A Z Ə R B A Y C A N V Ə K İ L İ ‐ VIII nömrə
2. Feysbuk qalmaqlı
2015‐ci ilin fevralında avstriyalı fəal Maks Şrems Feysbuku həmin şirkətin Avropa üzrə
qərargahının yerləşdiyi İrlandiyada məhkəməyə vermişdir. İddia tələbi onunla bağlı idi ki, feysbuk
resursunun onunun istifadəçilərinin fərdi məlumatlarını ABŞ serverlərinə dolayısilə ABŞ xidmət
orqanlarına göndərilməsi hüquqi cəhətdən düzgün deyildir. Bundan sonra işlə bağlı
Avropa Ədalət Məhkəməsinə müraciət edilmişdir. Sentyabr ayında qəbul olunmuş Məhkəmənin
qərarına əsasən, ABŞ‐ın xidmət orqanlarına sosial şəbəkə vasitəsilə məlumatların ötürülməsi
qanunsuz hesab olunmuşdur. Qərarda deyilir ki, ABŞ qanunvericiliyi avropalıların fərdi
məlumatlarının mühafizəsini lazımi səviyyədə təmin edə bilmir.
Eyni zamanda Avropa Ədalət Məhkəməsi Aİ ilə ABŞ arasında kommersiya məqsədləri ilə
məlumatların mübadiləsi haqqında sazişin (Safe Harbour) qeyri‐qanuni olması barədə qənaətə
gəlmişdir.
3. Volkswagen qalmaqalı
ABŞ‐ın Ədliyyə Naziriliyi bu yaxınlarda Volkswagen şirkətinə qarşı cinayət işi qaldırmışdır. Belə
ki, bu şrikətin istehsal etdiyi yeni avtomobillərdə ekoloji normaları yan keçə bilən proqram
təminatı quraşdırılmışdır. Həmin proqam təminatı sayəsində avtomobil yüksək sürətdə idarə
olunarkən çölə buraxılan karbondioksid qazının miqdarını normadan artıq olurmuş. Məsələ
ilə bağlı, ABŞ‐da ekoloji məsələlərə nəzarət edən dövlət qurumu 482000 avtomobilin geri
çağırılaraq texniki nazsazlığın aradan qaldırılması tapşırığını vermişdir. Eyni zamanda, yoxlamalar
ərzində müəyyən olunmuşdur ki, sınaq zamanı avtomobillər hava filtirləri normal işləsə də, adi
yol şəraitində qeyd olunan normalara avtomobil texniki baxımdan riayət edə bilmir. Nəticədə
havaya buraxılan tullantıların miqdarı normadan artıq olur. Burada söhbət 2009‐2015‐ci illər
ərzində istehsal olunmuş dizel mühərrikli avtomobillərdən gedir.
Ümumiyyətlə, şirkətə tətbiq olunacaq cərimənin həcminin 18 milyard ABŞ dolları olacağı gözlənilir.
Dünya üzrə bu cür avtomobillərinin təxmini sayı isə 11 milyon ədəddir.
Nəticədə bir sıra digər ölkələr də alman avtokonserni barədə araşdırmalara başlamış və Koreya,
Avstraliya və s. ölkələrin vətəndaşları “Volkswagen”ə qarşı məhkəmələrə müraciət etmişlər.
4. Roman Polanski qalmaqalı
Polşanın Krakovo şəhərinin apellyasiya məhkəməsi artıq
bir ildən artıqdır ki, davam edən mübahisəyə son
nöqtəsini qoymuşdur. Belə ki, yetkinlik yaşına çatmayan
şəxsi zorlamaqda şübhəli bilinən məşhur rejissor Roman
Polanskinin ABŞ hüquq‐mühafizə orqanları tərəfindən
ABŞ‐a ekstradisiya olunması Polşa dövlətindən tələb
olunurdu. Polşa məhkəməsi isə Vaşinqtonun bu
müraciətini rədd etmişdir. Polanski 1977‐ci ildə ABŞ‐da
Samanta Qeyli adlı 13 yaşlı qızı zorlamaqda təqsirli bilinir.
