8
A Z Ə R B A Y C A N V Ə K İ L İ ‐ XII nömrə
Əvvəlcə hər cür hüquq normaları, o cümlədən konstitusion normaların keyfiyyətlilik əlaməti
üzərində dayanaq. Sosial həyatın keyfiyyəti ictimai münasibətləri tənzimləyən hüquq normalarının
keyfiyyətinə bağlı olduğundan, hüquq normalarına aid başlıca tələblərdən biri onların sosial
tərəqqiyə zəmin yaratması, ədalətli, əsaslı, dəqiq və anlaşılan olmasıdır.
Hüquq ədəbiyyatında qanunun keyfiyyət əlamətinin üç müstəqil növü ayırd edilir:
1) qanunun hüquqi keyfiyyəti;
2) qanunun instrumental‐hüquqi keyfiyyəti;
3) qanunun texnikihüquqi keyfiyyəti.
Qanunun keyfiyyətliliyinin göstərilən növlərindən hər biri öz növbəsində yarımnövlərə
bölünür və bunlar öz səviyyəsinə uyğun olaraq nisbi müstəqil anlayış statusunda nəzərdən
keçirilirlər.
1. “Qanunun hüquqi keyfiyyəti” anlayışı çərçivəsində aşağıdakı yarımnövlər qrupunu ayıra
bilərik:
a) qanunun kompetensiya keyfiyyəti;
b) qanunun məzmun‐hüquqi keyfiyyəti;
c) qanunun prosedur keyfiyyəti.
2. “Qanunun instrumental‐hüquqi keyfiyyətliyi” anlayışı hüquq realizəsinin yuridik
vasitələrinin qanunvericilik qaydasında reqlamentləşməsini ifadə edir və özündə aşağıdakı
yarımnövləri ehtiva edir:
a) status reqlamentləşdirməsinin keyfiyyəti (hüquq münasibətləri iştirakçılarının statusunun
qanunvericilik səviyyəsində təsbitinin keyfiyyəti);
b) hüquq münasibətləri iştirakçılarının hüquqlarının müdafiəsinin hüquqi vasitələrinin
keyfiyyəti;
c) qanunun tətbiq prosedurlarının keyfiyyəti;
ç) yurisdiksiya hüquqi vasitələrinin qanunvericiliklə reqlamentləşdirilməsinin keyfiyyəti
(qanunun yurisdiksion instrumental‐hüquqi keyfiyyəti).
3. Qanunun texniki‐hüquqi keyfiyyətini analoji qaydada aşağıdakı yarımnövlərdə
konkretləşdirmək olar:
a) qanunun strukturunun keyfiyyəti;
b) qanunda formal və qiymətləndirici elementlərin nisbətinin keyfiyyəti (burda ən vacib
aspektlərdən biri kimi, qiymətləndirici anlayışlardan rasional istifadə problemini göstərmək olar);
c) qanunun linqvistik keyfiyyəti [1].
Bu tədqiqatın məqsədləri üçün, məhz qanunun texniki‐hüquqi keyfiyyəti daha böyük
əhəmiyyət kəsb edir. Buna görə, ümumi formada ifadə edə bilərik ki, qeyd olunan aspektdə
keyfiyyətli qanun dedikdə, hüququn mənbəyi kimi daşımalı olduğu bütün xassələri özündə əks
etdirən; normativ dürüstlük və eynicürlük, tamlıq, konkretlik, sistemlilik, sadəlik, aydınlıq,
qənaətcillik, məntiqi səhihlik kimi meyarlara cavab verən; sosial reallıqlarla şərtlənmiş və onların
adekvat hüquqi tənzimi tələblərinə cavab verən normativ‐hüquqi akt nəzərdə tutulur [2, 8].
Qanunun keyfiyyəti onun effektiv işləməsinin əsas şərtlərindən biri olduğundan, bu iki anlayış
(keyfiyyət və effektivlik) qarşılıqlı əlaqəlidir və dialektik vəhdət təşkil edirlər. Həm keyfiyyət, həm
də effektivlik qanunun sosial faydalılığının və zəruriliyinin göstəricisidir. Hüquq ədəbiyyatında
mövcud baxışlara əsaslanaraq qanunun effektivliyi anlayışını ümumən belə müəyyə etmək olar:
qanunun mövcudluğu və tətbiq praktikası qanunvericinin qarşıya qoyduğu məqsədlərin əldə
olunasına nə dərəcədə cavab verir. Məsələn, V.Vlapayevanın verdiyi tərifə görə, qanunun effektivliyi
– qanunda əks olumuş hüquq normlarının məqsədləri və bu normaların realizə nəticələri arasında
nisbəti əks etdirir [3, 209].
“Keyfiyyət” və “effektivlik” təyinlərinin hüquqi müstəvidə nə kimi anlam daşıdığını müəyyən
etməklə, konkret məsələyə: hər kəsin yüksək keyfiyyətli hüquqi yardım almaq hüququnun keyfiyyət
və effektivlik səviyyəsinə baxmaq olar. Keyfiyyət və effektivlik həm də müqayisəli qiymətləndirmə
predmeti olduğundan, baxılan hüququn xarici ölkələrdə konstitusion tənziminin müqayisəli analizi
bizə istinad materialı verir.
A Z Ə R B A Y C A N V Ə K İ L İ ‐ XII nömrə
9
Öncə onu qeyd edək ki, hər kəsin hüquqi yardım almaq hüququ bir qayda olaraq dünyanın
əksər ölkələrinin qanunvericilik aktlarında bu və ya digər formada təsbit edilmişdir.
