İLLİK HESABAT 2009
27
GSM–GPRS POS-terminallarının tətbiq
edilməsi layihəsini yenilik hesab etmək olar.
«Unibank», bazarda ilk dəfə olaraq, «Azercell
Telekom»la əməkdaşlıqda bu xidməti
tətbiq etdi ki, bu da Bankın müştərilərinə
transaksiyaların mobilliyini və emal edilməsi
sürətini əhəmiyyətli dərəcədə artırmaq
imkanı verdi. Mobil POS-terminallar
mürəkkəb əlavələrlə yüksək iş sürətinə
malikdirlər. Proqramlaşdırılan təhlükəsizlik
modulu terminalı istənilən idarəetmə
sxeminə uyğunlaşdırmaq imkanı verir. Qurğu
plastik kartlara xidmət məntəqəsini, praktiki
olaraq, istənilən yerdə yerləşdirmək imkanı
verir. Çünki həssas xarici antenna terminala,
aşağı səviyyəli GSM siqnalı şəraitində
tranzaksiyaları dayanıqlı şəkildə yerinə
yetirməyə yol verir.
PUL KÖÇÜRMƏLƏRI
2009-cu ildə «Unibank»ın fiziki şəxslərin
pul köçürmələri üzrə dövriyyəsi, 2008-ci il
ilə müqayisədə 27,5% artaraq, 25,5 milyon
manata çatmışdır.
Hesabat ilində Bankın filialları və şöbələri
vasitəsilə, hesab açılmadan, 45 603 pul
köçürməsi həyata keçirilmişdir. «Unibank»da
işləyən pul köçürmələri sistemləri vasitəsilə,
ölkənin hüdudlarından kənara, ABŞ dolları
ekvivalentində, 5,26 milyon göndərilmiş,
26,45 milyon isə qəbul edilmişdir.
Pul köçürmələri üzrə dövriyyənin
artırılması üçün, 2009-cu ilin aprel ayında
«Pulunuzu sərfəli köçürün və alin» aksiyası
start götürmüşdür. Bu, pul köçürmələri
sistemləri vasitəsilə 500 USD/EUR və
20 000 RUR-dan başlayan məbləğlərdə
bütün pul vəsaiti göndərənlər və alanlar
üçün nəzərdə tutulmuş bonus proqramıdır.
Aksiya sayəsində «Unibank» həm pul
köçürmələri üzrə dövriyyənin artmasına,
həm də transaksiyaların sayının artmasına
nail olmuşdur. Bundan əlavə, bonus
proqramı Bankın müştərilərinin loyallığını
stimullaşdırmağa imkan vermişdir. Belə ki,
Bankın gün ərzində 500 USD/EUR (və ya 20
000 RUR) və daha artıq məbləğlərdə bütün
pul vəsaiti göndərən və alan müştərilərinə
bonus şəklində mobil telefon üçün skretş
kartlar (konturlu kartlar) verilirdi.
Oktyabr ayının 1-dən «Unibank» yeni pul
köçürmələri sistemi ilə - «LİDER»lə işə
başlamış, bununla da analoji pul köçürmələri
sistemlərinin operatorları olan beynəlxalq
şrkətlərlə əməkdaşlığı, onların sayını
yeddiyə çatdırmışdır. MDB-də fiziki şəxslər
üçün hesab açılmadan pul köçürmələrinin
əsas sistemlərindən biri olaraq, «LİDER»
dünyanın, Rusiya, bütün MDB ölkələri, ABŞ,
İspaniya, Çin, İsrail, Çexiya, Yunanıstan,
Böyük Britaniya, Portuqaliya, Belçika,
İsveçrə, İtaliya, Türkiyə və Estoniya da
daxil olmaqla, 20-dən artıq ölkəsində
7000 pul vəsaiti qəbulu və göndərilməsi
məntəqəsinə malikdir. Bu pul köçürmələri
sisteminin fərqli cəhəti – vəsaitlərin
göndərilməsi və alınmasının təcililiyinin və
etibarlılıq zəmanətinin birləşməsidir. Bundan
əlavə, «LİDER» pul köçürmələri sistemində
komissiya haqqını həmişə ancaq göndərən
ödəyir, halbuki alandan bu haqq tutulmur.
Bank, xidmətlərinin keyfiyyətli və rəqabət
qabiliyyətli səviyyəsini təqdim edərək,
«LİDER»dən savayı, daha altı beynəlxalq pul
köçürmələri sistemi ilə – «Western Union»
(2000-ci ildən), «Bıstraya Poçta» (2005-ci
ildən), «CONTACT» (2006-cı ildən), «Faster»
(2007-ci ildən), «XPmoney» (2007-ci ildən)
və «Migom» (2008-ci ildən) – işləyir. Pul
köçürmələri sahəsində «Unibank»ın ən
mühüm üstünlüklərindən biri – 1,2%-dən
başlayan tariflərdir.
KOMMUNAL ÖDƏNİŞLƏR
2009-cu ildə «Unibank» 18 paytaxt filialında
kommunal xidmətlər üçün ödənişlərin
qəbulunu həyata keçirir. Bu zaman Bank heç
bir komission haqq tutmadığından, hər bir
ödənişçi ancaq elektrik enerjisinin, suyun və
ya qazın istifadəsi üçün qəbz üzrə məbləği
ödəyir. Eyni zamanda müştərilərə, «Unibank»
plastik kartlarının köməyi ilə, kommunal
xidmətlərinin Kütləvi ödənişlər üzrə
Mərkəzləşdirilmiş informasiya sisteminin
www.apus.az İnternet saytının vasitəsilə
ödənilməsi imkanı təklif olunur. Bunun
üçün müştəri Banka müraciət etməlidir və
onun kartı qeydiyyata alınan kimi bu cür
əməliyyatların yerinə yetirilməsi üçün kod
təqdim edilir.
