MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 11 nahamar olduğuna görə) maşına tərəf irəliləməyə başladılar. Onların sağ və solunda, onlarla birgə addımlayan polislər isə jurnalistləri cəsədə yaxın buraxmırdılar. Cəsəd təcili yardım maşınına qoyulub, qapılar bağlandıqdan sonra maşın həyəcan işıqlarını işə salaraq sürətlə ərazidən uzaqlaşdı. Cəsəd ekspertiza aparılması üçün Səbael rayon prokurorluğunun Tibbi ekspertiza və potoloji anatomiya idarəsinə aparıldı. Həmin gün Səbael rayon prokurorluğunun əməkdaşları baş verən cinayət hadisəsi ilə bağlı Bakı şəhərinin digər prokurorluqları və polis bölmələri ilə əlaqələr yaratdılar. Xüsusilə də prokurorluğun müstəntiqi hansı ki, səhər saatlarında KİV-ə müsahibə verən Tərlan Allahverdiyev prokurorun tapşırığına uyğun olaraq bu işdə daha çox fəallıq göstərdi. Qətlə yetirilən şəxsin xarici görünüşü haqqında məlumatlar, həmçinin onun şəkilləri adları keçən idarələrin hər birinə göndərildi. Tapşırıldı ki, hələlik şəxsiyyəti müəyyənləşdirilməyən həmin şəxs haqqında hər hansı bir məlumat əldə etsələr tez bir zamanda həmin məlumatı Səbael rayon prokurorluğuna göndərsinlər. Gərgin iş günü ilə əlaqədar olaraq həmin günü Səbail rayon prokurorluğunun əksər əməkdaşları işdən həmişəki vaxtda yox, daha gec ayrılmalı oldular. Eyni zamanda prokurorluğun əksər əməkdaşına tapşırıldı ki, sabah səhər saatlarında əvvəlki günlərdən də tez prokurorluqda olsunlar. Gecə saatlarında prokurorluğun binasını tərk edən müstəntiq Tərlan Allahverdiyev yorğun halda evinə yollandı. Şam yeməyindən imtina edən Tərlan mətbəxdə həyat yoldaşı ilə birlikdə çay içə-içə kanallarda yayımlanan xəbərlərə tamaşa edirdi. Bu zaman televizorda yayımlanan xəbər başlıqlarında Tərlanı görən həyat yoldaşı ona tərəf çevrilərək: - Ay Tərlan, televizora çıxırsan, heç xəbər eləmirsən ? - Olmaz - olsun, elə televizora çıxmaq. - Niyə ki,? - Sən hələ həmin xəbərə sonacan bax, ondan sonra deyərəm. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 12 Baş verən cinayət hadisəsi ilə bağlı Tərlanın səhər saatlarında KİV-ə verdiyi müsahibə xəbərlərdə sonadək yayımlanır. Birlikdə xəbərləri sonadək izlədikdən sonra, qadın yenidən həyat yoldaşına sual verməyə başlayır. - Deməli, yorğunluğunun və iştahasızlığının səbəbi buna görə imiş. - İnanırsan, indiyə qədər səhər yediyimin üstündəyəm. - Əgər sən yemək yeməsən, öldürüləni dirildib geri qaytaracaqlar ? - Düzdür, geri qaytarmayacaqlar. Amma mən gördüyümü sən də görsəydin, bəlkə, heç bir ay boğazından bir tikə belə çörək keçməzdi. Neçə illərdi xidmət edirəm, amma indiyəcən belə bir dəhşətli qətlə rast gəlməmişəm. - Doğrudan, sən bayaq danışanda mərhumun necə öldürüldüyü haqda bir kəlmə də demədin. Necə öldürüblər ki, onu ? - Qətlə yetirilən oğlanın əvvəlcə başını bədənindən ayırıblar. Daha sonra növbə ilə qollarını biləkdən, dirsəkdən və çiyindən olmaqla üç hissəyə ayırıblar. Ayaqlarını da