MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 47 əksəriyyətinin, cinayətin törədildiyi gecə həmin ad günündə iştirak edənlərin, hətta oğlanın atasının və digər yaxınlarının telefon zəngləri dinlənilsin. Hələlik istintaq işimizi ancaq bu yöndə aparacağıq. Çünki digər yönlərdəki istintaq işimiz hələ ki, bir qədər məhduddur. Siz tapşırdınız ki, xəbəri olmadan mərhumu tanıyanlardan bəziləri izlənilsin. Bunu da əlavə təşkil edə bilərik. Əməkdaşlarımız imkan düşdükcə bəzi şəxsləri müəyyən qədər izləyəcəklər. - Yaxşı, Allahverdiyev. Siz dediyiniz kimi işimizi “EUROVİSİON”-dan sonra yenidən tam qaydasında davam etdirərik. Amma istintaq işinin gedişini ləngitmək olmaz, cinayəti isti izlərlə açmaq daha məqsədəuyğundur. Bir də dediyin kimi sənin üçün avtomobil salonlarında və maşın bazarlarında hələlik satılmayan bu tipli maşınların öyrənilməsi ilə bağlı, istintaq aparmaq üçün xüsusi icazə alacam. Sən nə indi, nə də bundan sonra başqa heç nəylə məşğul olma. Səni prokurorluqda cavabdeh qalmaqdan da, azad edirəm. Bütün işini-gücünü kənara qoyaraq ancaq bu cinayət işinin araşdırılması ilə məşğul olmalısan. Bir də ola bilsin ki, öldürülən oğlanın atası Kərim bizdən nəsə gizlədir. Amma onun uzaq keçmişdə kiminləsə bir balaca da olsa, münaqişəsi, yaxud problemi olub. Sən bu yönə də yaxşıca nəzər yetirərsən. Əgər bu cinayət işini vaxtından əvvəl və təkbaşına aça bilsən, bax sənə söz verirəm rütbənin bir il öncə və ya bundan da tez qaldırılmasını öz öhdəmə götürürəm. - Oldu, cənab prokuror. - Hə, bir də - indi bu dəqiqə yadıma bir şey düşdü. Bayaq siz dediniz ki, oğlan və atası rayon yerlərindən qoyun-quzu gətirib, şəhərdə kəsib satırdılar. Elədi ? - Bəli. - Hər ehtimala qarşı onların hardan və kimlərdən heyvan alıb gətirməsi ilə də maraqlanın. Ola bilsin ki, birdən oralarda kiməsə atıb eləyərlər və yaxud da bunların kiminləsə bir problemi olar ? Həmin adam da oğlunu öldürməklə Kərimdən qisas almaq fikrinə düşər. Çünki həmin şəxs bunların www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 48 qəssablıqla məşğul olmasını yəqin ki, bilirmiş. Bax bu istiqamətə də, bir nəzər yetirin. - Yaxşı, yadıma saldınız. Düzünü desəm heç belə bir şey mənim ağlıma gəlməmişdi. - Ola bilsin, törədilən cinayətlə bağlı apardığın bu istintaq işi sənin gələcək karyeranda mühüm rol oynayacaq. Hər bir detala fikir ver, çalış heç nə nəzərindən yayınmasın. Mən elə günü bu gün cənab baş prokurorla əlaqə saxlayaraq xahiş edəcəm ki, bizim prokurorluğun və şəxsən sənin özünün lazımi idarələrlə - yəni Daxili İşlər Nazirliyi və Dövlət Gömrük Komitəsi ilə əlaqə saxlamağına köməklik göstərsin. Bu haqda icazəni alan kimi sizə xəbər verəcəm ki, dərhal işə başlayasınız. İndi isə gedə bilərsiz. Tərlan prokurorla görüşüb-sağollaşaraq, onun kabinetini tərk elədi. Bir neçə saat sonra prokuror Tərlana zəng edərək bildirdi ki, respublikanın baş prokuroru lazımi dövlət idarələri ilə əlaqə yaradaraq cinayət işinin istintaqının lazımi səviyyədə aparılması üçün istənilən icazəni almışdır. Bundan sonra Səbael rayon prokurorluğunun və şəxsən müstəntiq Allahverdiyev Tərlanın istədiyi bütün idarələrə bu haqda müraciət etməsinə heç bir əngəl yox idi. Tərlan prokurorun tapşırığına uyğun olaraq bir neçə gün ərzində Bakı şəhərində bazarlarda və salonlardakı qara rəngli bütün “TOYOTA-PRADO” markalı avtomobilləri gözdən keçirdi. Daha sonra həmin əməliyyatlar respublikanın bütün şəhər və rayonları ərazisində də davam etdirildi. Eyni zamanda Tərlan sırf bu məsələ ilə əlaqədar Dövlət Gömrük Komitəsinə yollandı. Komitənin əməkdaşları Tərlana hərtərəfli yardım göstərdilər. Aprel ayı ərzində respublikaya gələn, respublika ərazisini tərk edən və respublikada hələlik tranzit nömrə ilə istifadədə olan qara rəngli bütün “PRADO”- lar və onların sahibləri haqqında olan məlumatlar Tərlana təqdim edildi. Lakin bu yolla o, heç bir şeyə nail ola bilmədi. Həmin avtomobillərin heç birinin cinayətdə görüntülənən maşınla www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 49 uyğunluğu yox idi. Avtomobillərin heç birindən cinayətə aid kiçik detal belə tapılmadı. Daha sonra Tərlan prokurorluğun və Səbael rayon polis idarəsinin bir neçə əməkdaşı ilə birlikdə öldürülən oğlanın atası qəssab Kərimi, Kərimin “Təzə bazar” yaxınlığında yerləşən qəssabxanasının ətarfındakı digər ticarət obyektlərinin sahiblərini və Bahadurun qətlində şübhəli kimi görünən daha bir neçə nəfəri gizli-gizli izlədilər. Onların nə vaxt və hara getməsinə, kimlərlə görüşməsinə diqqət yetirdilər. Lakin istintaqçılar bununla da, heç bir şeyə nail ola bilmədilər. Eyni zamanda prokurorun son əmrinə uyğun olaraq, Tərlan və daha bir neçə prokurorluq əməkdaşı həmin ərəfədə rayonlara gedərək Kərimin və oğlu Bahadurun kimlərdən heyvan alması ilə də maraqlandılar. Öyrənməyə çalışdılar ki, ata-oğulun rayonlarda heyvan alveri zamanı kimlərləsə problemi olub, ya yox. Lakin sonuncu cəhd də, özünü doğrultmadı. Çünki araşdırılan və öyrənilən faktlardan heç biri cinayəti açmağa kömək etmirdi. Əslində öyrənilən faktların, ümumiyyətlə, cinayətə aidiyyatı belə yox idi. Bu zaman şəhərdə baş verən növbəti cinayət aktından sonra hadisələr tamamilə başqa bir yöndə cərəyan etməyə başladı... II F Ə S İ L Yaponlar suşini çox sevirlər. Xüsusilə, suşi təzə balıqdan hazırlanarsa. Yaponiya sahillərində balıq çox olmadığından yaponlar balıq ovlamaq üçün əsasən Kuril adalarına üzürdülər. Lakin Yaponiya II Dünya Müharibəsində məğlub olduğuna və Kuril adaları onun əlindən alınaraq SSRİ-yə verildiyinə görə balıqçılar artıq bu ərazidə ov edə bilmirdilər. Yüklə 2,96 Kb. Dostları ilə paylaş:
|