20
A Z Ə R B A Y C A N V Ə K İ L İ ‐ XIII nömrə
Həyatının, sağlamlığının və əməyinin mühafizəsini təmin edən əmək şəraitində çalışmaq,
habelə belə şəraitin yaradılmasını tələb etmək;
İş vaxtından artıq vaxtda işə cəlb olunduqda əlavə əmək haqqını almaq və ya onun verilməsini
tələb etmək;
‐ Əmək müqaviləsi ilə müəyyən edilmiş əmək funksiyasına daxil olmayan işləri, xidmətləri
yerinə yetirməkdən imtina etmək, belə işləri, xidmətləri icra etdikdə isə müvafiq əlavə əmək
haqqının verilməsini tələb etmək;
Qanunvericiliklə müəyyən olunmuş iş vaxtında çalışmaq;
Hər il bu Məcəllədə nəzərdə tutulmuş minimum müddətdən az olmayan ödənişli əsas
məzuniyyətdən və müvafiq hallarda əlavə, sosial, ödənişsiz, təhsil məzuniyyətlərindən istifadə
etmək;
‐ Əmək funksiyasının yerinə yetirilməsi zamanı əmlakına və səhhətinə dəyən ziyanın
ödənilməsini tələb etmək;
İşəgötürən tərəfindən qanunvericiliklə müəyyən olunmuş qaydada məcburi sosial sığorta və
istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi
hallarından icbari sığorta olunmaq, habelə hər hansı başqa növ sığorta qaydalarından istifadə etmək;
Qanunvericiliklə müəyyən olunmuş qaydada həmkarlar ittifaqlarının, ictimai birliklərin üzvü
olmaq, habelə bu təşkilatların və ya əmək kollektivinin keçirdiyi tətillərdə, mitinqlərdə,
toplantılarda və qanunvericiliklə qadağan olunmayan digər kütləvi tədbirlərdə iştirak etmək;
‐ Əmək hüquqlarının müdafiəsi üçün məhkəməyə müraciət etmək və hüquqi müdafiə olunmaq;
Sosial müdafiə üzrə müavinətlərdən və güzəştlərdən, sosial sığorta hüququndan istifadə
etmək;
İş yeri, vəzifəsi (peşəsi), aylıq əmək haqqı və əmək münasibətləri ilə bağlı digər məlumatlar
barədə işəgötürəndən müvafiq arayışlar almaq.
Tibb işçilərinin tutduğu vəzifənin spesifikasından asılı olaraq onların xüsusi hüquqları da
mövcuddur. Tibb işçilərinin böyük bir qismini həkimlər təşkil etdiyindən onların spesifik
hüquqlarının sadalanmasına zərurət vardır. Belə ki, həkimlərin yuxarıda sadalanan hüquqlardan
başqa eyni zamanda aşağıdakı hüquqları da mövcuddur:
Klinik müşahidə və müayinə, anamnez toplanması və klinik‐laborator tədqiqatların
məlumatlarına əsasən ixtisası üzrə müstəqil surətdə diaqnoz müəyyənləşdirmək;
Müvafiq qaydalara və standartlara uyğun olaraq xəstənin aparılması taktikasını müəyyən
etmək;
Pasiyentin kompleks müayinəsi üçün zəruri funksional və laborator diaqnostika metodlarını
təyin etmək;
‐ Diaqnostika və müalicənin icazə verilmiş metodlarından istifadə etməklə diaqnostik, müalicə,
reabilitasiya və profilaktika prosedurlarını aparmaq;
‐ Zərurət olduqda xəstələrin məsləhəti, müayinəsi və müalicəsi üçün müəyyən edilmiş
qaydada başqa ixtisaslı həkimləri cəlb etmək;
Tibbi yardım göstərilməsinin bütün mərhələlərində pasiyent üzərində müşahidəni həyata
keçirmək;
Müalicə‐diaqnostik prosesin təkmilləşdirilməsi üzrə rəhbərliyə təkliflər vermək.
Tibb işçilərinin hüquqlarından danışmaq tibb işçilərinə nə qədər xoş olsa da, onların öz
vəzifələrini də bilmələri olduqca vacibdir. Çünki hüquq və vəzifə qarşılıqlı vəhdətdə olub birbirini
tamamlayır. Hüququ vəzifəsiz, vəzifəni isə hüquqsuz təsəvvür etmək qeyri‐mümkündür. Bu
baxımdan tibb işçilərimiz öz vəzifələrini dəqiq şəkildə bilməli və tam yerinə yetirməlidir.
Həkimlərimizin aşağıdakı vəzifələri mövcuddur:
Mövcüd qaydalara və standartlara uyğun olaraq zəruri müalicəni təyin edir və nəzarət edir,
zəruri diaqnostik, müalicə, reabilitasiya və profilaktik prosedur və tədbirləri təşkil edir və ya
müstəqil surətdə aparır.
‐ Stasionarda xəstəyə gündəlik baxış keçirir. Pasiyentin vəziyyətindən asılı olaraq müalicə
planına dəyişiklik edir və əlavə müayinə metodlarının zəruriliyini müəyyən edir.
21
A Z Ə R B A Y C A N V Ə K İ L İ ‐ XIII nömrə
Müalicə‐profilaktika müəssisəsinin başqa bölmələrinin həkimlərinə öz ixtisası üzrə məsləhət
yardımı göstərir.
