17
Rezinlərin quruluşu onların xassələrini xarakterizə edən əsas göstəricilərdən
biridir. Quruluşundan asılı olaraq ayaqqabı rezinlərini məsaməli və məsaməsiz
olmaqla iki qrupa bölmək olar. Bu rezinlər alınma üsullarına, tərkibinə və xassələrinə
görə bir-birlərindən fərqlənirlər. Məsaməsiz rezinlərin istehsalı üçün əsas xam
material butadien kauçuklarıdır. Bu rezinlər sürtünməyə qarşı yüksək müqaviməti ilə
xarakterizə edilir. Aparılan tədqiqatlar göstərir ki, ayaqqabının altı üçün işlədilən
təbii gönün 1 km qalınlığının sürtünüb dağılması üçün 25-30 gün tələb olunursa, bu
məqsədlə işlədilən məsaməsiz rezinlərdə bu müddət 50-90 gündür. Standarta əsasən
məsaməsiz altlıq rezinlərin dartılma zamanı nisbi uzanması 150%-dən aşağı
olmamalıdır. Bu isə təbii altlıq gönünün nisbi uzanmasından daha üstündür.
Məsaməsiz rezinlərin sıxlığı təbii gönün sıxlığından əhəmiyyətli dərəcədə yüksəkdir.
Belə ki, müvafiq texniki-normativ sənədlərə əsasən ayaqqabı altlığı üçün olan təbii
gönün sıxlığı 0,99-1,24·10 kq/m
3
olduğu kalda, qara rezinin sıxlığı 1,3·10
3
kq/m
3
rəngli rezinin sıxlığı isə 1,6·10
3
kq/m
3
-ə bərabərdir.
Məsaməsiz rezinlərin əsas çatışmayan cəhəti ağır olmasından, istismar zamanı
onlardan hazırlanan alıtlıqların nisbətən tez çatlamasından və yüksək istilikkeçirmə
qabiliyyətinə malik olmasından ibarətdir.
Məsaməsiz rezinlərdə çatlar ayaqqabının soyuq mühitdə istismarı zamanı da
əmələ gələ bilər. Məsaməsiz rezinlərdən hazırlanmış altlıqlar və bunların əsasında
tikilmiş ayaqqabılar rezin altlıqlı və təbii göndən tikilmiş ayaqqabılardan geri qalır.
Məsaməsiz rezinlərdən fərqli olaraq məsaməli rezin istehsalı zamanı onun
tərkibinə müxtəlif məsamə əmələ gətirici maddələr qatmaqla alınır. Bunlar da
quruluşunda olan bağlı, qapalı və dolanbac məsamələrin sayı ilə xarakterizə olunurlar.
Məsaməli rezinlərin alınma üsullarından asılı olaraq onların quruluşundakı
məsamələrin həcmi, rezinin ümumi həcminin 20-80%-ni təşkil edir. Məsaməli
rezinlərin əsas üstün cəhəti onların əhəmiyyətli dərəcədə yüngül olmasından ibarətdir.
Bu da müxtəlif qalınlıqda ayaqqabı hissələrinin hazırlanmasına imkan verir. Belə ki,
standart tələblərinə uyğun olaraq ayaqqabının altı üçün olan məsaməli rezinlərin
qalınlığı 4,5-24,0 mm, daban üçün olan rezinlərin qalınlığı ilə 14,0-23,0 mm olur.
18
Məsaməli rezinlər yumşaqlığı, sıxlığı, yüksək amortizasiya keyfiyyətləri ilə
fərqlənirlər. Bu göstəricilər altlığın pəncə və daban hissələrinin bərabər qaydada
sürtülüb dağılmasına imkan verir, həmçinin ayaqqabının təkrar qatlanmalara qarşı
müqavimətini təmin edir.
Məsaməli rezindən hazırlanmış altlıqlarda aşağı temperaturda istismar zamanı
çatlar əmələ gəlmir. Bu da onun məsaməli quruluşa malik olması və yüksək
deformasiyaya uğrama qabiliyyəti ilə izah olunur.
Məsaməli rezinlər yüksək istilik saxlama qabiliyyətinə malikdirlər. Tədqiqatlar
göstərmişdir ki, sıxlığı 0,2-0,3·10
3
kq/m
3
olan məsaməli rezinlərin istilik keçirməsi
yun keçənin istilik keçirməsinə bərabərdir.
