12
WWW.UNIBANK.AZ
AZƏRBAYCAN İQTİSADİYYATI
2009-CU İLDƏ
Azərbaycanın iqtisadiyyatı dünya maliyyə
böhranının nəticələrinə nisbətən yaxşı
davam gətirsə də, onlardan tam təcrid oluna
bilmədi. 2009-cu ildə Ümumi Daxili Məhsulun
(ÜDM) ümumi artım tempi əhəmiyyətli olmuş
və 9,3% təşkil etmişdir. Lakin qeyri-neft
sahələrində ÜDM-un artım tempi 2008-ci
ildəki 16%-dən 2009-cu ildə 3%-ə qədər
enmişdir. Neftə və digər birja mallarına
dünya qiymətlərinin əhəmiyyətli dərəcədə
enməsi büdcə və ixracat gəlirlərinin
30%-dən çox azalmasına gətirib çıxardı.
Bundan əlavə, bir sıra dövlət müəssisələri
və banklar qısamüddətli xarici öhdəliklərin
prolonqasiyası zamanı çətinliklərlə
üzləşdilər. Bu isə bank sistemində müəyyən
likvidlik çatışmazlığını meydana gətirdi və
kreditləşdirilmənin artım tempinin kəskin
surətdə azalmasına səbəb oldu. Dünya
qiymətlərinin endiyi bir şəraitdə, inflyasiyanın
orta illik tempi əhəmiyyətli dərəcədə zəiflədi:
2008-ci ildəki 20%-dən artıqdan 2009-cu ildə
1,5%-ə qədər.
Hökumətin və Azərbaycan Mərkəzi Bankının
(AMB) dünya böhranına cavab olaraq həyata
keçirdiyi uzaqgörən tədbirlər makroiqtisadi
və maliyyə sabitliyinin və ÜDM-un tutarlı
artım tempinin qorunub saxlanmasına kömək
etdi. Hökumət, böhrana vaxtında reaksiya
verərək, təsirli büdcə siyasəti tədbirləri
qəbul etdi. Əvvəla o, Neft Fonduna nəzərdə
tutulmuş ehtiyatlar həcmini əvvəlki kimi
dövlət büdcəsinə köçürmək imkanı verməklə,
neftin qiymətinin əhəmiyyətli dərəcədə
düşməsinin büdcəyə təsirini məhdudlaşdırdı.
İkincisi, dövlət neft və alüminium şirkətlərinə
öz xarici öhdəliklərini ödəməkdə yardım
etmək üçün, iri kapital daxil etmələri həyata
keçirdi və borclar üzrə dövlət təminatları
təqdim etdi. Üçüncüsü, hökumət, prioritet
təşkil etməyən xərclərin ixtisar olunması və
ancaq cari kapital sərmayəsi layihələrinin
maliyyələşdirilməsi yolu ilə, gəlirlərin
azalmasına uyğunlaşdı. Nəticədə nəinki
büdcə çatışmazlığının, nefti nəzərə almadan,
bütövlükdə sabit səviyyədə saxlanması,
eyni zamanda sosial xərclərin artırılması da
mümkün oldu. 2010-cu il üçün, nefti nəzərə
almadan, büdcə çatışmazlığının azaldılması
nəzərdə tutulur. Bu zaman gəlir və mənfəət
vergilərinin azalacağı qəbul edilir.
Azərbaycan Mərkəzi Bankı (AMB) maliyyə
sabitliyini, sabit mübadilə kursunun qorunub
saxlanılması və bank sisteminə likvidliyin
əlavə edilməsi yolu ilə, müvəffəqiyyətlə
dəstəkləyirdi. Manatın məzənnəsinin
azalacağına münasibətdə artan gözləntilərə
baxmayaraq, 2009-cu ilin əvvəlində AMB,
onun mübadilə kursunun ABŞ dollarına
bağlılığının qorunub saxlanması üçün,
müdaxilələri müvəffəqiyyətlə həyata keçirirdi
ki, bu da inflyasiyanı azaltmağa və əhalinin
və bankların balanslarına mənfi təsirdən
yaxa qurtarmağa imkan verirdi, həm də
iqtisadiyyatın sonrakı «dollarlaşdırılmasının»
qarşısını alırdı. Likvidliyin pisləşməsinin
dəf edilməsi və kreditləşdirilmə şərtlərinin
sərtləşdirilməsi üçün, 2008-ci ilin sentyabr
ayından 2009-cu ilin dekabr ayına kimi olan
dövrdə AMB depozitlər üzrə məcburi ehtiyat
normativlərini 12%-dən 0,5%-dək endirdi
və yenidən maliyyələşdirilmənin dərəcəsini
15%-dən 2%-ə qədər ixtisar etdi. Bundan
əlavə, AMB, müvəqqəti olaraq likvidlik
problemləri ilə rastlaşmış banklara, likvidliyin
dəstəklənməsi şəklində, 1,1 mlrd. ABŞ dolları
(ÜMD-un 2,6%-i) təqdim etdi. Nəhayət,
depozitlərin sığorta olunmasının maksimal
məbləği beş dəfə artırıldı ki, bu da bank
sisteminə etimadın bərpa olunmasına yardım
etdi.
