MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 20 dəqiqliklə aparmaq lazım gələrdi. Amma əslində cəsəd üzərində barmaq izi barədə ekspertiza aparmağa da ehtiyac yoxdur. Bunu sizə əminliklə deyə bilmirəm. - Niyə buna bu qədər əminsiniz ? - Çünki qatil mərhumu gicgah nahiyəsindən vuranda olmasa da onu boğarkən, doğrayarkən, cəsədin hissələrini əraziyə gətirərəkən və yaxud da onu əraziyə gətirmək üçün hissə-hissə nəyəsə yığarkən əlində əlcək olub. Bunu isə lap asan müşahidə etmək olar. Siz təzədən əlcəklərini geyinin. Müstəntiq Allahverdiyev bir qədər öncə telefonla danışarkən, çıxardığı əlcəklərini yenidən geyinərək, cəsədin yanına qayıtdı. Həkim cəsədin bədən hissəsini əvvəlcə sağdan, sonra isə soldan müəyyən qədər qaldıraraq, ona göstərməyə başladı. - Görürsən, sürüşmə izlərini ? Müstəntiq başı ilə razılığını bildirdi... - Bu onu göstərir ki, qatil bədənin bu hissəsini qaldırarkən əlində əlcək olması səbəbindən həmin hissə onun əlindən bir neçə dəfə sürüşüb. Əlcək də nisbətən qalın olub. Bəlkə də qışda geyinilən dəri əlcəklər kimi. Çünki barmaqlar bədənə tam oturmayıb. Bu həm də baş vermiş cinayətin təkbaşına, yəni bir nəfər tərəfindən törədildiyinə bir işarədir. - Bayaq mən telefonla danışanda özünüz də bildiniz ki, zəng edən bizim prokuror idi. Deyir ki, əməkdaşlarımız və ekspertlər dünən cəsəd tapılan ərazidə yenidən axtarış işləri apararkən bir qədər aralıda torpağa basdırılmış halda bir balta tapıblar. Dünən ətrafa çoxlu sayda kənar şəxslər yığıldığına görə işimizi tez yekunlaşdırmışdıq. Prokuror mənə tapşırdı ki, həmin yerə yollanım. Ola bilsin, törədilmiş cinayətlə bağlı nəsə əlavə dəlil-sübut tapa bilərik. İndi gərək bağışlayasız, mən getməliyəm. - Əslində mənim deyəcəklərim də elə bu qədər idi. Siz yaxşısı budur yenə də ətrafa bir yaxşıca nəzər yetirin. Çalışın siz gedənə kimi heç kim həmin baltaya əllə toxunmasın. Çünki işi tez araşdırıb başa çatdırmaqdan ötrü, həmin maddi sübut www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 21 işimizə yarıya bilər. Çünki bədəndə heç bir barmaq izi yoxdur. Amma balta üzərində və ya ordan tapılan başqa bir əşya üzərində barmaq izi müəyyən etsək o zaman əlavə nəsə öyrənə bilərik. Əgər cəsəd tapılan ərazidə cinayətdə istifadə oluna biləcək başqa bir əşya tapsanız mütləq ekspertiza üçün götürün. İşinizi tez yekunlaşdırmaq istəyirsinizsə yaxşısı budur tapşırın şəhərdəki təhlükəsizlik kameralarına da baxsınlar. İndi şəhərdə törədilən əksər cinayət aktlarının üstünün açılmasında həmin kameraların görüntülərindən daha çox istifadə edirlər. - Oldu həkim. Amma getməmişdən qabaq sizə bir dənə də sual verim. Cinayətin törədilmə xüsusiyyətinə baxdıqda siz özünüz hansı qənaətə gələ bilərsiniz. Bu cinayəti əvvəlcədən hazırladığı plan əsasında hansısa peşəkar qatil törədib, yoxsa hansısa bir manyak? - Yoldaş müstəntiq... Bu suala cavab vermək hələ tezdir. Kimliyindən asılı olmayaraq, istər manyak olsun, istərsə də ki, peşəkar qatil. Hələlik apardığım ekspertizaya əsaslnaraq mən yalnız biş şeyi deyə bilərəm: bu qətl bir neçə saatın içərisində törədilib və ən əsası qətli törədən şəxs cinayət planını əvvəlcədən hazırlayıb. Yoxsa bu cür vəhşicəsinə törədilmiş qətli 1 neçə saatın içərisində təsadüfü ardıcıllıqla yerinə yetirmək olmazdı. - Yaxşı hələlik həkim, mən getdim. Əlavə nəsə öyrənsəniz xəbər edərsiniz. - Hələlik. Sizə yaxşı yol. Müstəntiq Allahverdiyev morqu tərk edərək, maşınına əyləşdi və dünən cəsəd tapılan əraziyə - Bayıl yamacındakı şam ağaclığına yollandı. Yol boyu axlında həkim- ekspertin dediklərini bir-bir analiz edirdi. “Ola bilsin qətl hansısa manyak tərəfindən törədilib” və ya “Ola bilsin bu qətli hansısa peşəkar qatil törədib”, yaxud da “Ola bilsin bu qətl qisas zəminində törədilib” və s. və s. Amma müstəntiq Allahverdiyev yekdil bir fikrə vara bilmirdi. Çünki öldürülənin şəxsiyyəti hələ ki, müəyyən www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 22 edilməmişdi. Onun kim olması, harada yaşaması, nə ilə məşğul olması və digər nüanslar müəyyən edilməli idi ki, cinayətin hansı səbəbdən və kim tərəfindən tördildiyinin üstü tezliklə açılsın. Müstəntiq Allahverdiyev Bayıl yamacına çatdıqdan sonra maşınını kənarda saxlayıb, ətrafa göz gəzdirməyə başladı. Şam ağaclarını görən kimi həmin dəqiqə bir müddət öncə həkim-ekspertin dediyi bir cümləni xatırladı: “Qatil mərhumu kəndirlə asıb”. Tərlan fikirləşdi ki, ola bilsin qatil mərhumu elə bu ağaclardan birində asıb. Bunu mütləq araşdırmaq lazımdır. Daha sonra cəsədin tapıldığı yerə doğru addımlamağa başladı. Onun yaxınlaşdığını görən şəxslərdən biri digərlərindən ayrılaraq müstəntiqə doğru gəlməyə başladı. Müstəntiqə yaxınlaşan kimi salamlaşıb görüşdü və bildirdi ki, bir qədər öncə aşağı ərazidən bir balta tapılıb. Ekspertlərin gəldiyi qənaətə görə bu elə cinayətdə istifadə olunan alətdir. Eyni zamanda həmin şəxs bildirdi ki, üzərində müəyyən qədər qan izləri olan 2 böyük polietilen salafan da tapılmışdır. Bundan sonra müstəntiq Allahverdiyev baltanın tapıldığı yerə doğru addımlaya-addımlaya ona yaxınlaşan şəxsə suallar verməyə başladı. - Baltanı hansı yolla tapa bildiniz? - Prokurorumuz bu gün səhər bizə kömək etmələri üçün Səbael rayon polis idarəsi ilə əlaqə saxlayıb. Onlar da ərazidə axtarış aparmaq üçün mütəxəssis və bir it göndəriblər. Həm baltanı, həm də polietilen salafanları həmin it vasitəsilə tapmışıq. - Baltanı götürmüsünüz? - Xeyr, yoldaş müstəntiq. Prokurorluqla əlaqə saxladıq. Dedilər ki, siz gələnə kimi heç bir şeyə toxunmayaq. - Çox yaxşı, gedək görək nə məsələdi. Tərlan yaxınlaşaraq ərazidə axtarış işləri aparan polislər, ekspertlər və prokurorluq işçiləri ilə salamlaşdı. Ekspertlər Tərlana bildirdilər ki, cəsəd tapılan yerdən Yüklə 2,96 Kb. Dostları ilə paylaş:
|