MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 53 - Bəlkə, Nəsimi rayon prokuroruna – öz həmkarınıza zəng edərək əlavə nəsə öyrənəsiz. - Xəbərlərin anonsuna baxan kimi zəng vuracaqdım. Amma istədim ki, sizdə yanımda olasınız. Prokuror dəstəyi qaldıraraq Nəsimi rayon prokuroruna zəng vurur. Hər iki prokuror əvvəlcə bir-biriləri haqqında hal- əhval tuturlar. Daha sonra Nəsimi rayon prokuroru bildirir ki, idmançı Rəvan Məmmədovun cəsədi daxili və xarici müayinə üçün Nəsimi rayon Tibbi ekspertiza və Potoloji Anotomiya idarəsinə göndərilib. Ekspertizanın ilkin nəticələri, yəni idmançının bədənində bir dənə də olsun salamat sümüyün qalmaması faktı məlumdur. Amma ekspertizanın əsas nəticələri sabah bilinəcək. Onlar da sabaha kimi bu cinayət işinin istintaqını bir müstəntiqə həvalə edəcəklər. Cavabında Səbael rayon prokuroru bildirdi ki, bir müddət öncə onların rayonunda da buna oxşar bir cinayət hadisəsi baş verib. Əgər hər iki cinayət hadisəsinin eyni ssenari üzrə törədildiyi müəyyənləşdirilərsə, törədilən hər iki cinayət aktının istintaqını iki prokurorluğun nümayəndələri birgə aparmalı olacaqlar. Qarşılıqlı əməkdaşlıq barədə razılıq əldə olunandan sonra prokuror sağollaşıb dəstəyi yerə qoydu. - Özün hər şeyi eşitdin Allahverdiyev. Sabah Nəsimi rayon prokurorluğuna gedərsən. Orada törədilən cinayət hadisəsi və onun ekspertizasının nəticələri ilə tanış olarsan. Bax gör həmin cinayət aktının - istər cinayətin törədilmə prosesi olsun, istərsə də ki, ekspertizasının nəticələri həqiqətən bizim rayon ərazisində baş verən cinayət aktı ilə uyğunluğu varsa, birlikdə bu məsələni həll edək. - Oldu, cənab prokuror. Tərlan səhəri günü Nəsimi rayon prokurorluğuna yollandı. Prokurorluqda ona bildirdilər ki, baş vermiş cinayət aktının istintaqını aparacaq müstəntiq bir müddət öncə ekspertiza idarəsinə yollanıb. Buna görə də Tərlan yenidən maşına əyləşərək təcili həmin idarəyə yollandı. İdarəyə daxil olduqda dəhlizdə ilk qarşısına çıxan şəxs onun tanışı çıxır. Bu www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 54 şəxs Bakı Dövlət Universitetinin “HÜQUQ” fakultəsində təhsil alarkən Tərlanın qrup yoldaşı olan Ramin Qasımov idi. Onlar artıq tələbəlik illərindən bir yerdə olublar. Universitetdə oxuduğu illərdə aralarında yaranan müsbət münasibət onları hətta yaxın dosta çevirmişdir. Onlar hətta prokurorluq orqanlarında işə qəbul imtahanını da bir yerdə veriblər. Tərlan həmin vaxt Səbael rayon prokurorluğunda, Ramin isə Nəsimi rayon prokurorluğunda işə qəbul olunmuşdu. Onlar heç zaman bir-biri ilə əlaqələrini kəsməmişdilər. Vaxtları olmayanda belə ən azından telefonla zəng edərək bir-birindən hal-əhval tuturdular. Ramini birdən- birə qarşısında görən Tərlan əvvəlcə onunla görüşüb- salamlaşır. Daha sonra təəccüblə: - Sabahın xeyir, Ramin. Səhər tezdən burda xeyir ola ? - Sabahın xeyir, Tərlan. Qəribə adamsan. Morqda nə vaxtdan xeyir işin olduğu görünüb. Ötən gün baş verən qətl hadisəsi ilə bağlı prokurorluqdan göndəriblər. Bəs sən hara, bura hara? Sən