20
doldurucunun növündən asılı olaraq bu rezinlər müxtəlif markalarda istehsal olunur.
Onlar zahiri görünüşünə, sürtünməyə qarşı davamlılığına və s. əlamətlərinə görə təbii
gönə daha çox oxşayır.
Gönəbənzər rezinlərdən yapışdırma üsulu ilə hazırlanan ayaqqabıların
istehsalında istifadə edilir.
Ayaqqabı sənayesində az miqdarda məsaməsiz quruluşlu yarımşəffaf transpa-
rent və altlıq rezinlərindən də istifadə edilir. Bu rezinlərdə kauçukun miqdarı 80%-ə
qədər olur. Onlar istismar zamanı sürtünməyə qarşı yüksək davamlılığı ilə fərqlənirlər.
Materialın şəffaflığını artırmaq üçün istehsal zamanı onların tərkibinə qliserin əlavə
edilir. Transparent və altlıq rezinləri yüksək sıxlığa malik olmaqla, qəliblənmiş altlıq
formasında istehsal olunurlar. Altlıqlar üz tərəfdən dərin rifləməyə malikdir. Bu da
kauçuk sərfinə qənaət etməyə və altlığın sürtünməyə qarşı davamlılığını artırmağa
imkan verir. Bu rezinlərdən hazırlanmış ayaqqabıların yaş və donmuş torpaqda
sürtünmə əmsalı çox aşağıdır. Məhz buna görə də məsaməsiz transparent və altlıq
rezinlərindən qış və turizm ayaqqabıların istehsalında geniş istifadə edilir.
Rezin ayaqqabılar gön ayaqqabılara nisbətən hissələrinin daha sıx birləşdirilməsi
ilə xarakterizə olunur. Bu rezin ayaqqabıların təyinatına uyğun olub, müxtəlif
materialların və istehsal üsullarının tətbiqi nəticəsində əldə edilir.
Təyinatından və konstruksiyasından asılı olaraq rezin ayaqqabılar bütöv rezin və
rezin-parça ayaqqabılarına bölünürlər. Bu ayaqqabıların hazırlanması üçün müxtəlif
adlı, ölçülü, qalınlıqlı hissələrdən istifadə edilir. Bu hissələrin miqdarı, forması və
qalınlığı ayaqqabının istehsal üsulundan və konstruksiyasından bilavasitə asılıdır.
Məsələn, ştamplama qsulu ilə hazırlanmış qaloşlar 4-5 hissədən, yapışdırma üsulu ilə
hazırlanmış qaloşlar 13-17 hissədən, bu üsulla hazırlanmış botiklər 16-21 hissədən,
formayasalma üsulu ilə istehsal olunan uzunboğaz çəkmələr isə 5 hissədən ibarətdir.
Bütün növ rezin ayaqqabılar üçün olan hissələri materialına görə üç əsas qrupa
ayırmaq olar: bütöv rezin hissələr, rezin-parça materialları, toxunma materiallarından
olan hissələr. Tam rezin hissələr ayaqqabıların üzü üçün işlədilir və onları xarici
təsirlərdən, rütubətdən, istismar zamanı sürtünmədən qoruyur.
21
Parça və rezin-parça hissələr ilə ayaqqabıların karkasına möhkəmlik, elastiklik,
istilik-mühafizəetmə xassələri və s. müsbət xassələr verir.
Rezin ayaqqabı hissələri yerləşməsinə və roluna görə xarici, daxili və aralıq
hissələrə bölünürlər. Rezin ayaqqabı istehsalında işlədilən xarici üzlük hissələr
rezindən, polivinilxlorid və başqa sintetik materiallardan istiləşdirilmiş və idman
təyinatlı rezin ayaqqabılarda isə parça materiallarından istehsal olunur.
Xarici hissələr rezin ayaqqabılar konstruksiyasının əsasını təşkil etməklə onların
suya davamlılığını, uzunömürlülüyünü və xarici görünüşünü təmin edir.
Rezin ayaqqabıların daxili və aralıq hissələri onların karkasını əmələ gətirir və
ayaqqabıların davamlılığını, möhkəmliyini gücləndirir. Onlar rezin ayaqqabıların
istisaxlama göstəricilərinə, onun rahatlığına, gigiyenikliyinə, kütləsinə və forma
saxlamasına da çox təsir edir.
Rezin ayaqqabı istehsalında əsas material kimi rezin qarışığından istifadə edilir.
