8
əmlaka külli miqdarda investisiya qoydular. Nəticə isə gözləniləndən fərqli
oldu. Belə ki, 1928-ci ilin sentyabrında Nyu-Orleans ştatından başlayan
“Katrina” qasırğası ştatın 80%-ni su altında qoydu. Qasırğanın təsiri
Luizana, Missisipi, Alabama, Florida və digər ştatlarda da hiss olundu.
Qasırğa 1836 nəfərin ölümünə səbəb olmuş, minlərlə ev ziyan görmüş,
ümumilikdə ABŞ büdcəsinə 81.2 milyard dollar ziyan dəymişdi. Baş vermiş
hadisədən sonra insanlar böyük məbləğlərlə aldıqları daşınmaz əmlakları
dəyərindən aşağı qiymətə satmağa başladılar;
-
Avropalı sahibkarların böyük hissəsinin sərmayələrinin dəyərləndirilməsində
ABŞ banklarına üstünlük verməsi. Beləliklə, ABŞ-a axan Avropa pulu ilə
birlikdə birjada süni yüksəliş baş verdi. Qısa müddətdə zəngin olmaq
xəyalının yaratdığı “sərmayə çılğınlığı” 1929-cu ilin 24 oktyabrı-“Qara
cümə axşamı”-na kimi davam etdi.
1929-cu il 24 oktyabr tarixində isə “Nyu-York Fond Birjası”-nın səhm
dəyərlərində rekord enmə qeydə alındı. Məhz həmin gecə 1929-cu il
qiymətləndirilməsi ilə desək, 4.2 milyard dollar yox oldu. İlin sonuna kimi isə bu
rəqəm təxminən 30 milyard dollar oldu. 4.000 bank iflas etdi. Bankların sürətli
iflası banklara olan etimadın itməsinə gətirib çıxardı. 1929-cu il 29 oktyabrda isə
Nyu-York Fond Birjası tamamilə çökdü. Vəziyyət xərclərin, təlabatın və istehsalın
ən aşağı səviyyəsinin qeydə alınması ilə nəticələndi. Böhran qısa bir müddət
ərzində “domino” təsiri yaradaraq başda sənayeləşmiş ölkələr olmaqla, bir çox
ölkələrin iqtisadiyyatına mənfi təsir etdi. Beləliklə, ABŞ-da başlayan lokal maliyyə
böhranı miqyasına görə bütün dünya ölkələrini əhatə edən qlobal maliyyə böhranı
ilə əvəz olundu.
2
Böhranı fərqləndirən digər cəhət böhranın istehsal azlığından deyil, istehsal
artıqlığı səbəbindən yaranmasıdır. Məlum məsələdir ki, qıtlıq böhranı kütləvi
kasıblıq yaradırsa, artıqlıq böhranı sahibkarları müflisləşdirir.
2
K. Soylu 1929 Ekonomik buhranı:
http://akademikperspektif.com/2014/10/23/1929-ekonomik-buhrani/
(son baxılma tarixi: 05.02.2015)
9
I Dünya Müharibəsindən sonra isə bütün dünyada müharibənin mənfi
nəticələrini aradan qaldırmaq və dövlətlər arasında münasibətləri inkişaf etdirmək
siyasəti həyata keçirildi. Əsas diqqət yetirilən sahələrdən biri ticarət sahəsi idi.
Yeni texnologiyaların sənayeyə tətbiqi nəticəsində məhsuldarlıqda rekord artım
müşahidə olundu. Təlabatdan artıq məhsul istehsalı ehtiyatları artırdı və qiymətlər
sürətlə aşağı düşdü. Vəziyyətdən çıxış yolu kimi artıq məhsullar yandırılaraq məhv
edildi, məhsul istehsalı azaldıldı. Avtomobil sənayesinin inkişaf etdiyi ABŞ-da
yüzlərlə yeni istehsal olunmuş və istifadə edilməmiş satılmayan avtomobillər
dənizə atılaraq məhv edildi. Nəticədə bir çox iş yerləri bağlandı, kütləvi işsizlik
yarandı.
