11
pozaraq sonluğu bəlli olmayan təzadlar yaratmaqdadır.
Ətraf mühitin korlanmasında əsas rollardan birini DEFOLİANTLAR
(latın sözü olub de - yox, foliant - yarpaq deməkdir) oynayırlar.
Dünyada defoliant kimi Foleks (C
4
HgS)
3
P, butifos (C
4
HgS)
3
PO, 2-xlor
etilfosfon turşusu–etefon ClCH
2
CH
2
P (O)(OH)
2
, natrium borat, natrium
xlorit, kokadil turşusu (CH
3
)
2
As(O)OH, kalsium sianid Ca(CN)
2
və s.
istifadə edilir.
Belə birləşmələr pambıq qozalarının sürətlə açılmasına şərait yaradaraq,
yarpaqları məhv edir və pambığın maşınla yığımını asanlaşdırır.
Defoliantlar canlı orqanizmlər üçün məhvedici təsir göstərdiyindən,
onların istifadəsi zamanı ciddi texnologiya gözlənilməlidir.
1970-ci 80-ci illərdə Azərbaycanda pambıq planı iki-üç dəfə artırılmış
və bunun sayəsində gübrə və defoliantların tətbiqi zamanı torpaqlar
zəhərlənərək yararsız hala salınmışdır.
Defoliantlar torpağın mikroorqanizmlərini məhv edir, azobakteriyaları
sıradan çıxarır və buna görə də məhsul gigyenik cəhətdən yararsız olur.
Ətraf mühitin korlanmasında herbisidlərin (latın sözü olub herba – ot,
caedo – öldürmək) böyük təsiri vardır. Herbisidlər əsas etibarı ilə tarla və
plantasiyalarda əmələ gələn alaq otlarının məhv edilməsi məqsədi ilə
tətbiq edilir. Onlar seçici olub kənd təsərrüfatı bitkilərinə-əsasən taxıl,
qarğıdalı, düyü, şəkər çuğunduru-mənfi təsir göstərməyərək alaq otlarını
məhv edir. Herbisidlər təyyarələr vasitəsilə səpilməklə yanaşı, əkin
zamanı torpağa da verilə bilər.
Herbisidlər də Defoliantlar kimi zəhərli birləşmələr olduğundan
kapitalist Avropasında və Amerikada, Yaponiyada onların bəzi
birləşmələrinin istifadəsi qadağan edilmişdir. Sovetlər birliyində ekoloji
nəzarət olmadığından, torpaqlar herbisidlərlə zəhərlənərək onlar uzun
müddət torpaqda qalır və biosistemi məhv edirdi.
Yuxarıda göstərilənlərə əlavə olaraq qeyd etmək lazımdır ki, Dəniz və
Okeanlar qəzaya uğrayan yanacaq daşıyan tankerlər tərəfindən də əsaslı
surətdə çirklənir. Neft və neft məhsulları sudan yüngül olduğundan, su
üzərində qalın təbəqə əmələ gətirərək, suda yaşayan heyvanları günəş
şüasından və havadan məhrum edir. Bu çirklənmədən dəniz-okean quşları
da böyük ziyan görür.
Yer kürəsinin insanları öz məişətlərini yaxşılaşdırmaq üçün istehsal
etdiyi kimyəvi məhsullar onların gələcək həyatı üçün qarşısıalınmaz
təhlükə yaratdığından bu antoqonizmi həll etmək hələlik mümkün
12
deyildir. Bəşəriyyət, 5 milyon ildən bəri varlığını qoruyub saxladığı kimi
gələcəyini də düşünməlidir.
13
Fəsil I.
EKOLOGĠYA ELMĠ VƏ ONUN ĠNKĠġAF TARĠXĠ
«Ekologiya» terminini ilk dəfə elmə alman alimi Ernest Hekkel
(1834-1919) gətirmişdir. Ekologiya yunan sözü olub oikos-(ev,
məskən, vətən) və logos-(öyrənmək, təlim) sözlərindən yaranmışdır.
Ernest Hekkel özünün «Orqanizmlərin ümumi morfologiyası»
(1866) və «Dünyanın yaranmasının təbii tarixi» (1868) əsərlərində
yeni elmə aşağıdakı izahı vermişdir. «Ekologiya dedikdə biz təbiətin
iqtisadiyyatını özündə əks etdirən biliklər sistemini başa düşməliyik.
Canlıların onları əhatə edən üzvi və qeyri üzvi aləmlə əlaqəsi,
heyvanlar və bitkilərin biri-biri ilə canlı əlaqəsi, həmçinin canlıların bir
başa təmasda olduğu üzvi aləmlə münasibəti nəzərdə tutulmalıdır ki,
Darvin bunu «yaşayış uğrunda mübarizə adlandırmışdır».
Beləliklə, Hekkelə görə ekologiya-orqanizmlərin ətraf mühitə
münasibəti haqqında bir elmdir.
