35
verdiyi məlumata əsasən hal-hazırda təhlükəli hədd Kanada, Şimali Avropa və
Rusiyanın Arktikaya yaxın hissəsində qeyd olunur.
Ozon qatının yeyilərək nazikləşməsinin və nəhayət dağılmasının ən əsas
səbəbi XFK-freonlardır. Freonlar kimya sahəsində və məişətdə - soyuducularda,
kondisionerlərdə, aerozol qablaşdırmalarda geniş tətbiq edilir. Onlar özlüyündə
toksiki deyillər, lakin çox davamlıdırlar, xüsusilə, XFK-11, XFK-12 və XFK-13
maddələrinin atmosferdə orta qalma müddəti müvafiq olaraq, 50, 102 və 85 ildir və
onlar hava kütlələrinin hərəkəti nəticəsində stratosferə düşürlər. Bunun nəticəsidir
ki, bir sıra ölkələr - Norveç, İsveç, Finlandiya, ABŞ aerozol qablaşdırmalarda
freonların tətbiqindən imtina etmişlər.
Bugün ozon qatının qorunması problemi dünya ölkələri üçün həlli vacib
qlobal ekoloji problemlərdən biridir. Vəziyyətin ciddiliyi onunla dərinləşir ki,
ozon qatının bir faiz nazikləşməsi ultrabənövşəyi şüalanmanın təsir gücünün iki
faiz artması deməkdir. Statistik məlumatlar göstərir ki, mövcud problemin insan
üçün ən ağır nəticəsi - dəri xərçəngi və bədxassəli melanoma
15
xəstəlikləri, gözün
kataraktası və göz büllurcuqlarının deformasiyasıdır. Son 20 ildə məhz ozon
qatının nazikləşməsinin nəticəsi olaraq 30-dan çox təhlükəli xəstəliklər əmələ
gəlmişdir. Ətraf Mühitin Mühafizə Agentliyi hesab edir ki, əgər XFK-nın
istifadəsinə nəzarət olunmasa, ən yaxın vaxtlarda katarakta daha 18 milyon nəfərə
yayıla bilər. BMT-nin rəsmi məlumatlarına görə ozon qatının cəmi 1% azalması
dünyada 100 min yeni katarakta hadisəsinin və 10 min dəri xərçənginin yaranması
ilə nəticələnir.
Bundan başqa, ozon qatının dağılması parnik effektinin güclənməsinə,
ekvator zonasında planktonların məhvi nəticəsində okeanın biogenezinin
dağılmasına, flora və faunanın məhvinə, torpağın deformasiyasına, ətraf mühitin
ümumi çirklənməsinə, quraqlığa, biosfer və iqlimin dəyişilmələrinə səbəb olur.
37
37
T. Xəlilov, M. Zeynalova “Qlobal ekoloji problemlər” Bakı-2014, səh [ 83-87 ]
____________________________
15
Melanoma üzün quruluşunu dəyişən dəri xərçəng xəstəliyinin bir növüdür.
36
Problemin həlli istiqamətində atılan ən uğurlu addımlardan biri Monreal
şəhərində qəbul edilmiş “Ozon Qatını Dağıdan Maddələr Haqqında Monreal
Protokol”-u dur. Protokola ozon qatını dağıdan maddələrin istehsal və istifadəsinin
mərhələlər üzrə azaldılmasının kompleks qrafiki, eləcə də həmin maddələrin
istehsal, ixrac və idxalının tənzimlənmə tədbirləri əlavə edilmişdir. Eyni zamanda,
Monreal protokolu ozon qatını dağıdan freonların istehsalının azalmasına gətirib
çıxardı və onları ozon qatı üçün təhlükəli olmayan hidroxlorflüorkarbonlarla
(HCİFC) və hidroflüorkarbonlarla (HFC) əvəz etməyə başladılar.
