172
üzərində və “mən”lə birlikdə formalaşır. Eqo şəxsiyyətin
qidasını təşkil edir. Nüvəsində oturur və onu dəyər kimi
meydana gətirir. Eqo şəxsiyyəti qoruyur, çünki şəxsiyyət
özünütəsdiqin, özünüdərkin əsasını ifadə edir. Eqo sanki
şəxsiyyəti bürüyən, onun inkişafını təmin edən üst qat, “qabıq”
rolunu oynayır. Qabıq içərisində olan meyvə məhz şəxsiyyət
kimi təsəvvür oluna bilər. Qabıq müəyyən qalınlıqla meyvəni
qoruyur və meyvə həm kökdən, budaqdan, həm də ətrafdan-
Günəşdən, atmosferdən-qidalanır. Qabıq əgər daxilə xidmət
etməzsə, öz ölçüsünü, zəruri qalınlığını itirərsə, onda daxili
meyvə də yetişə bilməz. Ətrafla əlaqə kəsilər, zəifləyər.
Lazımi elementlərlə qidalanma kəsilər və ya da zəifləyər.
Hər bir şəxsdə eqo ilə şəxsiyyət arasında balanslaşdırılmış
vəziyyət olmalıdır. Bu tarazlı vəziyyət sanki, şəxsiyyətin bir
dəyər kimi yetişməsinə və qorunmasına xidmət edər. Şəxs
özünü
cəmiyyətdən
təcrid
edərsə,
ətrafla
element
mübadiləsində olmazsa bir şəxsiyyət kimi cəmiyyətdən itər.
Çünki, onun yetişməsində lazımi elementlər olmaya bilər.
Şəxsiyyətin tərkibini təşkil edən pozitiv elementlər öz qida
mənbəyini maddi baxımdan təbiət resurslarından götürürlər.
Mənəvi qida isə ətrafdan, münasibətlər və əlaqələr sferasından
daxil olur. Şəxsiyyət insanın etik davranışından, mənliyinin
yetişməsindən və mənliyinin sərtləşməməsindən (burada
passivləşməməsindən) meydana gələn etnososial və etik-insani
bir fenomendir. Şəxsiyyətin üzərini örtən eqo çox nazilə
bilməz. Bu halda şəxsiyyət itər.
"Mən" özünüdərk və özünütəsdiq kriteriyası şəxsiyyətin
yetişməsində əsas mənbə rolunu oynayır. Şəxsiyyətin
mövcudluq və fəaliyyət sərhədlərini meydana gətirir. "Mən"
kriteriyası sükan olaraq şəxsiyyəti idarə edir. “Mən” hərəkətləri
idarə edir, özünü yönləndirmə kriteriyasını təşkil edir. Bu
kriteriya hərəkətlrə müstəvisində insanın özünütəsdiqini təmin
edir. Ona qazanclar verir. İtkilər də “mən” kriteriyasının tətbiqi
ilə meydana gəlir.
173
Eqo ilə şəxsiyyət fenomeni arasında tarazlıq olmalıdır. Ona
görə ki, bu tarazlığın pozulması şəxsiyyətin itməsinə, tərkib
elementlərinin kasadlığına səbəb ola bilər. Fərdin “mən”inin
artması onun şəxsiyyətinin müstəvisinin daralmasına səbəb ola
bilər. Şəxsiyyət dəyərləri müstəvidən götürür. Bu müstəvi isə
digər “mən”lərin hesabına böyüyür. Digər “mən”lər olmasa
şəxsiyyət öz müstəvisini daralda bilər. Lazımi elementlərini
əldə etməyə bilər. Bu baxımdan da “mən”lə şəxsiyyət arasında
tarazlığın saxlanılması və “mən”lər müstəvisinin genişlənməsi
özlüyündə şəxsiyyətin dəyərlərinin artmasına səbəb ola bilir.
Eqo ilə şəxsiyyət amili arasında tarazlığın pozulması iki
mühüm məzmunda baş verə bilir: birincisi, eqonun
məhdudlaşması fonunda yaranır. Eqo digər eqolarla olan
əlaqəni məhdudlaşdırır, öz məkanının onlara verir və bu
aspektdə şəxsiyyətin yetişməsi prosesləri ləngiyir. Şəxsiyyət
daima yetişmə mərhələsini yaşayır. Ləngimə zamanı lazımi
dəyərlərin çatışmazlığı baş verir. Bu anda eqonun dairəsi
məhdudlaşır.
