MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 65 kabinetində davam etdirildi. Məktəb direktoru ilə söhbət əsnasında məlum oldu ki, o, elə həmin uşaqların burada təhsil aldıqları vaxtdan bu təhsil ocağına rəhbərlik edir. Eyni zamanda məktəb direktoru bir vaxtlar mərhumların oxuduğu sinfə də dərs demişdir. Tərlan ilk əvvəl bir müddət öncə baş vermiş cinayət hadisələrindən direktorun xəbərinin olub- olmamasını öyrənməyə çalışdı. Söhbət əsnasında məlum oldu ki, direktor baş verən hər iki cinayət aktından xəbərdar imiş. Televizorda yayımlanan xəbərlərə baxan kimi bir vaxtlar dərs dediyi şagirdlərini dərhal tanıyıb. Hətta direktor ilk öncə qətlə yetirilən Bahadurun yas mərasimində də iştirak edib. Tərlan nə istədiyini, nəyə görə bura gəldiklərini direktora izah etdi. Bundan sonra isə Tərlan bilavasitə baş verən hadisələrlə əlaqədar olan suallara keçdi. - Həmin uşaqlar məktəbdə oxuyan vaxtlar kollektiv şəklində və yaxud qrup halında başqaları ilə və yaxud da öz aralarında möhkəm dava-dalaşları olmayıb ki, ? - Yoldaş müstəntiqlər əvvəla sizə onu bildirim ki, mən şəxsən uzun müddət öncə - yəni 10 il və ya 15 il bundan öncə baş vermiş hər hansı bir kiçik problemə görə kiminsə mənim bir vaxtlar dərs dediyim şagirdləri qətlə yetirməsinə inanmıram. Amma yenə də sizin istintaqını apardığınız işə lazımi köməkliyi göstərməyə hazıram. İndi isə gələk sizin verdiyiniz suala. Özünüz də bilirsiniz ki, hərdən uşaqlar arasında belə problemlər olur, xüsusilə də yuxarı siniflərdə oxuyanda. Amma uşaqdılar, 2 gündən sonra olanlar dərhal yaddan çıxır. Yenidən dostluqlarını, yoldaşlıqlarını davam etdirilər. - Yoldaş direktor, zəhmət olmasa, bir də həmin illəri yadınıza salın. Bəlkə, ola bilsin, nəsə olub amma diqqətinizdən yayınıb ? - Bahadurla Rəvanın oxuduğu sinfdə ? - Bəli. Bir balaca fikrə gedən direktor yenidən söhbətinə davam etdi. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 66 - Mən biləni onlar sinifdə on bir oğlan olmalı idilər. Zənnimcə, həmin illərdə onların arasında və yaxud onlarla bir başqalarının arasında ciddi bir problem olmayıb. Bu zaman Ramin də söhbətə qoşulur. - Yoldaş direktor, gəlin “əyri oturaq, düz danışaq”. Bizim psixoloqun gəldiyi qənaətə görə cinayətkar hər kimdisə bunları məktəbdən tanıyan biridir. Düzü, bu sualı verməyə də bir az utanıram. Amma istintaq işində bu sual həmişə qarşı tərəfə verilir. İndi isə televiziya ekranlarında buna oxşar hadisələrə tez-tez rast gəlirik. Ola bilsin, həmin vaxtlarda bu iki şəxs hansısa bir qızın şərəf və ləyaqətinə toxunub. Siz də həmin məsələdən üstüörtülü də olsa xəbərdar olmusunuz. Amma məktəbinizin adına ləkə gəlməsin, işinizdə problem çıxmasın deyə həmin vaxtlar bu məsələni birtəhər də olsa yerinə qoymusunuz. Bir balaca da fikirləşin, dəqiq sizin məktəbinizdə belə bir şeylər olmayıb ki ? Raminin bu sözündən sonra direktor başını bulamağa başladı. Hiss olunurdu