MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 14 prokurorluğa tapşırılsa, onda sizin üzərinizə daha çox məsuliyyət düşəcək. Baş vermiş qətl hadisəsinin istintaqını aparan səlahiyyətli müstəntiq məhz siz olacaqsız. Bu sizin gənc müstəntiq kimi hər hansı cinayət işinin araşdırılması ilə bağlı əsas işlərinizdən biri olacaq. Mənim bilidiyimə görə indiyə kimi sizdə qətllə bağlı hər hansı istintaq işinin aparılması olmayıb. Elədirmi ? - Elədir, cənab prokuror. - Lap yaxşı. İndi buradan çıxaraq, cəsədin aparıldığı tibbi ekspertiza idarəsinə (morqa) yollanarsan. Cəsədin tibbi ekspertizanın ilkin nəticələrini tam öyrənərək və sənədləşdirərək günortaya kimi bura qayıdarsan. Çalış bu cinayət işi ilə bağlı araşdırma aparan Səbael rayon polis bölməsi ilə də tez-tez əlaqə saxlayasan. Onlara tapşırmışam ki, şəhərin digər rayonlarının polis bölmələri ilə əlaqə saxlasınlar. Əgər son vaxtlarda, ya da bir müddət öncə itən və ya axtarışa verilən hər hansı bir gənclə bağlı məlumata rast gəlsələr, bizimlə əlaqə saxlayacaqlar. - Əlbəttə, törədilmiş cinayət aktının digər detallarını axtarıb – araşdırmaqdan ötrü mərhumun şəxsiyyətinin dəqiqləşdirilməsi vacibdir. - Hələlik bu qədər, Allahverdiyev. Nəsə başqa sualın var? - Xeyr, cənab prokuror. Tərlan prokurorun kabineti tərk etmək istəyirdi ki, birdən prokuror onu səsləyərək saxladı. - Hə, bir də indi yadıma düşdü. Dünən cəsəd tapılan ərazidə yenidən axtarış aparmaq üçün xüsusi ekspert qrupu göndərmişəm. Həmin ərazini təzədən qarış - qarış axtaracaqlar. Ola bilsin ki, qətl və ya bu qətli törədən şəxs barədə ərazidə nəsə əlavə bir dəlil tapa bilsinlər. Çalış onlarla da əlaqə saxlayasan. Əgər əlavə bir şey öyrənsələr, o zaman ora da baş çəkərsən. - Oldu, cənab prokuror. Prokurorun kabinetini tərk etdikdən sonra müstəntiq Allahverdiyev şəxsi maşınına əyləşərək, Səbael rayon www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 15 prokurorluğunun Tibbi-ekspertiza və Patoloji Anatomiya idarəsinə yollandı. Çünki, dünən cəsəd ərazidən götürüldükdən sonra əvvəlcə daxili və xarici müayinə üçün həmin idarəyə göndərilmişdi. Tibbi-ekspertiza və patoloji anotomiya idarəsinə (və ya morqa) gəldikdən sonra müstəntiq Allahverdiyev cəsədi müayinə etmiş həkim-ekspertlə tanış oldu. Sonra Tərlan həkimlə birlikdə cəsədin saxlanıldığı kameraya gələrək ekspertizanın nəticələri ilə tanış olmağa başladı. Həkim- ekspert ötən gün cəsədi yararaq, onu həm xarici, həm də daxili müayinədən keçirmişdi. Müstəntiq əlində saxladığı qeyd kitabçasını çıxararaq, hazır vəziyyətdə saxladı ki, lazım olarsa bəzi məlumatları burada qeyd etsin. Cəsədə yaxınlaşar-yaxınlaşmaz ilk öncə müstəntiq sual verməyə başladı. - Dünən biz cəsədi ərazidən tapdıqda orada heç bir yerdə bir damcı belə qan izinə rast gəlməmişdik. Sadəcə kəsik yerlərdəki bir-iki qan laxtasını deməsək. Bunu