28
WWW.UNIBANK.AZ
MƏHSULLAR VƏ XİDMƏTLƏR
İPOTEKA KREDİTLƏRİ
2009-cu il «Unibank» üçün Azərbaycan
İpoteka Fondu (AİF) ilə məhsuldar əməkdaşlıq
ili oldu. Bank Mərkəzi Bankın nəzdnində
fəaliyyət göstərən AİF müvəkkil kredit
təşkilatlarının yeni siyahısına daxil oldu.
Belə ki, iyunun 1-dən «Unibank» İpoteka
Fondu tərəfindən yenidən maliyyələşdirilən
yaşayış evlərinin alınması üçün kreditlərin
cəlb olunması üzrə sifarişlərin qəbuluna
başlayıb. Bu məqsədlə ipotekaya mənzil
alınmasında maraqlı olan bütün şəxslərin
rahatlığını təmin etmək üçün Bank onlar
tərəfindən verilən sifarişlərin qəbul edilməsi
və əməli sürətdə baxılmasını bir neçə
paytaxt filialına həvalə edib. Bununla yanaşı,
Bankımız üçün AİF tərəfindən ayrılan kredit
limitinin həcmi bu istiqamətdə müştərilərə
göstərdiyimiz kredit xidmətinin keyfiyyətli
və məqsədyönlü olduğunu nəzərə alaraq
artırıldı.
Xatırladaq ki, «Unibank» əvvəllər də İpoteka
Fondunun müvəkkil bankları sırasında
olub. Bankın AİF-in vəsaitləri ilə yenidən
maliyyələşdirilən 193 ipoteka krediti üzrə
məcmu portfeli 2009-cu ilin sonuna 7,680
mln. AZN təşkil edib.
MƏMNUN MÜŞTƏRİLƏR XİDMƏTİ
Yeni pərakəndə satış strategiyasını həyata
keçirərək və bank xidmətləri bazarındakı
meylləri nəzərə alaraq, 2009-cu ilin iyununda
Bankda xüsusi 117 Xidməti – «Məmnun
müştərilərin Telefon Mərkəzi»ni açılıb.
Telefon mərkəzi, işgüzar adamlar da daxil
olmaqla, öz maliyyə məsələlərinin kompleks
şəkildə həll edilməsi hesabına vaxtına qənaət
etməyə üstünlük verən müştərilərin bütün
kateqoriyaları üçün açılmışdır. 117 xidmətinin
başlıca üstünlüyü – maliyyə sahəsində
yüksək ixtisaslı mütəxəssislərin vasitəsilə
keyfiyyətcə yeni xidmətin göstərilməsidir.
«Unibank»ın mütəxəssisləri və menecerləri
indi təkcə bütün suallara cavab verməyə
deyil, həm də, Bankın müştərilərinin öz
iradlarını və istəklərini bildirdikləri hallar da
daxil olmaqla, problemlərin kompleks şəkildə
həllində yardım etməyə hazırdırlar.
Müştərilərin rəyini dəyərli tutaraq, «Unibank»
onlardan hər birinə bank xidmətlərinin
keyfiyyətinə müsbət təsir etmək imkanı da
verir. Danışıqların tam məxfiliyinə zəmanəti
də Telefon Mərkəzinin üstünlüklərindən
hesab etmək olar. Bank Fərdi xidmət
göstərilməsi üzrə Telefon Mərkəzinin işini,
Bankın fərdi müştəri bazasının artırılmasına
və işgüzar dairələrlə tərəf-müqabillik
münasibətlərinin möhkəmləndirilməsinə
imkan yaradan xidmətlərdən biri kimi
nəzərdən keçirir. Telefon Mərkəzinin
fəaliyyəti Bankın müştərilərinin, bir
qayda olaraq, bir neçə növ xidmətin
göstərilməsi üçün müraciət edən və
menecerlər tərəfindən daha qeyri-standart
yanaşma gözləyən, iqtisadi baxımdan fəal
müştərilərinə yönəlmişdir. 117 Xidmətinə
müraciət edərək, hər kəs mütəxəssislərin,
Bankın təqdim etdiyi xidmətlər və məhsullar
barədə peşəkar məsləhətinə ümid edə bilər.
Belə ki, özəl müştərilər şöbələrin, filialların,
bankomatların ünvanlarını və iş vaxtını,
bank məhsulları və seyf xidmətləri üzrə
tarifləri dəqiqləşdirə, plastik kartlar, pul
köçürmələri, depozitlər haqqında, ipotekanın,
avtomobillərin satın alınması və istehlak
ehtiyacları üçün kreditlərin rəsmiləşdirilməsi
haqqında əlavə məlumat əldə edə bilərlər.
Eyni zamanda, kiçik biznesin nümayəndələri
və korporativ müştərilər üçün hesabların
açılmasına, mikrokreditlərin, akkreditivlərin
alınmasına, pul vəsaitlərinin yerləşdirilməsinə
sifarişləri rəsmiləşdirmək daha asan
olacaqdır.