İş materiallarından belə məlum olur ki, Polanski model
biznesində çalışan 13 yaşla Samantanı görüşə dəvət
etmiş, daha sonra Samanta şampan və narkotik vasitənin istifadəsinə təhrik edilərək intim əlaqəyə
məcbur edilmişdir. Polşaya qaçmadan öncə Polanski özünü ittihamda təqsirli bilmişdir. 2009‐cu
ildə ABŞ məhkəməsinin orderi əsasında Polanski İsveçrənin Sürix şəhərində tutulmuş və ev
dustaqlığında saxlanılmışdır. 2010‐cu ildə İsveçrə hökuməti rejissorun ABŞ‐a ekstradisiyasından
imtina etmiş. Eynilə Polşa hökuməti də isveçrəli hakimlərlə həmrəylik nümayiş etdimişdir.
Məlumat üçün qeyd edək ki, Roman Polanski hamımızın yaxşı tanıdığı “Pianist” filminin rejissorudur.
52
A Z Ə R B A Y C A N V Ə K İ L İ ‐ VIII nömrə
Son 10 il ərzində Britaniyada 505 məhbus
səhvən azadlığa buraxılıb
Britaniyada ötən 10 il ərzində cəzaçəkmə
müəssisələrinin
əməkdaşlarının
səhvləri
ucbatından qətlədə və digər ağır növ cinayətlər
üzrə cəza çəkən şəxslər yanlışlıqla həbsdən azad
edilmişlər. Təkcə 2014‐2015‐ci illərdə bu
qaydada azad edilmiş şəxslərin sayı 48 idi.
Təsəvvür edin ki, ötən 10 il ərzində səhvən
buraxılmış 505 nəfər məhkum həftəyə 1 nəfərin
azadlığa çıxması deməkdir ki, bu da istənilən
ölkənin penitensiar sisteminin nüfuzu üçün qəbuledilməz statistikadır. Halbuki Brutaniyanın rəsmi
penitensiar orqanı belə halların çox nadir hallarda baş verdiyi qənaətindədir.
Bu ilin avqust ayında qətl törətmiş məhkumlardan Martinas Kupstis səhvən azadlığa buraxılır və
təxminən 3 saatdan sonra yaxındlıqdakı avtobus dayanacağında tutlaraq kamerasına qaytarılmışdır.
Bu şəxs 24 yaşlı bir gəncin qətli ilə bağlı məhkumluq həyatı sürürdü.
Digər bir epizodda Hevel Həbsxanasında bir kamerada yaşayan iki eyni soyadlı məhkumdan birisi
yanlışlıqa azadlığa buraxılmışdır. Həmin şəxs bir gündən sonra geriyə qaytarılmışdır.
Ümumiyyətlə isə, qeyd olunan 505 məhkumdan 6‐sı hələ də tutularaq geri qaytarılmamışdır.
53
54
A Z Ə R B A Y C A N V Ə K İ L İ ‐ VIII nömrə
“Sualınıza vəkil cavab versin!” rubrikası
*
Sual 1. “Azərbaycan Respublikası Mülki Məcəlləsi”nin
7.1ci maddəsində deyilir: “Azərbaycan Respublikası
Konstitusiyasının 149‐cu maddəsinin VII hissəsində
nəzərdə
tutulanlar
istisna
olmaqla,
mülki
qanunvericilik müddəalarının geriyə qüvvəsi yoxdur
və onlar qüvvəyə mindikdən sonra əmələ gəlmiş
münasibətlərə
tətbiq
edilir”.
