www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
109
ki, “ cəbhəyə gedəcəksən ermənilər atan kimi sənin də başına
bir güllə vurub göndərəcəklər cəhənnəmə.”
Onların şəhid olmuş atam haqqında dediklərinə çox
əsəbiləşdim. İbrahimin və Bahadurun üstünə gedərək hər
ikisini vurmaq istədim. Lakin bu zaman içərimizdə ən yekəpər
və idmançı olan Rəvan mənə çiynimdən möhkəm bir zərbə
endirdi. Zərbənin təsirindən özümü saxlaya bilmədim,
pilləkənin başından kəllə-mayallaq aşağı düşdüm.
Bu yıxılmanın nəticəsi olaraq mən səhəri günü sinif
yoldaşlarım və müəllimlərimlə birlikdə keçirəcəyim “Son
zəng”i təkbaşına xəstəxana palatasında keçirməli oldum.
Ayaqlarımdan birində yüngülvari çatlar əmələ gəldi. Ancaq
həkimlər ayağımı gipsə salaraq bildirdilər ki, fiziki hazırlıq
imtahanlarına qədər ayağımdakı çatlar tamamilə bərpa
olunacaq. Hətta heç bir problem olmadan imtahanları da verə
biləcəksən. Sinif yoldaşlarım son zəngdən sonra bir-iki dəfə
yanıma gələrək, hal-əhval tutmuşdular. Bütün elədikləri
pisliklərə baxmayaraq, hamısını yaddan çıxarmağa hazır idim.
Amma buna da imkan vermədilər.
Son zəngdən sonrakı günlərdən biri idi. Əlimi başımın
altına
qoyaraq,
xəstəxana
palatasındakı
çarpayımda
uzanmışdım. Birdən həmin o 3 nəfər, yəni İbrahim, Bahadur
və Rəvan mənim palatama daxil oldular. Guya gəlmişdilər ki,
vəziyyətimdən hal-əhval tutsunlar. Amma bir balaca
söhbətdən sonra onların xəstəxanaya hansı məqsədlərlə
gəldiyini anladım. Həkimlər və məndən izahat alan polis
müstəntiqi ayağımda hansı səbəbdən çatların yaranması və
pilləkəndən yıxılmağımla bağlı maraqlananda onlara
bildirmişdim ki, bunu heç kim eləməyib. Özüm təsadüfən
pilləkəndən yıxılaraq, ayağımı əzmişəm. Mənə elədiklərinə
baxmayaraq, kiminsə yaddaşında satqın kimi qalmaq
istəmirdim.
Amma xəstəxanaya düşməyimin əsl səbəbini Bahadur,
Rəvan və İbrahimdən hansısa biri kimlərəsə sızdırmışdı. Bu
xəbər də son nəticədə polis bölməsinə çatmışdı. İndi də
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
110
gəlmişdilər ki, “sən Allah bizi satma”, “səhv etmişik, bağışla
bizi.” Mən də onlara dedim ki, narahat olmayın, sizi
satmaram. Hiss elədim ki, mənim bu sözlərimdən sonra bir
balaca rahatladılar.
Mənim bu sözümdən sonra birdən həmin o yekəpər
Rəvan yerindən qalxaraq bilərəkdən özünü mənim çatlar olan
və həmin vaxt gipsdə olan qıçımın üstünə atdı. Elə bir dəhşətli
ağrı hiss etdim ki, az qaldım özümdən gedim. Həmin ağrının
şiddətini isə təsəvvür belə etmək mümkün deyildi. Gips
altında olan ayağımdan da nəsə səs gəldiyini hiss etdim.
Bundan sonra isə Rəvan mənə belə dedi: “ Ağzı nədi kiməsə bir
şey desin. Əgər bir şey desə, bu dəfə ayağını yox, bütün
sümüklərini sındırarıq.” Onun dediklərinə həmrəy çıxan
İbrahim və Bahadur isə əlavə olaraq mənə bunları da dedilər:
“ Əgər bizi satsan, onsuz da heç nə əldə edə bilməyəcəksən.
