MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 50 Alıcılarının tələbini ödəmək istəyən yapon balıqçıları daha uzaq məsafələrə üzməyə başlayırlar. Lakin uzaqlara getdikcə geriyə dönmək daha çox vaxt almağa başlayırdı. Səfərin bir-iki gündən artıq sürməsi isə tutulmuş balıqların təzəliyinə təsir edirdi. Yaponlar isə təzəliyi itmiş balıqların dadını xoşlamırdılar. Bu problemi həll etmək üçün balıqlçılar gəmilərə soyuducu yerləşdirdilər. Beləcə onlar çox uzaqlara gedəcək, tutduqları balıqları isə soyuducularda donduraraq, saxlaya biləcəkdilər. Yapon xalqı isə təzə balıqla donmuş balığın dadı arasındakı fərqi yaxşı hiss edir və donmuş balıqlara pul ödəmək istəmirdi. Bu dəfə balıqçılar gəmilərə akvarium qoymaq qərarına gəldilər. Düzdür, akvariumda balıqlara darlıq olur, hətta balıqlar bir-birinə dəyərək bir az keyləşirdilər. Ancaq yenə də canlı qala bilirdilər. Əhali canlı olmalarına baxmayaraq, akvarium balıqları ilə digər balıqlardakı dad fərqini yaxşı anlayırdı. Hərəkətsiz halda günlərcə yol gələn balığın dadı canlı və hərəkətli balıqdan, əlbəttə fərqli olacaqdı. Təzə və dadlı balıq Yaponiyaya necə gətiriləcəkdi? Yaponlar bu məsələni də həll etdilər. Onlar balıqları yenə gəmilərlə və yenə akvariumda gətirdilər. Ancaq akvariumun içinə kiçik bir köpək balığı atdılar. Balıqların bir qismi köpək balıqları tərəfindən yeyildi, lakin geridə təzə və hərəkətli balıqlar qalırdı. Qolu güclü olan birinə üstün gələr, ağlı güclü olan çoxuna..... “EUROVİSİON”-un final mərhələsinin səhəri Azərbaycanda çox ağır bir qətl hadisəsi ilə açıldı. Final mərhələsinin keçirildiyi gecə (26 may, 2012) Rəvan www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 51 Məmmədov adlı paytaxt sakininin qətlə yetirildiyi məlum oldu. Qətlə yetirilən şəxs - Rəvan Məmmədov isə nəinki Azərbaycanda, həmçinin dünya miqyasında tanınmış bir idmançı idi. O, ağır atletika üzrə dəfələrlə Azərbaycan çempionu, Dünya və Avropa birinciliklərinin qalibi olmuşdu. 27 may 2012-ci ildə səhər saatlarında Rəvan Məmmədov şəxsi idman salonunda (trenajor zalında) qətlə yetirilmiş halda tapıldı. Cəsədin tapıldığı gün səhər saatlarında Nəsimi rayonu 22-ci polis bölməsinə qətl hadisəsi ilə bağlı zəng daxil olur. Cinayətin törədildiyi yerə gələn polis bölməsinin əməkdaşları qətlə yetirilən şəxsin həm respublikada, həm də dünya miqyasında tanınmış ağır atletika çempionu Rəvan Məmmədov olduğunu öyrənirlər. Ailəsinin verdiyi məlumata görə idmançı hər gecə ona məxsus olan trenajor zalına gələrək burda məşq edirmiş. Məhz elə cinayət törədildiyi gecə də idmançı özünə məxsus olan trenajor zalına gələrək məşq edirmiş. İçəridə heç kimin olmamasını müşahidə edən cinayətkar da, yaranmış vəziyyətdən istifadə edib. Trenajor zalına daxil olan naməlum şəxs içəridə yerləşən ağır idman alətləri, ştanq daşları, həmçinin qantellər vasitəsilə idmançının qol-qabırğsaını sındıraraq onu qətlə yetirir. Cəsədin tapıldığı yerə gələn daxili işlər və prokurorluq orqanlarının nümayəndələri, həmçinin ekspertlər müəyyən edirlər ki, qətlə yetirilən şəxsin bədənində bir dənə də salamat sümük qalmamışdır. Amma hələlik qətlin kim tərəfindən və hansı səbəbdən törədildiyi məlum deyildi. Cəsəd daxili və xarici müayinə üçün Nəsimi rayon Tibbi ekspertiza və Potoloji Anotomiya idarəsinə yollanır. Baş vermiş cinayət işinin istintaqı isə Bakı şəhəri, Nəsimi rayon prokurorluğuna həvalə olunur. Əgər bir müddət öncə qəssablıqla məşğul olan Bahadurun vəhşicəsinə öldürülməsi xəbəri elə də ciddi səs- küyə səbəb olmamışdısa, bu cinayət aktında məşhur www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 52 idmançının öldürülməsi paytaxtda və respublikada böyük rezonans doğurdu. Həmin gün işdə - kabinetində oturan Tərlan baş verən cinayətdən xəbərsiz halda istintaqını aparıdığı cinayət hadisəsi ilə bağlı topladığı faktları qarşısına tökərək incələyir, ortaq məxrəcə gəlməyə çalışırdı. Bu zaman kabinetdəki daxili telefona zəng gəlir. - Bəli. (zəng edən prokuror idi) - Allahverdiyev, nəylə məşğulsan ? - Həmişəki kimi. Üzərində işlədiyim cinayət işinin istintaqı ilə bağlı topladığım faktlara baxıram. - Təcili mənim kabinetimə gəlin. Tərlan “Oldu” deyərək prokurorun kabinetinə yollanır. Kabinetə daxil olarkən prokurora “Nəsə ciddi bir şey baş verib, cənab prokuror ?” - deyə sual verir. Prokuror isə Tərlana “Əyləşin və televizorda cinayət işi ilə bağlı yayımlanan xəbərə diqqətlə baxın” cavabını verir. Tərlan prokurorun bu göstərişindən sonra masada əyləşərək, prokurorla birlikdə televizorda yayımlanan xəbərlərə baxmağa başladı. Bu zaman idmançı Rəvan Məmmədovun qətli ilə bağlı xəbər videoçarxla birlikdə yayımlanmağa başlayır. Hər iki şəxs sakitcə bu xəbəri sona qədər dinləyirlər. Həmin xəbər başa çatdıqdan sonra prokuror televizoru söndürür və Tərlana tərəf çevrilərək: - Yadınıza gəlir mayın əvvəllərində həm siz, həm də mən belə qənaətə həldik ki, bu manyak cinayətkar “EUROVİSİON” ərəfəsində yaranan qarışıqlıqdan istifadə edərək ola bilsin əlavə cinayətlər törədəcək ? - Bəli, aramızda bu barədə söhbət olmuşdu. - Bax bu da əyani sübut. Ola bilsin deyəcəksən ki, “Biz indi bu dəqiqə hardan bilək ki, bu cinayəti də həmin manyak törədib, ya yox?” Axı ortada nə fal var, nə də ki, yumurta. Amma nədənsə mənə elə gəlir ki, bu 2 cinayəti eyni adam törətmişdir. Yüklə 2,96 Kb. Dostları ilə paylaş:
|