Azərbaycan
Respublikası Konstitusiyasının 149‐cu maddəsinin
VII hissəsində isə deyilir: “Fiziki və hüquqi şəxslərin
hüquqi
vəziyyətini
yaxşılaşdıran,
hüquq
məsuliyyətini aradan qaldıran və ya yüngülləşdirən
normativ hüquqi aktların qüvvəsi geriyə şamil edilir”. “Azərbaycan Respublikasının Mülki
Məsəlləsi”nin 178.6‐cı maddəsində deyilir: “Əgər şəxs daşınmaz əmlakın dövlət reyestrində
qeydə alınmamış daşınmaz əmlaka faktiki mülkiyyətçi hüquqi ilə 30 il ərzində fasiləsiz və
etirazsız sahiblik etmişsə, o, mülkiyyətçi kimi qeydə alınmasını tələb edə bilər”. Bu maddə
ölkə Konstitusiyasının 149‐cu maddəsinin VII hissəsində nəzərdə tutulan hal kimi
qiymətləndirilə bilərmi?
Cavab. Azərbaycan Respublikası Mülki Məcəlləsinin 7.1‐ci (“Mülki qanunvericiliyin zamana görə
qüvvəsi”) maddəsinə görə, Azərbaycan Respublikası Konstitusiyasının 149‐cu maddəsinin VII
hissəsində nəzərdə tutulanlar istisna olmaqla, mülki qanunvericilik müddəalarının geriyə qüvvəsi
yoxdur və onlar qüvvəyə mindikdən sonra əmələ gəlmiş münasibətlərə tətbiq edilir. Həmin
Məcəllənin 7.2‐ci maddəsinə müvafiq olaraq, qanunla birbaşa nəzərdə tutulmuş hallarda mülki
qanunvericiliyin geriyə qüvvəsi ola bilər. “Azərbaycan Respublikası Mülki Məcəlləsinin təsdiq
edilməsi, qüvvəyə minməsi və bununla bağlı hüquqi tənzimləmə məsələləri haqqında” qanun və
Azərbaycan Respublikası Mülki Məcəlləsində həmin Məcəllənin 178.6‐cı maddəsinin hüquqi
qüvvəsinin 2000‐ci il sentyabrın 1‐dən əvvəlki müddətlərə şamil edilməsi ilə bağlı hər hansı
müddəa nəzərdə tutulmamışdır. Digər tərəfdən, Azərbaycan Respublikası Konstitusiya Məhkəməsi
eyni (yuxarıda qeyd edilən) əsaslardan çıxış edərək Azərbaycan Respublikası Mülki Məcəlləsinin
179‐cu maddəsinin şərh edilməsinə dair” 28 yanvar 2002ci il tarixli Qərarında göstərmişdir ki,
Azərbaycan Respublikası Mülki Məcəlləsinin daşınmaz əmlaka mülkiyyət hüququnu əldəetmə
müddətini müəyyənləşdirən 179‐cu maddəsinin hüquqi qüvvəsi 2000‐ci il sentyabrın 1‐dən sonra
yaranan hüquq münasibətlərinə tətbiq olunmalıdır.
Sual 2. Qardaşım ailəsi ilə birlikdə 5 ilə yaxındır valideynlərimlə birlikdə yaşayır. Mənzil
özəlləşdirilməmişdir, mənzilə dair order atamın adınadır və orderdə yalnız anam, qardaşım
və mənim adım vardır. Mənzili özəlləşdirmək istəyirik, lakin qardaşımın arvadı da həmin
mənzildə payı olduğunu iddia edir. Bu tələb nə qədər haqlıdır?
Cavab. “Azərbaycan Respublikasında mənzil fondunun özəlləşdirilməsi haqqında” Qanunun 1‐ci
maddəsinə görə dövlət və ya ictimai mənzil fondunun mülkiyyətçisi ilə mənzil kirayə müqaviləsi
bağlamış Azərbaycan Respublikasının vətəndaşlarının, habelə vətəndaşlığı olmayan şəxslərin
yaşadıqları mənzilləri (evləri) bu Qanunla müəyyən edilmiş şərtlərlə və qaydada əvəzsiz olaraq
şəxsi mülkiyyətinə keçirmək hüququ vardır. Həmin Qanunun 5‐ci maddəsinin birinci hissəsinə
əsasən mənzillər (evlər), özəlləşdirilməsi üçün müraciət edilən anda mənzil kirayə müqaviləsində
göstərilmiş və kirayəçi ilə birlikdə faktiki yaşayan, onun yetkinlik yaşına çatmış ailə üzvlərinin
55
A Z Ə R B A Y C A N V Ə K İ L İ ‐ VIII nömrə
razılığı ilə onlardan birinin mülkiyyətinə və ya bir neçəsinin və yaxud bütün ailə üzvlərinin ümumi
(paylı, birgə) mülkiyyətinə verilə bilər.
