A Z Ə R B A Y C A N V Ə K İ L İ ‐ VIII nömrə
8
vərəsələr qarşılıqlı razılaşma üzrə əmlakı bölüşdürə bilər və yerində olmayan vərəsənin payını ayıra
bilərlər.
Mülki qanunvericilik mirasın bölüşdürülməsi zamanı bəzən müəyyən hallar meydana çıxarır ki, bu
hallara uyğun olaraq vərəsəlikdə tənzimlənən eyni hüququlu münasibətlərin balansı pozulmuş olur.
Misal üçün, MMin 1302‐ci maddəsinə əsasən, miras qoyanla birlikdə əmlaka ümumi mülkiyyət
hüququ olan vərəsələrin ümumi mülkiyyətə daxil olan əmlaka vərəsəlikdə üstünlük hüququ vardır.
Əslində qanunvericilik bu üstünlük hüququnun nədən ibarət olmasını nəzərə çatdırmır. Misal üçün,
A., və B., evə bərabər pay hüququlu sahibdirlər. A., gözlənilmədən ölür. A.,‐nın vərəsələri D., və K.,
onun miras payını bölürlər. Qanunvericilik deyir ki, bu zaman digər 10 % pay hüququ olan B., evə
dair üstünlük hüququna malikdir. Diqqət yetirək birincisi, B., heç A.,‐nın sağlığında belə bir hüququa
malik deyildir. İkincisi isə, bu vərəsəlik münasibətləri A.‐nın payına uyğun şəkildə meydana gəlir.
Bu zaman B.‐nin bu münasibətlərin iştirakıçısı olması düzgün deyildir. Axı, B. vərəsə deyil.
Bəzən mirasın bölüşdürülməsi zamanı vərəsələrdən birinin yaxud bir neçəsinin üstünlük hüququ
meydana gəlir. Belə ki, MMin 1303‐cü maddəsinə əsasən, miras açılanadək azı bir il miras qoyanla
birlikdə yaşamış vərəsənin əmlak bölgüsü zamanı mirasdan yaşayış evini, mənzili və ya digər yaşayış
otağını, habelə ev müxəlləfatı predmetlərini almaqda üstünlük hüququ vardır.
Mülki Məcəllə bu üstünlük hüququnun əmlak dairəsini belə müəyyən edir:
a) yaşayış evi;
b) mənzil;
c) digər yaşayış otağı;
ç) ev müxəlləfatı predmetləri.
Çox təəssüf ki, bura ümumiyyətlə bütün miras əmlakları aid edilmir. Hesab edirik ki, bu qayda bütün
miras əmlak üçün tətbiq edilsəydi daha düzgün olardı. Misal üçün, miras əmlak hesab edilən
avtomobil vərəsə A.‐nın istifadəsindədir. Digər vərəsələr B. və C. –nin isə ayrıca avtomobilləri var.
Hesab edirik ki, belə məsələlərin tənzimlənməsində üstünük hüququ mövcud olmalıdır.
Göstərilənləri nəzərə alaraq MMin 1303‐cü maddəsini aşağıdakı redaksiyada verilməsini təklif
edirik:
“Maddə 1303. Mirası almaqda üstünlük hüququ
Miras açılanadək azı bir il miras qoyanla birlikdə yaşamış, yaxud onun miras hesab edilən əmlakını
idarə etmiş (saxlamış, qorumuş, qulluq etmiş) vərəsənin həmin əmlak bölgüsü zamanı mirasdan
yaşayış evini, mənzili və ya digər yaşayış otağını, habelə ev müxəlləfatı predmetlərini və digər əmlakı
almaqda üstünlük hüququ vardır.”
