14
Xalq təsərrüfatının müxtəlif sahələrində, o cümlədən ayaqqabı sənayesində
geniş tətbiq edilən müxtəlif növlü, markalı və təyinatlı rezinlərin istehsalı üçün
onların tərkibinin əsasını təşkil edən yuxarıda göstərilən komponentlər standart
tələblərinə uyğun olaraq seçilməli və materialın tərkibinə qatılmalıdır. Standarta
əsasən ayaqqabı rezinlərinin istehsal əməliyyatlarına xam materialın hazırlanması,
rezin qarışıqlarının hazırlanması, təbəqələmə, formayasalma, ştamplama, vulkani-
zasiya və son əməliyyatlar daxildir. Xam materialların hazırlanması istehsal olunan
hazır məhsulun keyfiyyətinə təsir edən ən mühüm amillərdən biridir.
Rezin istehsalı üçün ilkin materialların hazırlanması dedikdə kauçukun
qurudulması, xırdalanması, ələkdən keçirilməsi, buxara verilməsi və plastikasiya
əməliyyatından keçirilməsi başa düşülür. Burada məqsəd kauçukun plastikliyini
yüksəltməkdən, onların rezinin tərkibinə daxil olan materiallarla tam qarışmasını
asanlaşdırmaqdan və yüksək keyfiyyətli rezin almaqdan ibarətdir. Kauçukun
plastikliyini təmin etmək üçün mexaniki və termoplastikasiya üsullarından istifadə
olunur. Mexaniki plastikasiya yayıcı dəzgahlarda kauçukun intensiv sürtülməsi
nəticəsində termoplastikasiya isə kauçukun müəyyən təzyiq altında qızdırılması yolu
ilə həyata keçirilir. Plastikasiya əməliyyatından keçirildikdən sonra kauçukun
tərkibinə digər komponentlərin qarışdırılması nəticəsində rezin qarışıqları hazırlanır.
Komponentlərin kauçukun tərkibinə qatılması müəyyən ardıcıllıq üzrə aparılmalıdır.
Belə ki, kauçukun tərkibinə, ilk növbədə yumşaldıcılar əlavə olunur ki, bu da digər
komponentlərin yaxşı qarışmasına imkan verir. Vulkanizasiyaedici və məsamə əmələ
gətirici maddələr isə kauçukun tərkibinə ən axırda əlavə olunur. Standart tələblərinə
uyğun olaraq komponentlər 110-130ºC temperaturda bağlı rezinqarışdırıcı maşınlarda
qarışdırılır. Bu maşınlarda xüsusi emaldan keçirilmiş rezinqarışığı müxtəlif ölçülü
hissələr şəklində alınır ki, bu hissələrdə nazik təbəqə formasına salınmaq üçün
təbəqələmə əməliyyatından keçirilir. Təbəqələmə əməliyyatı xüsusi yayıcı
dəzgahlarda aparılır. Bu dəzgahlar rezin qarışdırıcı maşınlarla əlaqələndirilmiş olur.
Rezin məmulatının növündən və təyinatından asılı olaraq bu təbəqələr müxtəlif
qalınlıqda istehsal edilir. Yayıcı dəzgahlardan alınmış nazik təbəqələr tədricən
15
soyudulur və formaya salınma əməliyyatından keçirilir. Formayasalınma
əməliyyatından keçirilməzdən əvvəl rezin qarışığı qızdırılır. Formayasalınma
nəticəsində rezin qarışıqları istənilən qalınlıqda və ölçüdə lent şəklində istehsal
olunur. Müxtəlif ölçülərdə təbəqə şəklinə salınmış xalis rezin qarışığı ştamplama
üsulu ilə lövhələr şəklində doğranılır. Bu məqsəd üçün xüsusi kəsicisi olan preslərdən
istifadə olunur. Hal-hazırda rezin sərfinə qənaət etmək və işin məhsuldarlığını
artırmaq məqsədilə təzyiqlə tökmə üsulundan da geniş istifadə edilir.