Göründüyü kimi, Qanunun 5‐ci maddəsi anlamında mənzili özəlləşdirmək hüququna müraciət edilən
anda adı mənzil kirayə müqaviləsində göstərilmiş və kirayəçi ilə birlikdə faktiki yaşayan yetkinlik
yaşına çatmış ailə üzvləri malikdirlər. Qardaşınızın arvadının adı orderdə göstərilmədiyindən o,
sözügedən mənzili özəlləşdirmək hüququna malik deyildir.
Sual 3. Yeni mənzil almışam. Mən və ailə üzvlərim həmin mənzilə qeydiyyata düşməliyikmi?
Cavab. Əgər Siz mənzil aldıqdan sonra da əvvəlki yaşayış sahənizdə yaşamağa davam edirsinizsə,
onda yaşayış yerinizi dəyişmədiyinizə görə yeni mənziliniz üzrə qeydiyyata düşməyiniz tələb edilmir.
Əgər ailə üzvlərinizlə birlikdə daima yaşamaq üçün yeni mənzilə köçərsinizsə, onda həmin mənzilə
gəldikdən sonra 10 gündən gec olmayaraq qeydiyyata düşməlisiniz. Çünki “Yaşayış yeri və olduğu
yer üzrə qeydiyyat haqqında” qanunun 5‐ci maddəsinə görə, yaşayış yerini dəyişdirmiş vətəndaş
yeni yaşayış yerinə gəldikdən sonra 10 gündən gec olmayaraq qeydiyyata alınması üçün müvafiq
icra hakimiyyəti orqanına (Azərbaycan Respublikasının Daxili İşlər Nazirliyi) müraciət edərək
forması müvafiq icra hakimiyyəti orqanı tərəfindən təsdiq edilən, yaşayış yeri üzrə qeydiyyata
alınma haqqında ərizə‐anketlə birlikdə aşağıdakı sənədləri təqdim etməlidir: 1) şəxsiyyət vəsiqəsi;
2) yaşayış sahəsinə köçmək üçün əsas verən sənəd (mülkiyyət hüququnun dövlət qeydiyyatına
alınması haqqında daşınmaz əmlakın dövlət reyestrindən çıxarış, order, icarə və ya kirayə
müqaviləsi, yaxud Azərbaycan Respublikası qanunvericiliyində nəzərdə tutulmuş başqa sənəd) və
ya vətəndaşa yaşayış sahəsi verən şəxsin ərizəsi.
Sual 4. Boşanma barədə işə baxılarkən notariusda uşağın saxlanmasına görə aliment sazişi
bağladıq. Keçmiş həyat yoldaşım bir müddət saziş üzrə aliment ödəsə də, hazırda bir neçə aydır
ödənişlərdən yayınır. Bu halda, mən nə etməliyəm?
Cavab. Azərbaycan Respublikası Ali Məcəlləsinin 94.3‐cü maddəsinə görə, aliment ödənilməsi
barədə saziş notariat qaydasında təsdiq edildikdə, icra vərəqəsi qüvvəsinə malik olur.
Həmin Məcəllənin 95.3‐cü maddəsinə görə, aliment ödənilməsi barədə sazişi icra etməkdən birtərəfli
qaydada imtina etməyə və onun şərtlərinin birtərəfli qaydada dəyişdirilməsinə yol verilmir. “İcra
haqqında” qanunun 6.1.3‐cü maddəsinə görə, alimentlərin ödənilməsi barədə notariat qaydasında
təsdiq edilmiş saziş icra sənədi sayılır. Həmin Qanunun 2.1‐ci maddəsinə görə, Azərbaycan
Respublikasında məhkəmə və digər orqanların qərarlarının məcburi icrası icra məmurları tərəfindən
həyata keçirilir.