İkincisi, eqonun çox genişlənməsi və
radikallaşması fonunda baş verir. Burada da iki mühüm məqam
ortaya çıxır: birincisi, eqonun yumşaq tərzdə genişlənməsi
prosesləri
baş
verir.
Bu
proseslər
şəxsiyyətin
möhkəmlənməsini təmin edir. Dəyərlər şəbəkəsi və müstəvisi
yaranır. İkincisi, isə eqonun radikallaşmasına səbəb olur.
Radikallıq fonunda genişlənmə cəmiyyətdə bir şəxsin
avtoritarlığına gətirib çıxarır və radikal təsirlər fonunda
müstəvi böyüyür. Bu böyümə prosesləri cəmiyyətdə, dövlətdə
diktatorluğun yaranmasını şərtləndirir. Şəxsiyyətin sərt
formada böyüməsi eqoizmə səbəb olur ki, bunun da dairəsi
müəyyən məqamda məhdudlaşır. Eqoizm ifrat mərkəzləşmə və
passivləşmə formasıdır. Sərt təsirlər əslində şəxsiyyət
haqqında neqativ təəssüratları oyatmış olur. Eqonun mərkəzə
doğru daralması passiv eqonun yaranmasını təmin edir. Eqonun
mərkəzdən ətraflara doğru genişlənməsi isə aktiv eqonun
yaranmasına səbəb olur. Passiv eqo şəxsiyyəti məhdudlaşdırır,
174
onun məkanını azaldır, aktiv eqo isə şəxsiyyəti, nüfuzu, təsiri
artırır.
Eqosentrizm-əksər məkanlarda fərdin “mənəmlik”, yəni
ifrat mənlik şüurunun əsasını təşkil edən baxışlardır.
Eqosentrizm daha çox məhdudluğa səbəb olan düşüncə
formasıdır. Bu düşüncə kriteriyası ilə hərəkət forması məkanda
bir çox çətinliklərlə qarşılaşa bilir. Eqosentrizm insanları
bütün hərəkət müstəvilərində müşayiət edən faktordur.
Eqonun müsbət və mənfi mövcudluğunun təsdiqi əməllərlə
müəyyən olunur. Aktiv eqo şəxsiyyətin dəyərlər qazanmasını
təmin edir, eləcə də fərdə digər qazanclar (məsələn, maddi
qazanclar) gətirir. Xoş xasiyyətli insanların davranışları da
mülayim olur ki, bu da hərəkətlər müstəvisində, “eqolar”
məkanında şəxsə, fərdə olan inamı və etibarı artırır.
Eqo və şəxsiyyət tarazlığı təbii ki, insanların təkmil
xarakterlərinin əsaslarını təşkil edir. Xarakter və əməl burada
mənin özünün də zənginləşməsinə səbəb olur. Bu da özlüyündə
şəxsiyyəti və onun cəmiyyətdə nüfuz və hörmətini artırır.
175
ƏLAVƏ: Dinlər haqqında
Din vicdandır, həyata inamdır, varlığa inancdır, münasibət
və əlaqələrdə tərbiyəvi əhəmiyyətlidir. Din xalqların yaşadığı
məkanlarda dəyərlər yaratmaq və mövcud dəyərlərə hörmət
modelidir. Din mənəvi spektrdir, həmçinin maddi aləm
üzərində münasibət və əlaqələrin ölçü meyarıdır. Din əxlaqdır.
İnsanların hüquqlarının normalarla ifadəsini müəyyən edən
istiqamətlər məcmusundan ibarətdir. Dinlərin daşıyıcıları
xalqlardır, insanlardır. Din insanlar və xalqlar arasında inam və
inancı bir məkana toplayan ümumdəyərlər və istiqamətlər
məcmusunu ifadə edir. Xalqları və insanları mənəvi bütövlükdə
təcəssüm etdirir.
Dünya Türklərinin yaşadığı məkan buddizm, hunduizm,
xristianlıq və islam dinləri arasındakı coğrafi-mədəni zolağı
əhatə edir.
Türk dünyası əsasən, Avro-asiya məkanında xristian və
islam sivilizasiyaları arasında birləşdirici körpü rolunu oynayır.