Rezin qarışığının keyfiyyətcə tam formalaşması üçün aparılan əsas
əməliyyatlardan biri vulkanizasiyadır. Vulkanizasiya rezinin alınması üçün mühüm
prosesdir. Ayaqqabının altı üçün işlədilən rezinlərin vulkanizasiya əməliyyatı sıxıcı-
qəliblərdə müəyyən temperatur, təzyiq və vaxt ərzində aparılır. İstehsal olunan
xammalın və məmulatın növündən, qalınlığından və alınmış rezinin quruluşundan
asılı olaraq vulkanizasiya əməliyyatı müxtəlif mühitdə aparılır. Məsələn, kauçukun
vulkanizasiyası zamanı temperatur 140ºC-yə qədər olduğu halda, sintetik kauçuklar
üçün isə temperatur 160-165ºC, təzyiq isə 30-40 kq/sm
2
olmalıdır. Məmulatın
növündən asılı olaraq vulkanizasiya vaxtı 8-20 dəqiqətəşkil edir. Vulkanizasiya
nəticəsində müxtəlif quruluşlu və məsaməli rezinlər almaq mümkündür. Hazırda
ayaqqabının altı üçün məsaməli rezinlərin istehsalında dəyişkən təzyiq üsulundan
istifadə edilir. Alınmış məmulatın məsaməli quruluşundan asılı olaraq artma və
presləmə üsullarından istifadə olunur. Bu üsullarda məmulatların istehsalı üçün
sıxıcı-qəliblərdən istifadə olunur. “Böyümə” üsulu zamanı rezin qarışığı tərkibində
olan məsamə əmələgətirici maddələrin yaratdığı təzyiq hesabına məmulat lazımi
formanı alır. Bu üsulla alınmış rezinlər saxlama zamanı xətti ölçülərini az dəyişir.
Artma üsulu sıxlığı 0,5 10
3
/m
3
və daha artıq olan məmulatların alınmasına imkan
verir. Bu üsulla aşağı sıxlığa malik rezin alarkən onların iri, bərabər olmayan
məsamələri rezinin fiziki-mexaniki xassələrinin pisləşməsinə məmulatın üst səthində
tam sıxılmamış yerlərin qalmasına səbəb olur. Məhz buna görə də aşağı məsaməli
rezinlərin istehsalı üçün presləmə üsulundan istifadə olunur. Bu üsul zamanı
götürülən rezin qarışığı kütləsinin həcmi sıxac qəlibinin oyuğunun həcmindən böyük
16
olmalıdır. İlkin mərhələdə vulkanizasiya prosesi yüksək təzyiqdə aparılır. Bu zaman
rezin qarışığı sıxac-qəlibə dolur, məsamə əmələgətirici maddələr parçalanır və
nəhayət təzyiq 1-2 kq/sm
2
-dək aşağı salınır. Bu mərhələdə qazların genişlənməsi
hesabına rezinin məsaməli quruluşu əmələ gəlir və həmçinin son vulkanizasiya
prosesi baş verir. Presləmə üsulu ilə daha yüksək istismar xassələrinə malik 0,1·10
kq/m
3
və yuxarı sıxlıqlı rezin almaq mümkümdür.
Vulkanizasiya əməliyyatından sonra alınmış rezin hissələr son əməliyyatlardan
keçirilir. Buraya lövhələrin kənarlarının kəsilməsi, istismar zamanı məsaməli
rezinlərin öz xətti ölçülərini dəyişməsini aradan qaldırmaq məqsədilə məmulatların
istilik emalından keçirilməsi və nəhayət onların sortlaşdırılması, markalanması və
qablaşdırılması daxildir.
İstehsal olunmuş rezinlər müxtəlif əlamətlərinə görə bir-birindən fərqlənirlər.
Ayaqqabılarda işlənmə yerindən asılı olaraq rezinlər müxtəlif tələblərə cavab verməli
və spesifik xassələrə malik olmalıdırlar.
Rezinləri müxtəlif əlamətlərinə görə təsnifləşdirmək olar. Əmtəəşünaslıq
baxımından rezinlər birinci növbədə təyinatına görə təsnifləşirlər. Bu əlamətə görə
ayaqqabı istehsalında işlədilən rezinlər altlıq, daban dalı, daban altı üçün olan
rezinlərə ayrılır. İstismar şəraitindən asılı olaraq rezinlərə müxtəlif tələblər verilir.
Onlar qalınlığına, möhkəmliyinə, sürtünməyə qarşı davamlılığına və bəzi başqa
xassələrinə görə bir-birindən fərqlənirlər. Rezinlər müxtəlif ölçülü lövhələr şəklində
ştamplanmış nazik formalarda buraxılır. Ayaqqabının altı, dabanı, daban altlığı və s.
hissələr üçün profilli qəliblənmiş rezin məmulatları da istehsal olunur. Qəliblənmiş
rezin hissələrin istehsalı iqtisadi cəhətdən daha səmərəli sayılır. Bu üsulla rezin
hissələri hazırlanarkən modellərarası tullantılar hesabına rezin sərfi ixtisar edilir,
əmək məhsuldarlığı artır, istehsal mədəniyyəti yüksəlir və eyni zamanda alınmış rezin
hissələr ayaqqabının bəzəndirilməsi zamanı heç bir mexaniki emal tələb etmir.
Ayaqqabı sənayesində işlədilən rezinlər qara və rəngli olmaqla, tipindən və
altlığın bərkidilməsi üsulundan asılı olaraq müxtəlif qalınlıqda buraxılırlar.
Dostları ilə paylaş: |