MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 26 Müstəntiqin təlimatından sonra şəxsən onun özü, ekspertlər və digər şəxslərlə birlikdə təqribən 1 saata yaxın müddətdə həmin ərazidə və ağacların altında axtarış işləri ilə məşğul oldular. Amma qətlə aid ola biləcək kiçicik bir əşya da tapa bilmədilər. Eyni zamanda əlavə ayaq izlərinə də rast gəlinmədi. Bütün bunlar isə ərazidə baltanı tapan ekspertin dediklərini “Qatil bura maşınla gəlib. İdarə etdiyi maşını avtomobil yolunun kənarında saxlayıb. Daha sonra bədənin hissələrini doldurduğu salafanları sürüyə-sürüyə bura gətirib. Cəsədin hissələrini salafandan çıxararaq bura düzüb, baltanı yaxın bir yerə kor-kobud basdırıb və ondan sonra da, elə gəldiyi kimi də çıxıb gedib” fikrini bir daha sübut etdi. Müstəntiq Allahverdiyev ərazidə gəzişə-gəzişə burada təhqiqat aparan ekspertlərlə müəyyən qədər söhbət apardı. O, bir qədər öncə ekspertin dediklərini əlində gəzdirdiyi dəftərcəsinə qeyd edirdi. Tərlan Bayıl yamacındakı işini yekunlaşdıraraq prokurorluğa qayıtmaq üçün maşınına əyləşdi. Elə maşınını təzəcə işə salmışdı ki, yenidən telefonuna zəng gəldiyini hiss etdi. Mühərriki söndürərək, telefonuna baxdı. Zəng edən yenə də prokuror idi. Prokuror ona bildirdi ki, iki gündür televiziya kanallarında 25-30 yaşlarında gəncin öldürülməsi xəbərinin tez-tez yayılmasını eşidəndən sonra övladlarının itməsi ilə bağlı bir ailə bizim prokurorluğa və Səbael rayon polis idarəsinə müraciət etmişdir. Allahverdiyev təcili olaraq prokurorluğa qayıtsın. Öldürülən şəxsin bu ailənin övladı olub-olmamasını müəyyənləşdirmək lazımdır. Prokurorluq binasına daxil olarkən foyedə dayanan bir şəxs dərhal Tərlanın diqqətini çəkdi. Ortayaşlı, ortaboyulu, fikirli və narahat görünürdü. Tez-tez foyenin gah o başına, gah da bu başına addımlayırdı. Tərlan asta addımlarla prokurorluq növbətçisinin otağına yaxınlaşarkən, diqqətini həmin şəxsə yönəltdi. Dünən cəsədi tapılan oğlanla bu şəxs arasında az da olsa, oxşarlıq var idi. Deməli, hər nə qədər acı olsa da, qətlə www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 27 yetirilən gənc bu atanın oğlu idi. Tərlan növbətçiyə yaxınlaşaraq, foyedəki şəxsi ona göstərdi. - Bu şəxsdi, övladının itməsi ilə bağlı müraciət eləyən ? - Bəli, yoldaş müstəntiq. - Ona nəsə demisiniz? - Xeyr, yoldaş müstəntiq. Prokuror bildirdi ki, müstəntiq Allahverdiyev özü şəxsən gəlsin müraciət edən şəxslə birgə morqa getsinlər. - Məndən başqa daha kimsə bizimlə gedəcək. - Xeyr, yoldaş müstəntiq. Prokuror bildirib ki, siz onu öz maşınınızla aparasınız. - Yaxşı, prokurora zəng vur, dəstəyi ver, mənə. Növbətçi daxili telefonla prokurora zəng vuraraq, telefonun dəstəyini müstəntiq Allahverdiyevə uzatdı. Tərlan prokurora bildirdi ki, o, oğlunun itməsi ilə bağlı müraciət edən şəxsi morqa aparır. Razılıq aldıqdan sonra Tərlan foyedəki naməlum şəxsin yanına