MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 23 müəyyən qədər aralıda baltanı üzə çıxardıqdan sonra ona toxunmamışdılar. Eyni zamanda müstəntiqə bildirildi ki, Bayıl yamaclığında it vasitəsilə axtarış apardıqdan sonra həmin baltanı məhz cəsədin tapıldığı ərazidən bir qədər aralıdan tapıblar. Amma balta yerə atılmamışdı, kiçik çuxurda basdırılmışdı. Baltanın üzərinə baxdıqda hiss olunurdu ki, orada az da olsa qan ləkələri var. Bu isə onun cinayətdə istifadə olunduğuna bir işarə idi. Baltanın tapıldığı yeri diqqətlə nəzərdən keçirən müstəntiq Allahverdiyev yanındakı ekspertə tərəf çevrilərək: - Sizə elə gəlmirmi ki, baltanı burda basdırmaqla cinayətkar bizi maddi sübutun üzərinə çıxarıb? - Yoldaş müstəntiq, onsuz da cinayətkar cəsədi bura atmaqla bizi onun üstünə çıxarıbsa, baltanı burda basdırmasında mən artıq qəribə heç nə görmürəm. Siz nəyə görə belə qənaətə gəldiniz? - Kənardan baxdıqda elə ilk dəfədən belə qənaətə gəlmək olur ki, bu çuxur qazılmayıb əvvəlcədən burda olub. Sadəcə cinayətkar baltanı bu çuxura atdıqdan sonra ayağı ilə baltanın üstünü torpaqlayıb. Əgər bu qatil baltanı gizlətmək istəsəydi, ya da ümumiyyətlə, tapılmamasını istəsəydi burdan dənizə kimi elə də uzaq yol yoxdu. Elə aparıb atardı ora da... - Siz gəlməmişdən öncə, yoldaşlar şahid mən də bir ekspert kimi elə siz deyən şeyləri demişdim. Həmçinin müəyyən etmişik ki, cəsədin yanındakı ayaq izləri ilə burdakı izləri tamamilə bir-birinə uyğundur. Cəsəd bura bir adam tərəfindən gətirilib. Balta da elə həmin adam tərəfindən bura basdırılıb. Həmin şəxsin ayağında çox güman ki, hərbidə istifadə olunan BOT (yəni potinka) olub. O, bura maşınla gəlib. İdarə etdiyi maşını da elə bayaq siz öz maşınınızı saxladığınız yerdə saxlayıb. - Siz tamamilə əminsinizmi ki, cinayətkar bu əraziyə maşınla gəlib və mərhumu da həmin maşınla gətiribmiş? - Böyük ehtimalla bəli. Çünki ayaq izlərinə baxdıqda görünür ki, qatil əvvəlcə cəsədin hissələrini doldurduğu 1 salafanı, www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 24 sonra isə geri qayıdaraq 2-ci salafanı bura sürüyə-sürüyə gətirib. Cəsədin hissələrini salafanlardan çıxararaq bura düzüb, baltanı yaxın bir yerə basdırıb və ondan sonra da, elə gəldiyi kimi də çıxıb gedib. Bu ərazi qumsal-torpaqlıq olduğundan ayaqqabısının altına və aralarında həmin torpaqdan dolur. Amma qatil 2-ci dəfə geri qayıdarkən siz elə maşınınızı saxladığınız yerdə ayaqları sanki maşın qapısı önündə dayanıbmış kimi cütlənir və birdən yoxa çıxır. Deməli həmin cinayətkar bu əraziyə maşınla gəlir və elə maşınla da gedir. - Bəs maşın barədə nəsə öyrənə bilmisinizmi? - Maşın barədə heç nə. Çünki qatil yuxarıdan bura gələ-gələ (ekspert Şəhidlər Xiyabanı tərəfdən Bayıl yamacına doğru yuxarıdan aşağı uzanan asfalt yolunu göstərir) maşının sürətini yavaş-yavaş azaldıb. Burdan çıxıb gedəndə isə yerdən surəti çox asta götürüb. Ona görə də gördüyün yolun heç bir