40
orqanizm əmələ gətirə bilən hansısa qeyri-adi “aktiv
başlanğıca” malik ola bilər. Aristotel bəlkə də haqlı idi, və
göstərirdi ki, bu aktiv başlanğıc döl əmələ gətirən
yumurtada vardır, lakin səhvən hesab edirdi ki, o, Günəş
işığında, palçıqda, və iylənmiş ətdə də vardır.
Məşhur alim Van Helmont guya üç həftə ərzində siçan
yaratması barədə eksperimentini izah edir. Bunun üçün
çirkli köynək, qaranlıq şkaf və bir ovuc buğda lazım idi.
Aktiv başlanğıc kimi siçanın əmələ gəlməsində Van
Helmont insan tərinin olmasını göstərirdi.
1688-ci ildə italyan bioloq və həkim
Françesko Redi
həyatın əmələ gəlməsi probleminə daha ciddi yanaşdı və öz-
özünə əmələgəlmə nəzəriyyəsini şübhəyə məruz qoydu
{14-
16}. Redi müəyyən etdi ki, iylənmiş ət üzərində əmələ gələn
kiçik ağ qurdlar – bu milçəyin süfrələridir. Bir sıra
eksperimentlər apararaq o, belə bir qənaətə gəldi ki, həyat
yalnız öncəki həyatdan doğa bilər (biogenez konsepsiyası).
Bu eksperimentlər öz-özünə əmələgəlmə nəzəriyyəsinin
inkarına gətirib çıxarmasa da onu bir az arxa plana atdı.
Antoni van Levenqukun mikroorqanizmlərə tətbiq etdiyi
ilk mikroskopik tədqiqatları bu nəzəriyyəni bir az da
sürətləndirdi. Levenqukun özü biogenez və öz-özünə
əmələgəlmə nəzəriyyələrinin tərəfdarları ilə mübahisəyə
girməyərək mikroskop altında seyr etdiyi müşahidələri ilə
hər iki nəzəriyyəyə çörək verdi.
1860-cı ildə həyatın əmələ gəlməsi problemi ilə fransız
kimyaçısı
Lui Paster məşğul oldu
{16}. Öz təcrübələri ilə o,
sübut etdi ki, bakteriyalar hər yerdə yayıla bilirlər və cansız
əşyalar lazımi şəkildə sterilizə edilməzsə, canlı mövcudatlar
– bakteriyalar tərəfindən yoluxa bilərlər. Paster özünün bir
sıra eksperimenləri nəticəsində biogenez nəzəriyyəsinin
doğruluğunu və öz-özünə əmələgəlmə nəzəriyyəsinin yanlış
olduğunu sübut etdi.
41
Stasionar hal nəzəriyyəsi
Bu nəzəriyyəyəyə görə {4,6}, Yer heç vaxt əmələ
gəlməmiş, daima mövcud olmuşdur; o, hər zaman öz
üzərində mövcud olan həyatı qorumuşdur, əgər
dəyişmişdirsə də az miqdarda dəyişmişdir. Bu versiyaya
görə, növlər də əmələ gəlməmişdir, həmişə mövcud
olmuşlar və bir növün iki cür imkanları var – sayının
dəyişməsi və ya ölməsi.
Lakin stasionar hal nəzəriyyəsi müasir astronomiyanın
nəticələrinə kökündən ziddir. Belə ki, astronomiya elmi
öyrədir ki, istəniən ulduzların və onların ətrafında planet
sistemlərinin mövcudluğunun sonu vardır. Yerin, Günəşin
və Günəş sisteminin yaşı radioaktiv parçalanma sürətinə
əsasən alınan müasir göstəricilərə görə, təqribən 4,6
milyard il təşkil edir (Bu məsələ
bir az şübhəlidir, çünki bəzi
mənbələrdə təkcə Yerin yaşının 100 və hətta 1000 milyard il
olması barədə rəqəmlərə də rast gəlinir)
{5,11}.
Bu
nəzəriyyənin
tərəfdarları
“müəyyən
faydalı
qazıntıların olub və ya olmaması bu və ya başqa növün
olması və ölməsi vaxtına göstəriş ola bilməz” – deyə,
söyləyirlər və misal olaraq kisəli balıq nümayəndələrinin
latimeriyasını göstərirlər. Paleontoloji nəticələrə görə, kisəli
balıqlar əhəng dövrünün sonunda məhv olmuşlar. Lakin bu
məsələyə yenidən baxıldı və Madaqaskar ərazisində kisəli
balıqların canlı nümayəndələri aşkar olundu. Bu
nəzəriyyənin nümayəndələri təsdiq edirlər ki, yalnız hal-
hazırda yaşayan növləri öyrənməklə və onları faydalı qazıntı
qalıqları ilə müqayisə etməklə onların ölmələri barədə nəticə
çıxarmaq olar, amma bu halda da çox ehtimal ki, o, doğru
olmayacaqdır – deyirlər.
42
Həyatın əmələ gəlməsinin müasir nəzəriyyələri
Bu gün həyatın əmələ gəlməsi problemi müxtəlif elm
sahələri tərəfindən intensiv öyrənilməkdədir. Həyatın əmələ
gəlməsi barədə mövcud olan bütün müasir nəzəriyyələri
canlının bu öyrənmə prosesində hansı fundamental
xassəsinin
(maddə,
enerji,
informasiya)
əsas
götürülməsindən asılı, şərti olaraq bu cür göstərmək olar:
1.
Əmələgəlmənin substrat nəzəriyyəsi (Oparinin zülal-
koaservat nəzəriyyəsi, bu barədə yuxarıda məlumat
vermişdik)
2.
Energetik əmələgəlmə nəzəriyyəsi. O, qabaqcıl
sinergetik-alimlər İ.Priqojin və M.Eygen tərəfindən
işlənib hazırlanmışdır {7,10,29,30}.
3.
Əmələgəlmənin
informasiya
nəzəriyyəsi.
Onu
A.N.Kolmoqorov, A.A.Lyapunov, D.S.Çernavski
inkişaf etdirirlər{12,14} .
4.
Əmələgəlmənin gen nəzəriyyəsi.
Bu nəzəriyyənin müəllifi amerikan-genetik
G.Müllerdir. O,
hesab edir ki, bəsit maddələrin təsadüfi qarşılıqlı təsiri
nəticəsində qəfildən (ani olaraq) əmələ gələn canlı molekul
bölünmə xüsusiyyətinə malikdir. O, bildirir ki, nəslin
elementar vahidi – gen – həyatın əsasını təşkil edir. Onun
fikrincə həyat gen formasında vaxtilə ilk okeanın sularında
mövcud olmuş atom qruplarının və molekulların təsadüfi
birləşmə yolu ilə meydana gəlmişdir. Lakin bu nəzəriyyənin
riyazi hesablamaları belə hadisənin baş vermə ehtimalını
sıfıra endirir.
“Həyat birdən-birə deyil, materiyanın uzun təkamül
inkişafı yolu üzrə formalaşmışdır” – fikrini ilk
söyləyənlərdən biri
F.Engels olmuşdur
{18,19}.