35
Çeşidin yeniləşdirilməsində ayaqqabı qəliblərinin vaxtında dəyişdirilməsinin
böyük əhəmiyyəti vardır. Rezin ayaqqabıların modelləşdirilməsi və çeşidi ilə məşğul
olan xidmət orqanları operativ surətdə öz işlərini üst geyimləri və gön ayaqqabılarının
modelləşdirilməsi ilə məşğul olan təşkilatlarla uyğunlaşdırmalıdırlar. Bu da rezin
ayaqqabı modellərinin yeni növlərinin yaranmasına və vaxtında müəssisələrinə yeni
siluetli qəliblərin hazırlanması üçün sifarişlərin verilməsinə səbəb olar.
Yapışqan üsulu ilə hazırlanan hər bir yeni model yaradılmasına və təsdiqinə 6-
12 ay,formayasalma üsulu ilə hazırlanan ayaqqabılar üçün isə bu müddət 12-18 aydır.
Məmulatın yaradılması və təsdiqi müddətinin belə çox olması ayaqqabının bilavasitə
istismarda yoxlanılması ilə əlaqədardır.
Son zamanlar rezin ayaqqabıların tərtibat və layihələndirilməsi mədəniyyəti
xeyli artmışdır. İstehsal olunan rezin ayaqqabılar istehlakçıların estetik tələblərinə
cavab verir.
Kişi ayaqqabıları, bir qayda olaraq, qara rəngdə hazırlanır. Onun çeşidinin
əsasını laklanmış rezin ayaqqabılar rezin təşkil edir. Kişi ayaqqabılarının istehsalında
yapışqan, formayasalma və ştamplama üsullarından istifadə edilir.
Kişilər üçün istehsal edilən ayaqqabılara qaloş, botik, uzunboğaz çəkmə,
botinka, yarımbotinka və tuflilər daxildir.
Qaloşlar hündürlüyünə görə xırda (nazik), yarımhündür və hündür qaloşlara
bölünürlər.
Xırda qaloşlar gön ayaqqabıların üzərindən geyilmək üçün işlədilir. Onlar
ştamp, yapışqan və az miqdarda formayasalma üsulu ilə istehsal edilməklə bütün
üsullarda laklanmış halda buraxılır. Xırda qaloşlar üzlüyün konstruksiyasına görə
dilli, dilsiz, astarının materialına və karkasın qalınlığına görə adi və yüngülləşdirilmiş
olurlar. Adi qaloşlar üçün tiftikli pambıq trikotaj polotno astar və normal qalınlıqda
daxili karkas işlədilir. Yüngülləşdirilmiş qaloşlar üçün isə tiftiksiz pambıq trikotaj
polotno astardan və yüngül daxili karkasdan ibarətdir. Xırda qaloşlar burunun
formasına görə dar, enli, küt, girdə və yarımgirdə olurlar. Yarımhündür qaloşlar,
qabaq hissəsi azca qalxmış olub, gön yaxud keçə ayaqqabılarının üstündən və
36
həmçinin bilavasitə ayağa geyilmək üçün işlədilir. Bu qaloşlar yapışqan üsulu ilə
istehsal olunur. Astar üçün tiftikli trikotaj polotnosundan və yaxud baykadan istifadə
edilir. Ayaqqabının daban hissəsi rezindən və ya parçadan hazırlanır. Onlar, həmçinin
burun hissəsinin eninə görə də fərqlənirlər.
Hündür qaloşlar ayağın yuxarı hissəsini örtür. Onlar yapışqan üsulu ilə pambıq
trikotaj polotno, yaxud yun bayka astarlı, parça və ya rezin dabanlılıq istehsal edilir.
Astarsız rezin ayaqqabılar keçə ayaqqabıların üstündən geymək üçün yarım-
hündür və kənarının hündürlüyü 3-4 sm olan xırda ayaqqabılar şəklində buraxılır.
Botiklər üzü mahud və qabardin parçadan, boğaz hissəsi qatlanmış və
qatlanmamış, ilgəksiz və çarpaz ilgəkli, qapaqlı basma düyməli və s. növlü buraxılır.
Az miqdarda tiftikli trikotaj polotnosundan astarı çarpaz ilgəkli bütöv rezin botiklər
də istehsal edilir.
Uzunboğaz çəkmələr qaloşlar kimi kişi rezin ayaqqabılarının ən geniş yayılmış
qrupudur. Onlar laklanmış halda buraxılır. Hündürlüyünə görə uzunboğaz çəkməli
qısa və hündür olurlar.