Göründüyü kimi, Siz Azərbaycan Respublikası Ədliyyə Nazirliyinin müvafiq (keçmiş ərinizin yaşadığı
yer, yaxud onun iş yeri və ya onun əmlakının olduğu yer üzrə) rayon icra şöbəsinə müraciət etməklə
alimentin ödənilməsinin məcburi qaydada təmin olunmasını tələb edə bilərsiniz.
Sual 5. İş yoldaşımın götürdüyü kreditə görə zamin dayanmışdım. Kreditin bir hissəsi ödənilsə
də, iş yoldaşım vəfat etmiş və ödənişlərdə gecikmə yaranmışdır. Bank həm mənə, həm də iş
yoldaşımın vərəsəsinə (arvadına) qarşı iddia qaldırmış və pulu bizdən tələb edir. Halbuki mən
yalnız iş yoldaşıma zamin dayanmışdım. İş yoldaşımın ölümü nəticəsində zaminlik də bitməli
deyildimi?
Cavab. Ümumi qayda ondan ibarətdir ki, öhdəlik münasibətləri hansı şəxslər arasında meydana
gəlmişsə, mövcudluğunu həmin şəxslər arasında davam etdirir və bitir. Lakin bəzi hallarda öhdəliyin
aktiv (kreditor) və ya passiv (borclu) tərəfində dəyişiklik olması mümkündür. Əmlakın vərəsəlik
yolu ilə keçməsi halında miras qoyan borcludursa, onun yerinə vərəsələr borclu kimi çıxış edirlər.
Kredit borcu miras passivi kimi iş yoldaşınızın arvadına keçmişdir, yəni bankla bağlanmış kredit
A Z Ə R B A Y C A N V Ə K İ L İ ‐ VIII nömrə
56
müqaviləsinin tərəfi (borc alan) kimi o, miras qoyanı/ərini əvəz etmişdir (Azərbaycan Respublikası
Mülki Məcəlləsi, m. 1133.1, 1151.1).
Bu hal, Sizinlə bank arasında bağlanmış zaminlik müqaviləsinə xitam verilməsi üçün əsas deyildir.
Belə ki, adıçəkilən Məcəllənin zaminliyə xitam verilməsi əsaslarını müəyyənləşdirən 477‐ci
maddəsində əsas öhdəlik üzrə borclunun ölümü xitamvermə əsası kimi nəzərdə tutulmamışdır.
Həmin Məcəllənin 477.0.2‐ci maddəsində nəzərdə tutulmuş əsas ("Əgər zamin yeni borclu üçün
cavabdeh olmaq barəsində kreditora razılıq verməmişsə, zaminliklə təmin edilmiş öhdəlik üzrə
borc başqa şəxsə keçirildikdə, zaminliyə xitam verilir".) isə əsas öhdəliyin tərəfinin vərəsəlik yolu
ilə dəyişməsi halını tənzimləmir; həmin əsas kreditor (konkret halda, bank) və yeni borclu (hər
hansı üçüncü şəxs) arasında bağlanmış müqavilə əsasında əsas öhdəliyin (konkret halda, kredit
müqaviləsi üzrə öhdəliyin) passiv (borclu) tərəfində baş verən dəyişikliyə şamil oluna bilər. Bu
mənada sözügedən Məcəllənin 477.0.2‐ci və 525‐ci maddələri arasında bağlılıq vardır. Çünki 525‐ci
maddəyə görə, tələb üçün verilmiş zaminlik və girov hüququ öhdəliyin verilməsi nəticəsində ləğv
edilir. ... Əgər zamin və ya öhdəliyin verildiyi məqamda yüklü əşyanın mənsub olduğu şəxs razılıq
verərlərsə, bu göstərişlər tətbiq edilmir.
