MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 41 qaynaqlandığını, nəticəsinin necə olduğunu və digər hadisələr haqqında da məlumatlar topladıq. Konfiliktdə olduğu bir neçə şəxsi sorğu-sual etdik, olduğu məkanlara baxdıq, gizlincə izlədik, amma elə bir ciddi fakta rast gəlmədik. Həmin şəxslər haqqında topladığımız məlumatlara əsaslanaraq dəqiqliklə deyə bilərəm ki, Bahadurun kiçik konfiliktləri olduğu şəxslərdən heç biri bu oğlanı öldürməyib. İstintaqın gedişində biz həmin şəxslərin əksəriyyətini bizim prokurorluğa və polis bölmələrinə dəvət edərək sorğu-sual etmiş, telefon danışıqlarına qulaq asmış və hətta onların hər birini ayrı- ayrılıqda gizlincə izləmişik. Amma onlardan hansısa birinin baş vermiş cinayət aktında təqsirkar bilməyə şübhə yaradacaq bir kiçicik fakta belə rast gəlməmişik. Bura kimi Tərlanın dediklərini diqqətlə dinləyən prokuror onu maraqlandıran sualla yenidən Tərlana müraciət etdi. - Allahverdiyev, bəs bayaq dediyin o telefonun axırı necə oldu ? - Cənab prokuror, mesaj göndəriləndən sonra telefon söndürülməyib, sadəcə olaraq səssiz rejimə keçirilib. Daha sonra isə ərazi yaxınlığındakı küçə sularını axıtmaq üçün qoyulan kanalizasiya quyusuna atılıb. Ona görə də ailəsi və digər insanlar tərəfindən dəfələrlə zəng edilsə də, telefona cavab verən olmayıb. Daha sonra enerjisinin qurtarmasına görə telefon sönərək həmin quyuda qalıb. Əməkdaşlarımızın mobil operatorla saxladıqları əlaqəyə görə həmin telefonun 2 gün ərzində eyni yerdə olduğunu müəyyən etdik. Telefon sonradan enerjisinin qurtarması səbəbindən sönsə də, biz həmin telefonu elə bayaq dediyim kimi mesajın göndərildiyi yerin yaxınlığındakı quyudan tapdıq. - Yaxşı ad gününü bildik, telefonu bildik. Bayaq dedin ki, balta bunun öz baltası olub və bununla bağlı bir məlumatı mənə deyəcəksən. Nə məlumatdı o elə? - Cənab prokuror, bir qədər öncə qeyd etmişdim ki, öldürülən oğlanın atası qəssabdır. Özünün də “Təzə bazar” yaxınlığında www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 42 qəssabxanası var. Oğlan da atasının yanında işləyirdi. Cinayətdə istifadə olunan balta da Bahadurun atası Kərimlə birgə işlətdikləri baltadır. - Yaxşı bəs necə olub ki, atanın baltası ilə oğulu doğrayıblar. Amma atanın bundan xəbəri olmayıb. - Aprel ayının əvvəllərində, yəni törədilən cinayətdən bir-iki həftə öncə Kərimin “Təzə bazar” yaxınlığındakı qəssabxanasında oğurluq hadisəsi qeydə alınıb. Gecə saatlarında qapının kilidini qıraraq qəssabxanaya girən oğru içərini ələk-vələk eləyib, gedəndə isə buradan ancaq balta aparıb. Şəhərdə bir neçə qəssabla söhbətlər apardıq. Onlar vurğuladılar ki, əslində qəssablar işdədikləri yerdə onsuz da pul saxlamırlar. Hər hansı bir oğrunun qəssabxanaya girməsi isə həqiqətən çox gülünc hadisədir. Məhz bu səbəbdəndir ki, bütün qəssablar öz qəssabxanaları üçün qarovulçu tutmurlar. Ümumiyyətlə, mən indiyə kimi hansısa qəssabxanaya oğrunun girməsi faktı ilə də qarşılaşmamışam. Kərimin qəssabxanasına