229
ƏMMU-nun icrası kifayət qədər tələbkar bir iş ola bilər, çünki heç bir stan-
dart və ya tərif mövcud deyil. Daxili məlumatların olmaması, ƏMMU-nun həyata
keçirilməsinə maneə yarada bilər, çünki xərclərin effektiv uçotu, materialların
hərəkətinin peşəkar hesablanmasını tələb edir. Əsas ekoloji xərclər ətraf mühit
amilindən asılıdır və buna görə də uçot sistemləri elə hazırlanmalıdır ki, belə
gözlənilməz vəziyyətlərin öhdəsindən gələ bilsin. Sadəcə yeni proqram təminatı
quraşdırmaqla təkmilləşdirmələrin aparılması mümkün deyil.
Ekoloji İdarəetmə Sistemi
Ekoloji idarəetmə sistemi (EMS), istehsal şirkətləri və digər təşkilatlarını öz
təsir dairələrinə daxil olan ekoloji təsirlərin sistematik və effektiv şəkildə idarə
edilməsi istiqamətində edilən səyləri dəstəkləmək üçün tətbiq edilmişdir.
EMS “Planlaşdırma, icra, yoxlama və tədbir görmək” idarəetmə sxeminə
əsaslanır. Planlaşdırma mərhələsində şirkət ilkin durumu yoxlamalı, öz ekoloji icra
göstəricilərini, o cümlədən təsirləri analiz etməli və ekoloji siyasətlər, məqsədlər
və hədəflər hazırlamalıdır. Buna əsasən, əməkdaşların maarifləndirilməsi və
təlimləndirilməsi həyata keçirilir və sənədləşdirmə, habelə kommunikasiya
kanalları daxil olmaqla, biznes əməliyyatları qurulur. Ekoloji göstəricilərin da-
vamlı şəkildə yaxşılaşdırılmasını, habelə davamlı inkişaf tədbirlərinin hazırlan-
masını təmin etmək üçün icraya nəzarət, monitorinq və yoxlama mexanizmləri
işlənib hazırlanır.
EMS üçün geniş istifadə edilən beynəlxalq standartlar – ISO 14001 (ISO
14000 ekoloji standartlar külliyyatında əsas standart) və EMAS (Ekoloji
İdarəetmə və Audit Sxemi) sayılır.
Ekoloji nişanlama
Ekoloji nişanlama (EN) – bazar mexanizminə əsaslanan könüllü alətdir.
Onun əlaqəli olduğu mövcud fakt budur ki, bir çox ölkələrdə istehlakçılar əldə
etdikləri müxtəlif məhsulların ətraf mühitə və sağlamlığa təsirləri haqqında daha
da məlumatlı olmağa başlayırlar. Ekoloji nişanlamanın məqsədi iki hissəyə bö-
lünür.
• Mövcud olduğu bütün müddət ərzində (həyat dövründə) ətraf mühitə mi-
nimal təsirə malik olan istehlak malları və xidmətlərinin hazırlanması, istehsalı,
satışı və istifadəsini təşviq etmək və
• İstehlakçıları məhsul və xidmətlərin ekoloji keyfiyyətinə dair daha dol-
ğun məlumatlar ilə təmin etmək və onlara alış-veriş edən zaman ekoloji seçimlər
haqqında məlumatlı olmağa kömək etməkdir
Ekoloji meyarlara cavab verən məhsullara öz qablaşdırılmasında xüsusi
230
loqotipdən istifadə etmək hüququ verilir. Bu loqotip (məs. Avropa İttifaqında
yaşıl çiçək, Slovakiyada dairəvi möhür, yaxud Norveçdə qu quşu), müştərilərə
bu və ya digər məhsulun yüksək ekoloji göstəricilərə malik olduğunu göstərmək
üçün marketinq aləti kimi nümayiş etdirilir.