Sual 6. Bankın tələbi əsasında ipoteka qoyulmuş yaşadığım mənzilə tutma yönəldilmişdir.
Lakin məhkəmə qərarı hələ icra edilməmişdir, başqa sözlə, hərrac mərhələsindədir. Bu
mərhələdə mən kredit borcumu ödəyərək mənzilimi ipotekadan azad edə bilərəm?
Cavab. “İpoteka haqqında” qanunun 46.1‐ci maddəsi Sizə belə bir hüquq verir. Belə ki, həmin
maddəyə görə, ipoteka predmetinin açıq bazarda və ya hərracda satışına (alqı‐satqı müqaviləsi
notariat qaydasında təsdiq olunanadək və ya hərracın nəticələri üzrə protokol imzalananadək),
yaxud bu Qanunun tələblərinə uyğun olaraq onun ipoteka saxlayan tərəfindən əldə olunmasına
qədər (alqı‐satqı müqaviləsi notariat qaydasında təsdiq olunanadək) əsas öhdəlik üzrə borclu və
(və ya) ipoteka qoyan, yaxud hər hansı üçüncü şəxs ipoteka saxlayanın əsas bütün tələbini ödəyərək
ipoteka predmetinə tutma yönəldilməsinə və onun satışına xitam verə bilər. Bu hüququ
məhdudlaşdıran razılaşma əhəmiyyətsizdir.
Bu halda Siz ipoteka predmetinə tutma yönəldilməsi və onun satışı ilə əlaqədar çəkilmiş xərcləri
ipoteka saxlayana (banka) ödəməlisiniz (Adıçəkilən Qanunun 46.2‐ci maddəsi).
Sual 7. Qardaşım milliyyətcə Azərbaycanlı olsa da, uzun müddət Rusiyada yaşadığından Rusiya
vətəndaşlığını qəbul etmişdir. Onun Bakı şəhərində evi vardır. Vəsiyyətnamə tərtib etmək üçün
Bakıdakı notariuslara müraciət edə bilərmi?
Cavab. Əcnəbi vətəndaşların və vətəndaşlığı olmayan şəxslərin Azərbaycan Respublikası
vətəndaşları ilə bərabər səviyyədə Azərbaycan Respublikasının notariuslarına müraciət etmək
hüququ vardır. Notariuslar Azərbaycan Respublikasının qanunvericiliyinə, Azərbaycan
Respublikasının tərəfdar çıxdığı beynəlxalq müqavilələrə müvafiq olaraq xarici dövlətlərin
qanunvericiliyinin normalarını tətbiq edirlər. Əcnəbinin ölümündən sonra Azərbaycan
Respublikasının ərazisində qalmış əmlakın və ya Azərbaycan Respublikası vətəndaşının ölümündən
sonra əcnəbiyə çatası əmlakın qorunması ilə, habelə bu cür əmlak barəsində vərəsəlik hüququ
haqqında şəhadətnamənin verilməsi ilə əlaqədar hərəkətlər «
Notariat haqqında
» Azərbaycan
Respublikası Qanununun 89‐cu maddəsinə əsasən Azərbaycan Respublikasının qanunvericiliyinə
müvafiq olaraq bu Təlimatda ifadə olunmuş qaydalar üzrə aparılır (Azərbaycan Respublikası
Nazirlər Kabinetinin 11 sentyabr 2000‐ci il tarixli 167 nömrəli Qərarı ilə təsdiqlənmiş “Notariat
hərəkətlərinin aparılması Qaydaları haqqında Təlimat”ın 200, 201 və 203‐cü bəndləri).