0,00%
5,00%
10,00%
15,00%
20,00%
25,00%
%-lə
3,30%
8,90%
15,90% 23,60% 24,90%
1929
1930
1931
1932
1933
Şəkil 1. 1. 1929-33-cü illərdə dünyada işsizliyin göstəricisi.
3
Böhranın ilkin təsiri ABŞ-la yanaşı, ABŞ-a külli miqdarda borcu olan
Almaniya və Böyük Britaniyada qeydə alındı. I Dünya Müharibəsindən böyük
zərbələr almış Almaniyada işsizlərin sayı 1929-cu ilin sonunda 6.000.000 nəfərə
çatdı. Böyük Britaniya isə Almaniyaya nisbətən böhrandan daha az təsir gördü və
bu təsir sənaye və ixracat sektorlarında daha çox hiss olundu.
İqtisadi böhranın doğurduğu çətinliklər 1931-ci ildən etibarən Fransa
iqtisadiyyatında da özünü göstərdi. Sənaye məhsulları iki dəfə azaldı. İşsizlərin
3
http://www.doctorhousingbubble.com/finance-economy-part-time-employment-government-spending-
investing-history-japan-and-united-states/
(son baxılma tarixi: 07.02.2014)
10
sayı ölkə əhalisinin 14.1%-ni təşkil etdi. Bütün bunlar 1931-1933-cü illərdə
Fransada bir neçə hökumət kabinetinin dəyişilməsinə səbəb oldu.
Yaranmış durğun vəziyyət Latın Amerikası ölkələrində-Argentina, Avstraliya,
Uruqvay və Braziliyada da müşahidə olundu. Belə ki, iqtisadiyyatlarını kənd
təsərrüfatı məhsullarının ixracı hesabına inkişaf etdirən Latın Amerikası ABŞ və
Avropa ölkələrindən aldıqları borcları geri qaytara bilmədilər, nəticədə bu ölkələr
kredit verməyi dayandırdılar.
4
Böhran nəticəsində:
-
Dünya ölkələrində sənaye istehsalı 30 il öncəki səviyyəyə-20-ci əsrin
əvvəllərinə endi. (ABŞ-da 46%, Böyük Britaniyada 24%, Almaniyada 41%,
Fransada 32%);
-
Səhmlərin qiymətləri kəskin şəkildə düşdü. (ABŞ-da 87%, Böyük
Britaniyada 48%, Almaniyada 64%, Fransada 60%);
-
32 ölkədə işsizlərin sayı 30 milyona yüksəldi. Ən yüksək hədd ABŞ-da (14
milyon) qeydə alındı.
5
Beynəlxalq ticarətdə pul və maliyyə siyasətlərinin düzgün qurulmaması, bir
çox ölkələrin vahid valyuta sistemini seçməsi, qlobal iqtisadi tarazlığın lazımi
səviyyədə saxlanıla bilməməsi 2008-ci ildə yeni qlobal maliyyə böhranının baş
verməsi ilə nəticələndi. Analitiklərin fikrincə, 2008-ci il maliyyə böhranı əhatə
dairəsi və təsirləri baxımından1929-33-cü il böhranından sonra dünyada ikinci ən
dəhşətli qlobal maliyyə böhranıdır.
2007-ci ilin ortalarından etibarən gizli formada ABŞ-ın mənzil bazarında
problemlərlə özünü göstərən böhran 15 sentyabr 2008-ci ildən ABŞ-ın 158 illik
tarixi olan IV böyük investisiya bankı “Lehman Brozers”-in iflas etməsiylə başladı.
Həmin gün amerikanlar tərəfindən “Qara bazar ertəsi” adlandırıldı. İlkin mərhələdə
ABŞ-da daşınmaz əmlak sektorunda yaranan və yalnız ABŞ iqtisadiyyatına təsir
edəcək “problem” kimi qiymətləndirilən maliyyə böhranı qısa zamanda başda
4
Ç.Kindlberqer, R.Aliber “Dünya maliyyə böhranları. İflas, təftiş və maniyalar” Bakı-2010, səh [ 176 ]
5
S.Bağırov “Dünya maliyyə böhranı kapitalizm böhranıdır” Bakı 2013, səh. [ 10 ]
Dostları ilə paylaş: |