gəldi və əl uzadaraq onunla görüşdü. - Övladınızın itməsiynən bağlı siz müraciət etmisiniz? - Bəli. - Gəlin, mənlə gedək. Həmin şəxs daha heç nə demədən Tərlanın arxasınca getməyə başladı. Prokurorluq binasından çölə çıxdıqda isə Tərlan hiss etdi ki, arxasınca gələn şəxs bir balaca istiqamətini dəyişdi. Geriyə çevrildikdə isə həmin şəxsin başqa maşına doğru getdiyini gördü. - Siz hara gedirsiniz? - Maşınla gəlmişəm. - Onda belə edək. Öndə mən gedim, arxamca da siz gələrsiz. - Yaxşı, necə deyirsiniz. Beləcə öndə müstəntiq Allahverdiyev Tərlan, arxada isə öz oğlunun itməsi xəbəri ilə müraciət edən şəxs Səbael rayon prokurorluğunun Tibbi Ekspertiza və Patoloji Anotomiya idarəsinə yollandılar. Maşınla morqa doğru şütüyərkən Tərlan tez-tez güzgüdən həmin şəxsin onun arxasınca gəlməsinə baxırdı. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 28 Tərlan maşını tələsmədən idarə etdiyi halda hiss edirdi ki, arxadan gələn şəxs yaman səbirsizdir. Elə hey onu qabaqlayıb önə keçmək istəyirdi. Hələ prokurorluğun binasında olduqları anda Tərlanın qəribə baxışlarla onu sezməsi də həmin şəxsdə müəyyən şübhələr oyatmışdı. Yol boyu Tərlan güzgüdən ona baxdıqda bir neçə dəfə həmin şəxsin telefonla danışdığını da gördü. Yəqin ki, ona tez-tez zəng vuranlar onun həyat yoldaşı və ya digər yaxınlarıydı. Yəqin ki, onlar da səbirsizliklə bir xəbərin verilməsini, dəqiq məlumatın əldə olunmasını gözləyirdilər. Yol boyu Tərlan həmin şəxsin siması ilə dünən cəsədi tapılan və bir qədər öncə morqda gözü önündə olan gənc oğlanın simasını bir daha gözü önündə qarşılaşdırdı. Tərlan 100% olmasa da, böyük ehtimalla qətlə yetirilənin bu şəxsin övladı olduğunu yəqin etdi. Artıq günorta idi və nəhayət ki, onlar morqa gəlib çıxdılar. Birlikdə morqa daxil olanda onları səhər saatlarında Tərlanla söhbət edən həkim-ekspert qarşıladı. Tərlanın yanındakı şəxsi görən həkim-ekspert də işin nə yerdə olduğunu anladı. Həkimin onu necə sezdiyinə fikir verən həmin şəxs də deyəsən baş verənlərdən duyuq düşmüşdü. Həkim-ekspert onlara arxasınca gəlmələrini bildirdi. Tərlan hiss edirdi ki, artıq atanın gözləri dolub, yaş damcıları gilələnməyə başlayıb, ayaqları isə irəli getmir, sanki yerlə sürünürdü. Cəsədlərin saxlanıldığı kameraya yaxınlaşdıqda isə Tərlan daha irəli getməyərək qapı önündə dayandı. Həkimin və həmin şəxsin kameraya daxil olmasından bir neçə saniyə keçmişdi ki, içəridən dəhşətli bir bağırtı səsi gəldi. İçəridən inilti, hıçqırıq, ağlaşma səsi kəsilmirdi. Bu zaman dəhşətli səsə daha bir neçə morq işçisi də içəri daxil oldular. Lakin onlar cəsədlər saxlanılan kameraya yaxınlaşdıqda qapının önündə prokurorluq işçisinin dayandığını görüb daha irəli getmədilər, işin nə yerdə olduğunu anladılar. Eyni zamanda Tərlan da bir əl hərəkəti ilə onlara dayanmalarını və geri qayıtmalarını işarə etdi. Yüklə 2,96 Kb. Dostları ilə paylaş:
|