www.acjiq.info
9
O zaman müharibə nəticəsində heyrət-avər dərəcədə tərəqqi etməkdə olan sənaye məhsulu və yaşayış
vəsailinin şədid bir surətdə bahalanması (üçün sahibkarlar) işçi sinfinin mübarizəsinin genişlənməsindən
qorxub, çox yerdə kargərlərə güzəşt etməyə məcbur oldular. Dövlət mübarizənin müvəqqəti bir surətdə irəli
getməsindən qorxub iqtisad naziri tərəfindən doktor Şeyxi Azərbaycana və İsfahana göndərməyə məcbur
oldu.Doktor Şeyxi yerdə vəziyyəti mütaliə etdikdən sonra kargərlərlə karfərmanların ixtiyarat və haqqını
müəyyən edən bir layihə yazıb, dövlətə qəbul etdirdi. Bu vəsilə ilə kargərlərin vəziyyəti yaxşılaşmağa
başladı. İş müzdü yüzdə yüz, bəlkə yüzdə 150 % artırıldı. Karxana sahibləri kargərlərin hətta çörək və
yanacaqlarını da öhdələrinə götürməyə məcbur oldular. Bu ittihadiyyənin müvəffəqiyyəti Xəlil İnqilabın
adına tamam olduğuna görə onun nüfuzu yüksəlməklə, kargərlər onu həqiqi bir rəhbər kimi qəbul etməyə
məcbur oldular. Arxasında böyük güc və qüdrət hiss edən bu cavan macəracu get-gedə öz vəziyyətini
unudub, hətta ərbab və vəlineməti olan Fəhimiyə də etinasızlıq göstərməyə başladı. Onun hüzuruna getdikdə
qabaqki təvazökarlığın əvəzi biədəbanə bir surətdə qaba hərəkətlər biruzə verib, digər tərəfdən kargər
təbəqəsinin təhti-təsirində vaqe olmaqla tez-gec əhd və peymanı unudub, vəli- nemətinin göstərişlərinə əməl
etməkdə səhlənkarlıq göstərdi. Fəhimi mahir bir diplomat, amma bir mürtəce olduğuna baxmayaraq öz
məqam və şəxsiyyətinə artıq dərəcə əlaqəmənd, özü tapıb fəhlə təşkilatının başına gətirdiyi satqın bir adam
mütəkkəbbir və ədəbsiz bir şəxsin hərəkətinə təhəmmül edən deyildi. O bir neçə dəfə işarə və kinayə ilə
hərifi başa salmaq istəyirsə, Xəlil özünün arxasında böyük qüdrət hiss etdiyinə görə onun işlərinə məsxərə
ilə cavab verdi. İş bu yerə gəldikdə Fəhiminin təklifi bəlli idi. O özünün tikdiyi binanı dağıtmağı da
bacarırdı.
Xəlilin qaba hərəkətlərindən əlavə ittihadiyyələrin güclənmələri və bütün fəhlə sinfinin onların ətrafında
toplanması da fəhiminin xoşuna gələn işlərdən deyildi. O öz əli ilə öz başına bəla açdığını tez bir zamanda
hiss etməyə başladı. Geridəki xətərdən qurtarmaq, onun üçün çox da çətin iş ola bilməzdi. Çünki o özü
tamam ömrünü fitnə və fəsad və tiryəklə keçirmiş köhnə cavanlardan idi. Təbrizin ö günkü mühütü isə hər
macəraya müsaid idi. Çünki hənuz əşxas özlərini layiqincə göstərməmişdilər. Hər kəs başına 5-3 nəfər
toplaya bilsədi, istədyini edə bilərdi. Bunlardan əlavə Xəlil İnqilabın rəftar və hərəkəti azadixahlar üçün
mərmuz şəkildə idi. Onun fəhlələr arasında gündən-günə artmaqda olan nüfuzundan irticai ünsürlərin də
istifadə etmək imkanı az deyildi. Xəlilin pul işinə baxması da ağızdan-ağıza söylənilməkdə idi. Rəftarı daxi
getgedə lotuluq şəkli almışdır. Bu işdə Fəhiminin özü də dəxalətsiz deyil idi. Onun adamları, məsələn, Tağı
Beytulla və Kərubi, Əbülqasım Cavan və qeyriləri cürbəcür ünvanlarla mühiti zəhərləyib, ortaya çıxan
adamları bədnam etmək üçün çalışır və hiylələr düzəldirlər. Xəlil inqilabın şərrin başdan rəf etmək üçün
aclıqdan gəlib, sərvət qazanmış. Təbrizdə ən birinci xalı karxanası sahibi olan Əbülqasım Cavan intixab
olunmuş idi. O Xəlili rüşvət istəməkdə müttəhim edib, bir iddə pıçaqçılar vasitəsi ilə morede-həmlə qərar
verərək, müfəssəl döydükdən sonra onun əlindən valiyə şikayət edir. Vali (Fəhimi) isə əmniyyəti xiləldar
etmək ittihamı üzrə Xəlili saxlatdırıb, Tehrana təbid və ittihadiyyəsinin qapılarını bağlamaqla, komedinin
birinci pərdəsinə xatəmə verdi.