ki, o, müəyyən qədər əsəbiləşib. Daha sonra isə direktor sözünə davam etdi. - Yoldaş müstəntiq, siz indiki dövrlə o vaxtları qarışdırmayın. İndiki vaxtlar üçün belə bir hadisənin olub-olmamasını soruşsaydın, bəlkə də, güman etmək olardı. Amma o vaxtlar belə bir hadisənin adını belə çəkmək mümkün deyildi. Həmin uşaqlar məktəbdə oxuduğu vaxtlarda Qarabağ müharibəsi təzəcə qurtarmışdı, hərə öz canının hayında idi. Belə bir hadisənin olmasını, ümumiyyətlə, ağlınıza belə gətirməyin. Tərlan söhbətə qoşularaq direktordan xahiş etdi ki, direktor müavinləri, bir vaxtlar həmin sinfə dərs demiş, sinif rəhbəri olmuş və uşaqları yaxından tanıyan digər müəllimlərlə də söhbət aparmaqda onlara kömək etsin. Həmin gün müstəntiqlər öldürülən gənclərin oxuduğu sinfə dərs demiş bir neçə kişi və qadın müəllimlə, həmçinin direktor müavinləri, onların sinif rəhbəri və daha bir neçə müəllimlə bununla bağlı söhbət apardılar. Lakin yeni nəsə bir şey öyrənə bilmədilər. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 67 Çünki məktəbdə söhbət apardıqları hər kəs eyni şeyləri – direktorun dediklərini təkrarlayırdılar. Bu məsələni yekunlaşdırdıqdan sonra hər iki müstəntiq prokurorlarının tapşırıqlarına uyğun olaraq keçmiş sinif yoldaşları ilə əlaqədar araşdırmalara başladılar. Məktəb direktorunun qeyd etdiyi kimi müəyyən olundu ki, həmin sinifdə 11 oğlan oxuyub. Onlardan 2-si artıq qətlə yetirilmişdi. Bir nəfəri isə 1 neçə il öncə təsadüfi avtomobil qəzasında həlak olmuşdur. Amma onun avtomobil qəzasında ölməsinin bu cinayətlərə heç bir aidiyyatı yox idi. Qalan 8 oğlandan Məhərrəm şəhərdəki özəl klinikalardan birində birində həkim kimi çalışırdı. Ayaz isə neft daşlarında qazama-mühəndis işləyirdi. Elvin isə şəhərdəki polis bölmələrinin birində işləyirdi. Digər sinif yoldaşları da özlərinə müvafiq olan ayrı-ayrı işlərdə çalışırdılar. Beləcə müstəntiqlər keçmiş sinif yoldaşlarının əksəriyyəti ilə ya onların çalışdıqları iş yerlərinə, ya da ki, yaşadıqları mənzillərə gedərək görüşdülər. Baş vermiş cinayət aktlarının çox cüzi detallarını onlara izah etdilər. Eyni zamanda onlara təyin olunan vaxtda prokurorluğa gəlməli olduqlarını da bildirdilər. Keçmiş sinif yoldaşlarından 2 nəfərlə şəhərdən kənarda – Novxanı bağlarında yaşayan Süleyman və xüsusilə məktəbi qurtaran kimi ailəsi ilə birlikdə Rusiya Federasiyasına köçən və Rusiyaya köçdükdən sonra daha heç vaxt Azərbaycana gəlməyən İbrahimlə əlaqə saxlamaq çox çətin alındı. Əksər dostları və yoldaşları həmçinin bir vaxtlar yaşadığı məhəllədə “Çolaq Süleyman” adı ilə tanınan Süleyman da sinif yoldaşlarının yas mərasimində iştirak etmişdi. Lakin keçmiş sinif yoldaşlarından heç kim Süleymanın telefon nömrəsini bilmirdi. Yas mərasimlərində yeganə iştirak etməyən şəxs Rusiyada yaşayan İbrahim olmuşdu. Amma çox araşdırmadan sonra müstəntiqlər onlarla da əlaqə saxlaya bildilər. Yüklə 2,96 Kb. Dostları ilə paylaş:
|