57
A Z Ə R B A Y C A N V Ə K İ L İ ‐ VIII nömrə
Sual 8. Fərdi sahibkar kimi sex işlədirəm. İşçilərdən birinin adına avtomobilə dair etibarnamə
vermişən ki, sex üçün lazım olan mal‐materialın daşınmasını təmin etsin. İşçi yol qəzası
törətmiş və başqa şəxsə zərər vurmuşdur. Həmin şəxs məhkəməyə müraciət edib pulu
işəgötürən kimi məndən tələb edir. Halbuki hadisə iş vaxtı deyil, bazar günü olmuşdur. Bu
halda, mən işəgötürən kimi vurulmuş zərərə görə məsuliyyət daşıyıram?
Cavab. Azərbaycan Respublikası Mülki Məcəlləsinin 1099.1‐ci maddəsinə görə, hüquqi və ya fiziki
şəxs öz işçisinin törətdiyi mülki hüquq pozuntusu (delikt) üçün məsuliyyət daşıyır və əmək (qulluq,
mənsəb) vəzifələrinin icrası zamanı işçisinin vurduğu zərərin əvəzini ödəməlidir. Həmin
Məcəllənin 1099.2‐ci maddəsinə görə, bu Məcəllənin bu fəslində nəzərdə tutulan qaydalara
tətbiqən, işçi əmək müqaviləsi əsasında iş görən fiziki şəxsdir, habelə mülki hüquq müqaviləsi
üzrə iş görən fiziki şəxsdir, bir şərtlə ki, bu zaman o, müvafiq hüquqi və ya fiziki şəxsin tapşırığı
ilə və işlərin təhlükəsiz aparılmasına onun nəzarəti altında fəaliyyət göstərsin və ya fəaliyyət
göstərməli olsun.
Göründüyü kimi, işçinin vurduğu zərərə görə işəgötürənin məsuliyyətinin yaranması üçün tələb
edilən şərtlərdən biri zərərin işçinin əmək (qulluq, mənsəb) vəzifələrinin icrası zamanı vurulmuş
olmasıdır. Başqa sözlə, zərər ilə işçiyə verilmiş işin icrası arasında hər hansı məqsəd bağı yoxdursa,
işəgötürənin məsuliyyətindən danışmaq mümkün deyildir.
Beləliklə, Siz zərərlə işçinizə tapşırılmış işin icrası arasında hər hansı məqsəd bağının olmadığını
sübuta yetirə bilsəniz, məsuliyyətdən qurtula bilərsiniz. Məhkəmə işə baxarkən bu halın mövcud
olub‐olmamasını nəzərə alıb müvafiq qərarı qəbul edəcəkdir.
Sual 9. Yeni mənzil aldıqdan sonra işıq idarəsinə gedib müqavilənin mənim adıma
keçirilməsini xahiş etdim. Lakin mənə bildirdilər ki, əvvəlki abonentin borcu olduğundan
müqavilə bağlanması və kodun mənim adıma keçirilməsi mümkün olmayacaqdır. Belə bir
imtina qanuni sayıla bilərmi?
Cavab. Azərbaycan Respublikası Mülki Məcəlləsinin 400.2‐ci maddəsinə görə, sahibkarlıq məqsədi
olmadan və ya özünün zəruri ehtiyaclarının ödənilməsi üçün əmlak və ya xidmət əldə edən və ya
onlardan istifadə edən şəxslə, əgər digər tərəf özünün sahibkarlıq fəaliyyəti həddində hərəkət
edirsə, müqavilə bağlamaqdan əsassız imtina edilə bilməz. Azərbaycan Respublikası Nazirlər
Kabinetinin 2 fevral 2005‐ci il tarixli 18 nömrəli Qərarı ilə təsdiq edilmiş “Elektrik enerjisindən
istifadə Qaydaları”nın 1.3‐cü bəndinə görə, enerjitəchizatı müəssisəsi ilə abonent arasında elektrik
enerjisinin alqı‐satqı müqaviləsi bağlanmalıdır.
Beləliklə, əvvəlki mülkiyyətçinin (abonentin) elektrik enerjisi borcuna görə məsuliyyət
daşımadığınızdan enerjitəchizat müəssisəsinin Sizinlə müqavilə bağlamaqdan imtinası əsaslı sayıla
bilməz.
Dostları ilə paylaş: |