Gələcəkdə bu rol daha da güclənəcəkdir. Bu baxımdan da hər
bir türkün çoxmədəniyyətliliyi qəbul etməsi tarixi-siyasi və
coğrafi zərurətdir. Hər bir türk fərdinin bütün dinlərə hörmət
etməsi məsləhətdir.
Allahın (ULU Tanrının) mütləq varlığı haqqında
Allah vahiddir, ölçüsüzdür, çəkisi olmayandır, sonsuzdur,
əbədidir, sərhədlərsizdir, ümumən zamansızdır (zaman yalnız
Allahın daxilindədir, forma və məzmun dəyişmələrində, daxili
tərkibin hərəkətlərində təzahür olunur), forması tam, yəni
sərhədləri ilə bilinməyəndir. Bütün tarazlıqlar və qeyri-
tarazlıqlar, harmonik və disharmonik vəziyyətlər, simmetrik və
asimmetrik vəziyyətlər Ulu Tanrının daxilindədir. Bütün qeyri-
müəyyənliklər, qaranlıqlar, işıqlar Onun daxilindədir və Onun
176
özüdür, tərkibidir. Kainatın bütün elementləri Onun
daxilindədir. Bu baxımdan da qeyri-müəyyən mütləq və
müəyyən mütləqdir. Zərurətlər və təsadüflər, baş verən
hadisələr, fikirlər və düşüncələr, əməllər və yollar, hərəkət
istiqmətləri, müsbətlər və mənfilər, artıb-azalmalar, inam və
şübhələr Ona bağlıdır, çünki o qədər böyükdür ki, hər bir
əlaməti insanlara və digər canlılara görünə bilməz. Allah
daxilində əlamətlər var. Bu əlamətlər rənglərlə, dad və iyilər
yolu ilə müəyyən olunur. Allah əlamətlərdə müəyyən olunur.
Əlamətlər Allahın tərkib elementlərinin ayırd edilməsi üçün
insanlara və digər canlılara bir qədər qabiliyyət bəxş edib.
Kainatda mövcud olan enerji, enerjinin yaratdığı qüvvə,
enerjini yaradan kəmiyyət məhz Allaha məxsusdur. Bütün
elementlərin sintezi və əldə olunanlar Allahın varlığına
sübutdur. Allah görünən və görünməyəndir. Duyulan bütün
aləm Odur, həm də görmədiyimiz, hiss edə bilmədiyimiz Odur.
Allah insanlar üçün kənar tərəf deyil, çünki tərəf olan
şeylər (elementlər) bir-biriləri ilə ölçü ilə (burada kəmiyyət,
miqyas, kütlə, həcm, məsafə) müqayisə olunur. Məsələn,
ulduzlar və planetlər bir-birilərindən kənar tərəflərdir. Bir-
birilərindən asılıdırlar, ancaq vahid kainat müstəvisində
müstəqil məkanlara, trayektoriyalara sahibdirlər. Özlərində
nisbətən müstəqil qüvvəni birləşdirirlər. Kənar tərəflər
görünən olar, çünki sərhədləri onları qonşu, bitişik aləmdən
fərqli edir.
Biz insanlar və heyvanlar, bitkilər-aktiv canlılar, təbiət
elementləri-passiv canlılar (böyük enerji mənbələri) olan su,
torpaq, od, hava-ümumən hər bir sadə və mürəkkəb birləşmə
Allahın tərkibiyik. Tam görünməyən, lakin mövcud olan
varlığın tərkibiyik. Bütün elementlər eyni qüvvəyə, enerjiyə
malik ola bilməzlər. Bu baxımdan biz insanlar da fərdi qaydada
eyni qüvvəyə, qüdrətə, hikmətə, ümumən enerjiyə malik ola
bilmərik.
177
İnsanlar sonsuz enerji mənbəyində fərqli şəkildə
qidalanırlar və formalaşırlar. Allah daxilində (bütün məkanlar
və elementlər elə Allahın müstəvisidir) hər kəs eyni deyil.
Burada universallıqla yanaşı, məxsusilik də mövcuddur.
İnsanlara qeyri-adi varlıqları göstərmək, onlara duydurmaq
qabiliyyəti yalnız Allaha məxsusdur. Qeyri-adi varlıqlar aşkar
olunmayan mütləq varlıqlardır. Çünki Allahın tərkibidirlər.
