8
da hospitalizasiya mərhələsində xəstəliyin diaqnostikasına və müalicəsinə yönəldilən
vasitələrin həddən çox xərclənməsinə gətirib çıxarır.
Bu problem son dərəcə böyük klinik əhəmiyyət daşıyır, çünki hamilə qadının
və uşağın taleyi böyrəklərin fəaliyyətindən çox asılıdır. Böyrəklər arterial təzyiqi,
eritropoezi, su-elektrolit mübadiləsini və turşu-qələvi nisbətini tənzimləyir. Hamiləlik
qadının orqanizmində bir sıra mürəkkəb anatomik və funksional dəyişikliklər (bəzən
patologiya ilə eyniləşən və ya ona keçən) törədir.
BÖYRƏKLƏRIN MÜXTƏLIF XƏSTƏLIKLƏRI ZAMANI HAMILƏLIK VƏ DOĞUŞLAR
Hamiləlik urodinamikanın pozulması ilə əlaqədar böyrəklərin xəstələnməsinə
əlverişli şərait yaradır ki, bu da uşaqlığın ölçülərinin böyüməsi, sidik-ifrazat
sisteminin reseptorlarına progesteronun təsir göstərməsi nəticəsində onun topoqrafik-
anatomik nisbətlərin dəyişilməsi ilə şərtlənmişdir. Bu zaman hipotoniya və kasa-
ləyən sisteminin, sidik axarlarının genişlənməsi müşahidə olunur ( böyrək
ləyənlərinin həcmi sidik axarları ilə birlikdə hamiləlikdən əvvəl 3-4 ml əvəzinə
hamiləliyin ikinci yarısında 20-40, bəzən isə 70 ml-ə çatır). Bundan başqa,
hamililiyin ikinci yarısında uşaqlıq sağa doğru əyilir (sağ tərəfə rotasiya edir) və
bununla sağ böyrək nahiyəsinə böyük təzyiq göstərir ki, sidik-ifrazat sisteminin
sağtərəfli zədələnmələrinin tezliyinin yüksək olmasını bununula izah etmək olar.
Sidik axarlarının tonusunun və yığılma amplitudalarının azalması hamiləliyin III
ayından sonra başlayır, VIII ayda maksimuma çatır. Tonusun bərpa olunması
hamiləliyin son ayından başlayır və doğuşdansonrakı dövrdə 3 ay ərzində davam edir.
Yuxarı sidik yollarının tonusunun zəifləməsi və onlarda sidiyin durğunluğu hamiləlik
zamanı ona gətirib çıxarır ki, böyrək ləyənində təzyiq artır – bu, pielonefritin
inkişafında böyük əhəmiyyət daşıyır. Hamiləlik zamanı böyrək patologiyasının
inkişafında aşağıdakılar da az rol oynamır:
böyrəklərin bağ aparatının zəifləməsi - bu, böyrəklərin patoloji yerdəyişməsinə
səbəb olur;
sidik kisəsi- axarları reflyuksunun tezliyinin artması;
9
estrogenlərin və progesteronun, qlükokortikoidlərin, ciftin hormonlarının
(xorioqonik qonadotropin və xorionik somatomammotropin) hasilinin artması.
PİELONEFRİT
Şübhəsiz, urogenital infeksiya qadınlarda böyrək patologiyasının inkişafında
mühüm əhəmiyyət daşıyır ki, reproduktiv yaşda onun rastgəlmə tezliyi yaxşı
məlumdur. Məhz həmin infeksiya böyrəklərin kanal aparatının kəskin və xronik
zədələnmələrini törədir. Eyni zamanda xronik pielonefrit heç də həmişə
persistensiya edən infeksiyanın nəticəsi deyildir, bir çox hallarda o, obstruktiv
səbəblərin nəticəsi (sidik daşı xəstəliyi, striktura, sidik kisəsi- böyrək ləyəni
reflyuksu) kimi inkişaf edir. Xronik pielonefriti olan 50%-dən az qadın anamnezində
xəstəliyin səbəbkarı kimi bu infeksiyanın rol oynamasını göstərir . İnfeksiya sidik
yollarına qalxan yolla (sidik kisəsindən), enən yolla – limfogen (bağırsaqdan,
xüsusilə qəbizlik zamanı), hematogen yolla (müxtəlif yoluxucu xəstəliklər zamanı)
daxil olur. Törədicilər – bağırsaq çöpü, qram-mənfi enterobakteriyalar, göy-yaşıl irin
çöpləri, protey, enterokok, qızılı stafilokok, streptokok, Candida cinsli göbələkləridir.
Tez-tez rast gələn klinik formaları - pielonefrit, hidronefroz, simptomsuz
bakteriouriyanı xüsusi qeyd etmək lazımdır. Nadir hallarda - qlomerulonefrit, sidik
daşı xəstəliyi, sidik-ifrazat yollarının anomaliyaları rast gəlir.