Məşhur Fransalı ekoloq Pyev Aqess demişdir: «Ekologiya-təkcə
təbiət elmi olmamalıdır. O, həmçinin hüquq, iqtisadiyyat, sosiologiya
elmlərini də əhatə etməlidir».
Məşhur rus ekoloqu A.B.Yablokov yazırdı: «Bir qrup alimlər
ekologiyanı təbiət elmi kimi göstərərək, onun orqanizm ilə ətraf
mühitin münasibətini öyrənən elm kimi nəzərdə tutur; ikincilər canlı
varlıqların yaşadıqları mühitlə münasibətini tədqiq edərək, kompleks
elm kimi nəzərdə tuturlar; üçüncülər-müxtəlif iyerarxiya (aşağı
rütbəlilərin yuxarı rütbəlilərə tabe olması) səviyyəsində ekosistemin
funksional qanunauyğunluqlarını öyrənən təlim kimi nəzərdə tuturlar.
Bütün bu təyinlər natamam hesab edilməlidir».
Ensiklopedik lüğətdə ekologiya aşağıdakı kimi müəyyən
edilmişdir: «Ekologiya bitki aləmi ilə canlı orqanizmlər arasında və
onların ətraf mühitlə münasibəti haqqında elmdir».
Ekologiyanın bir elm kimi XIX əsrin ortalarından yaranmasına
baxmayaraq, mahiyyət etibarı ilə canlı varlıqların təbiətlə münasibəti,
heyvan və bitkilərin yaşayış tərzi hələ eradan əvvəl antik filosofların
əsərlərində öz əksini tapmışdır.
Aristobul (b.e.ə.384-322) 500 növ heyvanların davranış qaydalarını
14
şərh etmişdir. Onun tələbəsi, botanik Teofrast Ereziyski (b.e.ə.
371-280) bitkilərin həyat fəaliyyətini öyrənərək onun iqlim və
torpaqdan asılılığını tədqiq etmişdir.
Orta əsrlərdə bu elmin öyrənilməsi haqqında məlumatlar bizə
çatmasa da, Böyük coğrafi kəşflər və intibah dövrləri zamanı bitki və
heyvanların sistematikası yaradılmışdır.
Sistematikanın baniləri A.Seralpin (1519-1603) və D.Rey (1628-
1705) bitki növləri ilə yetişmə fazası və məskunlaşma zonası
arasındakı asılılığı təsvir etmişlər.
Fransız təbiətşünası Jorj Byutton (1707-1788) ilk dəfə olaraq ətraf
mühitin (temperatur, iqlim, qida növləri) təsiri ilə bir növün digərinə
keçməsi mümkünlüyünü öyrənməyə başlamışdır.
İlk təkamül təliminin banisi, botanik, zooloq Jan Batist Lamark
(1744-1829) ilk dəfə ətraf mühitin orqanizmə təsirini öyrənərək, insan
fəaliyyətinin katastrofik nəticələr verə biləcəyini söyləmişdir: «Biz
insanlar gələcəkdə Yer planetini yaşayış üçün yararsız edəcəyik».
XIX əsrin əvvəllərində yaranan biocoğrafiya elmi ekoloji
təsəvvürlərin inkişafına təkan vermiş oldu.
Alman təbiətşünası Aleksandr Qumboldt (1769-1859) 1807-ci ildə
bitkilərin coğrafiyasını tədqiq edərək yeni ekoloji istiqaməti
müəyyənləşdirmiş oldu: uyğun zonalarda və üfüqi coğrafi qurşaqlıqda
müxtəlif növ bitkilər eyni zahiri görünüş qazanırlar.
Bu istiqamətdə böyük ingilis alimi Çarlz Darvinin (1809-1882)
əvəzsiz xidmətləri qeyd edilməlidir. «Növlərin əmələ gəlməsi» (1859)
əsərində orqanizmlərin həyat şəraitinə uyğunlaşmasından bəhs
edilərək, onların ətraf mühitlə qarşılıqlı əlaqəsi göstərilmişdir ki, bu
da ekoloji təlimin bir hissəsi kimi qeyd edilməlidir.
XIX əsrin sonlarında ekologiya digər elmlər arasında özünün əsl
yerini tapmış oldu. 1870-ci illərdə ekologiyada yeni elmi istiqamət
yarandı.
1877-ci ildə alman hidrobioloqu K.A.Möbus (1825-1908) biosenoz
haqqında yeni elmi fikir formalaşdıraraq, orqanizmlərin təkamül
prosesində xarici mühitin təsirindən asılılığını müəyyən etdi. Möbusa
görə, biosenoz və ya təbii birgəyaşayış növlərin eyni ekoloji muhitə
uyğunlaşması əsasında formalaşmışdır. Buradan da botaniki
ekologiyanın əsası qoyulmuş oldu.
Dostları ilə paylaş: |