Bundan ayaqqabının üz və alt hissələri hazırlanır. Rezin qarışığının tərkibi və alınma
üsulu ayaqqabının altı üçün istifadə edilən rezinlərlə eyni olub, yalnız onların
reseptində az dəyişikliklər vardır. Rezin qarışıqları ilə yanaşı ayaqqabıların üzü üçün
polivinilxlorid və başqa termoplastiki sintetik qətranlardan da istifadə edilir.
Toxuculuq materiallarının səthinə yaxmaq üçün xüsusi rezin qarışıqlarından
istifadə edilir ki, bunlar da yüksək plastikliyi və yaxşı yapışma qabiliyyəti ilə
xarakterizə olunur.
Rezin ayaqqabıları istehsalında xam material kimi rezin-cındır qarışığından
istifadə edilir. Bu qarışıq xam rezinlə hopdurulmuş trikotaj və parça materiallarının
xırda doğranılmış halda qarışdırılması nəticəsində əmələ gətirilir. Bu zaman kütlə
yaxşı sürtülərək üyüdülür. Material bircinsli və düyürsüz olmalıdır. Qarışıq
təbəqələmə maşınlarında rulon halına salınır və onda rezin ayaqqabıların aralıq
hissələri hazırlanır.
Rezin-cındır qarışığından ayaqqabının karkas hissələrinin hazırlanması üçün
işlədilən parçaların səthinə örtük təbəqəsi çəkilməsində istifadə edilir. Bu zaman
22
alınmış material möhkəmliyinə, forma saxlamasına, rezin üzlüyünə yapışma
qabiliyyətinə və qalınlığına görə fərqlənir.
Rezin ayaqqabıların istehsalında işlədilən örtük rezin qarışığı 30% təbii, 70%-i
isə sintetik kauçuklardan hazırlanır. Bu materiallar yüksək yapışdırma qabiliyyətinə
malik olmalıdırlar. Bu qarışıq məhlul halında hopdurulur və rezin ayaqqabıların
aralıq hissələrinin istehsalında işlədilir.
Rezin ayaqqabılarının müxtəlif hissələri üçün parça, trikotaj, süni və
toxunmamış materiallardan istifadə edilir. Ayaqqabıların üz səthi üçün pambıq
parçalardan ikiqat kirza, velvet, yarımməxmər və başmaq polotnolarından (idman
ayaqqabıları üçün); yun və yarımyun parçalardan qabardin, koverkot, mahud, fule və
s. parçalardan və lavsan, kapron sintetik liflərinin qarışığından hazırlanmış trikotaj
materiallarında geniş istifadə edilir.
Astarlıq material kimi qalan baykası, bamazı, sarjı, TDS parçalı və həmçinin tif-
tikli futer trikotajlı işlədilir. Təbii və süni xəzdən rezin ayaqqabılarının bəzəndirilmə-
sində və istiləşdirilmiş ayaqqabıların istehsalında istifadə edilir. Hazırda ayaqqabı sə-
nayesində astarlıq material kimi tiftikli toxunmamış materialların tətbiqi mənim-
sənilmişdir.
Rezin ayaqqabılar üzrə aralıq hissələr toxunmamış materiallardan və xam
pambıq parçalardan biçilidir.
Hazırlanmış müxtəlif hissələrin bir-birinə yapışdırılması üçün rezin yapışqanı
tətbiq edilir. Yapışqan təbii kauçukun benzin məhlulunda həll edilməsi nəticəsində
alınır. Ayaqqabı hissələrini bir-birinə yapışdırmaq üçün rezin yağından da istifadə
edilir. Bu qatı yapışqan olub, təbii kauçukun benzindən 20 faizli məhluludur.
Rezin hissələrin xarici səthinə parlaqlıq vermək üçün laklardan istifadə edilir.
Bu məqsədlə laklar yağlı və kauçuklu olmaqla iki qrupa bölünür. Yağlı lakların
tərkibinə kətan yağı ilə suiti piyi qarışığından olan oksidləşdirilmiş piy, həlledicilər,
kükürd və boyayıcılar daxil edilir. Bu laklar sarı rəngdə olur və istismar zamanı rəngi
tündləşir. Ona görə də yağlı lakları əsasən tutqun rəngli rezinlər üçün işlədirlər.
Rəngli rezinlər üçün kauçukun laklardan istifadə edilir.
Dostları ilə paylaş: |