Dədələrimiz pul basaraq bizi sudan quru çıxardacaqlar.
Ortalıqda isə sən özün qalacaqsan.”
Nəysə bunlar çıxıb getdilər. Amma Rəvan özünü
ayağımın üstünə atanda, gipsdə olan və hələ də çatlamış
vəziyyətdə olan sümüklərin yerini tərpədibmiş. Həmin vaxt
problem yaranmasın deyə bunu heç kimə bildirmədim. Gips
açıldıqda isə onun altında gizlənən hər nə idisə artıq üzə çıxdı.
Elə həmin dəqiqə gözümə ayağımın əyri olduğu göründü.
Həkimlər özləri də heyrətə gəlmişdilər ki, görəsən niyə gipsdə
olarkən ayağım bu vəziyyətə düşüb. Yalandan dedim ki, yəqin
yatanda o yan bu yana çox hərəkət elədiyimə görə gipsdəki
qırıq və çatlaq sümüklər yerini dəyişib.
Beləcə, həkimlərin gərgin əməyinə baxmayaraq, mən
çolaq qaldım. Əvvəlki “Ləzgi Süleyman”, sonradan “Yetim
Süleyman”, indi də “Çolaq Süleyman” oldu. Bununla da
ürəyimdə tutduğum ən əsas arzumdan da məhrum oldum. Mən
bu torpaq uğrunda, bu vətən uğrunda şəhid olmuş atam kimi
Azərbaycanın ordusu sıralarında xidmət etməkdən başqa bir
şey istəmirdim. Yəqin ki, I cinayət aktında Bahaduru öldürüb
cəsədini Bayıl yamacına atarkən oradakı qumsallıq torpağa
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
111
baxıb hərbidə istifadə olunan ayaqqabı - BOT (“potinka”)
izlərini görmüsünüzsə mənim hərbiyə nə dərəcədə meylli
olmağımı da müəyyən etmisiniz.
Ümumiyyətlə, həmin il heç bir imtahana getmədim.
Özünüz fikirləşin, hansı ordu bir çolağa ehtiyac duyardı.
Beləcə, atamın qisasını da ala bilmədim...
Buna baxmayaraq, növbəti il qəbul imtahanlarda
iştirak eləyərək, Bakı Dövlət Universitetinin “Mexanika-
Riyaziyyat” fakültəsinə daxil oldum. Anamın bir arzusu heç
olmazsa mənim universitetə daxil olmağımı görmək idi. Çolaq
olmağıma baxmayaraq, heç olmazsa anamım bu arzusunu
yerinə yetirdim.
Ola bilsin, soruşacaqsınız ki, niyə ayağınızı həkimlər
yenidən sındırıb növbəti dəfə gipsə salmadılar. Çünki
xəstəxanada olarkən Rəvan özünü bilərəkdən əzilmiş
ayağımın üstünə atarkən sümük daxili iliyi zədələmişdi.
Ayağımı gipsdən açıb növbəti dəfə rentgenə salarkən həmin
faktı öyrəndik. Həmin vaxtlar Azərbaycanda belə bir şeyin
müalicəsi ya çox baha idi, ya da ümumiyyətlə, aparılmırdı. Bu
faktı isə bir vaxtlar cinayət işlərinin istintaqı aparılarkən
Səbael rayon prokurorluğuna çağırılanda mən elə olduğu kimi
sizə demişdim.