onunla izah etmək olarmı ki, cəsəd hissələrə parçalanarkən mərhum artıq həyatda olmayıb? - Düz deyirsiniz. Qatil mərhumu hissələrə ayırarkən mərhum artıq həyatda olmayıb. Ölən adamdan isə qan axması əlbəttə ki, mümkün deyil. Bəlkə də, mərhumdan azacıq qan axa da bilərdi. Amma qatil bunu yaxşıca təmizləyib. - Bəs başqa nə iləsə sübut etmək olarmı ki, qatil cəsədi hissələrə parçalayarkən mərhum həyatda olmayıb? - Əlindəki dəftər - qələmini kənara qoy və oradakı əlcəkləri əlinə geyin. Həkim kənardakı stolun üzərindəki əlcəkləri müstəntiq Allahverdiyevə göstərdi. Müstəntiq onun göstərdiyi kimi əlindəki qeyd dəftərini və qələmini kənara qoyaraq, əlcəkləri geyindi və həkimin yanına qayıtdı. - Yaxına gəl və diqqətlə bax. Özün də əmin ol. Həkim barmaqlarını cəsədin baş hissəsinin sol gicgah nahiyəsinə apardı və həmin hissəni Tərlana göstərərək www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 16 “barmaqlarınla buranı yoxla və sonra da əyil bax” dedi. Müstəntiq də həkimin dediyi kimi həmin hissəni barmaqları ilə yoxlamağa və göz gəzdirməyə başladı. Bu zaman həkim- ekspert yenidən söhbətinə davam etdi. - Diqqətlə fikir verirsənsə, həmin hissə əzilib və göyərib. Elədi ? Həmin hissəni təkrar yoxlayan müstəntiq Allahverdiyev başı ilə razlığını bildirdi. Həkim isə yenidən söhbətinə davam etdi. - Cinayətkar əvvəlcə ağır bir vasitə ilə mərhumun gicgah nahiyəsindən vuraraq, onu özü üçün təhlükəsiz hala gətirib. Çox güman ki, zərbə yaxın məsafədən vurulub. Çünki birbaşa lazımi nöqtəyə - gicgah nahiyəsinə tuşlanıb. Özü də qatil bunu elə bir məqamda edib ki, qətlə yetirilən şəxs öz qatilindən belə bir hərəkəti gözləmirmiş. - Niyə belə əminsiniz ? - Əgər az da olsa, mərhum belə bir şeyi əvvəlcədən gözləsəydi müqavimət göstərərdi, bədəninin digər yerlərində də əzilmə və ya döyülmə müşahidə olunardı. Amma mən bədəninin digər hissələrində belə bir şeyə rast gəlməmişəm. Eyni zamanda onun dırnaqlarının arasına bax, burada heç bir qırıntı və əşya qalığı, yoxdur. Əgər dırnaqların arasında nəsə qalsaydı, bu onu deməyə əsas verərdi ki, mərhum nəyisə dartışdırıb və ya müqavimət göstərib. Heç bir şey yoxdur. Deməli qətlə yetirilən öz qatilindən belə bir zərbəni gözləmirmiş. - Dünən biz cəsədi tapanda hiss etdik ki, ondan müəyyən qədər spirtli içki iyi gəlir. Bəs bu barədə nə deyə bilərsiniz? Spirtli içkinin təsirindən ayaq üstə dura bilməyənin başqasına müqavimət göstərməsi sizcə nə qədər inandırıcı ola bilər? - Onu düz deyirsiniz, mərhum spirtli içki də qəbul edibmiş. Mən cəsədi yararaq onun daxilini də müayinə etmişəm. Yediklərinə fikir verdikdə belə qənaətə gəlmək olar ki, rəhmətlik ölməmişdən qabaq deyəsən qonaqlıqda olub. Amma içdiyi sadəcə pivə olub və maksimum 1 və ya 2 bakal. Bu qədər pivənin də kimisə piyan etməsi mümkün deyil. Bayaq Yüklə 2,96 Kb. Dostları ilə paylaş:
|