MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 7 Psixoloji təsir dairəsində qalan oxucu həm heyrətlənir, həm də finalın məhz belə olmalı olduğunu qəbul edir. Bu isə müəllifin uğurudur. “Gecikmiş qisas”dakı hadisələrin xronologiyası, əlavə hadisələr əsas süjet xəttini nəinki yükləmir, əksinə, konfliktin açılışına xidmət edir. Müəllif ənənəvi təqdimatdan, qorxulu səhnələrin bolluğu ilə oxucunu heyrətləndirməkdən bilə-bilə yan keçir. Soyuqqanlılıqla janrın tələblərinə uyğun hadisələr təqdim edir. V.Şıxıyevin əlimizdə olan əsəri təsdiq edir ki, nəsrimizə yeni bir nəfəs gəlir: özünəməxsus, orijinal. Xalq yazıçısı Anar haqlı olaraq qeyd edir ki, yazıçı oxucu ilə hazır, mükəmməl şəkildə görüşə gəlməlidir. Bu mənada gənc qələm sahibi Vasif Şıxıyev özü oxucuların görüşünə ciddi bir məsuliyyətlə gəlib. Bu yolda ona uğurlar diləyirik. Eyvaz Məhəmmədəli oğlu Eminalıyev Şamaxı rayon Təhsil Şöbəsinin müdiri, filologiya üzrə fəlsəfə doktoru. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 8 I F Ə S İ L Hələ 16-17 yaşında ikən gənc Osmanlı şahzadəsi Mehmet qaldığı otağın pəncərəsindən heyranlıqla Konstantinopola (indiki İstanbula) baxaraq, “ya sən məni alacaqsan, ya mən səni”, - deyirdi. Bir gün anası Huma xatun şahzadə Mehmetin yatağının hər zaman səliqə-səhmanla yığışdırılmış vəziyyətdə olduğunu görüncə, “Şahzadəm, yatağını hər gün sən səliqə- səhmana salıb özünü artıq zəhmətə salma, bu işin öhdəsindən xidmətçilər gələrlər” - dedikdə, Sultan Mehmet həmişəki kimi Konstantinopola baxaraq, “Canım anam, mən o yatağa altı aydır ki, bir dəfə də olsun, girmədim” – cavabını verir. Həyatını hədəfinə həsr edən və bütün varlığı ilə məqsədinə bağlanan Sultan Mehmet və əsgərləri fəthə nail olmuş, yüz illərin Konstantinopolunu tarix səhifələrinə İstanbul olaraq yazmışdılar. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 9 Başqalarının yaxşı və pis qiymətləndirməsindən asılı olmayaraq, qarşınıza qoyduğunuz məqsədə çatırsınızsa bu sizin ən böyük nailiyyətinizdir..... 2012-ci il, aprel ayının 16-sı, səhər saatları. Bakı şəhəri, Bayıl yamacındakı şam ağaclığı sahəsi. Polislər burada təqribən 25-30 yaşlarındakı bir gəncin xüsusi qəddarlıqla öldürülmüş cəsədini aşkar etmişdir. Cəsədin üzərinə ağ örtük çəkilmişdir ki, onu kənardan sezmək mümkün olmasın. Ərazi polis tərəfindən xüsusi qadağan lenti ilə əhatəyə alınmışdır. Ərazidə hüquq mühafizə və prokurorluq orqanı işçiləri, həmçinin bir neçə kütləvi informasiya vasitələrinin (KİV) nümayəndələri vardır. Bu zaman cəsədin yanındakı nisbətən cavan yaşda olan prokurorluq orqanı nümayəndələrindən biri daha yüksək rütbəli rəisindən təlimat alaraq “qadağandır” lenti xəttindən kənara çıxdı və jurnalistlərə tərəf addımlamağa başladı. Çox güman ki, rəisi onu KİV nümayəndələrinə hadisə barədə ilkin məlumat vermək üçün göndərmişdi. KİV nümayəndələrinin yanına çatdıqdan sonra o, törədilmiş cinayət hadisəsi barədə müəyyən sualları cavablandırmağa başladı. - Baş vermiş cinayət aktı barədə hansı təfərrüatlar məlumdur ? - Tapılan cəsəd təqribən 25-30 yaşlarında olan, ortaboylu bir gəncin meyididir. Amma hələlik biz öldürülənin şəxsiyyətini dəqiqləşdirmə-mişik. - Bəs nə üçün KİV nümayəndələrini cəsədə yaxın buraxmırsınız ? - Cinayətkar mərhumu xüsusi qəddarlıqla qətlə yetirdiyindən biz tərəfimizdən kütləvi informasiya vasitələri nümayəndlərinin cəsədə yaxın buraxılmamasını daha məqsədəuyğun bildik. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 10 - Bəs cinayət aktının nə vaxt və necə törədildiyi haqda nə deyə bilərsiniz ? - Hələlik ilkin ekspert rəyi onu deməyə əsas verir ki, cinayət aktı bu ərazidə deyil, başqa bir yerdə törədilib. Cinayətkar cəsədi sonradan bu əraziyə gətirib. - Cəsədin burda olduğunu kim müəyyən edib ? - Cəsədi bu gün səhər yaşıllaşdırma və meşə təsərrüfatı idarəsinin ərazi nəzarətçisi müəyyən edib. Həmin şəxsin bizə bildirdiyinə görə məhz bu gün səhər cəsəd tapılan ərazidə çöl quşlarının toplaşdığını görərək, bura gəlmiş və cəsədlə qarşılaşmışdır. - Cinayətkar törətdiyi cinayətin izini itirmək üçün cəsədi tamamilə başqa bir əraziyə aparıb gizlədə də bilərdi. Sizcə, cinayətkar hansı səbəbdən cəsədi məhz hamının bildiyi və hər kəsin görə biləcəyi bir əraziyə gəitmişdir ? - Biz bunu və cinayətin digər detallarını cəsədin şəxsiyyətini eləcə də cinayətin hansı səbəblərdən törədildiyini müəyyənləşdirdikdən sonra öyrənə biləcəyik. İstintaqın gedişində törədilmiş cinayət hadisəsi ilə bağlı əlavə məlumatlar əldə olaunan kimi kütləvi informasiya vasitələri ilə ictimaiyyətə bu haqda əlavə məlumatlar veriləcəkdir. Cavabını bitirən prokurorluq nümayəndəsi yenidən cəsədin yanına döndü. Bu zaman yol kənarında dayanan təcili tibbi yardım maşınından iki nəfər əllərində xərək cəsəd olan əraziyə doğru gəlməyə başladılar. Məhz bundan sonra prokurorluq orqanı nümayəndəsinin dediyi “Qatil mərhumu xüsusi qəddarlıqla qətlə yetirdiyindən biz, tərəfimizdən kütləvi informasiya vasitələri nümayəndlərinin cəsədə yaxın buraxılmamasını daha məqsədəuyğun bildik” ifadəsinin əsl səbəbi bilindi. Əllərinə tibbi-steril əlcək geyinən həkimlər cəsədi birbaşa yox, hissə-hissə xərəyə yığmağa başladılar. Deməli, cinayətkar öz qurbanını hissələrə parçalamışdı. Tibb işçiləri cəsədin üstünü yenidən ağ örtüklə örtdülər. Daha sonra həmin şəxslər iti və həmçinin ehtiyatlı addımlarla (ərazi daşlıq və Yüklə 2,96 Kb. Dostları ilə paylaş:
|