Rəvanın özünü bilərəkdən sümükləri çatlamış
ayağımın üstünə atması mənim həyatdakı ən böyük arzumu
ürəyimdə qoydu. Rəvan mənim bir ayağımı sındırmışdı, mən
isə Rəvanın bədənində bir dənə də olsun sındırılmamış sümük
buraxmadım. Hansı ki, bir vaxtlar xəstəxana palatasında onun
mənimçün işlətdiyi cümləni mən Rəvanın özünün üstündə
sınadım. Hüquq mühafizə orqanlarına nəsə deyəcəyim halda,
İbrahim atasının maşın sataraq qazandığı pulla bu işi ört-
basdır edəcəyini bildirmişdi. Amma mən İbrahimi elə atasının
idarə etdiyi maşınla o dünyaya göndərdim. Eyni şeyləri qəssab
oğlu Bahadur da mənə bildirmişdi. Mən də onu elə qəssab
kimi parçaladım.
Anam həyatdan nakam getdi...
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
112
Çünki min bir əziyyətlə böyütdüyü oğlunu axsaq
görmək anamı günü-gündən əldən salırdı. Ona görə də
xəstəxanadan çıxan gündən ancaq qisas almaq haqqında
düşünürdüm. Çolaq olmağıma dözməyən anamın bu qədər tez
vəfat etməsi, məndəki qisas hissini birə-beş artırırdı.
Elə bir dəqiqə, elə bir saat, elə bir gün yox idi ki, mən
qisas haqqında düşünməyim. Yeyəndə də, içəndə də, gəzəndə
də, istirahər edəndə də, hətta yatanda da qisas haqqında
düşünürdüm. Necə ki, onlar mənə heç vaxt unuda
bilməyəcəyim, bir əzab yaşatmışdılar. Mən də mütləq
onlardan qisas almalıydım.
Eyni zamanda cinayətləri elə ustlıqla yerinə
yetirməliydim ki, hadisə yerində mənə aid heç bir iz qalmasın.
Heç vaxt ələ keçməmək üçün tələsikliyə yol vermək olmazdı.
Ona görə də, həmişə axlımda müxtəlif planlar cızırdım. Yeni
hündür mərtəbəli evlərin tikilməsi ilə əlaqədar olaraq
yaşadığımız evin və məhəllənin plana düşərək sökülməsi
səbəbindən əlimdə kifayət qədər pul cəmləndi. Öz evimizi və
anamın uzun müddət baxdığı və artıq vəfat etmiş, vəfat
etməzdən öncə öz evini mənə bağışlamış qonşum rus qadının
evini yüksək qiymətə sataraq, Novxanıda özümə bağ evi
aldım. Şəhərdən tamamilə sakit bir yerə uzaqlaşandan sonra
planlarımı həyata keçirməyə başladım.
Bilirəm fikirləşəcəksiniz ki, bəs çolaq ola-ola, axsaya-
axsaya niyə sənin ayaq izlərin Bayıldakı qumsallıq və
torpaqlıq sahədə tam sağlam olan adamın ayaq izləri kimi
qalmışdı. Yaxud da qaraçı geyimində Rəvanın trenajor zalının
yaxınlığındakı obyektin kameralarına düşərkən niyə axsaya-
axsaya gəzmirdim. Eyni zamanda Moskvada İbrahimi qətlə
yetirən zaman kameralara düşən bəzi görüntülərim də mənim
çolaq olmadığımı göstərirdi.
Əslində isə mən artıq I cinayətimi törətdiyim vaxt tam
sağlam vəziyyətdə idim. Özüm qəsdən axsayırdım. Çünki heç
kim mənim sonradan çolaq ayaqlarımı cərrahiyyə əməliyyatı
ilə əvvəlki sağlam vəziyyətinə qaytardığımı bilmirdi.
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
113
Soruşacaqsan ki, bunu necə etmişdim ? İndi bu hadisənin də
əslini sizə izah edərəm.
