Geog 1 (38-янги). p65

27
Atama, tayanch tushuncha va nomlar
Atmosfera, troposfera, havo massalari, iqlim hosil qi-
luvchi omillar, havo harorati, yog‘inlar.
Nazorat uchun savollar
1. Havo massalari deb nimaga aytiladi?
2. Iqlim hosil qiluvchi qanday asosiy omillarni bilasiz?
Amaliy topshiriqlar
1. Atlasning iqlim xaritasidan ko‘p va kam yog‘in yog‘a-
digan joylarni aniqlang va yozuvsiz xaritada belgilang.
2. Atlasdagi iqlim xaritasidan O‘zbekistonning o‘rtacha yil-
lik harorati va yog‘in miqdorini aniqlang.
11- §. Tabiat komplekslari,
ularning almashinishi va zonalligi
Tog‘ jinslari, relyef, iqlim, yerosti va yerusti suvlari, tup-
roq, o‘simlik, hayvonot olami tabiat komponentlarini hosil
qiladi. Tabiat komponentlarining o‘zaro uzviy aloqasi va bir-bi-
riga ta’siri natijasida vujudga kelgan va o‘ziga xos xususiyatlar-
ga ega bo‘lgan hududlar tabiat komplekslari (landshaft) deb
ataladi.
Tabiat komplekslari (TK) quruqlikda egallagan maydoniga
ko‘ra har xil kattalikda bo‘lishi mumkin. Masalan, materiklar
va okeanlar geografik qobiqdan keyingi eng yirik TKdir. O‘z
navbatida, materiklar kichikroq TK — o‘lkalar, kichik o‘lkalar,
tabiiy geografik rayonlar va tabiat zonalariga ajraladi.
Tabiat zonalari — o‘ziga xos iqlimi, tuproq qoplami,
o‘simlik va hayvonot olamiga ega quruqlikning yirik tabiiy
komplekslari. Ularning nomlari ko‘proq o‘simlik qoplami bilan
bog‘liq.
Har bir iqlim mintaqasining o‘ziga xos tabiat zonalari tar-
kib topgan. Masalan, mo‘tadil iqlim mintaqasida 70° shq. u.

---

28
(sharqiy uzunlik) meridiani bo‘yicha ignabargli o‘rmonlar (tay-
ga), aralash o‘rmonlar, keng bargli o‘rmonlar, o‘rmon-dasht,
dasht, chalacho‘l va cho‘l tabiat zonalari joylashgan. Iqlim
mintaqa ichida tabiat zonalari — okean bo‘ylaridan quruqlik
ichkarisiga tomon, namgarchilik kamayishi sari almashinadi.
Shuning uchun ham cho‘l tabiat zonasi mo‘tadil, subtropik va
tropik iqlim mintaqalarining o‘rta qismlarida uchraydi.
Tabiat komplekslarining almashinishini geografik kengliklar
bo‘yicha tahlil qilish mumkin. Barcha tabiat komplekslari, ya’ni
iqlim mintaqalari va tabiat zonalari ekvatordan har ikkala
qutblar tomon qonuniy ravishda almashinib boradi. Bunga,
birinchi navbatda, iqlimiy sharoit sababdir.
Tog‘larda tabiat komplekslari tog‘ etagidan tepasiga tomon
almashinib boradi. Tog‘lardagi tabiat kompleksining, ya’ni ba-
landlik mintaqalarining ko‘p yoki ozligi shu tog‘larning geo-
grafik o‘rniga, balandligiga, shamollarning yo‘nalishiga, okean-
lardan uzoq yoki yaqinligiga bog‘liq bo‘ladi. Tog‘ ekvatorga qan-
cha yaqin va baland bo‘lsa, undagi tabiat komplekslari shuncha
ko‘p bo‘ladi va almashinib keladi.
Okeanlarda TK o‘ziga xos xususiyatlarga ega bo‘lib, ular
ko‘pincha suvning harorati, sho‘rligi, oqimlarning iliq yoki so-
vuqligiga bog‘liq. Dunyo okeanida 11 ta tabiat mintaqasi ajra-
tilgan: bitta ekvatorial, ikkitadan qutbiy, qutbyoni, mo‘tadil,
subtropik va tropik mintaqalar kenglik bo‘ylab almashib joy-
lashadi.
Insonning xo‘jalik faoliyati natijasida o‘zgartirilgan TK antro-
pogen komplekslar yoki antropogen landshaftlar deb ataladi.
Atama, tayanch tushuncha va nomlar
Tabiat komplekslari, tabiat komponentlari, tabiat zona-
lari, balandlik mintaqalari, zonallik, hududiylik qonuni-
yatlari.
Nazorat uchun savollar
1. Tabiat komplekslari deganda nimani tushunasiz?