daxil olan oğru da içərini ələk-vələk eləyəndən sonra içəridəki baltalardan birini oğurlayaraq oradan uzaqlaşıb. Qəssab Kərim də, sadəcə bir baltaya görə polisə müraciət etməyi lazım bilməyib. Lakin yaxınlıqda yerləşən digər mağaza sahibləri bu hadisədən xəbərdar olublar, qeyd etdiyim faktları təsdiqləyiblər. Çünki səhər ayrı-ayrı mağaza sahibləri işə gələndə qəssab Kərimin dükanının daxilinin qarışdırıldığını və qapının kilidinin sınıq olduğunu görüblər. Həmin mağazaların sahibləri və eyni zamanda oğlanın atası Kərimlə söhbətlərimiz zamanı onlardan mağazaları ətrafında nə vaxtsa şübhəli bir şəxslə qarşılaşdıqlarını və ya kiminsə onları izləməsi ilə bağlı fikirlərini soruşduq. Amma onların hamısı cavabında belə bir hadisə ilə qarşılaşmadıqlarını bildirdilər. İstintaq işi zamanı sırf qəssablar və qəssabxanalarla bağlı olan bir versiyanı da nəzərdən keçirdik. Bu versiya ondan ibarət idi ki, bəlkə də bu gənci onun atası ilə eyni bazar ətrafında çalışan, qəssablıqla məşğul olan və olmayan dükan sahiblərindən biri də qətlə www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 43 yetirə bilərdi. Amma istintaqın gedişində irəli sürülən bu versiya da özünü doğrultmadı. - Allahverdiyev, sənin dediklərinə diqqətlə qulaq asıram. Hər gün respublikanın ayrı-ayrı bölgələrində müxtəlif cinayət hadisələri baş verir. İndi təsadüfən ağlıma bir fikir gəldi ki, birdən bu qəssab özü və yaxud oğlanın yaxın qohumlarından hansısa biri hər şeyi edər, sonra da deyər ki, oğlumuzu və ya yaxınımızı başqası öldürüb ? - Xeyr, cənab prokuror. Yoldaşlarla birlikdə sizin dediyiniz fakt üzərində də, bir xeyli çalışdıq. Amma sübut olundu ki, oğlanın öldürülməsində onun atasının və ya digər yaxınlarının əli yoxdur. Sadəcə qatil hər şeyi çox peşəkarcasına yerinə yetirib. Bir qədər öncə mən sizə ad günündə baş verən hadisələr barədə müəyyən məlumatlar verdim. Cinayətdə istifadə olunan baltanın əvvəlcədən oğurlanması onu göstərir ki, törədilən cinayətin həmin gün qeyd olunan ad gününə heç bir aidiyyatı olmayıb. - Bəs atasının ? Ola bilməzmi ki, oğlanın atası Kərimin kiminləsə bir problemi var. Bu şəxs də məhz həmin problemə görə Kərimin oğlunu qətlə yetirmiş olsun ? - Yəni siz deyirsiniz ki, atasının kiminləsə ciddi bir problemi olub, ya yox ? - Təbii ki,. Axı bu oğlanı hələ ki, bilmədiyimiz bir səbəbdən öldürməlidirlər ya yox ? Bəlkə bu oğlanın atasının və ailəsinin kiminləsə qan davası da var imiş ? - Apardığımız istintaq işi oğlanın atası Kərimin nə yaxın zamanlarda, nə də ki, bundan öncəki vaxtlarda kiminləsə və yaxud kimlərləsə bir problemini üzə çıxarmayıb. Qan davasından isə ümumiyyətlə, söhbət belə gedə bilməz. Həm özünün, həm də onu digər tanıyanların - istər qonşularından olsun, istərsə də ki, iş yoldaşlarından olsun onların dediyinə görə mərhumun atası Kərimin indiyə kimi heç kimlə ciddi bir problemi olmayıb. Oğlanın özü bir balaca dələduz olsa da, ailəsi normal bir ailədir. Yüklə 2,96 Kb. Dostları ilə paylaş:
|