hissə-hissə topuqdan, dizdən və buddan olmaqla üç hissəyə ayırıblar. Sonra cinayətkar bədənin ayrı-ayrı olan hissələrini bir salafana dolduraraq Bayıldakı boş yamaclığa gətirib. Daha sonra bədənin ayrı-ayrı hissələrini torpağın üzərində tam bədən formasına uyğun olaraq düzmüşdür. Tərlan bu sözləri danışdıqca həyat yoldaşının əti ürpəşməyə başladı. Hər nə qədər bu sözləri eşitmək çətin olsa da, qadın sonuna qədər ərinin dediklərini dinlədi. Tərlan cümləsini bitirdikdən sonra həyat yoldaşı hadisə barədə ona daha heç bir sual vermədi və bir neçə dəqiqə sakitcə, danışmadan beləcə oturdular. Qətlin hansı səbəbdən törədilməsini bilməsə də gənc oğlanın belə qəddarlıqla öldürülməsini eşidən qadın çox bikef oldu. Səhəri gün Tərlan prokurorluğun foyesinə daxil olan kimi növbətçi ona bildirir ki, prokuror Tərlanın onun kabinetinə gəlməsini əmr etmişdir. Prokurorun kabinetinə getməzdən öncə Tərlan idarədə onunla qarşılaşan bəzi www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 13 həmkarlarından dünənki qətllə bağlı hansısa bir məlumatın əldə olunub-olunmaması barədə soruşur. Amma ona bildirdilər ki, hələlik hər hansı bir idarə onlara heç bir məlumat verməyib. Eyni zamanda heç kim onlara qətlə yetirilənin onların yaxını olacağı barədə də müraciət etməyib. Bundan sonra Tərlan prokurorun kabinetinə yaxınlaşaraq qapını döyür. İçəridən “Gəlin” səsini eşitdikdən sonra, qapını açaraq otağa daxil olur. - Sabahınız xeyir, cənab prokuror. Məni əmr etmisiniz. - Sabahın xeyir, Allahverdiyev. Prokuror daha sonra Tərlana “Buyur, gəl, əyləş” deyərək qarşı tərəfdəki stullardan birini göstərir. Prokurorun işarəsindən sonra Tərlan onun göstərdiyi stulda əyləşir. Tərlan əyləşdikdən sonra prokuror yenidən sözünə davam edir. - Bildiyimə görə dünən cəsədini tapdığımız qətl hadisəsi ilə bağlı hələlik heç nə məlum deyil. - Cənab prokuror, sizin kabinetinizə qalxmazdan öncə idarəmizin bəzi əməkdaşlarımızdan bu haqda soruşdum. Onlar da elə siz deyəni təkrar etdilər. - Allahverdiyev, hələ ki, cəsədin şəxsiyyətini müəyyən etməmişik. Ola bilsin həmin şəxs bizim rayonun, ya Bakı şəhərinin başqa bir rayonunun və yaxu da respublikanın digər rayonlarından birinin vətəndaşı ola bilər. Buna görə də cəsədin şəxsiyyəti və cinayətin işinin digər detalları dəqiqləşdirildikdən sonra baş vermiş cinayət işinin istintaqını, ümumiyyətlə, bizim prokurorluq aparmaz. O zaman cinayət işinin istintaqı ilə bağlı əldə olunan məlumatları digər prokurorluqlara və ya polis bölmələrinə göndərərsiniz. Amma hələ ki, bütün bunlar məlum deyil. Üstəlik də cəsəd bizim rayonun ərazisində tapılıb. Ona görə də hələlik bu cinayət işinin araşdırılmasını sənə həvalə etmişik. Tapşırmışam bu cinayətlə bağlı bütün sənədləşdirməni, istintaq işlərini sizin adınıza keçirsinlər. Amma yox birdən həmin şəxs elə bizim rayonun vətəndaşı olsa və bu cinayət işinin istintaqı bizim Yüklə 2,96 Kb. Dostları ilə paylaş:
|