Mülki qanunvericilik üstünlük hüququnun həyata keçirilməsin vəziyyətində müəyyən şərtlər də
qoyur. Belə ki, MMin 1304‐cü maddəsinə əsasən, üstünlük hüququnun həyata keçirilməsi zamanı
miras bölgüsündə iştirak edən digər vərəsələrin əmlak hüquqları nəzərdə tutulmalıdır. Əgər əmlak
onlara çatası payı almağa kifayət etməzsə, üstünlük hüququnu həyata keçirən vərəsələr onlara
müvafiq pul və ya əmlak kompensasiyası verməlidirlər.
Bəzən mirasın bölüşdürülməsi zamanı mirasın bölgüsünün dayandırılmasına zərurət yaranır. Bu
əsasən iki halda mümkün olur:
1. Miras şəriklərinin razılığa gələ bilməməsi səbəbindən;
Azərbaycan Respublikasının MMin 1280‐ci maddəsinə əsasən, miras şərikləri razılığa gələ bilərlər
ki, mirasın bölüşdürülməsi müəyyən müddətə dayandırılsın.
2. Doğulmamış vərəsə səbəbindən.
Azərbaycan Respublikasının MMin 1287.1‐ci maddəsinə əsasən, əgər vərəsənin mayası
bağlanmışdırsa, lakin o hələ doğulmamışdırsa, mirasın bölüşdürülməsi yalnız həmin vərəsənin
doğumundan sonra mümkündür.
Həmçinin MM‐in 1287.2‐ci maddəsinə əsasən, əgər mayası bağlanmış, lakin hələ doğulmamış vərəsə
sağ doğularsa, qalan vərəsələr mirası yalnız ona düşən payı ayırmaqla bölüşdürə bilərlər. Yeni
doğulanın mənafelərinin müdafiəsi məqsədi ilə onun nümayəndələri bölgüdə iştiraka dəvət
edilməlidirlər.
9
A Z Ə R B A Y C A N V Ə K İ L İ ‐ VIII nömrə
Dayandırılma zərurəti aşağıdakı vaxdan bitmiş hesab edilir:
1. Miras şəriklərinin razılığa gələ bilməməsi səbəbindən dayandırılma – miras şəriklərinin mirası
bölüşdürülməsi üçün razılığa gəlməsi, yaxud mübahisənin məhkəmə tərəfindən həll edilməsinə
dair məhkəmə qətnaməsinin qanuni qüvvəyə minməsi anından.
2. Doğulmamış vərəsə səbəbindən dayandırılma – vərəsənin sağ doğulması anından
Qeyd edək ki, sağ doğulmayan, yaxud doğum zamanı ölən uşağın (vərəsənin) miras payı digər
vərəsələr arasında bərabər surətdə bölünür. Qeyd edək ki, həm hüquq ədəbiyyatında, həm də
təcrübədə bu stiuasiya müqayisəli şəkildə tədqiq edilməkdədir. Misal üçün, mirasqoyan A.‐dan
qalmış miras onun bank hesabında olan 90 manat puldan ibarətdir. A.‐nın vərəsələri arvadı 5 yaşlı
oğlu və ana bətnində olan uşağı hesab olunur. Diqqət yetirək, göstərilən halda miras əmlakın (90
manatın) vərəsələr arasında bölüşdürülməsi aşaöıdakı qaydada həyata keçirilir:
a) mirasqoyanın arvadının payı 50+1/3 (45 manat+15 manat=60 manat);
b) mirasqoyanın 5 yaşlı oğlunun payı 1/3 (45 manat :3=15 manat):
c) mirasqoyanın ana bətnində olan uşağının payı 1/3 (45 manat :3=15 manat).
Beləliklə əgər uşaq sağ doğularsa o zaman mirasın bölüşdürülməsi bu şəkildə həyata keçiriləcək.
Yox, əgər uşaq sağ doğulmazsa o zaman onun payı da bərabər şəkildə digər iki vərəsə arasında
bölünəcəkdir. Bu zaman həmin mübahisəyə səbəb olan fikir ayrılığı mövcuddur. Lakin biz ölən
uşağın payını digər iki vərəsələr arasında bölüşdürsək o zaman belə bir pay hüququ yaranacaqdır:
a) mirasqoyanın arvadının payı 50+1/3+1/2 (45 manat+15 manat=60 manat+7.5 manat=67.5
manat);
b) mirasqoyanın 5 yaşlı oğlunun payı 1/3+1/2 (45 manat :3=15 manat+7.5 manat=22.5 manat).
