53
tətbiq olunan metodlar nisbətən az istifadə edilir. Belə ki, maqnit-rezonans
müayinəsi hestasiya zamanı SİS-nin obstruktiv pozulmalarının diaqnostikasında
tətbiq edilə bilər. Bu metodun üstünlüklərinə yüksək həlletmə qabiliyyəti və ionlaş-
dırıcı şüalanmanın ekspoziyasının olmaması aiddir. Maqnit-rezonans müayinəsinin
tətbiq edilməsi sayəsində hamilə qadınlarda SİS-nin obstruksiyasının səviyyəsini və
xüsusiyyətlərini yüksək dəqiqliklə təyin etmək olar. Bununla yanaşı, bu müayinənin
geniş yayılmaması və çox bahalı olması onun mamalıq, nefroloji və uroloji təcrübədə
istifadə edilməsini məhdudlaşdırır .
SİS-nin obstruksiyası zamanı sidiyin axmasının pozulmalarının ağırlıq
dərəcəsinin təyin edilməsi məqsədilə radioizotop renoqrafiyadan istifadə edilə bilər.
Hamilə qadınlarda bu metodun istifadəsi zamanı ionlaşdırıcı şüalanmanın cüzi
ekspoziyası ilə əlaqədar onun dinamik nəzarət məqsədilə istifadə edilməsi
mümkündür. Hamilə qadınlarda sistoskopiyanın, xromosistoskopiyanın və ekskretor
uronefroqrafiyanın aparılması yalnız ciddi göstərişlər olduqda - lazımi diaqnostik
məlumatları digər müayinə metodları vasitəsilə əldə etmək olmadıqda, mümkündür.
Sistoskopiya sidik kisəsində və sidik axarlarının dəliyi nahiyəsində yerləşmiş
konkrementləri vizuallaşdırmağa imkan verir. SİS-nin obstruksiyasının təyin
edilməsində xromositoskopiya zamanı sidik axarlarının dəliyindən rəngləyici
maddənin xaric olunmasının simmetrikliyinin qiymətləndirilməsi müəyyən rol
oynayır. Adları çəkilən müayinə metodlarının hamilə qadınlarda yerinə yetirilməsi
qaydası hamilə olmayanlarda aparılan eyni müayinələrdən fərqlənmir.
Ekskretor uronefroqrafiya (EU) - ionlaşdırıcı radiasiyanın istifadə edilməsi ilə
səciyyələnən diaqnostik metoddur, ona görə də onun hamilə qadınlarda tətbiq
edilməsi yüksək teratogenlik riski, yenidoğulmuşların əqli inkişafının ləngiməsi və
erkən uşaq yaşlarında bədxassəli epitelial şişlərin tezliyinin artması ehtimalı ilə
assosiasiya edir. Bundan başqa, EU apardıqda rentgenkontrast maddələrdən istifadə
etmək lazımdır, bu isə allergik reaksiyaların inkişaf etməsi ilə müşayiət oluna bilər.
Yuxarıda göstərilən səbəblər hamiləlik zamanı EU-nun aparılmasından yan qaçmağa
sövq edir – o, yalnız çox vacib olduqda və döl üçün onun aparılması riski ana üçün
gözlənilən riskdən (SİY-nin obstruksiyasının diaqnostikasının vaxtında aparılmaması
54
ilə əlaqədar meydana çıxan) aşağı olduğu hallarda istifadə edilə bilər. Hamilə
qadınlarda EU apardıqda döl üçün ionlaşdırıcı şüalanmanın ekspoziyasını azaldan
tədbirlərin həyata keçirilməsi vacibdir - buraya yalnız zədələnmiş tərəfin
şüalandırılması, ananın çanağının ekranla örtülməsi və çəkilən rentgen təsvirlərinin
sayının azaldılması daxildir.
Müasir təbabətdə bir çox xəstəliklərin (o cümlədən uroloji) diaqnostikasında
maqnit-rezonans tomoqrafiya (MRT) metodundan kifayət qədər geniş istifadə edilir.
Hamiləlik zamanı böyrəklərin MRT-nin aparılmasının meyarlarına aiddir: SİS-nin
anomaliyalarının olması; hamiləlik vaxtı infeksion-ilihabi xəstəliklərin tez-tez
kəskinləşməsi;
ağır fəsadların (karbunkul, apostematoz nefrit şəklində)
formalaşmalaşması ehtimalı; böyrəklərin funksional vəziyyətinin qiymətləndirilməsi
zərurəti .