Bununla yanaşı, Allah öz seçdiyinə də qeyri-adi qüvvə bəxş
edə bilir. Mən deyərdim ki, qeyri-adi zühurlar elə sonsuz və
əbədi qüvvələrin əlamətidir. Allah öz seçdiyinin ruhunu daha
çox zəngin və taraz edir. Seçilmişlər enerjili olurlar. Onların
enerjisi paylanılır.
İnsanlar və canlılar, “cansız” aləm Allahın tərkibidir. Bu
baxımdan da Allah bütün maddi birləşmələrə, fiziki
birləşmələrə müəyyən, insanlar üçün qeyri-adi olan əlamətlər
verə bilər. Bununla da öz varlığını təəccüb şəkilində canlılarda,
əşyalarda sübuta yetirə bilər. Zühur əlamətləri görüntülərdə,
səslərdə, düşüncələrdə əks oluna bilər.
Allahın peyğəmbəri İsa Məsih də fərqli qüdrətə və qüvvəyə
malik olub. Alla özündən ona daha çox pay verib. Bununla da
özünü onda digər insanlara nisbətən daha çox təzahür etdirə
bilib. İsa Məsih daha çox Allahdan parça olub. İsa Məsih O
Sonsuz Olanı özündə daha çox cəmləşdirə bilib. İsa Məsihin
timsalında Allah özünü çox zühur etdirib. İnsanlara güclü
qüdrəti və hikməti bəxş etdirə bilib. Allah İsanın timsalında
bəzi qeyri-müəyyənliyi müəyyən edib.
Allah xristian peyğəmbəri İsa Məsihin simasında
insanlara nəyi sübut etdi
Bəşəriyyəti təbliğ edən bütün dinlərlə yanaşı, xristian dini
də ədalət, tarazlıq, mərifət, qanacaq, təmizlik, paklıq,
məsumluq, insaf, rəhm, sülh və insanın əhatə olunduğu və
insanın əhatə etdiyi, insanın özündə təcəssüm etdirdiyi bütün
178
müsbət keyfiyyətlərin ümumiləşdirilmiş ilahi dəyəridir.
Xristian dini özündə humanizmin, bəşəri dəyərlərin
məcmusunu yaradan bir pak dindir. Xristian dininin
peyğəmbəri İsa Məsih öz şəxsiyyətliliyində Allahın insan üçün
bəxş etdiyi məcmu dəyərlərin humanist formasını təcəssüm
etdirdi. O, pak ruhlu bir insan kimi nümunə olaraq dünyaya
gəldi və əzablara düçar olan saf ruhlu Allah elçisi kimi bu
dünyanı cismən tərk etdi.
Allah onun simasında insanlara nəyi sübut etdi:
-Əsil insanpərvərliyi;
-İnsanın humanist məzmununu;
-İnsanın ədalətli və xeyirxah olmasını;
-Pak ruhun bədəndə necə ola bilməsini;
-İnam, etibar, sədaqət kimi mənəvi keyfiyyətləri;
-Nəfsə hakimliyi;
-Dünya malına göz toxluğunu;
-Mübarizliyi,
əzmkar
ruhu,
möhkəm
iradəliliyi,
qətiyyətliliyi və dönməzliyi;
- Ağılı və kamala yetişməni;
-Saf ruhun xain və paxıllar önündə əbədiliyini;
-İnsanın insana qarşı rəhmli olmasını və çoxlu sayda
müsbət keyfiyyətləri.
Allah İsanı yer üzünə elçi göndərdi, Özündən ona daha çox
verdi, onu seçdi və üstün etdi. Onu nümunə göstərdi. Sonra da
öz yanına çəkdi ki, əzablara düçar olmasın, pak ruh hörmətdən
düşməsin. İsa vasitəsilə Allah insanın ədalətdən həm də uzaq
olan təbiətini açdı. İnsanın ümumən vəhşi simasını, əzazil və
qəddar olmasını, yaxşını qəbul edə bilməməsini sübuta yetirdi.
İnsanın ümumən vəhşi simasını aşkarladı. Ədalətin
sarsılmazlığı xristian dinin yayılması və insanların qəlbində
İsanın yaşaması ilə sübuta yetirildi. Safllığın, ədalətin şər
üzərində əbədi qələbəsi sübuta yetirildi.