Məktubun yuxarı hissəsində sizə yazmışdım ki, mənim
valideynlərim və onların yaxınları Xaçmaz rayonunun
Xraxoba kəndinin sakinləri idi. Bu kəndin sakinləri isə
Azərbaycan Respublikasının yox, Rusiya Federasiyasının
vətəndaşları sayılırdılar. O, kəndin uşaqları isə əksərən
təhsillərini Dağıstanda alırdılar. Mən IX sinifdə oxuyanda ana
babam bizimlə barışdı və mənim adımı qondarma sənədlərlə
Dağıstandakı məktəblərdən birinə yazdırdı. Bir müddət sonra
isə mənim ikili vətəndaşlığım yarandı – həm Azərbaycan
Respublikasının şəxsiyyət vəsiqəsi, həm də Rusiya
Federasiyasının pasportu. Bu isə sonradan mənə çox işləri
həyata keçirməkdə əsas vasitələrdən biri oldu.
2009-cu ildə Bakıdakı mənzilləri (həm öz mənzilimizi,
həm də evini bizə bağışlayan rus qadının mənzilini) satanda
əlimdə bir xeyli pul cəmləndi. Bu səbəbdən 2010-cu ildə
Azərbaycan vətəndaşının pasportu ilə Rusiyaya getdim.
Oradan isə qıçımda lazımi cərrahi əməliyyatın aparılması ilə
əlaqədar olaraq artıq Azərbaycan yox, gizli saxladığım Rusiya
vətəndaşının pasportu ilə İrana yollandım. Cərrahi əməliyyat
uğurlu keçdi. Mən tam sağlam vəziyyətdə Rusiyaya, oradan
da Azərbaycana qayıtdım. İranda çolaq ayağımın üzərində
aparılan cərrahi əməliyyatdan isə özümdən başqa heç kimin
xəbəri olmadı. Çünki bir sirri iki nəfər bilirsə, artıq o sirr
sayılmır. Mən isə düz 3 il müddətinə bilərəkdən hamı
qarşısında axsaya-axsaya gəzdim ki, heç kim məndən
şübhələnməsin.
Lakin
2012-ci
ilin
yanvarında
Azərbaycan
hökümətinin qəbul etdiyi qərarla Xraxoba kəndinin sakinləri
qarşısında belə bir tələb qoyuldu – ya Azərbaycan
Respublikasının vətəndaşlığına keçsinlər, ya da burdan Rusiya
Federasiyasına köçüb getsinlər. Bu qərardan sonra
yaxınlarımın ailələri də daxil olmaqla Xraxoba kəndinin bütün
sakinləri məcburi olaraq burdan Dağıstana köçüb getməli
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
114
oldular. Ana babam və bir neçə digər yaxınımdan başqa heç
kim mənim ikili vətəndaşlığımın olduğunu bilmirdilər. Mən
isə qisasımı almaq üçün burda Azərbaycanda – Bakıda
qaldım. İlk iki cinayəti törədərək Bahadur və Rəvanı aradan
götürdüm.
Həə... İndi birdən yadıma düşdü. Fikirləşəcəksiniz ki,
bəs ilk cinayətdə istifadə etdiyim avtomobil (TOYOTA
PRADO markalı) kimin idi? Bilirdim ki, gec və ya tez, gizlin
və ya aşkar şəkildə mənim avtomobilimi də ekspertlə
araşdıracaqsınız.
Onun
cinayətdə
istifadə
olunub-
olunmamasını dəqiqləşdirəcəksiniz.
Buna görə də maşınımın rəngini dəyişdirə bilməzdim.
Buna görə dərhal ələ keçə bilərdim. Onu da deyim ki,
kameralarda görüntülənən avtomobil də - şəxsən mənim
avtomobilim idi. Bəs bunu necə etmişdim?
Təbii ki, mən həmin günü avtomobilimlə ora-bura
hərəkət etdiyimdən şəhərdə kameraların yaddaşına düşən
avtomobilimi də sizdən necə sığortalamağı yaddan
çıxarmamışdım. Bunun üçün mağazadan sprey (dezodrant)
formasında olan və isti su ilə yuyulduqdan sonra tez bir
zamanda rəngi itən qara rəngli boya (kraska) aldım. Həmin
boya ilə ağ rəngli avtomobilimi bütünlüklə qaraya boyadım və
əvvəlcədən hazırladığım bir neçə qondarma nömrəni (hansı ki,
bu nömrələrdən biri əslində Bahadurun özünə məxsus idi)
maşınımın nömrə yerlərinə taxdım.
