MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 38 maşının öz həqiqi nömrəsi ilə, ikincisi özünün düzəltdiyi qondarma nömrələrlə. - Əgər bu maşın kənardan şəhərə daxil olmayıbsa və sizin də qeyd etdiyiniz kimi həmin ərəfədə kiminsə maşını qaçırılmayıbsa, belə qənaətə gəlmək olar ki, həmin maşın da, həmin maşının sahibi də hal-hazırda şəhərdədir ? - Sizin dediyiniz fikrin həqiqiliyini yoxlamaq üçün biz aprel ayı ərzində şəhərə gələn və şəhərdən gedən bütün qara rəngli “PRADO”-ları nəzərdən keçirdik. Amma yenə də, ortaya bir şey çıxmadı. Maşın məsələsi hələ də qaranlıqdır. - Düz deyirsiniz. Hələlik maşın məsələsi qaranlıqdır. Amma sizin verdiyiniz təklifə uyğun olaraq harada olmasından asılı olmayaraq respublika ərazisindəki bu markadan olan bütün avtomobillərin hamısını və onların sahiblərini tək-tək nəzərdən keçirdərik. O, zaman da avtomobil məsələsi qaranlıq qalsa fikirləşib başqa bir yol taparıq. Hər kimdisə, bu qatil çox peşəkar biridir. Prokuror bu sözləri dedikdən sonra bir qədər susdu, otağa bir sakitçilik çökdü. Daha sonra o, əli ilə müstəntiqə davam etməsi üçün işarə etdi. Qovluqdakı məlumatlara nəzər yetirən müstəntiq Allahverdiyev cəsədi müayinə edən həkim-ekspertin dediklərini yenidən təkrarladı və onu da əlavə etdi ki, mərhum cəsədi tapılan günün gecəsi 1 neçə saatın içərisində qaçırılıb, boğularaq qətlə yetirilib və cəsədi hissələrə parçalanıb. Bunu həmin gəncin telefon nömrəsinin araşdırılması da sübut edir. Amma telefon danışıqları ilə yox, nəzərdən keçirdiyimiz tək bir mesajla. Aprel ayının 15-i, bazar günü öldürülən gəncin - yəni Bahadurun tanışlarından birinin ad günü olub. Bahadur da, bir neçə yaxın yoldaşı ilə birlikdə həmin ad günündə olub. Onlar ad gününü gecə yarısına kimi restoranlardan birində qeyd ediblər. Maşınla olsalar da, hamısı spirtli içki qəbul edib, həmçinin Bahadur da. Daha sonra dəniz kənarına, ardınca şəhərdəki barlardan birinə gedərək xeyli əyləniblər və www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 39 gecəyarını keçəndən sonra hərəsi bir maşına əyləşərək öz mənzillərinə yollanıblar. Bahadur maşınında tək olub və düz evlərinin önünə kimi gəlib çıxıb. Maşından düşüb evlərinə tərəf addımlayıb, amma evə çata bilməyib. Axırıncı olduğu yerə qədər telefon siqnallarını izləmişik. Maşından düşəndən bir az sonra Bahadurun nömrəsindən atasının, yəni Kərimin telefonuna bir mesaj göndərilib. Mesajda yazılıb ki, “Ata, bu gecə ad gününü qeyd edən Xəzərgildə qalacam. Sabah ordan birbaşa işə gələcəm. Məndən ötrü narahat olmayın”. Belə bir mesajı alan atası oğlunun hansısa cinayətkarın əlinə keçəcəyini təbii ki, düşünməyib. Ona görə də, övladlarının yoxa çıxmasından ailə yalnız aprelin 16-sı günortadan bir xeyli keçdikdən sonra xəbərdar olublar. Atasının dediyinə görə səhər evdən çıxanda Bahadurun maşınını həyətdə görərək bir qədər təəccüblənir. Çünki onun bildiyinə görə Bahadur ad gününə öz maşını ilə