hissəsində qatilin sürdüyü maşının təkər izinə rast gəlinməyib. Bu da ondan irəli gəlir ki, çox güman cinayətkar cəsədi bu əraziyə öz şəxsi maşınında gətirib. Təbii ki, özünü ələ vermək istəməyən qatil maşınını elə ustalıqla idarə edib ki, biz onun bu əraziyə hansı tip maşınla gəldiyini öyrənə bilməmişik. - Bəs yaxşı, 1 neçə saatın içərisində bu boyda qətli ardıcıllıqla və sərbəst yerinə yetirən qatil bu cəsədi yox edərdi, yandırardı və ya ümumiyyətlə, elə bir yerə atardı ki, illərlə izinə rast gələ bilməzdik. Görəsən o niyə cəsədi hər kəsin görə biləcəyi ber yerə gətirib ? - Bütün bunlar bizə onu deməyə əsas verir ki, törədilən cinayətin içində bizim bilmədiyimiz qaranlıq məqamlar var. Ona görə də qatil özü nədənsə bizi cinayətin detallarına aparır. Yoldaş müstəntiq, siz nə buyurursunuz? - Baltanı və salafanları ekspertizaya göndərin. Öyrənin ki, onun üzərində görünən qan ləkələri ilə mərhumun qanı bir- birinə tam uyğun gəlirmi. Eyni zamanda baltanın və polietilen salafanların cinayətdə istifadə olunduğu sübut olunarsa, www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 25 onların üzərində barmaq izlərinin olub-olmamasına da diqqət edin. Müstəntiqin göstərişindən sonra balta ekspertiza üçün çuxurdan götürüldü. Müstəntiq onunla söhbət edən ekspertlə bir kənara çəkilərək söhbətlərini davam etdirdi. İlk öncə söhbətə ekspert başladı: - Öldürülənin şəxsiyyətini dəqiqləşdirmisinizmi? - Hələ ki, yox. Dünən və bu gün bütün kanallarda bu qətllə bağlı xeyli xəbər yayımlanıb. Amma hələ ki, heç kim bu öldürülənə sahib çıxmayıb. Bura gəlməmişdən qabaq morqdaydım. Morqdakı həkim-ekspert mənə maraqlı bir fakt dedi – sən demə bu cinayəti törədən cinayətkar əvvəlcə mərhumun gicgah nahiyəsindən vurub, onu huşsuz hala gətirib. Daha sonra onu asıb və tamamilə öldüyünə əmin olduqdan sonra mərhumun bədənini hissələrə ayırıb. - Belə çıxır ki, bu cinayətkar əməlli-başlı manyak imiş. - Hələ heç nə bilmirik. Mənə maraqlı gələn cinayətkarın mərhumu asmasıdır. Siz deyirsiniz ki, qatil bura maşınla gəlib. Cəsəd də həmin maşında olub. Sizin dedikləriniz məndə heç bir şübhə doğurmur. Amma ola bilərmi ki, bütün bu gördüklərimiz aldadıcı bir fənd olub. Qatil mərhumu burda vurub, burdakı şam ağaclarının birindən asıb və elə burda da hissələrə ayırıb. - Ola bilər. Bəzən peşəkarların törətdiyi cinayətlərdə aldadıcı fəndlərə rast gəlmək olur. - Ona görə təklif edirəm ki, bu şübhələrə son qoymaq üçün gəlin elə sizinlə birlikdə bütün bu yaxın ərazini gəzək. Bəlkə cinayətlə bağlı əlavə nəsə tapa bildik. Müstəntiq Allahverdiyev öncədən bura gəlmiş polis çavuşlarını və prokurorluq orqanı işçilərini yanına çağıraraq təlimat verməyə başladı: “Ətrafa yaxşı-yaxşı göz gəzdirin. Ağacların altına və alt budaqlarına diqqətlə baxın. Kəndir və ya buna bənzər bir əşya tapsanız, eyni zamanda burdakı ləpirlərə bənzər əlavə ləpir görsəniz tez xəbər edin”. Yüklə 2,96 Kb. Dostları ilə paylaş:
|