Beləcə, həmin gün şəhərdə eyni nömrəli çoxlu
avtomobil hərləndi. Cəsədi Bayıl yamacına atıb geri qayıdan
kimi isə dərhal maşınımı yudum. Sizə göndərdiyim bandrolun
içərsində məhz həmin sprey – boyanın da şəkli var.
Aradan götürmədiyim bir şəxs qalmışdı – o, da uzun
illərdi Moskvada yaşayan və məktəbi qurtardıqdan sonra heç
vaxt üzünü görmədiyim İbrahim idi.
2012-ci il sentyabr ayının əvvəllərində mən Xraxoba
kəndinin ərazisindəki gizlin yollarla Dağıstana keçdim.
Uşaqlıq illərində, xüsusilə tətil vaxtlarında həmin kənddə çox
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
115
olmuşdum və həmin kənd sakinlərinin bəzən gizlin yollarla
sərhədi hansı istiqamətdən keçdiyini öz gözlərimlə
görmüşdüm. Mən də həmin yollardan biri ilə sərhədi keçdim.
Moskavaya gedərək oradakı Dağıstanlı ləzgilər vasitəsilə
keçmiş sinif yoldaşım İbrahimin harada yaşadığını, nə ilə
məşğul olduğunu tam dəqiqliklə öyrəndim. Azərbaycana
qayıtdıqdan sonra onu qətlə yetirmək üçün planlar qurmağa
başladım. İbrahimi, özünün və atasının idarə etdiyi maşınla
öldürmək qərarına gəldim. Lakin bunun üçün həmin maşına
tam bələd olmalı idim.
Ona görə də işimi çox ehtiyatlı qurdum. Əvvəlcə məhz
İbrahimin idarə etdiyi maşından aldım. Həmin maşının bütün
xüsusiyyətlərini, o cümlədən açar olmadan naqillər vasitəsilə
mühərrikin işə salınmasını, siqnalizasiya sisteminə gedən
naqillər və digər özünəməxsus xüsusiyyətlərini öyrəndim.
Bunun ardından İranda yerləşən klinikalardan birinə zəng
edərək yalandan ayağımda problemin olduğunu bildirdim.
Müayinəyə getdikdə isə yenə də bilərəkdən axsadım və
klinikadakı məni müayinə edən həkimə çolaq ayağımın 2 il
öncə çəkilmiş rentgen kağızını təqdim elədim. Əgər siz bir
vaxtlar İrandakı həmin həkimlə əlaqə saxlamısınızsa o da sizə
mənim dediklərimi deyəcəkdi. Çünki o da bilmirdi ki, artıq
mənim ayağımda heç bir problem yoxdur. Bandrolun içində
göndərdiyim rentgen vərəqi və onun nə vaxt çıxarıldığını
təsdiq edən kağız da dediklərimə əyani bir sübutdur.
İrandan Azərbaycana qayıdandan sonra noyabr ayında
ana babamın Dağıstanda vəfat etdiyi xəbərini aldım. Yasa
getdim, amma elə oradan qayıdan günü bilərəkdən maşınımı
öz hasarımın tin hissəsinə çırpdım. Əlbəttə, yaxınını itirən bir
adamın belə bir qəza törətməsi heç kimdə şübhə oyatmazdı.
Avtomobilimi də məhz rul istiqamətdən hasara çırpdım. Hansı
ki, məhz elə o istiqamətdən mən avtomobilin naqillərini açıb,
onun bəzi xüsusiyyətlərini, o cümlədən açarsız işə
salınmasını, siqnalizasiyaya hansı naqillərin getməsini
öyrənmişdim.