İstehsal üsuluna görə yapışqan və formayasalma üsulu ilə hazırlanırlar. For-
mayasalma üsulunda bərk və kombinəedilmiş elastik içlikli pres-formalardan istifadə
edilir. Uzunboğaz çəkmələrin istehsalında astarlıq material kimi rezinləşdirilmiş
parçadan xüsusi təyinatlı TDS parçasından, trikotaj çulki və polotnosundan, həmçinin
sarja, bamazi, baqka və s. parçalardan istifadə edilir.
Parça üzlü botinkalar kişi rezin ayaqqabıları çeşidində özünəməxsus yerlərdən
birini tutur. Onlar formayasalma və yaxud iri qazanlarda vulkanizasiya etmək yolu ilə
alınır.
Parçaüzlü botinkalar payız-qış mövsümü üçündür. Belə botinkaların üzü yun
(xüsusilə mahud), yaxud istiləşdirilmiş pambıq parçadan, astarı isə yun və pambıq
baykadan hazırlanır. Botinkalar biçiminə görə çarpaz-ilgəkli, qaytanlı, klapanlı basma
düyməli, rezin üzlü və rezinsiz, qoyma istiləşdirilmiş içlikli və adi içlikli buraxılır.
Kişi ayaqqabıları – yarımbotinkaları və tufliləri gündəlik geyilmək üçün olub,
bütöv rezindən buraxılır. Belə botinka və xüsusilə tuflilər konstruksiyasına görə
37
qaloşa oxşayır, lakin onlar başqa ayaqqabısız bilavasitə ayağa geyilir. Bu ayaqqabılar
yapışqan üsulu ilə formaya salınmış qoyma dabanlı, üzəri laklanmış rezindən astarı
tiftikli pambıq trikotaj polotno və yaxud pambıq baykadan olmaqla, qaytanlı
(yarımbotinka) və düyməsiz (tufli) buraxılır. Bu növ rezin ayaqqabıların çeşidi
məhduddur və az yayılmışdır.
Qadın ayaqqabıları – başqa qrup rezin ayaqqabılara nisbətən növünün
mürəkkəbliyinə, üz materialına, bəzəyinə, bağlanma qaydasına, rənginə və başqa
çeşid nişanələrinə görə fərqlənirlər. Onların istehsalında qara və rəngli üzlük
rezinindən, müxtəlif toxuculuq materiallarından istifadə edilir.
Qadın rezin ayaqqabılarının çox hissəsi orta və müəyyən miqdarı isə hündür
dabanlı buraxılır. Bu ayaqqabılar yapışqan üsulu ilə, həmçinin xam qarışıqdan və
maye lateks qarışığından formalaşma üsulu ilə istehsal edilir.
Qadınlar üçün olan rezin ayaqqabı növlərinə: qaloş, botik, uzunboğaz çəkmə,
uzunboğaz qaloş, botinka, tufli daxildir. Qaloşlar xırda və yarımhündür olmaqla,
yapışqan üsulu ilə istehsal edilir.
Xırda qaloşlar dilli və dilsiz, alçaq və orta dabanlı, dabansız, daban hissəsi açıq
və gön ayaqqabıya bərkitmək üçün kəmərcikli olur. Onlar astar materialına və daxili
karkasının qalınlığına görə, kişilər üçün qaloşlarda olduğu kimi, adi və
yüngülləşdirilmiş qaloşlara bölünürlər. Fasonuna görə qadın qaloşları ensiz, küt, enli,
girdə və yarımgirdə burunlu olurlar.
Yarımhündür qaloşlar tiftikli pambıq trikotaj polotno astarlı və alçaq dabanlı
buraxılır. Ayaqqabısız, bilavasitə ayağa geyilən, qaloşlar formalaşmış qoyma dabanlı,
keçə ayaqqabıların üstündən geyilən qaloşlar isə adi dabanlı olur.
Botiklər üz materialının müxtəlifliyinə, üzünün konstruksiyasına, bəzəyinə,
rənginə və formasına görə fərqlənirlər. Onlar bütöv rezindən və yun parça üzlü-
mahud, qabardin, fule, barxat, yarımbarxat və s. hazırlanır. Botiklərin astarı üçün yun
yaxud pambıq baykadan və tiftikli yaxud tiftiksiz pambıq trikotaj polotnosundan
istifadə edilir. Onların bəzəndirilməsi üçün üz materialından, barxatdan, süni xəzdən
qatlama və ya yarımbarxatdan, süni xəzdən haşiyə və s. geniş tətbiq edilir.
Dostları ilə paylaş: |