Mülki qanunvericiliyə əsasən kompensasiyanın verilmə müddəti məhkəmə tərəfindən müəyyən
edilə bilər. Belə ki, MMin 1305‐ci maddəsinə əsasən, üstünlük hüququnu həyata keçirən vərəsələrin
tələbi ilə məhkəmə kompensasiyanın həcmini nəzərə almaqla, ona on ildən çox olmayan müddətə
möhlət verə bilər.
Mirasqoyandan qalmış borçun ödənilməsi məsələsini miras şərikləri öz aralarında həll edə bilərlər.
Belə ki, onlar borcun ödənilməsini vərəsələrdən birinin və ya bir neçəsinin öhdəsinə qoya bilərlər
ki, mirasın bölüşdürülməsi zamanı mirasdan həmin vərəsəyə (vərəsələrə) payından əlavə borc
qismində ödədikləri pulun müqabilində pay verilə bilər. Təbii ki, bütün bu prosedurların aparılması
üçün miras şəriklərinin qarşılıqlı razılığı tələb olunur. Bu qaydanı mülki qanunvericilikdə nəzarətdə
saxlamışdır. Belə ki, MM‐in 1288‐ci maddəsinə əsasən, miras şəriklərinin razılaşması üzrə bütün
borc tələblərinin tam ödənilməsinin vərəsələrdən birinin öhdəsinə qoyulmasına, bunun əvəzində
ona mirasdan müvafiq surətdə artırılmış pay verilməsinə yol verilir.
Mirasın bölüşdürülməsinin kim tərəfindən həyata keçirilməsindən asılı olmayaraq bölgü zamanı
bölgü ədalətli olmalıdır. Bu göstəriş qanuni norma olub Mülki Məcəllədə öz əksini tapmışdır. Belə
ki, MMin 1299‐cu maddəsinə əsasən, miras payının bərabərləşdirilməsi göstərilmiş xidmətlərə və
mirasın həcminə uyğun olaraq ədalətlə aparılmalıdır. Əmlak bölgüsü zamanı miras payının
bərabərləşdirilməsi məbləği mirasın ümumi məbləğindən çıxılır və bərabərləşdirmə tələbinə
hüququ olan miras şərikinin payına əlavə edilir.
Bu bölgü miras qoyan şəxsdən başqa bütün bölgünü həyata keçirən şəxslərə aid edilir.
Mirasın bölüşdürülməsinin ədalətli olmasının bir təzahürü də onun vərəsələrin bir‐birinə qarşı
hörmət və ehtiram xüsusiyyətinə malik olmasıdır. Bu halı mülki qanunvericilik də nəzərdə tutur.
Belə ki, MM‐in 1289‐cu maddəsinə əsasən, hər bir miras şəriki digər miras şəriklərinin müvafiq
payları almasını təmin etməyə borcludur. Miras şəriki bölgü nəticəsində tələb hüququ əldə etdikdə,
digər miras şərikləri borclunun ödəniş qabiliyyətinə bölgü məqamında, bu cür öhdəliyin icra
müddəti çatmadıqda isə öhdəliyin icrası məqamında öz paylarına uyğun kömək göstərməlidirlər.
Həmçinin, MM‐in 1290‐cı maddəsinə əsasən, əgər vəsiyyətnamə ilə müəyyənləşdirilmiş payların
cəminin bütün mirasdan çox olduğu aşkara çıxarsa, hər bir vərəsənin payı mütənasib surətdə
azaldılır.
Əmlakın bölüşdürülməsi zamanı bəzən mübahisələr yaranır ki, bu mübahisələr nəticəsində mirasın