179
Xristian cəmiyyətlərinin sivil dəyərləri haqqında
Xristian dininin müqəddəsliyi kamil insan düşüncə və
əməllərində sübuta yetirilməkdədir. Xristian dininin pozitiv
mahiyyəti bu gün Avropa cəmiyyətlərində düşüncə və əməlin
vəhdətində özünü təsdiq etməkdədir. Xristian dininə etiqad
edən Avropa fərdi öz müstəqil ruhu ilə dininin mahiyyətini
dərk edə bilir. Avropa cəmiyyəti bir tərəfdən dinini qoruyub
saxlayır, digər tərəfdən də özünü dindən azad və sərbəst hiss
edir. Bu da özlüyündə dinin dəyərli nemət olmasını təmin edir.
Avropanın əksər cəmiyyətləri ümumən elmdən istifadə edərək,
bir tərəfdən inkişaf edirlər, digər tərəfdən öz ruhlarının da
mənən sağlam qalmasını bu inkişaf prosesləri üzərində təmin
edə bilirlər. Əlaqə və münasibətlərdə ədalət kriteriyasının bir
etalon kimi tətbiq olunmasına çalışırlar. Bu da özlüyündə
humanizmin təcəssümünü təmin edir. Ədalətli inkişaf sosial
cəmiyyətlərin qurulması yollarını açır. Xristian dini və xristian
fərdinin fəaliyyətinin sintezi ədalətli cəmiyyətin qurulmasını
təmin edə bilir. Bununla da din əslində insana xidmət etmiş
olur.
Multikulturalizm və din
Mədəniyyət insanın yaradıcılığında, quruculuğundan,
münasibət və əlaqələrdə davranışında, ədəbi fikirlərindən ibarət
olan sistemli normativ konsepsiyadır. Hər bir fərdin həm
universal, həm də fərdi mədəni imkanları mövcuddur.
Mədəniyyət adi məişətdən tutmuş, cəmiyyəti əhatə etməklə,
dövlət səviyyəsinə, ondan da ali olan xalqlararası və
dövlətlərarası səviyyələrə qədər yüksəlir. Bütün mərhələlərdə
mədəniyyət davranışdan, nəticəsi olan fəaliyyətdən ibarət olan
bir dəyərdir. Hər bir xalqın özünəxas mədəniyyəti vardır və
çünki, fərqli adətləri, ənənələri, ədəbiyyatı və incəsənəti, eləcə
də dini və mifik inancları mövcuddur. Xalqların dünyada toplu
halda yaşaması da özlüyündə məhz dünyanın mədəniyyət
çalarlarını yaratmışdır. Çoxlu sayda danışıq dilləri, xalqların
180
məxsusi həyat tərzi, o cümlədən adət-ənənələri elə həmin
xalqların etno-milli identifikasiyasını meydana gətirir.
Mədəniyyət cəmiyyətdən dövlətə qədər yüksəlməklə, özünü
müxtəlif sahələrdə formalaşdıran dəyər kimi çıxış edir. Bu
baxımdan ailə, məişət, cəmiyyət və siyasət mədəniyyəti
anlayışları ortaya çıxmış olur.
Bütün xalqların mifik, dini inanclarında və dünya
görüşlərində Ulu Tanrı, təbiət yaradıcı tərəf kimi çıxış edir. Bu
da insanın təbiətə bağlı olaraq, qabiliyyətli, bu baxımdan da
əqli və yüksək şüuru olan tərəf kimi özünə verdiyi dəyərlərin
əsaslarını təşkil edir. İnsan fərd kimi özünü bütün institutsional
məkanlarda mədəni qurucu şəxs kimi təsdiq edir. Mədəniyyətin
ən yüksək göstəricisi məhz insanın, insan amilinin mərkəzdə
bir dayaq kimi görülməsindən ibarətdir. Mədəniyyətin ən ali
səviyyəsi Allahın qəbulundan və dərkindən ibarət olur.
Multikulturalizm
çoxmədəniyyətlilk
deməkdir.
Çoxmədəniyyətlilik bir dövlətdə, regionda və ümumən
dünyada mövcuddur. Fərdi mədəni amillər müəyyən bir
məkanda birləşərək özünü etnik, sosial-siyasi amillərə transfer
edir. Bu baxımdan hər bir xalq mədəniyyət ünsürüdür,
subyektidir, daşıyıcısıdır. Bir dövlətdə bir və ya da bir neçə
xalq öz mədəniyyətini vahid siyasi təşkilatda birləşdirir.
