31
MƏKTƏB MEŞƏÇİLİYİNİN YARADILMASI
II FƏSİL
masına səbəb olurdu. Meşə ağaclarının qanunsuz qırılması, mal
qaranın otarılması nəticəsində boşalmış sahədə inkişaf edən
kolluqlar torpaq eroziyasının qarşısını ala bilmirdi. Bitki örtüyü
məhv olan ərazilərdə zəhərli alaq bitkilərinin inkişafı və yarğanların
əmələ gəlməsi təbii landşaftın deqradasiyasına səbəb olurdu. Eyni
zamanda əsrlər boyu formalaşmış bitki və heyvan növlərindən
ibarət bioloji müxtəliflik tükənərək təbiəti yoxsullaşdırırdı.
Azərbaycanın görkəmli alimi, akademik Həsən Əliyev ilk dəfə
olaraq XX əsrdə meşələrin acınacaqlı vəziyyəti
və təbiətin taleyi
barədə “Həyəcan təbili” əsərini qələmə aldı. Alimin gənc nəslə
ünvanlanan tövsiyələri bü gün də öz aktuallığını itirməmişdir: “Əsas
məsələ yeni nəslə ətrafına ağıllı nəzərlə baxmağı öyrətməkdir.
Təbiəti duymaq, oxumaq, lazım gələndə bütün “hisslərini səfərbər
eləyib” onun keşiyində durmağı bacarmaq psixologiyasını böyüyən
nəslə aşılamaq ən yaxşı təbiət dərsidir”. O göstərirdi ki, torpaq, su
hava, yaşllıq, canlı aləm və bütün bunlarla insanların təması təbiətin
ahəngidir. Ölkəmizin hər bir vətəndaşı təbiətin ahəngini qorumalıdır.
Vaxtı ilə Azərbaycanın meşələrlə başdan
başa örtüldüyünü qeyd edən
alimi meşə örtüyünün sıradan çıxması çox narahat edirdi. O, Avropa
ölkələrində meşələrin davamlı istifadəsini misal göstərərək dünyada
balta səsini silah səsindən, güllə yarasından da qorxulu hesab edirdi.
Akademik Həsən Əliyev öz kitabında ölkəmizin misilsiz sərvəti
olan Talış, Zaqatala, Göygöl, Batabat,
Kür sahili Tuqay meşələrinin
gözəlliyini və zənginliyini xüsusi qeyd edir, bu sərvətin qayğısına
qalmağın vacibliyini vurğulayırdı. Vaxtı ilə Azərbaycana qonaq
gələn, səyahətçilər və alimlər meşələrimizin gözəlliyinə valeh
olaraq onları öz əsərlərində təsvir edirdilər. Dahi alim meşələrimizi
balta səsindən, güllə yarasından qorumağı,
bu gözəlliyin qədrini
bilməyi, “gənc nəsli kiçik yaşlarından meşələrin əsrarəngiz bitki
aləmi, quşların, heyvanların həyatı ilə tanış etməyi” tövsiyyə edirdi.
O göstərirdi ki, məktəblilər “hər bir çiçəyin, gülün adını, bioloji
xüsusiyyətlərini bilməli, kökü kəsilməkdə
olan bitkiləri mühafizə
etməyi, çoxaltmağı, qayğısına qalmağı, quşları və heyvanları
səsindən tanımağı” bacarmalıdırlar.
