Övladı öldürülən şəxsi yola saldıqdan sonra Tərlan birbaşa prokurorun kabinetinə yollandı. Prokuror əvvəlcə oğlunun itməsi ilə bağlı müraciət edən şəxslə maraqlandı. - Allahverdiyev, deyəsən oğlunu axtaran şəxs cəsədin yiyəsi çıxdı. - Bəli, cənab prokuror. - Atasından oğlu ilə bağlı nəsə soruşdunuz ? - Yalnız ad-soyadın və yaşadığı ünvanı. Daha sonra isə bizim işçilərdən biri ilə onu evlərinə yola saldım. Kişinin üstünə çox da getmədim. Özünüz bilirsiniz də, belə bir vəziyyətdə əlavə nəsə sorub-soruşdurmaq heç də yaxşı olmazdı. - Allahverdiyev, o barədə çox düz eləmisiniz. Bəs qətlə yetirilənin şəxsiyyətini dəqiqləşdirdinizmi? - Qətlə yetirilən şəxs İsmayılov Bahadur Kərim oğludur, bizim Səbael rayonunun vətəndaşıdır. - Həə.. Deməli Səbael rayonunun vətəndaşıdır. Prokuror başını yelləyə-yelləyə bir balaca fikrə daldı və daha sonra yenidən söhbətinə davam etdi. - Səhər dediyim kimi bu işin istintaqının aparılmasında səlahiyyətli müstəntiq şəxsən siz olacaqsız. İndidən kimlərin ifadəsinin alınacağını müəyyənləşdirin, cinayəti işini açmağa www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 30 köməklik edən dəlil-sübutları toplamağa başlayın. Heç soruşmuram, bəs ekspertizanın nəticəsi necə oldu ? Tərlan əlindəki qeyd dəftərçəsini açdı. O, burada səhər tezdən morqda olarkən həkim-ekspertin və Bayıl yamacında cəsədin tapıldığı yerdə axtarış aparan ekspertin dediklərini qeyd etmişdi. İlk əvvəl yazdıqlarına bir nəzər yetirərək, onları prokurora nəql etməyə başladı. Eyni zamanda dünən cəsəd tapılan ərazidən baltanın və üzərində qan ləkələri olan iki salafanın da tapılaraq maddi sübut kimi ekspertizaya göndərildiyini bildirdi. Prokuror sonadək Tərlanın dediklərini dinləyərək, bəzi detalları aydınlaşdırmaq üçün yenidən söhbətə başladı. - İndi də ilişib qalacağıq bir manyakın əlində. - Cənab prokuror, əgər bu cinayətkar manyakdırsa belə, hər halda çox ağıllı manyakdır. Çünki morqdakı həkim-ekspert bildirdi ki, qatilin mərhumu gicgah nahiyəsindən vurması, onu boğması və daha sonra kəsici alətlə hissələrə ayırması bir neçə saatın içərisində baş verib. Düzü biz indi bilmirik ki, həmin oğlanı hansı səbəbdən qətlə yetiriblər. Amma cinayətin törədilmə ardıcıllığına baxdıqda, çox güman qatilin bu işə əvvəlcədən hazırlaşdığını güman etmək olar. Ona görə ki, hələlik nə ərazidə, nə də cəsəd üzərində cinayəti açmağa imkan verən və ya qatilin özünə aid kiçik detal belə tapılmıyıb. - Narahat olma Allahverdiyev. Mərhumun ailəsi qoy yaslarını yola versin. İndi mərhumun ailə üzvlərinin gərgin vaxtlarıdır. Narahat etsək, ortaya başqa-başqa problemlər çıxa bilər. Daha sonra mərhumun ailə üzvləri, yaxın qohumları, dost və tanışları ümumiyyətlə, əlaqədə olduğu hər kəslə söhbət apar və biz də cinayəti aça biləcək digər köməkçi faktlara nəzər yetirək. Mənə elə gəlir ki, bir neçə günə bu işi yekunlaşdıracaqsan. Axı hələlik baltanın ekspertizasının nəticələri bəlli deyil. Şəhərdəki təhlükəsizlik kameralarının görüntülərinə belə baxılmayıb. Mərhumun atası və digər www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 31 yaxınları ilə bağlı heç bir əlavə söhbət aparılmayıb. Ona görə də, bir günün içərisində hansısa nəticəyə gəlmək düzgün deyil. - Digərlərini demirəm, amma baltanın və üzərində qan ləkələri olan salafanların ekspertizasının maddi sübut kimi bu cinayətin üstünü açmağa köməklik edəcəyini düşünmürəm. - Niyə ki,? - Əgər bu cinayətkar cəsəd üzərində heç bir yerdə onu ələ verəcək, barmaq izi belə qoymayıbsa, deməli, həmin baltanın ekspertizası da bizə heç nə verməyəcək. Həmin balta tapılan yeri mən diqqətlə nəzərdən keçirmişəm. Düzdür, baltanı it vasitəsilə aşkar etmişik. Amma baltanı heç itlə axtarmağa da ehtiyac yox idi. Torpağa necə basdırıldığını sizə dedim. Cinayəti bu qədər peşəkarlıqla törədən qatilin, həm cəsədi, həm də maddi sübutu demək olar ortalıqda qoyması o qədər də, real bir şeyə bənzəmir. Mənə elə gəlir ki, qatil bununla cinayətin arxasında gizli məqamların olmasına bir işarə vurur. - Dediniz ki, baltanı necə basdırılıb ? - Basdırılıb deməzdim, sadəcə üstünü torpaqla örtüb desək, daha düz olardı. Digər tərəfdən dəniz hardadı ? Cəmi 100-200 metr aşağıda. Bunu lap balaca uşaq da başa düşərdi ki, baltanı apar tulla dənizə. Daha bu baltanı kim tapacaqdı ki,? - Deməli,? - Deməli, qatil qəsdən cinayətdə istifadə olunan aləti ortalıqda buraxıb ki, daha axtarışa ehtiyac olmasın. - Allahverdiyev, qatil cəsədi də, ortalıqda buraxıb bəs bu haqda nə deyə bilərsən ? - Ola bilsin bununla cinayətkar bizə və yaxud öldürdüyü oğlanın ailəsinə nəsə demək istəyir. Yəqin ki, cinayətkarın belə qəddarlıqla öldürdüyü oğlanın cəsədini hansı səbəbdən ortalıqda buraxmasını da istintaqın gedişində müəyyən edəcəyik. - Amma Allahverdiyev, dediyim kimi hələlik cinayətkarın şəxsiyyəti və onun əlimizdən yayınacağı barədə konkret nəticəyə gəlmə. Bir də tövsiyəm budur ki, heç vaxt qatili gözündə böyütmə, onu özün üçün əlçatmaz eləmə. Çünki nə Yüklə 2,96 Kb. Dostları ilə paylaş:
|