‐ Ona tabe orta və kiçik tibb heyətinin işinə rəhbərlik edir, öz vəzifə öhdəliklərinin yerinə
yetirilməsində onlara kömək edir.
‐ Diaqnostik və müalicə prosedurlarının aparılmasının, alət, aparat və avadanlıqların
istismarının, dərman preparatlarının səmərəli istifadəsinə, orta və kiçik tibb heyəti tərəfindən
təhlükəsizlik texnikası və əməyin mühafizəsi qaydalarına riayət edilməsinə nəzarət edir.
Öz işini planlaşdırır və öz fəaliyyətinin göstəricilərini təhlil edir.
‐ Tibbi və digər sənədlərin müəyyən edilmiş qaydalara uyğun olaraq vaxtında və keyfiyyətli
rəsmiləşdirilməsini təmin edir.
‐ Sanitar‐maarifləndirmə işini aparır. Etik davranış qaydalarına riayət edir.
Müəssisə rəhbərliyinin əmr, sərəncam və tapşırıqlarını peşəkar səviyyədə və vaxtında icra
edir.
‐ Qanunvericiliklə müəyyən edilmiş müddətdə işlədiyi istiqamət üzrə təkmilləşdirmə
kurslarında iştirak edir, mütəmadi olaraq öz ixtisasını artırır.
Müəyyən olunmuş qaydada sertifikasiyadan keçir.
Daxili intizam, yanğın təhlükəsizliyi və təhlükəsizlik texnikası qaydalarına, sanitariya‐
epidemioloji rejimə riayət edir. Tibb müəssisəsinin fəaliyyətinə, işçilərinə, pasiyentlərə təhlükə
yaradan təhlükəsizlik texnikası, yanğına qarşı və sanitariya qaydalarının pozulmasının aradan
qaldırılması üzrə, rəhbərliyin vaxtında məlumatlandırılması da daxil olmaqla, operativ tədbirlər
görür.
Tibb sahəsinin spesifik xüsusiyyətlərindən, yəni insan həyat və sağlamlığı ilə birbaşa
bağlılığından dolayı tibb işçilərinin vəzifələri də geniş və məsuliyyətlidir. Bu baxımdan tibb işçiləri
öz vəzifələrini yerinə yetirərkən olduqca diqqətli olmalı və kiçik bir etinasızlığın faciəyə səbəb ola
biləcəyini nəzərə almalıdır. Ölkəmizdə aparılmış hüquq islahatlarının nəticəsi olaraq insanların tibb
işçilərinə və müəssisələrinə qarşı məhkəməyə müraciət etmə halları olduqca artmışdır. Bu insanlar
üçün təqdirə layiq hal hesab olunsa da tibb işçilərinin məhkəmədə müdafiəsinin gücləndirilməsi
üçün onlar hüquqi cəhətdən maarifləndirilməli və onlara öz hüquqlarını müdafiə mexanizmləri
təbliğ edilməlidir.
Yuxarıda qeyd edilənlərdən də göründüyü kimi tibb işçilərinin hüquqları kifayət qədər
çoxşaxəlidir. Çünki tibb işçiləri həm Əmək Məcəlləsində nəzərdə tutulmuş hüquqlardan, həm də
özlərinin vəzifələrinə uyğun olan hüquqlardan istifadə edə bilərlər. Lakin tibb işçilərinin bu
hüquqlarının pozulması və onların özlərini müdafiə edə bilməmələrinin şahidi oluruq. Bu kimi
arzuolunmaz halların baş verməməsi üçün də tibb işçiləri öz hüquqlarının müdafiəsi mexanizmlərini
bilməli və tətbiq etməyi bacarmalıdır. Belə ki, tibb işçilərinin hüquqlarının aşağıdakı müdafiə
mexanizmləri mövcuddur:
Hüququnu yazılı qaydada (ərizə formasında) öz müəssisə rəhbərindən tələb etmək;
Yuxarıda qeyd olunmuş formada tələb edilmiş hüquq müəssisə rəhbəri tərəfindən təmin
olunmadıqda yuxarı təşkilatlara ərizə və ya şikayət formasında müraciət etmək. Yuxarı təşkilatlar
dedikdə Səhiyyə Nazirliyi, Dövlət Əmək Müfəttişliyi Xidməti, Azərbaycan Respublikası Prezident
Administrasiyası, İnsan Hüquqları üzrə Müvəkkil (Ombudsman) və s. başa düşülür.
‐ 2‐ci bəndə göstərilmiş hüquqi müdafiə mexanizmi səmərə vermədikdə məhkəməyə iddia
ərizəsi ilə müraciət etmək, çıxarılmış yekun məhkəmə qərarlarından yuxarı instansiya məhkəməsinə
şikayət vermək.
Pozulmuş hüquqda cinayətin əlamətləri olduqda hüquq mühafizə orqanlarına‐ Baş
Prokurorluq, Daxili İşlər Nazirliyi və.s müraciət etmək.
Bütün bu mexanizmlərdə nümayəndə və ya vəkil yardımından istifadə edərək hüquqların
effektiv müdafiəsini təmin etmək.
Tibb işçilərinin hüquqlarını bilməsi və həmin hüquqların müdafiəsi mexanizmlərini tətbiq
etməyi bacarması bu hüquqların təminini şərtləndirən amildir. Hüquqlarını bilən lakin həmin