225
hüququna və bu baxımdan, ətraf mühitə təsir göstərə bilən qərarların qəbul
edilməsində iştirak etmək hüququna malik olması kimi əsas prinsipə söykənir.
Yerli şəraitlər və maraqlar haqqında dərin biliklər sayəsində, yerli əhali və ya
cəlb edilmiş geniş ictimaiyyət nümayəndələri qiymətləndirmə prosesinə adətən
bir sıra ən faydalı töhfələr verirlər.
Digər ölkədə təklif edilən fəaliyyətdən ekoloji baxımdan təsirlərə məruz qa-
lacağı ehtimal olunan ölkə, ETQ prosesində iştirak etməyi tələb etmək hüququna
malikdir (daha ətraflı məlumat üçün “Beynəlxalq Əməkdaşlıq” fəslində ESPO
Konvensiyası bölməsinə müraciət edin).
ETQ aləti bir sıra zəif təmayüllərə malikdir. Misal üçün, siyasi iradənin ça-
tışmamazlığı səbəbindən, ETQ-ni qərarların qəbulu prosesinə daxil etmək prob-
lemli məsələ ola bilər; ETQ-nin təkcə iqtisadi və sosial amillər deyil, həm də kor-
rupsiya tərəfindən təsirlərə məruz qalması, qərarların qəbulu prosesinin spesifik
mədəniyyəti və ənənəsi kimi mövcuddur. Bir çox ETQ nümunələri ictimai iştira-
kın olmaması və ya qeyr-effektiv iştirak, habelə qiymətləndirilən layihələrin və
təsirlərin əhatə dairəsində məhdudiyyətlərin mövcudluğunu göstərir (ETQ tez-tez
yalnız seçilən layihələrə və ya qrant vasitəsilə maliyyələşdirilən layihələrə şamil
edilir və ətraf mühitə potensial ziyan vurmağa qadir olan fəaliyyət tiplərinin ha-
mısını əhatə etmir). ETQ hesabatları akademik, həddən artıq deskriptiv (təsviri)
və alternativlərin təqdim edilməsi baxımından zəif olmağa meyllidirlər. ETQ
sisteminin monitorinqində adətən boşluqlar olur və planlaşdırma mərhələləri və
layihənin faktiki icrası arasında baş verən dəyişikliklər həmişə dərk edilmir.
Strateji Ekoloji Qiymətləndirmə
Strateji Ekoloji Qiymətləndirmə (SEQ) - ETQ-nin əsasını təşkil edən kon-
sepsiyanı və prinsipi dəqiqləşdirən (ümumiləşdirən), yüksək səviyyəli, komp-
leks prosedurdur. ETQ-nin yalnız müəyyən layihələrə əsaslandığı halda, SEQ
dövlətin bütün planları, strategiyaları, siyasətləri və qanunvericilik təkliflərinə
tətbiq edilir.
Strateji Ekoloji Qiymətləndirmənin başlıca məqsədi, müəyyən siyasətlər,
strategiyalar, proqramlar, planlar və qanunvericiliyin işlənib hazırlanma
prosesində və qəbul edilməzdən əvvəl ətraf mühit üçün nəticələrinin identifikasi-
yası və qiymətləndirilməsini təmin etməkdir. Daha dəqiq desək, bu vaxt ərzində,
qərar qəbul edən şəxslər, müəyyən strategiyanın ətraf mühitə göstərə biləcəyi
müəyyən təsirləri nəzərə almaq və onlara qarşı əks tədbir görmək imkanına ma-
lik olurlar. SEQ ticarət, vergi, kənd təsərrüfatı, balıqçılıq, enerji, nəqliyyat və
s. kimi sahələr əhatə edə bilər. Misal üçün, SEQ müxtəlif səviyyələrdə (məs.
əyalət və ya qəsəbə səviyyəsində) enerji sahəsində milli siyasətin, ərazi planları-
226
nın, müxtəlif sahələri (məs. məişət tullantılarının utilizasiyası, tikinti və s.) əhatə
edən milli qanun layihələrinin qiymətləndirilməsinə tətbiq edilə bilər.
SEQ prosesi adətən növbəti amilləri nəzərə alır: təklif edilən strategi-
ya tərəfindən əhatə olunan regionda ekologiya və sağlamlıqla bağlı möv-
cud problemlər, onların dayanıqlı inkişaf ilə əlaqələri, strategiya üçün əsas
alternativlər, nəzərdə tutulan icra tədbirlərinin ekologiya və sağlamlığa təsirləri,
eləcə də strategiyaya aidiyyəti olan potensial təsirlərin monitorinqi üçün
sistemlər.
Azərbaycanın ekoloji təsirlərin qiymətləndirilməsi aləti qismində, ətraf
mühit sahəsinin hələ sovetlər dönəmindən qalan biliklərindən istifadə etdiyi-
ni nəzərə alaraq, 2012-ci ildə Avropa standartlarına uyğunlaşdırılmış ETQ və
SEQ haqqında yeni qanun layihəsi işlənib hazırlandı və qəbul olunması üçün
Parlamentə təqdim olundu.
Ətraf Mühitin Qorunması üçün təşkilat və müəssisələrdə tətbiq edilən alətlər
Ətraf mühitin qorunması üçün alətlər (ƏMQA) ətraf mühiti çirkləndirən
müəssisələrə ekoloji problemlərə ünvanlanmağa və öz davranışlarını reaktiv və
ya aktiv yanaşmadan proaktiv – qabaqlayıcı yanaşmaya dəyişməyə imkan verir.
Reaktiv yanaşmaya nümunə olaraq, tullantıların tipik və ya ənənəvi poliqona
yerləşdirilməsini göstərmək olar. Aktiv yanaşma dedikdə, tullantıların enerji
hasil etməklə utilizasiyası və ya yandırılması nəzərdə tutulur, proaktiv yanaş-
ma isə tullantıların qarşısının alınması anlamına gəlir.
ƏMQA-lar, ekoloji və sosial məsuliyyətləri əsas biznes strategiyasına da-
xil etmək və bununla da müəssisələrə cari və gələcək nəsillərə davamlı fayda-
lar verməyə imkan yaratmaq üçün mikroiqtisadi səviyyədə tətbiq edilmək üçün
nəzərdə tutulub. Bu yanaşma “korporativ məsuliyyət” kimi təfsir oluna bilər.
Ətraf mühitin qorunması üçün müxtəlif alətlər işlənib hazırlanmış və isteh-
sal, habelə istehlakın müxtəlif səviyyələrində tətbiq edilmişdir. Onlar təşkilat və
müəssisələrə öz ekoloji siyasətləri, məqsəd və hədəflərinə nail olmağa köməklik
göstərmək üçün nəzərdə tutulmuşdur. Belə alətlər “könüllü” adlanır, çünki onlar
ekoloji qanunvericiliyin yerinə yetirilməsini tələb edən normativ aktlara daxil
edilmir.
Ətraf mühiti çirkləndirən hər hansı ayrıca təşkilat və ya müəssisə tərəfindən
bilavasitə tətbiq edilə bilən bir çox ƏMQA-lar proses yönümlü (texnoloji)
alətlərdir. Aşağıda bu alətlərin bəzi nümunələri göstərilib:
Aşağıda sadalanan alətlərin bir çoxu, Beynəlxalq Standartlaşdırma Təşkilatı
(ISO – bax: Haşiyə 7.9) tərəfindən işlənib hazırlanmış ISO 14000 adlanan stan-
dartlar külliyatında standartlaşdırılmışdır.