Qərib məzarlar
98
İren Melikoff
Tanınmış türkoloq, elmlər doktoru, professor
İren Melikoff 1917-ci ildə Petroqradda ziyalı ailəsin-
də dünyaya gəlib. Bolşeviklərin qələbəsindən sonra
ailə
Finlandiyaya köçüb, bir müddət sonra isə dai-
mi yaşayış yeri kimi Fransanı seçib. İren Melikoff
Sorbonna Universitetinin ədəbiyyat fakültəsində
təhsil alıb, Şərq dilləri üzrə mütəxəssis kimi tanınıb.
1941-ci ildə ailə quran İren milliyyətcə türk
olan əri ilə Türkiyəyə köçüb, bir müddət ora-
da yaşadıqdan sonra yenidən Fransaya qayıdıb.
1968-ci ildən taleyini Strasburq Universiteti ilə
bağlayıb və uzun illər bu universitetin türk və
fars dilləri kafedrasına rəhbərlik edib.
O, 1966-cı ildən «Turcica» adlı jurnal nəşr et-
məklə Fransa oxucularını türk xalqlarının tarixi,
ədəbiyyatı və mədəniyyəti ilə yaxından tanış
edib. Bu jurnalda Azərbaycan yazıçılarının əsər-
ləri də nəşr edilib.
İren Melikoff dörd yüzə yaxın elmi
məqalənin müəllifi olub, çoxsaylı kitablar
nəşr etdirib. Türk araşdırmaları
sahəsində
səmərəli fəaliyyətinə görə 10 ali mükafat al-
mış alim Bakı Dövlət Universitetinin də fəxri
doktoru olub.
1990-cı il yanvarın 20-də sovet qoşunlarının
Bakıya yeridilməsinə etiraz olaraq Parisdə keçi-
rilən mitinqdə fəal iştirak edib.
Qərib məzarlar
99
Həmişə azərbaycanlı olmağı ilə fəxr edən
İren xanım dəfələrlə Bakıda türkologiyaya dair
konfranslarda iştirak edib. O, ulu öndər Heydər
Əliyevlə yaxından tanış olub və türkologiyaya
dair kitablarını Ümummilli Liderə bağışlayıb.
Heydər Əliyev İren xanımın elmi fəaliyyətini
yüksək qiymətləndirib.
İren Melikoff Strasburqda keçirilən təd-
birlər zamanı Prezident İlham
Əliyevlə də
görüşüb.
O, 2009-cu ilin yanvarında 91 yaşında vəfat
edib və yanvarın 14-də «rus qəbiristanlığı» kimi
tanınan Sent-Jenevyev De Bua məzarlığında tor-
pağa tapşırılıb.
Dəfn mərasimində iştirak edən Azərbayca-
nın Fransadakı fövqəladə və səlahiyyətli səfiri
Azərbaycan Respublikasının Prezidenti İlham
Əliyevin və xanımı Mehriban xanım Əliyevanın
başsağlığını mərhumun ailə üzvlərinə və yaxın-
larına çatdırıb, mərhumun qəbri üstünə Azər-
baycan Prezidentinin adından əklil qoyulub.
Məlumat üçün qeyd edək ki, anası rus oldu-
ğu üçün İren Melikoff provaslav xristianlığına
etiqad edib. Lakin atasının müsəlman olduğu
nəzərə alınaraq onun dəfnində bir gün müsəl-
man adəti üzrə «Quran» oxunub, o biri gün dəfn
mərasimini provaslav keşişi idarə edib. Bu da bir
taledir...
Qərib məzarlar
100
Tarix
dərsliklərindən bəllidir ki, 1747-ci ildə
Nadir şahın öldürülməsindən sonra Azərbaycan
ərazisində yaranan kiçik feodal dövlətlərdən biri
də Maku xanlığı olub. Xanlığın adı Cənubi Azər-
baycanda yerləşən Maku şəhərinin adı ilə bağlı-
dır. Bu xanlıq Xoy, Qaradağ, Naxçıvan və İrəvan
xanlıqları ilə həmsərhəd ərazidə yerləşib. 1828-
ci ildə imzalanan Türkmənçay müqaviləsinə
əsasən Maku xanlığı İranın tərkibində qalıb.
Maku xanlığının nümayəndələri Makinskilər
kimi tanınıb və bu nəslin bəzi davamçıları 1918-
ci ildə müstəqil Azərbaycan dövlətinin qurulma-
sında yaxından iştirak ediblər.
1874-cü ildə İrəvanda dünyaya gələn Teymur
xan Makinski əvvəlcə İrəvan gimnaziyasını,
1916-cı ildə isə Varşava Universitetinin hüquq
fakültəsini bitirib və Azərbaycan Xalq Cümhu-
riyyətinin qurucularından biri olub. O, əvvəlcə
Zaqafqaziya Seyminin, sonradan
isə Azərbaycan
Milli Şurasının üzvü seçilib.
1918-ci ilin iyun-oktyabr aylarında Azər-
baycanın ədliyyə nazirinin müavini, oktyabrın
20-dən dekabrın sonunadək Azərbaycan Cüm-
huriyyətinin Ermənistan hökuməti yanında
diplomatik nümayəndəsi vəzifəsində çalışıb.