HAMILƏLIK ZAMANI SİS-NIN INFEKSIYALARININ PROFILAKTIKASI
VƏ MÜALICƏSI
Hamiləlik böyrəklərin üzərinə düşən yükü artırır ki, bu da onların zədələnməsi
zamanı həddən artıq yüksələ bilər. Ona görə də, hamilə qadınlarda böyrəklərin
funksional vəziyyətinin qorunub saxlanması üsulları, böyrək çatışmazlığının və
infeksion-iltihabi prosesin residivlərinin profilaktikası məsələsi olduqca aktualdır.
Bu məqsədlə tətbiq edilən preparatlar ya hamiləlik vaxtı məhdud şəkildə istifadə edilə
bilər, ya da istisna (antibakterial vasitələr, diuretiklər və s.) edilmişdir.
Reproduktiv yaşlı hamilə olmayan qadınların populyasiyasında sidik-ifrazat
yollarının infeksiyalarının (SİYİ) tezliyi 2-5% təşkil edir. Hamilə qadınlarda SİYİ
tez-tez rast gələn ağırlaşmalardan olub bəzi məlumatlara əsasən 18%-ə çatır.
Müəyyən edilmişdir ki, SİYİ olduqda vaxtındanəvvəl baş verən doğuşların, cift
çatışmazlığının, dölyanı suların vaxtındanəvvəl axması, xorioamnionitin yaranması
55
riski artır. Yarımçıq doğulan və ya funksional cəhətdən yetişməmiş yenidoğulmuşlar,
həmçinin bətndaxili inkişafı ləngiyən və bətndaxili infeksiya əlamətləri olan uşaqlar
doğulur. Hazırda hamiləlik zamanı anadangəlmə inkişaf qüsurları, əqli inkişafın
ləngiməsi və uşaq serebral iflici ilə uşaqların doğulmasının səbəblərindən biri kimi
SİYİ-nin rolu geniş müzakirə olunur. Perinatal ölümün səviyyəsi artır. Bir çox
müəlliflər hesab edir ki, göstərilən ağırlaşmaların inkişaf etməsi üçün kəskin klinik
simptomların olması çox da vacib deyildir. Qadınlarda doğuşdansonrakı və
əməliyyatdansonrakı dövrdə infeksion ağırlaşmaların yüksək inkişaf riski qeyd
olunur. Məlumdur ki, sidik-ifrazat sisteminin fizioloji dəyişiklikləri hamiləliyin
erkən vaxtlarında başlayır, hestasiyanın sonuna qədər davam edir və doğuşdan əvvəl
maksimuma çatır. Çox güman ki, bu, emriogenezin vahid olması və cinsiyyət
sisteminin anatomik qohumluğu ilə əlaqədardır .
Hesab edirlər ki, böyrəklərdə baş verən fizioloji dəyişikliklərin əsasında
böyrəklərin damar şəbəkəsinin sıxlığının və intrarenal kollektor sisteminin həcminin
artması durur. Böyrəklərin kasacıq-ləyən aparatının dilatasiyasının inkişafını
şərtləndirən başlıca amillərə hormonal pozulmalar (estrogenlərin, progesteronun,
prostoqlandinin E
2
sintezinin artması), daha gec müddətdə isə – həmçinin uşaqlığın
böyüməsi nəticəsində sidiyin axmasının pozulması aid edilir. Hamiləlik dövründə
sidik axarlarının fizioloji dəyişikliklərinin inkişaf etməsini hestasion hormonal
dəyişikliklərin, mexaniki kompressiyanın, sidik axarlarının aşağı şöbələrində
köndələn əzələ dəstəsinin hipertrofiyasının kombinasiyalı təsiri ilə əlaqələndirilir.
Sidik kisəsinin strukturunun və funksiyasının dəyişilməsi vezikouretral reflyuksun
inkişaf etməsinə gətirib çıxarır. Əks proseslər doğuşdansonrakı dövrdə 3-4 ay ərzində
baş verir.
SİYİ anlayışı – ümumi termin olub uretradan başlayan və böyrəklərlə başa
çatan sidik yolunun infeksiyalaşması ilə əlaqədardır. Diaqnoz qoymaq üçün
infeksiyanın klinik əlamətləri və simptomları olduğu halda sidikdə böyük sayda
bakteriyaların olması vacibdir. SİYİ lokalizasiyasına və xəstəliyin gedişinə görə
təsnif edilir. Lokalizasiyasına görə – aşağı (kəskin uretrit və sistit) və yuxarı (kəskin
və xronik pielonefrit) sidik-ifrazat yollarının infeksiyaları ayırd edilir. Gedişinə
Dostları ilə paylaş: |