Akademik Həsən Əliyev yazırdı: “Meşəsərvətimiz, vardöv
lətimiz, meşəməişətimizin bir hissəsidir. Meşə olan yerdə məhsulu
yığışdırmaqla qurtarmaz, xəstəlik olmaz. Yaşıllıq əhatəsində
insanı işıqlı fikirlər öz ağuşuna alır, xoş əhvalruhiyyə, qurub
yaratmaq eşqi güclənir. Məlum həqiqətdir ki, meşəni Yer kürəsinin
bu yaşıl kəmərini
bircə an təsəvvür etməsək, deməli, bəşər də
yoxdur. Ölçüsüzbiçisiz yaşıllığa hücum insana qarşı yönəlmiş ən
32
II FƏSİL
MƏKTƏB MEŞƏÇİLİYİNİN YARADILMASI
ağır, müharibədir. İnsan ağlı, insan zəhməti bu “müharibəni” dəf
etməyə qadirdir”. Dahi alimin bu sözləri hər bir vətəndaş, gənc
meşəçi üçün örnək, vətənə,
təbiətə böyük məhəbbətin, qayğıkeş
münasibətin bariz təcəssümüdür.
“Həyəcan təbili”nin səslənməsi bütün ictimaiyyəti, o cümlədən
gənclərimizi də meşələrin qorunmasında yaxından iştirak etməyə
həvəsləndirdi. XX əsrin 70ci illərində Azərbaycanda gənc təbiətçilər
stansiyalarında, orta məktəblərdə yaradılan ilk “Gənc meşəçilər”
dəstələri bu hərəkata qoşularaq əməli fəaliyyət göstərirdilər. Körpə
balıqların xilas edilməsi, nadir bitkilərin və heyvanların qorunması,
yaşıllıqların artırılmasında gənc təbiətçilər həvəslə iştirak edirdilər.
Meşənin gənc dostları meşəbəyilərinin yaxın köməkçilərinə
çevrilərək meşə ehtiyatlarının qorunmasında səylə çalışırdılar.
Hazırda ölkəmizin meşəətrafı rayonlarında
məktəb meşəçiliyi
yenidən yaradılır. “Gənc meşəçilər” dəstələri xüsusi olaraq ayrılmış
meşə sahələrinə nəzarət edir, meşənin qırılmasını, bitki və
heyvanat aləminin insan fəaliyyətinin təsirini öyrənirlər. Ölkəmizin
bütün bölgələrində meşələrin bərpa olunmasına və yeni meşə
zolaqlarının salınmasına xüsusi tələbat vardır. Bu işdə hər birimiz
yaxından iştirak etməklə yaşıl sərvətimizi qoruyub artıra bilərik.
Meşələrin artırılması bizim və gələcək
nəsillərimizin sağlam və
firavan həyatının təmin olunması deməkdir.
Naxçıvan Muxtar Respublikası Şahbuz rayonu Biçənək kənd
orta məktəbində təşkil olunmuş “Gənc meşəçilər” dəstəsi Batabat
meşələrinin bioekoloji xüsusiyyətlərini öyrənir. Batabat meşələri
növ müxtəlifliyinə görə o qədər də zəngin olmasa da özunəməxsus
floraya malikdir. Burada 26 növ ağac, 125 növ kol və yarımkol
bitkilərinə təsadüf olunur. Batabat meşələri üçün şərq palıdı,
göyrüş, quşarmudu, ağcaqayın, armud ağacları, yemişan, itburnu,
böyürtkən və digər kollar səciyyəvidir. Gənc meşəçilər meşələrdə
bitkilərin yaruslar üzrə yerləşməsini tədqid edərək bitkilər arasında
qarşılıqlı əalaqələri təyin edirlər. Biçənək kənd orta məktəbinin
tədristəcrübə sahəsində müxtəlif ərazilərdən toplanmış nadir
və nəsli kəsilməkdə olan bitkilərin toxumla artırılması və əkin
materiallarının meşələrin bərpa olunmasında istifadəsi həyata
keçirilir. Bu bitkilər üzərində müntəzəm olaraq ekoloji monitorinq və
fenoloji müşahidələr aparılır, onların ekoloji xüsusiyyətləri, cücərmə
qabiliyyəti, çiçəkləmə və toxumvermə xüsusiyyətləri öyrənilir. Bu
məqsədlə yaxınlıqdakı meşənin ərazisindən məhvolma təhlükəsi
altında olan bitkilərin toxumları toplanıb, aqrotexniki qaydalara
uyğun becərilir.