1918-ci il dekabrın 26-dan 1919-cu il martın
14-ə qədər Fətəli xan Xoyskinin 3-cü hökumət
kabinəsində ədliyyə naziri vəzifəsini icra edib.
1919-cu ilin iyunundan 1920-ci ilin yanvarına
qədər Azərbaycan Hərbi Məhkəməsinin sədri,
Tanıdığımız və tanımadığımız
Makinskilər
Qərib məzarlar
102
1920-ci ilin martından isə yenidən Azərbaycan
Xalq Cümhuriyyətinin
Ermənistan hökuməti ya-
nında diplomatik nümayəndəsi olub.
Azərbaycan Cümhuriyyətinin süqutundan
sonra 1920-ci il mayın 15-də İrəvandakı diplo-
matik nümayəndəliyin fəaliyyəti Ermənistan
hökuməti tərəfindən dayandırılıb, diplomatik
nümayəndəliyin başçısı olduğu zaman Zəngi-
basarda yaşayan soydaşlarımıza maddi yardım
göstərdiyinə görə T.Makinskiyə qarşı Ermənistan
prokurorluğu tərəfindən cinayət işi açılıb, lakin
o, İrəvanı gizlicə tərk edərək mayın 28-də Tiflisə
qayıda bilib.
Teymur xan Makinskinin sonrakı taleyi
haqqında səhih məlumat yoxdur.
Onun əmisi oğlu Abbasəli bəy Makinski 1888-
ci ildə İrəvanda doğulub. O da əvvəlcə İrəvan
gimnaziyasında, 1909-1914-cü illərdə isə Kiyev
Universitetinin hüquq fakültəsində təhsil alıb. Ali
təhsil aldıqdan sonra Tiflis şəhərində yaşayıb və
vəkillik fəaliyyəti ilə məşğul olub.
1918-ci ildən sonra ermənilərin İrəvan quber-
niyasında azərbaycanlılara qarşı törətdikləri qır-
ğınlardan xəbər tutduqdan sonra bu şəhərə köçüb
və soydaşlarımızın təhlükəsizliyini qorumaq işlə-
rində yerli ziyalılara yaxından kömək edib. Həmin
illərdə Naxçıvanda da oxşar faciələr gözləndiyi
üçün Abbasəli bəy Naxçıvana
köçüb və orada Araz
Türk Respublikasının yaradılmasında fəal iştirak
edib. Sovet hakimiyyəti qurulduqdan sonra bir
müddət Bakıda yaşayıb, Ədliyyə Nazirliyində mü-
vəkkil, Ərzaq Nazirliyində şöbə müdiri vəzifələrin-
də çalışıb, vəkillik fəaliyyəti ilə məşğul olub.
1922-1923-cü illərdə onun Türkiyədə diploma-
tik işdə çalışması barədə də məlumatlar var.
Sonralar «Azərnəşr»də hüquq məsləhətçisi
işləyən Abbasəli bəy Makinski 1938-ci ilin fevral
ayında həbs edilib, həmin ilin mart ayında gül-
lələnib. Tarixçi Musa Quliyevin yazdığına görə,
Abbasəli bəy haqqında hökmün icrası
barədə akt
Azərbaycan Respublikasının Milli Təhlükəsizlik
Nazirliyində saxlanılır.
1917-ci ildən sonra Rusiyada baş verən siyasi
proseslər Makinskilər nəslinin nümayəndələrini
dünyanın müxtəlif guşələrinə səpələyib. Onların
bəziləri Fransada yaşamalı olub və bu ölkədə tor-
pağa tapşırılıb.
Belə ki, Hüseyn xan Naxçıvanskiyə qohumlu-
ğu çatan və 1917-ci ildən Fransada yaşayan Paşa
xan (Pavel) Makinski və onun oğlanları Paris
yaxınlığındakı «rus qəbiristanlığı» kimi tanınan
Sent-Jenevyev De Bua məzarlığında dəfn edilib-
lər.
Makinskilərin nəsil şəcərəsi ilə bağlı maraq-
lı araşdırmalar aparan fövqəladə və səlahiyyətli
səfir, Azərbaycan Xarici İşlər Nazirliyinin Dövlət
Protokol İdarəsinin
rəisi Pərvin Mirzəzadənin
verdiyi məlumata görə, Ehsan xan Naxçıvanski-
nin oğlu olan Paşa xan Makinski 1862-ci ildə İrə-
vanda doğulub. O, 1917-ci ildə Rusiyanı tərk edib,
Varşavada, sonralar isə Parisdə yaşayıb. Paşa xan
birinci dəfə Zəri xanım Naxçıvanski ilə ailə qurub
və ondan Cansuriyyə adlı qızı doğulub. Cansu-
riyyə xanım ötən əsrin 20-ci illərində bolşeviklər
tərəfindən Nargin adasında güllələnən general
Əliyar bəy Haşımbəyovun həyat yoldaşı olub.
1967-ci ildə Bakıda vəfat edib. Paşa xan isə ikinci
dəfə Stefani Lyubeska adlı polyak qızı ilə ailə qu-
rub. Bu izdivacdan İskəndər (Aleksandr) və Kərim
(Kirill) adlı iki oğul dünyaya gəlib.