Nişanların etibarlılığını təmin etmək üçün, formal sxemlər işlənib hazır-
lanmalıdır. Adətən dövlət qurumları və ya bir neçə maraqlı tərəf – təşkilatlar
(beynəlxalq və ya milli səviyyələrdə) nişanlama sxemlərini hazırlayır və idarə
edirlər; misal üçün, onlar meyarlar hazırlayır, tətbiq metodlarını qiymətləndirir,
nişanlar təqdim edir və tələblərə riayət olunmasına nəzarət edirlər. Daha sonra,
ekoloji nişanlama istənilən səviyyədə tətbiq edilə bilər: beynəlxalq (məs. Avropa
Birliyi nişanı, Nordik qu quşu) və ya hətta şirkət səviyyəsində (məs. “Swedish
Anglamark” və ya “Body Shop”). Belə ki, effektiv ekoloji nişanlama hələ də
bütün səylərin birləşdirilməsini tələb edir. Reallıqda bir çox ekoloji nişanlar var
ki, mühafizə olunmadan və tam sərbəst istifadə olunur; bu isə alıcılar arasında
çaşqınlığa səbəb olur. Uğurlu nişanlamanın praktiki tətbiqi Haşiyə 7.10-da əks
edilmişdir.
Ekoloji tədarük
Ekoloji tədarükün tətbiq edilməsi ideyası bilavasitə iqtisadi inkişafın cari
trayektoriyası, əhali artımı və insanların maneələrə üstün gəlmə bacarığın-
dan irəli gələn istehsal və istehlak proseslərində nəhəng və daim böyüyən ar-
tım ilə əlaqəlidir. Ekoloji tədarük (ET) yanaşması davamlı inkişaf və istehlak
aspektlərini ictimai tədarük prosesinə daxil etmək və bununla da ekoloji baxım-
dan rasional bazarlara imkan yaratmaq, onları təşviq etmək və dəstəkləmək üçün
işlənib hazırlanmışdır.
Haşiyə 7.10 | Uğurlu ekoloji nişanlama nümunələri
Kosmetik məhsullarnn transmilli şəbəkəsi, “Body Shop” şirkəti, heyvanlar üzərində snaqdan
keçirilməyən xalis təbii bitki məhsullarna görə bütün dünya üzrə müştərilər tərəfindən yaxş tannr.
İsveçin özəl “Anglamark” brendi də kifayət qədər məşhurdur. Bu nümunələr uğurlu tətbiq metodunun
müstəsna olaraq səlahiyyətli orqanlara deyil, daha çox nüfuz və məmnun müştərilərin etimadna
əsaslandğn göstərir.
Haşiyə 7.11 | “Canon Group” şirkətində tətbiq edilən ekoloji tədarük
“Canon Group” şirkəti ekoloji tədarük fəaliyyətlərini 1997-ci ildən həyata keçirir. “Canon” şirkəti
materiallarda (ekoloji materiallar) ətraf mühit aspektinin səviyyəsini qiymətləndirmək üçün
qiymətləndirmə meyarlar işləyib hazrlamş və bu meyarlar “Ekoloji Tədarük Standartlarna dair
Bələdçi” formasnda şirkətin təchizatçlarna və müştərilərinə göstərmişdir. Bu meyarlar, korporativ
struktur üçün yeddi əsas parametrdən (məs. EMS-də iştirak, ekoloji qanunvericiliyə riayət və s.) və
məhsullar üçün on bir əsas parametrdən (məs. zərərli kimyəvi maddələri özünə daxil edən məhsullar,
təhlükəli tullantlar, qablaşdrma və s. istehsal) ibarətdir. Ekoloji təmizlik səviyyəsi bu iki meyarn
təsnifatlarnn hər birində məhsullarn topladğ xallarn cəmi ilə müəyyən edilir. “Canon” şirkəti
Yaponiyada 1200 təchizatçdan, Cənubi Şərqi Asiya və Çində 200 təchizatçdan və Şimali Amerikada
100 təchizatçdan ekoloji baxmdan məqbul saylan məhsullarn təchiz edilməsini tələb etmişdir.
Mənbə: Allen P, ed., 2001.