Gözlənilir ki, qeyri-neft sektorunda ÜDM-
in artımı 2010-cu ildə 4,2%-ə qədər bərpa
olunacaqdır, lakin şəraitin pisləşməsi riskləri
hələ də mövcuddurlar. «Neft ÜDM-u»
adlanan hissə, proqnozlara görə, ancaq 1,3%
artacaqdır, bu isə o deməkdir ki, baş iqtisadi
göstəricinin ümumi artım tempi ancaq 2,7%
təşkil edəcəkdir. Qeyri-neft sektorunun
canlanması və enerji daşıyıcılarına dünya
qiymətlərinin artması ilə yanaşı, 2010-cu ildə
inflyasiyanın sürəti artacaq və, gözlənildiyi
kimi, 4% təşkil edəcəkdir.
Neft hasilatının gələcəkdə başlıca artım
mənbəyi olmaqdan uzaqlaşacağını nəzərə
alaraq, Azərbaycan iqtisadiyyatının
ortamüddətli perspektivi, əhəmiyyətli
dərəcədə, payına ümumi ixracatın
ancaq 5%-i düşən qeyri-neft ixracatının
iqtisadiyyatın başlıca artım amilinə çevrilə
biləcəyindən asılıdır. Gələcək üçün ən
mühüm məsələr əldə edilmiş sabitliyin
qorunub saxlanılmasından və iqtisadi artım
mənbələrinin diversifikasiyasından ibarətdir.
Bu, pul-kredit siyasətinin təsirinin ötürülməsi
mexanizminin təkmilləşdirilməsini və
qeyri-neft sektorları üçün kreditlərə
buraxılışın yaxşılaşdırılmasını tələb edir.
Bununla əlaqədar, Azərbaycan hökumətinin,
İLLİK HESABAT 2009
13
vergi sisteminin, gömrükxananın və
maliyyə sektorunun islahatlarının sonrakı
irəliləyişi sayəsində, rəqabət qabiliyyətinin
yüksəldilməsində və işgüzar mühitin
yaxşılaşdırılmasında cəmlənmiş qeyri-neft
sektorunun inkişaf etdirilməsi strategiyasını
inkişaf etdirmək barədə qəti niyyəti
alqışlanır.
Azərbaycan iqtisadiyyatınn əsas göstəriciləri
2009-cu il faktiki,
mln. AZN
2009-cu il 2008-сi ilə
nisbətən, %-lə
2008-ci il 2007-сi ilə
nisbətən, %-lə
Ümumi daxili məhsul
34578.7
109.3
110.8
Sənaye məhsulunun (işlərin, xidmətlərin) ümumi həcmi
22184.4
108.6
106
Əsas kapitala yönəldilən investisiyalar
7358.7
81.3
134.3
Kənd, meşə və balıqçılıq təsərrüfatlarının ümumi məhsulu
3435.6
103.5
106.1
Nəqliyyat sektorunda yük daşınması, mlyn. ton
189.8
103.7
109.3
Poçt və rabitə xidmətlərinin həcmi
1010.5
113.1
129.8
Pərakəndə əmtəə dövriyyəsi
11828.5
108.9
116.1
Əhaliyə göstərilən pullu xidmətlər
4088.2
112.5
129.7
Xarici ticarət dövriyyəsi, mlyn. ABŞ $
20 826.9
37,9
4,7 dəfə artıb
ixracın ümumi həcmi
14 699.8
30,8
7,9 dəfə artıb
idxalın ümumi həcmi
10 325.9
85.5
125.5
Dövlət büdcəsinin gəlirləri
10 325,9
95.9
179.2
Dövlət büdcəsinin xərcləri
10 503,9
97.5
177.0
Dövlət büdcəsinin kəsiri
177,9
15,3 dəfə artıb
6,9 dəfə azalıb
Əhalinin gəlirləri
22396.1
108
142.4
Adambaşına düşən gəlirlər, manat
2537.2
106.7
140.5
Bir işçiyə hesablanmış orta aylıq əmək haqqı, manat
298
108.6
127.2
İstehlak qiymətlərinin indeksi
-
101.5
101.5