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
116
Siz ola bilsin, İbrahimin maşınıyla mənim ikinci
maşınımın eyni markadan olduğunu bildikdən sonra bu barədə
istintaq təhqiqatı apara bilərdiniz. Ona görə də işimi ehtiyatlı
tutdum ki, maşının sirlərini öyrəndiyim üzə çıxmasın.
Qəza zamanı özüm rul arxasında idim, amma
əvvəlcədən elə tədbirlər görmüşdüm ki, çox da əzilməyim.
Avtoqəzadan sonra mən cəmi bir gün Xırdalan xəstəxanasında
qaldım. Daha sonra həkimlər evdə müalicə yazdılar. Mən isə
vaxt itirməyərək elə xəstəxanadan çıxdığım günü yenidən
sərhədi gizlin, qeyri-qanuni yollarla adlayaraq Dağıstana
keçdim. Daha sonra Moskvaya gedərək əvvəlcədən
planlaşdırdığım qətli törətdim. İbrahimi vurarkən maşının
qapısını açıq saxladım. Çünki hava yastıqları açılanda onun
arxasından çıxmaq çətin başa gəlirdi. Eyni zamanda bu tipli
maşınların qəza zamanı qapılarının blokirovka olunduğundan
da xəbərim vardı. İbrahimi divara mıxlayıb canını aldıqdan
sonra vaxt itirmədən Azərbaycana qayıtdım və evimdə
müalicəmi davam etdirdim.
Qeyri-qanuni sərhədi keçdiyim vaxtlarda həmişə
üzərimdə Rusiya Federasiyası vətəndaşının pasportunu
gəzdirirdim ki, əgər birdən tutulsam Azərbaycanla bağlılığım
bilinməsin.
Siz çox çalışsanız da cinayət aktlarının üstünü aça
bilmədiniz. Mən isə sonradan Bakıdakı və Azərbaycandakı
bütün mənə məxsus olan obyektləri bir-bir sataraq
yaxınlarımın yanına – Dağıstana, oradan da Rusiya
Federsaiyasının digər uzaq bölgələrindən birinə köçdüm.
Siz bu cümlələri oxuduğunuz zaman mən artıq min
kilometrərlə uzaqda olacam. Yəqin ki, bir müddət öncə 25 il
bundan əvvəl Bakıda və Moskvada baş vermiş cinayət işləri
də bağlanılıb. Amma hər nə olursa-olsun mən - mənə və
anama pislik edənlərdən qisas alırdım.
Pisliklərlə barışmaq əslində mənəviyyatsız insana
çevrilmək deməkdir. Ola bilsin bəzi insanlar fikirləşir ki, uzun
zaman keçdikdən sonra edilən pislikləri, haqsızlıqları unutmaq
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
117
olar. Qisas almaqdan əl çəkmək olar. Lakin mənim etdiklərim
sübut etdi ki, GECİKMİŞ QİSAS daha də
hşətli olur...”
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
118
MÜNDƏRİCAT
Ön söz............................................................................................. 3
I Fəsil.............................................................................................. 5
II Fəsil........................................................................................... 45
III Fəsil.......................................................................................... 71
IV Fəsil.......................................................................................... 91
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
119
VASİF ŞIXIYEV
GECİKMİŞ QİSAS
(
Detektiv roman
)
Dizayn
Aynur Qədirova
Korrektor
Südabə Şıxıyeva
Çapa məsul
Cavanşir Həsənov
Çapa imzalanmışdır: 15.09.2014
Qiyməti müqavilə yolu ilə
Tiraj: 120 ədəd
“SARAL POLİQRAFİYA”
nəşriyyatında çap edilmişdir.
Ünvan: Bakı şəhəri, Suraxanı rayonu, AZ 1089
Fikir və təklifləriniz üçün:
tel: 050-744-44-05 və ya e/mail: shikhiyev.vasif
@mail.ru
Dostları ilə paylaş: |