Burada vahid siyasi mədəniyyət yaranır. Multikultural
dəyərlərin qəbul olunması böyüklük, müdriklik, yüksək əxlaqi
keyfiyyətlərə malik olmaq əlamətidir. Bu ideya özündə “taraz
bölgü”, “qəbul”, “adaptasiya”, “harmoniya”, “simmetriya”
kimi əxlaqi uyğunluq və bərabərlik ruhunu birləşdirir.
Çoxmədəniyyətlilik bəşəri bir ideyadır və özündə insan
məfhumunu ümumiləşdirir. Son nəticə olaraq Allahın vahidliyi
ideyasına, inamına aparıb çıxarır. Mədəniyyət insanlara,
xalqlara təbiətdən gəlməklə yanaşı, Allah vergisi kimi də qəbul
olunmalıdır. Çünki, Allah rəngarənglik və qarşılıqlı inkişaf və
dəstək üçün çoxlu sayda xalq yaradıb və onlara qabiliyyətlər,
istedadlar verib.
Çoxmədəniyyətliliyi qəbul etmək sivil dəyərlərin yüksək
olmasından, xalqların qəlb genişliyindən xəbər verir.
181
NƏTİCƏ:
İnsan fəlsəfi düşüncəsi insanın özünü mahiyyətdə görməsidir.
Düşüncələri ilə dərk etməsidir. İnsan özünü sistemli dərk etməyə
çalışır. Buradan da mürəkkəb təfəkkürlü insanlar formalaşır.
Mürəkkəb təfəkkür fəlsəfə və elmi ali məqamlarda, yüksək
zirvələrdə tamamlayır. Belə təfəkkür axtarışlı, konstruktiv,
konseptual və yaradıcı olur. Axtarışın, yaradıcılığın əsas məqsədi
özünüdərketməyə
söykənir.
İstəklər
məhz
düşüncələrin
sistemləşməsini
zəruriləşdirir.
Düşüncələrin
sistemləşməsi
sayəsində insan özünü daha da aydınlaşdırır. Düşüncələr
dərinləşdikcə insan kainatda öz missiyasını dərindən dərk etməyə
başlayır.
Fikirlərin, düşüncələrin sonsuz kainat məkanında tam
sonluğu yoxdur. Sadəcə olaraq müəyyən məqamlarda bitkinliyi
və qəti sonluğu vardır. Fikirlərdən fikirlərin törəməsi insan
düşüncələrinin sonsuz potensiala sahibliyini əks etdirir.
Kainatın daxili enerji potensialı, müəyyənliklərin artması
düşüncələrin genişlənməsini şərtləndirir. Subyektiv və
obyektiv fikirlərdən yeni fikirlər ortaya çıxır. Konstruksiyalar
cızılır. Müstəvilər meydana gəlir.
Əsərdə düşüncə konstruktivliyi yolu ilə subyektiv əsaslarla
təbiət və insan haqqında əlaqələndirici, bağlayıcı fikirlər
bildirildi. Bu fikirlərin tam həqiqətə uyğunluğu elmi sübutlar
əsasında həyata keçirilə bilər. Gümanlar, təxminlər, ehtimallar
isə həqiqətə bir qədər yaxın ola bilər. Elm yolu ilə gümanlar,
təxminlər öz məkanlarını təsdiq etməlidir.
Əsərdə insan kimi mən özümü öz hisslərimlə və
düşüncələrimlə təbiət ünsürü kimi təsdiq etməyə başladım.
Daxilimdən gələn aydınlıqlar hesabına müəyyən nəticələr
ortaya qoydum. Öz daxilimindən gələn cərəyanlarla özümün
hisslərimi müəyyən etdim.
İnsan kimi mən siqnal mənbəyini əsas üç xətt üzərində
güman etdim: insan genetik məxluqdur-bioloji amillərə
bağlıdır; insana daxil olan siqnallar ətraf aləmdəndir; başqa bir
siqnal yolu makrodandır, sonsuz aləmdəndir. Bu, siqnal hər kəs
üçün deyil. Müəyyən məqamlarda insanlara verilir.
182
Elşən Misir oğlu Nəsibov
DÜŞÜNCƏLƏRİM III HİSSƏ:
TƏBİƏT VƏ İNSAN
(Əlaqələr sistemində)
Elm və Təhsil” nəşriyyatı
Dostları ilə paylaş: |