---

29
2. Qanday sabablarga ko‘ra tabiat zonalari hosil bo‘ladi?
3. Balandlik mintaqalarining soni nimalarga bog‘liq?
Amaliy topshiriqlar
1. Tabiat zonalarini yozuvsiz xaritaga tushiring va nomla-
rini yozing.
2. Daftaringizga iqlim mintaqalari bo‘yicha tabiat zonala-
rini yozib chiqing.
12- §. Yer yuzi aholisi, irqlar
Yer yuzi aholisi, irqlar. Aholi soni jamiyatning ijtimoiy-
iqtisodiy taraqqiyoti davomida o‘sib kelgan. Masalan, eramiz-
ning boshlarida 230 mln, 1 000- yilda 305 mln, 1 500- yilda 440
mln kishiga yetgan. Oxirgi ming yillikda aholining ikki baravar
ko‘payishi uchun 600 yil kerak bo‘lgan bo‘lsa, ikkinchi marta
ikki baravar ko‘payishi uchun 230 yil, uchinchisiga 100 yil va
to‘rtinchisiga 40 yil kerak bo‘lgan.
Birlashgan Millatlar Tashkilotining ma’lumotlariga ko‘ra,
Yer yuzi aholisi 2016- yil o‘rtalarida 7 mlrd 400 mln dan ortdi.
Aholi soni eng ko‘p (100 mln dan ortiq) mamlakatlar Xitoy,
Hindiston, AQSH, Indoneziya, Braziliya, Pokiston, Nigeriya,
Bangladesh, Rossiya, Meksika, Yaponiya va Filiðpin.
XX asrning 60- yillarida „demografik portlash“, ya’ni aholi-
ning juda tez sur’atlar bilan o‘sishi kuzatildi. Aholining o‘sishi
Afrika, Osiyo va Amerika mamlakatlarida yuqori bo‘lsa, ko‘plab
Yevropa mamlakatlarida past ko‘rsatkichga ega.
Dunyo aholisi, asosan, uchta katta irqqa mansub. Bular
yevropeoid, mongoloid va negroid. Bu asosiy irqlar orasida
ko‘p oraliq (aralash) irqlar mavjud.
Aholining joylashish xususiyatlari. Dunyo aholisining note-
kis tarqalganligiga mamlakatning geografik o‘rni, tabiiy sha-

---

30
roiti, tarixan rivojlanishi, ijtimoiy-iqtisodiy taraqqiyoti, tabiiy
boyliklar bilan ta’minlanganligi kabi omillar ta’sir ko‘rsatadi.
Dunyo aholisining asosiy qismi dengiz va okean sohillariga
yaqin masofada yashaydi. Bunga sabab tabiiy sharoitining
yashash uchun qulayligi, eng arzon dengiz transportiga yaqin
bo‘lganligi, eng yirik dengiz port-shaharlari tarkib topganligi
bilan bog‘liq.
Yer yuzida aholi zich joylashgan to‘rtta yirik hudud shakl-
langan. Bular: Janubiy Osiyo, Sharqiy Osiyo, G‘arbiy Yevropa
va Shimoliy Amerikaning sharqiy qismi. Buning omillari —
tabiiy sharoitning qulayligi, xo‘jalikning yaxshi rivojlanganligi
va qadimdan aholi yashab kelayotganligidir.
Tabiiy boyliklar va ularning inson uchun ahamiyati. Inson
o‘zining kundalik ehtiyojlarini qondirish maqsadida tabiat boy-
liklaridan foydalanishga majbur. Tabiat boyliklarini beshta asosiy
guruhga ajratish mumkin: mineral, iqlimiy, suv, yer va biolo-
gik boyliklar.
Aholining yashashi uchun yoqilg‘i, rudali va noruda mineral
boyliklar zarur. Ularsiz jamiyatning ijtimoiy-iqtisodiy taraq-
qiyotini tasavvur etish qiyin. Rudali foydali qazilmalarga te-
mir, mis, olmos, oltin, uran va boshqalar, noruda mineral
boyliklarga oltingugurt, fosforit, osh tuzi va boshqalar kiradi.
Insoniyatning qishloq xo‘jalik mahsulotlariga bo‘lgan talabini
qondirish hamda tabiat qo‘ynida dam olishi (rekreatsiya) uchun
iqlimiy boyliklarning ahamiyati beqiyos.
Xo‘jalikda eng ko‘p foydalaniladigan tabiiy boylik suv hi-
soblanadi. „Suv bor joyda hayot bor“, „Suv tugagan joyda
hayot tugaydi“, degan xalq maqollari suvning bebaho tabiiy
boylik ekanligidan dalolat beradi.
Dehqonchilikni rivojlantirishda hosildor tuproqlarning aha-
miyati juda katta.
Muayyan hududning hayvonot olami va o‘simlik qoplami
biologik boyliklarni tashkil etadi. Bu boyliklarning eng muhim
xususiyati ularni qayta tiklash mumkinligidir.
Aholining tabiat bilan aloqadorligi. Inson o‘z ehtiyojlari
uchun zarur bo‘lgan barcha narsalarni tabiatdan oladi. Nati-

---