getməliydi. Sonra da fikirləşir ki, yəqin içki qəbul edəcəyinə görə maşınını götürməyib. Ata işə - yəni Təzə bazarın yaxınlığında yerləşən qəssabxanasına yollanır, amma nə qədər gözləyir oğlu gəlib çıxmır. Fikiləşir ki, oğlu yorğun olduğundan onun yanına gəlməyib, evə gedər. Günortadan sonra evə qayıdanda oğlunun hələ də qayıtmadığını görərək narahat olmağa başlayır. Ata əvvəlcə oğluna zəng vurur. Oğlanın nömrəsinə zəng çatsa da, o nədənsə telefonu götürmür. Bundan sonra mərhumun atası Kərim ötən gecə ad gününü qeyd edən oğlanın nömrəsini axtarıb tapır və ona zəng vurur. O, isə bildirir ki, Bahadur axşam onlarda qalmayıb. Üstəlik də Bahadur öz maşını ilə evlərinə qayıdıb. Bunu eşidən ata artıq narahat olmağa başlayır. Çünki maşın həyətdə idi, amma Bahadur yox idi. Deməli, nəsə düzgün deyildi. Bundan sonra ailə bütün qohum-əqrabalarına, yaxınlarına, tanışlarına, həmçinin övladlarının dost-tanışlarına zəng vuraraq, onlardan Bahaduru soruşurlar. Lakin zəng www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 40 vurduqlarından heç kim Bahaduru gördüm demir. Buna baxmayaraq oğlanın telefonuna hələ də zəngin çatması ailə üzvlərinin yenə də müsbət bir şeyə olan ümidini itirməyib. Buna görə də ayın 16-sını ailə üzvləri təlaş içərisində də olsa birtəhər yola verirlər. Bu zaman televiziyada yayımlanan xəbərlərdə gənc oğlanın qətlə yetirilməsi və 2 gün ərzində hələ də qətlə yetirilən şəxsə kiminsə sahib çıxmaması ilə bağlı xəbərin tez- tez yayımlanması ailənin diqqətini çəkib. Uşağın atası dərhal bizim prokurorluğa gəlib və sonra baş verənləri də artıq siz özünüz bilirsiniz. Bahadurun ailəsindən aldığımız məlumat, ad günündə iştirak edən yoldaşlarının dedikləri və həm də bizim istintaq təhlillərimiz Bahadurun dəqiqliklə aprelin 15-i gecə yarısı dostu Xəzərin ad günündə olduğunu, dostların birlikdə restoranda yeyib-içdiklərini, birlikdə dəniz kənarına, oradan da bara yollandıqlarını sübut edir. Onun dəniz kənarında və barda olduğunu daha sonra isə evinə yollandığını küçələrdə quraşdırılmış kameraların görüntüləri də qismən təsdiq edib. - Dediniz ki, öldürüldüyü gün Bahadur 1 neçə yoldaşı ilə birlikdə dostları Xəzərin ad günündə olublar – birlikdə yeyiblər-içiblər, əyləniblər, küçədə-parkda dolaşıblar. Bəs yaxşı həmin ad günündə və ondan sonrakı saatlarda Bahadurun kiminləsə dalaşması və ya mübahisə etməsi barədə nəsə öyrənə bilmisinizmi? - Nə ad gününün keçirildiyi restoranda, nə də ki, dostların bir yerdə olduğu müddətdə, ümumiyyətlə, belə bir problem yaşanmayıb. - Bəs əvvəlki zamanlarda? - Bu oğlan cinayət törətməyə meylli olmasa da, hər halda qanun-qaydanı gözləyən və sakit biri də olmayıb. Müəyyən zamanlarda onun bəzi şəxslərlə kiçik də olsa konfiliktləri olub. Eyni zamanda şəxsi maşını, bir qədər öncə qeyd etdiyim həmin vaz 2107 vasitəsilə dəfələrlə avtoxuliqanlıq etməsi də məlumdur. Həmin o kiçik konfiliktlərin nədən Yüklə 2,96 Kb. Dostları ilə paylaş:
|