Beynəlxalq
əhəmiyyətli problemlərin həllində aktiv iştirak edən
Respublikamız bu məsələyə də konstruktiv mövqedən yanaşmışdır. Azərbaycan
Respublikasının Prezidenti, Ümummilli lider Heydər Əliyevin 18 iyul 2000-ci il
tarixli qərarı ilə “Ozon Qatını Dağıdan Maddələr üzrə Monreal Protokolu”-na
qoşulmuşdur. Həmin qərarda aşağıdakılar öz əksini tapmışdır:
-
“Ozon qatını dağıdan maddələr üzrə Monreal Protokolu” ilə müəyyən
olunmuş ozondağıdıcı maddələrin siyahısına daxil olan maddələrin idxalı
dayandırılsın;
-
Azərbaycan Respublikasının Ekologiya və Təbii Sərvətlər Nazirliyi gələcəkdə
bu siyahıda hər hansı dəyişiklik və ya əlavələr olduğu təqdirdə,
yeniləşdirilmiş məlumatların aidiyyəti dövlət orqanlarına çatdırılmasını və
mətbuatda dərc edilməsini təmin etsin;
-
Azərbaycan Respublikasının Ekologiya və Təbii Sərvətlər Nazirliyi və
Azərbaycan Respublikasının Dövlət Gömrük Komitəsi ozondağıdıcı
maddələrin idxalı və ixracına nəzarəti gücləndirsinlər.
38
“Monreal Protokolu”-na qoşulmaqda əsas məqsəd protokolun Əlavə A, Əlavə B
və Əlavə E siyahısına daxil edilmiş ozondağıdıcı maddələrin idxalı dayandırılması
idi. Problemin həll məqsədi ilə həmin maddələrlə işləyən texnologiyalar alternativ
texnologiyalarla əvəz edildi. Bundan başqa, Azərbaycan Respublikası tərəfindən
qəbul edilmiş öhdəliklərə əsasən 21 dekabr 2002-ci ildən protokolun E əlavəsinə
38
Azərbaycan Respublikasının qoşulduğu beynəlxalq konvensiyalar” - “Ozon qatını dağıdan maddələr
üzrə Monreal protokolu”
http://files.preslib.az/projects/azereco/az/eco_m4_7.pdf, (son baxılma tarixi: 18.10.2014)
37
daxil edilmiş metilbromid, 1 yanvar 2006-cı ildən isə A əlavəsinin I qrupunda
göstərilən maddələrin idxalı və ixracı tamamilə qadağan olunmuşdur.
39
Ümumiyyətlə, onlarla dövlətin protokola qoşulması ilə atılmış bu addım ozon
qatının nazikləşməsi prosesini yavaşlatsa da, HCİFC, HFC kimi maddələrin
istifadəsinə üstünlük verilməsi və onların güclü istixana effektinə malik olmaları
qlobal istiləşmə problemini daha da inkişaf etdirdi.
Qlobal istiləşmə isə atmosferə atılan qazların istixana təsiri yaratması
nəticəsində Yer səthinin və Dünya okeanının orta illik hərarətinin tədricən artması
prosesidir. İstixana effektinin nə olduğunu anlamaq üçün üzəri şüşə, yaxud şəffaf
plastiklə örtülmüş istixanada gedən prosesi təsəvvür etmək kifayətdir. Belə ki, işıq
enerjisi bu qurğunun şəffaf örtüyündən keçərək burada olan bitkilər, torpaq, su və
əşyalar tərəfindən udularaq onları qızdırır və beləliklə istilik enerjisinə çevrilir.
İstiləşmiş cisimlər isə özündən infraqırmızı şüalar buraxır. Bu şüaların kənara
çıxmasına istixana örtüyü qismən mane olur. Beləliklə, enerjinin bir hissəsi tutulub
saxlanılır və istixananın içərisində olan havanın temperaturu yuxarı qalxır. Oxşar
proses Yer kürəsində də baş verir. Günəş şüalarının çox hissəsi atmosferi keçərək
yer səthinə düşür və onu qızdırır. Yer səthindən çıxıb onun müəyyən qədər
soyumasına səbəb ola biləcək infraqırmızı şüalar kosmosa istiqamətlənir, lakin
Yerin atmosferində elə qazlar vardır ki, onlar infraqırmızı şüaların bir hissəsini əks
etdirərək havanın qızmasına səbəb olur. Belə qazların miqdarı artdıqca, atmosferdə
tutulub saxlanan enerjinin də miqdarı artır və Yerin temperaturu ümumilikdə
yüksəlir.
39
“Azərbaycan Respublikasının Nazirlər Kabinetinin “Ozon qatını dağıdan maddələr üzrə Monreal
Protokolu» ilə müəyyən olunmuş tənzimlənən ozondağıdıcı maddələrin siyahısı»nın təsdiq edilməsi
haqqında qərar № 203”
Dostları ilə paylaş: |