burda nə gəzirsən? - Elə məni də bizim pokurorluqdan göndəriblər. Yoxsa sənə srağagün qətlə yetirilən idmançı Rəvan Məmmədovun qətlinin istintaqını tapşırıblar ? - Bəli. Sən hardan bildin ? - Bir az bundan qabaq sizin prokurorluğa getmişdim. Dedilər ki, cinayət işini araşdıran müstəntiq bura yollanıb. Bilirsən, bu işin sənə həvalə olunmağı lap əla oldu ? - Tərlan... Yaxşı görək də... Burda birin xırt-xəşil eləyib öldürüblər, bədənində bir dənə də olsun salamat sümük saxlamayıblar. Sən də deyirsən ki, lap əla oldu. - Yəqin ki, xəbərin yoxdu. 1 aydan bir az artıq olar. Bizim rayon ərazisində də təqribən buna oxşar bir cinayət hadisəsi baş vermişdi. Həmin cinayət işinin istintaqını aparmaq da mənə həvalə olunub. Bu qədər müddətdə nə qədər çalışsam da, cinayətin hansı səbəbdən və kim tərəfindən törədildiyinə dair yekdil məlumat toplaya bilməmişəm. Əgər ekspertiza nəticəsində hər iki cinayətin eyni ssenari əsasında törədildiyi www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 55 müəyyən olunarsa, o zaman birlikdə bu işin istintaqını aparar və tez bir zamanda hər iki cinayət işinin üstünü açmış olarıq. - Sən yəqin ki, balta ilə parça-parça edilərək cəsədi Bayıl yamacına atılan şəxsin cinayət işi haqda danışırsan. Elədir ? - Bəli. - Xəbərim var idi, Tərlan. Amma bu cinayət işinin istintaqının sənin tərəfindən aparıldığını bilmirdim. Təklif edirəm ki, gedək ekspetizanın nəticələri ilə tanış olaq. Əgər həqiqətən də hər iki cinayət hadisəsinin törədilməsində oxşarlıq varsa, onda sənin dediyin kimi istintaqa bir yerdə davam edək. Keçmiş tələbə yoldaşları Tərlan və Ramin morqa daxil olaraq cəsədin ekspertizasının nəticələri ilə tanış olurlar. Morqdakı həkim-ekspert onları qarşılayaraq birlikdə cəsədin saxlanıldığı kameraya daxil olurlar. Həkim müstəntiqləri xarici və daxili müayinədən keçirdiyi cəsədin tibbi- ekspertizasının nəticələri ilə tanış etməyə başlayır. Eyni zamanda həkim-ekspert Raminə tapşırır ki, bəzi faktları mütləq qeyd etsin. Bundan sonra həkim ekspertizanın nəticələrini açıqlamağa başlayır. - Cəsəd xarici və daxili müayinədən keçirilmişdir. Müəyyən edilmişdir ki, üzərinə ağır idman alətləri, ştanq daşları və qantellər tökülməmişdən öncə cinayətkar mərhumun gicgah nahiyəsindən vuraraq onu huşsuz, bir növ özü üçün təhlükəsiz hala gətirmişdir. Qarşısındakını özü üçün təhlükəsiz hala gətirdikdən sonra cinayətkar trenajor zalındakı ağır idman alətlərini, ştanq daşlarını və qantelləri onun üstünə tökərək, bədəninin müxtəlif yerlərinə çırparaq onu qətlə yetirmişdir. Kəllə sümüyü də daxil olmaqla Rəvan Məmmədovun bədənindəki sümüklərin demək olar ki, 80-90%-i sındırılmışdır. Ekspertizanın son nəticəsi bundan ibarətdir. Burada həkimin dediyi “Üzərinə ağır idman alətləri, ştanq daşları və qantellər tökülməmişdən öncə cinayətkar mərhumun gicgah nahiyəsindən vuraraq onu huşsuz, bir növ özü üçün təhlükəsiz hala gətirmişdir” cümləsi Tərlanın yaman diqqətini çəkdi. Bunu nəzərə alan Tərlan həkimin dediklərini Yüklə 2,96 Kb. Dostları ilə paylaş:
|