Başlanğıc üçün, Avropa Birliyinin bəzi ölkələrinin konstitusiyalarına baxaq. Məsələn, Polşa
Respublikasının konstitusiyasında bu hüquq birbaşa göstərilməsə də, müvafiq normaların
məzmunundan irəli gəlir: Polşa Konstitusiyasının 42‐ci maddəsinin 2‐ci hissəsi (barəsində cinayət
mühakimə icraatı aparılan hər kəs özünə vəkil seçə bilər, yaxud qanunla müəyyən edilmiş prinsiplərə
uyğun olaraq məhkəmənin təyin etdiyi müdafiəçinin xidmətindən istifadə edə bilər) və 80‐ci maddəsi
(publik hakimiyyət orqanları tərəfindən hüquq və azadlıqları pozulmuş olan hər kəs qanunla
müəyyən ediliş prinsiplərə uyğun olaraq Mülki Hüquqların Müdafiəçisinə yardım üçün müraciət edə
bilər) [4].
Göründüyü kimi, Polşa Republikasının konstitusion normalarında da Azərbaycan
Respublikasının Konstitusiyasında olduğu kimi “hər kəs” ifadəsi işlədilir, yəni vətəndaşlıq, irqi, milli,
dini və sair mənsubiyyət və ya vəziyyətindən asılı olmayaraq hüquqların müdafiəsi hüququ istənilən
şəxs üçün keçərlidir. Başqa sözlə, istənilən şəxs maddi vəziyyətindən asılı olmayaraq müdafiəçinin
yardımından istifadə edə bilər. Polşa Respublikası bu hüququ konstitusion səviyyədə yalnız
cinayət‐mühakimə icraatı və publik hakimiyyət orqanları tərəfindən hüquq və azadlıqların pozulması
hallarına aid etsə də, praktikada ödənişsz hüquqi yardımın geniş spektri təqdim olunur. Fikrimizcə,
bu, tamamilə doğru yanaşmadır, dövlətlər ödənişsiz hüquqi yardım qarantiyasını yalnız cinayət
mühakimə icraatı ilə məhdudlaşdırmamalıdır.
İtaliya Respublikasının Konstitusiyasında (24‐cü maddənin 3‐cü hissəsi) hər kəsin hüquqi
yardım almaq hüququna bilavasitə qarantiya verilir: “Xüsusi müəssisələr maddi imkanı olmayan
şəxslərə bütün məhkəmələrdə iddia qaldırmaq və müdafiə olunmaq üçün imkan və vasitələr təqdim
edirlər” [5].
Göründüyü kimi, bu Konstitusiyada hüquqi yardım almaq hüququ müəyyən çərçivələrə salınsa
da, cinayət‐mühakimə icraatı ilə məhdudlaşdırlımır və deməli, buna mühakimə icraatının istənilən
növünü əhatə edən dövlət qarantiyası kimi baxıla bilər.
Niderland Krallığının Konstitusiyasında da bu subyektiv hüququ birbaşa təsbit edən normalar
möcuddur. Belə ki, Niderland Konstitusiyasının 18‐ci maddəsində yazılır: “Hər kəs mülki, cinayət və
inzibati proseslərdə öz maraqlarının təmsil olunması üçün hüquqi yardım almaq hüququna malikdir.
Aztəminatlı şəxslərə hüquqi yardım göstərilməsinin qaydaları Parlament aktı ilə müəyyən olunur”
[6].
İspaniya Konstitusiyasında bu hüququn daha detallı təsbiti yer alır. Belə ki, Konstitusiyanın
17ci maddəsinin 3‐cü hissəsinə görə: “Saxlanılan şəxsə polis və məhkəmə aktlarının
rəsmiləşdirilməsi zamanı vəkil iştirakı və yardımı qanunla müəyyən edilmiş qaydada təmin olunur.”
[7]. Digər hüquqlarla yanaşı, 24‐cü maddənin 2‐ci hissəsi hər kəsin müdafiə olunmaq və vəkil
köməyindən istifadə etmək hüququnu təsbit edir. Maraqlıdır ki, ölkədə fövqəladə vəziyyət rejimi
tətbiq olunan hallarda Konstitusiya ilə müəyyən edilmiş bəzi hüquqların məhdudlaşdırılması nəzərdə
tutulur, lakin bu hüquq (17‐ci maddənin 3‐cü hissəsi) istisnalardan biri kimi göstərilir. Bu isə hüquqi
yardım amaq hüququna necə yüksək əhəmiyyət verildiyini bir daha təsdiq edir.
Eyni yanaşmanı Danimarkanın Konstitusiyasında da görürük. “Əsas qanun”un 71‐ci maddəsinin
7‐ci hissəsində təsbit olunur ki, bu maddənin “b” bəndində sadalanan şəxslər Folketinqin bu
məqsədlə yaratdığı şuraya yardım üçün müraciət edə bilərlər [8].
Sadalanan nümunələrdən göründüyü kimi, AB ölkələrində hər kəsin keyfiyyətli hüquqi yardım
almaq hüququ ya birbaşa Konstitusiyada təsbit olunur, ya da bu məsələ ayrıca normativ aktlarda
tam yaxud qismən tənzimlənir. Yəni ki, istənilən halda AB ölkələrinin hamısında bu hüquq nəzərdə
tutulmuşdur və geniş tətbiq olunmaqdadır. Bundan əlavə, bu ölkələrdə baxılan hüququn realizəsi
ilə məşğul olan institutların geniş və çeşidli şəbəkələri diqqəti cəlb edir. Avropa Birliyi ölkələri üçün
bu məsələdə ümumi cəhətlərin daha çox olması təbiidir, çünki Avropa Birliyinin əsas hüquqular
haqda Xartiyasının 47 və 48‐i maddələri hər kəsin vəkil, müdafiəçi yardımından istifadə etmək və
öz nümayəndəsini təyin etmək hüququna mailk olduğunu təsbit edir. Kifayət qədər maddi imkanı