www.acjiq.info
10
Əlbətdə, kargərlər ittihadiyyəsini də bir tədbir ilə ortadan aparmaq çox da asan bir iş deyildi. Çünki bu
təşkilat Pəhləvi dövrəsində doğub, müharibə zamanında tərəqqi etməkdə olan cavan senaeyə və sair bir
surətdə inkişaf edən əl dəstgahlarına arxalanırdı. Heyrət-avər dərəcədə qazanc aparmaq, sərmaeyə və
karxana sahiblərini, fəhlənin nazını çəkmək və onu əldə saxlamağa məcbur idilər. Fəhlələr isə ittihadiyyə və
birlik məzəsini dadıb və əldə indiki müvəffəqiyyətləri saxlamaq üçün bu vasitələri saxlamalı olduğunu
anlamışdılar. Ona görə Xəlil İnqilab Tehrana təbid olunduqdan sonra işini təqib etmək üçün Azərbaycana
gəlmiş, Yusif İftixarı, çox tez bir zamanda ittihadiyyəni yenidən dair etməyə müvəffəq oldu. Fəhimi məzul
olub, onun yerinə sərləşkər Müqəddəmin göndərilməsi də bu işdə bitəsir qalmadı. Yusif İftixarı Xəlil
İnqilabdan savad cəhətdən dalı olsa da, təcrübə cəhətdən irəli idi. Macaraculuqda Xəlildən geri qalmazdı.
Hətta avamfəriblik inqilabi sözləri danışmağı Xəlil ondan öyrənmişdir. 11 il Pəhləvi zindanı və vaxtilə
Cənub neft mədənlərində fəhlə arasında işləmək sabiqəsi daxi onun üçün böyük bir sərmayə idi. Bunlardan
əlavə İftixari ilə Xəlil İnqilab bir çox cəhətdən bir-birilə işləməyə məcbur idilər. Onlar Hizbi- Tudei-İran və
başqa azadixahları özlərinə yaxınlaşmağa imkan vermirdilər. Onların qabağında izhari-vücud etmək üçün
bunlar bir çox qaranlıq və mərmuz maqamat ilə mərbut olaraq, azadixah təşkilatlar arasında nifaq salmaqla
özlərinə camiətdə yol açmağa çalışırdılar. Bu işdə hər ikisinin yolu bir idi. Ona görə də Yusif İftixari
Təbrizə gəldikdə (Xəlil) İnqilabın xüsusi tövsiyəsi üzrə onun həmdəstləri tərəfindən çox hərarətli qəbul
olunub, daha ciddiyyətlə işə başladı.
Yusif Xəlildən aqil olduğuna görə fəhlə sinfi işi ilə məşqul olmayıb, meydanda olan bütün siyasi dəstələr və
məruf siyasət adamları ilə də əlaqəyə girişdi. O gün Təbrizdə müəssir amillərdən hesab olunan sərləşkər
Müqəddəm və Sərtibzadə ilə də yaxınlaşmaqda, Hizbi-Tudə təşkilatının qabağına çıxdı. Onun əleyhinə gizli
olaraq təbliğat aparmaqdan geri durmayıb, gözlənilməmiş işin asan bir surətdə irəli gedib, gözünü açaraq 10
min nəfərlik ciddi bir sinfin başında gördükdə, onsuz da macəradan həzz alan avantüristin gözləri qamaşdı.
Əldə olan böyük imkanlardan daha böyük istifadə etmək fikrinə düşdü. O günlərdə 14-cü məclis intixabı
üçün hazırlıq aparılırdı. Sərləşkər Müqəddəm müəyyən adamlardan intixab komesiyonu dəvət etmişdi. O
məmul olduğu üzrə bu işdən böyük pullar qazanmaqda idi. Onlar (komosion) müxalif adamlardan təşkil
olduğunu hiss etməklə, Müqəddəmin şədid surətdə muxalifətinə girişmişdilər. Yusif özünün və
yoldaşlarının intixab ola bilməyəcəklərinə yəgin etdiyi işin bu şəkildə meydana çıxmasından razı qalmayıb,
daha ciddi surətdə əksül-əməl göstərdi. Sərləşkər Müqəddəmin o günlərdə mərkəzi hökumət ilə arası yaxşı
deyildi.
(Müqəddəm) Azərbaycanda küllü miqdarda böyük pul qoparıb tək öz cibinə doldurmuşdur. Bu müamilədə
pay gözləyən Mehdi Fərrux hətta Söheylinin özü və məclis nümayəndələrindən bir neçəsinin payları
yetişmədiyinə görə ounn əleyhinə mübarizə edirdilər. Yusif İftixarı, mərbut olduğu irticai məqamlar vasitəsi
ilə Müqəddəmin əleyhinə böyük nümayişlər təşkil edərək, işi ciddiləşdirmək istədi. Onsuz da dövlət