Məsaməli rezinlərin əsas çatışmayan cəhətlərindən biri onların istismar və
saxlama zamanı öz xətti ölçülərini dəyişməsidir. Bu da rezinlərin məsaməli quruluşa
malik olması ilə izah edilir. Məsaməli rezinlərdən ayaqqabı istehsalında geniş istifadə
edilir. Hazırda rezinlərin möhkəmliyini artırmaq məqsədi ilə onların tərkibinə
plastirol və başqa qətranlar qatılır. Bu üsulla alınmış rezinlər yüksək mexaniki xassə-
lərə malik olması ilə fərqlənir və onlardan hazırlanmış altlıq rezinlərinin qalınlığını
əhəmiyyətli dərəcədə azaltmağa imkan verir.məsaməli rezinlər sıxlığından asılı ola-
raq B və V markaları ilə istehsal olunur. Bu rezinlər alınma üsuluna, tərkibinə və xas-
sələrinə görə bir-birlərindən fərqlənirlər. Standarta əsasən B markalı məsaməli rezin-
lərin sıxlığı 0,51-0,7·10
3
kq/m
3
, V markalı rezinlərin sıxlığı 0,3-0,5·10
3
kq/m
3
olur.
Hazırda ayaqqabı istehsalında məsaməli rezinlərin müxtəlif yeni növlərindən
geniş istifadə edilir. Bu rezinlərin istehsalında müxtəlif kauçuk növlərindən, sintetik
qatranlardan və dolduruculardan istifadə edilir. Bunlara misal olaraq porokrepi,
vulkaniti, gönəbənzər rezinlərin və onların müxtəlif növlərini göstərmək olar.
Porokrep məsaməli rezin olub, xassələrinə və zahiri görünüşünə görə təbii
krepi xatırladır. Standart göstəricilərinə uyğun olaraq onun sıxlığı 0,5-0,7·10
3
kq/m
3
-
dir. Porokrep xırda məsamələri, səthinin relyef naxışlı olması, elastikliyi, sürtünməyə
qarşı davamlılığı, dartılma zamanı möhkəmliyi və s. digər müsbət xassələri ilə
xarakterizə olunur.
19
Məsaməli rezinlərin istehsalında doldurucu kimi müxtəlif materiallardan
istifadə olunur. Bunların istehsalında lif doldurucu məsaməli rezinlər xüsusi yer tutur.
Bunlara vulkaniti misal göstərmək olar. Vulkanit yüksək dərəcədə istiliyi mühafizə
etmək qabiliyyəti və sürtünməyə qarşı davamlığı ilə xarakterizə olunur.
Hazırda ayaqqabı sənayesində xassə və keyfiyyət göstəricilərinə görə təbii
gönə daha yaxın gönəbənzər rezinlərdən geniş istifadə edilir. Bu rezinlər fiziki-
mexaniki və estetik xassələrinin yüksək olması ilə fərqlənirlər. Gönəbənzər rezinlərin
istehsalında əsas xammaterial kimi sintetik butadien-stirol kauçuklarından istifadə
edilir. Kauçukun tərkibində stirolun miqdarının yüksək olması rezinin möhkəmliyini
artırır. Məhz bunun nəticəsində gönəbənzər rezinlərin qalınlığını 2,5-4,0 mm-dən
aşağı salmaq mümkündür. Gönəbənzər rezinlər yüksək xassələrə malikdir. Bu da
onlardan hazırlanan məmulatların istehsal prosesini asanlaşdırmağa və istismar
xassələrini yaxşılaşdırmağa imkan verir. Belə ki, gönəbənzər rezinlərin yüksək
möhkəmliyi və elastikliyi məmulatların istehsal zamanı asan qəliblənməsini, yan
hissələrinin və altlığın üz səthinin fiqurlu bəzəndirilməsini təmin edir.
Gönəbənzər rezinlərin plastikliyi və sürtünməyə qarşı yüksək davamlılığı
yalnız tərkibində 45-85% stirol olan sintetik kauçuklardan istifadə hesabına deyil,
həm də fəal doldurucuların qatılması hesabına təmin edilir. Belə dolduruculara misal
olaraq ağ qurumu, onun kaolinlə qarışığını, ağac lifini, texniki sellülozanı, viskoz və
pambıq liflərini göstərmək olar.
Gönəbənzər rezinlərin əsas çatışmayan cəhəti onların termoplastik olmasıdır.
Standartda göstərildiyi kimi, bu rezinlər quruluşuna və sıxlığına görə üç növdə bura-
xılır: a) sıxlığı 1,28·10
3
kq/m
3
olan məsaməsiz rezinlər; b) sıxlığı 0,8-0,95·10
3
kq/m
3
olan məsaməli rezinlər; v) sıxlığı 1,15·10
3
kq/m
3
olan lifli doldurucu məsaməli
rezinlər.
Bu rezinlər tərkibinə, alınma üsuluna və xassələrinə görə bir-birindən
fərqlənirlər.
Ayaqqabı sənayesində ən çox işlədilən lifli doldurucuları olan məsaməli
gönəbənzər rezinlərdir. Bu rezinlər “lifli gönlər” adı altında buraxılır. Tərkibindəki
Dostları ilə paylaş: |