Ekstragenital patologiya arasında sidik-ifrazat sisteminin xəstəlikləri böyük
əhəmiyyət daşıyır - onlara hamilə qadınlar arasında anemiyadan sonra ikinci yer tutan
xronik pielonefrit (XPN) aiddir. Pielonefrit probleminin aktuallığı təkcə onun geniş
yayılması ilə deyil, həm də son 20 il ərzində onun klinik mənzərəsinin xeyli
dəyişilməsi ilə şərtlənmişdir. Ədəbiyyat məlumatlarına əsasən ekstragenital
xəstəliklərin (EGX) strukturunda böyrək xəstəliklərindən ana ölümü 8-10% təşkil
edir. Hamiləlik dövründə və doğuş zamanı mexanik, neyrohumoral və endokrin
amillərin təsiri altında sidik-ifrazat orqanlarında mürəkkəb anatomik-funksional
dəyişikliklər baş verir ki, onlar normal hestasiya prosesinin təmin edilməsinə
yönəldilmişdir.Buna baxmayaraq, hamilə qadınlarda pielonefritin manifestləşməsinin
tezliyi 12,2-dən 33,8% arasında dəyişir və dəqiq artma meylinə malikdir .
10
Əcnəbi tədqiqatçıların nəşrlərində sidik-ifrazat yollarının infeksion-iltihabi
xəstəliklərinin, o cümlədən pielonefritin sayının getdikcə artması yekdilliklə qeyd
edilmişdir – o, gənc yaşlarda 15% şəxslərdə aşkar edilir. Bu problemlər müasir
mamalıq və perinatologiya baxımından xüsusilə aktualdır, çünki çox vaxt xəstəlik
hamiləlik zamanı özünü biruzə verir və anada bu patologiya olduqda
yenidoğulmuşların xəstələnmə səviyyəsinin yüksəlməsinə gətirib çıxarır.
Qeyd etmək lazımdır ki, pielonefrit təkcə hamiləliyin gedişini ağırlaşdırmır,
həmçinin hamiləlik özü böyrəklərdə iltihab prosesinin gedişinə mənfi təsir göstərir.
Bu zaman təqribən 1/3 hallarda onun kəskinləşməsi müşahidə olunur. Pielonefrit və
hamiləliyin birgə rast gəlməsi doğuşdan sonra baş verən iltihabi ağırlaşmaların
yaranması riskini də artırır, belə ki, onlar 22-33% zahı qadınlarda nəzərə çarpır.
Pielonefritə həsr olunmuş çoxlu sayda tədqiqat işlərinə baxmayaraq, hamilə
qadınlarda bu xəstəliyin etiologiyası və patogenezi hələ də tədqiqat obyekti olaraq
qalır. Belə ki, qalxan yolla yoluxma zamanı pielonefritin inkişafına şərait yaradan
amillərin əhəmiyyəti axıradək öyrənilməmişdir. Məlumdur ki, onun əsas inkişaf
mexanizmləri aşağıdakılardır: qadın sidik-ifrazat sisteminin (SİS) anatomik-
funksional xüsusiyyətləri; yuxarı SİS-nin urodinamikasının pozulması, hamilə
qadında simptomsuz bakteriuriyanın və ərində simptomsuz bakteriospermiyanın
olması; hamiləlik zamanı və anamnezdə yoluxucu xəstəliklərin olması.
Hamiləlik üçün səciyyəvi olan hormonal diskorrelyasiyalar da həmçinin sidik
kisəsinin fəaliyyətinin dəyişilməsinə – tonusun zəifləməsinə, onun həcminin
artmasına, sidik ifrazının pozulmasına səbəb olur ki, bu da yuxarı sidik ifrazat
yollarından sidiyin evakuasiyasını çətinləşdirir. Pielonefrit ilə xəstə hamilə qadınların
qanında hormonların miqdarı sağlam hamilə qadınlarda nəzərə çarpan analoji
göstəricilərdən xeyli yüksəkdir. Hamiləliyin sonuna qədər uşaqlığın 50-60 dəfə
böyüməsi ilə əlaqədar olaraq hamilə qadının sidik-ifrazat yollarının uşaqlıq
tərəfindən sıxılması kimi əlavə amil meydana çıxır ki, o da xronik pielonefritin
yaranmasına və ya artıq mövcud olan XP-in kəskinləşməsinə təkan verir. Sidik
kisəsinin həcminin artması və sidik axarlarının tonusu ilə bərabər onun tonusunun
zəifləməsi sidiyin durğunluğuna, sidik axarı-kisəsi reflyuksunun və hidronefrozun
Dostları ilə paylaş: |