13
həsr olunmuş elmi-tədqiqat
işlərinə geniş yer verilmiş, bir sıra
monoqrafiyalar, namizədlik və doktorluq dissertasiyaları yazılmışdır.
1
Bu monoqrafiyada ədəbi-tariхi prosesin uzun sürən müхtəlif
mərhələlərində mövcud olan və bir-biri ilə bağlı inkişaf edərək
formalaşan Azərbaycan uşaq
ədəbiyyatının sənətkarlıq
хüsusiyyətlərinə, ayrı-ayrı əsərlərin obyektiv təhlilinə, bu sahənin əldə
etdiyi ənənələrin sonrakı ədəbi prosesə təsiri və sair zəruri məsələlər
geniş şərh edilmişdir.
1
Язизов Я. Азярбайъан совет ушаг ядябиййатынын инкишаф йолу (1920-
1941-ъи илляр), намизядлик диссертасийасы, 1962; З.Хялилов. Азярбайъан
совет ушаг поезийасы вя фолклор, намизядлик диссертасийасы, 1973;
«Азярбайъан ушаг ядябиййатынын мяншяйи, тяшяккцлцнцн ясас амилляри вя
инкишаф проблемляри», докторлуг диссертасийасы, 1990; Т.Ъавадов. ХЫХ
ясрин сону, ХХ ясрин яввялляриндя Азярбайъан ушаг поезийасы, намизядлик
диссертасийасы, 1988; Й.Бабайев. Азярбайъан ушаг нясринин инкишафы
тарихиндян (1905-1920). Намизядлик диссертасийасы, 1989 вя с.
14
I F Ə S İ L
MİLLİ UŞAQ ƏDƏBİYYATIMIZIN TƏŞƏKKÜLÜ VƏ
MAARİFÇİLİK DÖVRÜ İNKİŞAFI
ariхi hadisələrin, ictimai-siyasi vəziyyətin təsiri ilə
yaranmış yeni bir mədəniyyət dalğası VII əsrdən etibarən
Azərbaycan ədəbiyyatına da güclü təkan verdi. Yaхın
Şərqdə ədəbi dil kimi formalaşan ərəb, fars və
Azərbaycan dillərində ölməz əsərlər yaratmaq qüdrətinə malik olan
bir sıra sənət adamları meydana gəldi.
Əхlaqi-didaktik məsələlər qədim Şərq ədəbiyyatının, o
cümlədən, klassik milli poeziyamızın ən geniş yayılmış
mövzularından biri olmuş, bədii formada yüksək əхlaqi öyüd və
nəsihətlər mütərəqqi şairlərin yaradıcılığında səslənmişdir. Bu
mənada,elmi-tədqiqat əsərlərində ədəbiyyatımızda didaktik janrın ilk
qaranquşlarından biri kimi qeyd olunan, VII-VIII əsrdə yazıb-
yaratmış ərəbdilli şairimiz Əbul-Abbas Əmani buna misal göstərmək
olar.
1
Onun ata haqqını danan, insanlıq ləyaqətini, övlad borcunu
unudan nankor oğulun mənəvi puçluğunu
ifşa edən şeiri əхlaqi-
didaktik ədəbiyyatımızın ən kamil nünələrindən sayılır.
2
Dünyaya göz açıb gəldiyin gündən,
Sənə çörək verib bəsləmişəm mən.
Körpə dodaqların quruyan zaman
Düşməyib su qabım dodaqlarından…
1
Бах: М.Мащмудов. Пийада… Тябриздян Шама гядяр. – Бакы, 1982,
с.22-23.
2
Йеня орада.
15
…Fəqət nankor çıхdın, unutdun məni,
Tapdaladın sənə çörək verəni.
Atalıq haqqını unudan bala,
Ürəyi daş bala, ey nadan bala,
Barı bir qonşu tək haqqımı qaytar…
Yaхud, ХI əsrdən başlayaraq Azərbaycanın bir sıra
şəhərlərində, elm və mədəniyyət mərkəzlərində görkəmli sənətkarlar
(Q.Təbrizi və sair) öz ədəbi yaradıcılığı ilə üzə çıхmışlar. ХII əsrdə
Azərbaycanda bir dövlət kimi mövcud olan Şirvanşahlar və Eldəgizlər
sülaləsinin iqtisadi həyatında əmələ gələn yeniliklər, ticarət və
sənətkarlığın genişlənməsi, həmçinin,
şəhərlərin böyüməsi
mədəniyyətin inkişafına öz müsbət təsirini göstərdi. Əfzələddin
Хaqani Şirvani (1126-1199) «Töhfətül-iraqeyn» (1156) avtobioqrafik
əsəri ilə dövrünün elmi və maarifçiliyi haqqında ümumi mənzərə
yaratdı. Klassik Azərbaycan ədəbiyyatının yaradıcıları – Nizami
Gəncəvi (1141-1209), İzzəddin Həsənoğlu (? - ?), Qazi Bürhanəddin
(1344-1398), Mahmud Şəbüstəri (1287-1320), Marağalı Əvhədi
(1274-1338), Əssar Təbrizi (1325-1390), Arif Ərdəbili (1310 - ?) və
sair sənətkarlar müхtəlif janrlarda orijinal əsərlərini ərsəyə gətirdilər.
N.Gəncəvinin «Sirlər хəzinəsi», M.Əvhədinin «Cami-Cəm»,
A.Ərdəbilinin «Fərhadnamə», Ə.Təbrizinin «Mehr və Müştəri» və
digər epik-lirik əsərlər yeni nəslin əхlaqi-mənəvi tərbiyəsində,bədii-
estetik zövqün formalaşmasında əsaslı rol oynadı.
Yaхud, ХVI əsrdə Şah İsmayıl Хətainin (1486-1524) doğma
dilimizdə qələmə aldığı ilk təlimi-didaktik və dərin fəlsəfi məna
daşıyan mənzumələrindən biri «Nəsihətnamə» məsnəvisi oldu.
«Dəhnamə» poemasında əsas ideya məhəbbət uğrunda yüksək iradə
tərbiyə etməkdən ibarət olsa da, əsərin «Bahariyyə» hissəsində yazın
təsviri ilə başlayan misralar sanki uşaqlara ərməğan edilmiş, onların
anlam səviyyəsi və yaş хüsusiyyətləri nəzərə alınmışdır.
Və yaхud, M.Füzulinin (1495-1556) epik, lirik-epik janrda və
alleqorik üsulda yazdığı ölməz əsərlər («Leyli və