www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
44
- Son vaxtlar paytaxtda və respublikanın digər bölgələrində
qız üstündə oğlanların bir-birini bıçaqlaması və ya qətlə
yetirməsi ilə bağlı cinayət aktlarına da tez-tez rast gəlirik.
Xüsusilə də bu gəncin subay və evlənmə yaşında olması bu
versiyanın da önəmli olmasına təsir edir. Bu haqda nə deyə
bilirsiniz ?
- Sizin dediyiniz bu versiyanı da nəzərdən keçirdik. Bu
versiya üzərindən çoxları ilə apardığımız söhbətlər və istintaq
işi də özünü doğrultmadı.
- Yaxşı, bəs bu adamı niyə öldürüblər ? Niyə onu qəssab kimi
parça-parça ediblər?
- Cənab prokuror. Cinayətin yetirilmə prosesinə özünüz bir
diqqət yetirin - bu böyüklükdə şəhərdə başqa yerdə balta
tapılmırdı ki, cinayətkar gedib məhz Bahadurun və onun atası
Kərimin birgə işlətdikləri baltanı oğurlasın ? Əgər bu
cinayətkar istənilən maşın nömrəsinin kopiyasını çıxarda
bilirdisə niyə həmin günü idarə etdiyi maşına məhz
Bahadurun şəxsi maşınının nömrəsini vursun ? Yaxud da niyə
qətlə yetirdikdən sonra Bahadurun cəsədini ortalıqdan yox
etməsin, yandırmasın və ya gizlətməsin? Əvəzində hamının
görə biləcəyi bir yerə gətirib atsın. Bütün bunlar sübut edir ki,
qatil bu cinayətə uzun müddətdir ki, hazırlaşıb. O, həmçinin
Bahaduru uzun müddətdi izləyirmiş və sadəcə lazımi məqamı
gözləyirmiş ki, onu ələ keçirib qətlə yetirə bilsin.
Ümumiyyətlə, bu cinayətin kim tərəfindən və niyə törədilməsi
versiyasına gəldikdə burada iki versiya yaranır. Birinci
versiya
ondan ibarətdir ki, baş vermiş cinayətin arxasında mərhumdan
və onu qətlə yetirən qatildən başqa heç kimin bilmədiyi bir
sirr var. Məhz bu sirr də bizə cinayəti açmaqda çətinlik
törədir. İkinci versiya ondan ibarətdir ki, Avropa və Amerika
filmlərinə baxdıqda həmin filmlərdə heç bir səbəb olmadan,
sadəcə törətdiyi cinayətdən zövq almaq xətrinə dəhşətli qətllər
törədən manyaklara çox rast gəlmişik. Məhz ikinci versiya da
ondan ibarətdir ki, mərhumu sadəcə törətdiyi cinayətdən zövq
alan bir manyak qətlə yetirib. Həm də bu manyak - çox ağıllı
www.kitabxana.net
– Milli Virtual-Elektron Kitabxananın e-nəşri
Vasif Şıxıyev
Gecikmiş qisas
45
bir manyakdır. Ola bilsin ki, həmin bu manyak bir müddət ara
verdikdən sonra yenidən kimisə qətlə yetirsin.
- Allahverdiyev, cinayətin törədilmə prosesinə nəzər
yetirdikdə sizin də qeyd etdiyiniz kimi qatilin bu işə lap
çoxdan hazırlaşdığını dəqiqliklə müşahidə etmək mümkündür.
O, əvvəlcədən Bahaduru necə oğurlamağı, harada qətlə
yetirməyi, qətlə yetirdikdən sonra hara aparmağı da
planlaşdırmışdır və bütün bunları da yerinə yetirərkən heç bir
səhvə yol verməmişdir. Sizin dediyiniz kimi bu cinayət, sırf
əvvəlcədən planlaşdırılan cinayət olub. Təsadüfi bir gündə və
təsadüfi bir vaxtda bu böyüklükdə cinayəti törətmək və
ortalıqda heç bir iz-toz buraxmadan aradan çıxmaq olmaz.
Üstəlik sizin dediyiniz hər iki versiya bu cinayət üçün keçərli
ola bilər.
- Cənab prokuror, düzünü desəm bir qədər çıxılmaz vəziyyətə
düşmüşəm. Düzdür, həm bizim prokurorluqda, həm də bu
cinayət işinin istintaqı ilə bağlı əlaqələr saxladığım, müraciət
etdiyim bütün idarələrdə mənə kifayət qədər köməklik
göstəririlər. Amma hələ ki, yekdil bir fikrə vara bilmirəm. İndi
siz özünüz nə məsləhət görürsünüz ?
- Düzdür, sonda sizin dediklərinizi ümumiləşdirərək belə
qənaətə gəlmək mümkündür ki, həqiqətən də, bu cinayəti
törədən şəxs başdan xarab manyakın yekəsidir. Ola bilsin,
onun nə qətlə yetirdiyi şəxslə, nə də onun ailəsi ilə heç bir
əlaqəsi və ya düşmənçiliyi yoxdur. Amma bu dediklərimizə
tam əmin olmaq üçün məsləhətim odur ki, istitaq işinin əhatə
dairəsini daha da genişləndirin, onun törədilmə səbəblərini
daha da əvvəlki vaxtlarda axtarın. Şəhərin bütün polis
bölmələrinin əməkdaşları ilə də daha sıx əlaqə saxlamaq
lazımdır. Biz mütləq öldürülən oğlanın yaşadığı evin, atasının
işlədiyi qəssabxananın ətrafında heç kimə hiss etdirmədən
izləmə işlərinə başlamalıyıq. Ola bilsin nəsə bir şey tapa
bilərik. Bir məsələ də aydındır ki, qatil bu oğlanın
evlərinə gec
qayıdacağından xəbərdar imiş. Ona görə də öyrənmək
lazımdır ki, qatil oğlanın evə gec və tək gələcəyini kimdən və