sistemdə qəbul edirikcə onda insan, onun xüsusi və ümumiləşmiş
əmək fəaliyyəti, təbiət və onun maddiləşmiş ehtiyatları, təbii
vasitələri yarımsistem kimi qəbul edilməlidir. Təbiidir ki, belə
halda göstərilən komponentlərin sistemliyi və müəyyən mənada
fərqli eəhətləri təbiət-cəmiyyət münasibətlərində daima diqqət
mərkəzində olmalıdır. Təbii tarazlığı, ekoloji müvazinəti
saxlamada deyilənlərin böyük əhəmiyyəti vardır. İndiyə qədər
klassik ideyalara toxunulmaz münasibətlər bəslənilməsi onların
əsil mahiyyətinin açılmasında böyük maneələr yaratmışdır.
«Ətraf mühiti mühafizə» və «Təbii ehtiyatlardan səmərəli
istifadə» bir-birinə yaxın anlayış olmaqla əlaqəli proseslərə
malikdirlər. Göstərilənlər arasındakı qarşılıqlı əlaqə mürəkkəb və
çoxsahəlidir. Bu mürəkkəbliyin başlıca cəhəti aşağıdakılardan
ibarətdir:
birincisi, cəmiyyətin
təbiətdən ayrılmazlığının dərk olunması ilə yanaşı, cəmiyyətin bir
çox cəhətləri ilə təbiətə qarşı qoyulmasıdır; ikincisi, təbiətin və
cəmiyyətin
qanunlarının
ayrılıqda,
eyni
zamanda
təbiətin-cəmiyyətin birgələşmiş qanunlarının öyrənilməsi
səviyyəsinin həyatı tələblərdən geri qalmasıdır.
Əlbəttə, ətraf mühitdə, bir qədər dəqiqliklə ifadə etsək
materiyada (biosferdə, litosferdə, hidrosferdə, atmosferdə və s.)
gedən proseslərin fiziki, kimyəvi, bioloji, geoloji və s. qanunları,
qanunauyğunluqları barədə bir çox kəşflər məlumdur. Ancaq
həmin proseslərin planetar mahiyyəti ilə sosial nəticələri
arasındakı əlaqələrin tədqiqi olduqca aşağı səviyyədədir.
Predmetin nisbətən cavan, əhatə dairəsinin mürəkkəb və
çoxsahəli olması ətraf mühit və təbiətdən səmərəli istifadə
edilməsi məsələlərinin təkmilləşdirilməsini tələb edir. Hər iki
anlayış bir çox halda «ekoloji mühitdən istifadə», «ekoloji
gərginlik yaradan sahə» kimi də qiymətləndirilir. Daha doğrusu
bəzi hallarda təbiəti mühafizə və ondan istifadə edilməsi kimi
formaca başqa
21
görünən ifadələri təhlil edərkən ekoloji mənbələrə və axtarışlara
müraciət edilir.
2.2.
Ekoloji biliklərin xüsusiyyətləri
Təbii mühit insanın həyatı üçün ayrılmaz şəraitdir. O,
ictimai istehsala əsaslanan, insanın yaşayış yeri və ona lazım olan
bütün ilkin xammal ehtiyatının mənbəyidir.
Ekologiya elminin meydana gəlməsi XIX - əsrin ikinci
yarısında artıq müxtəlif canlı orqanizmlər və onların həyat tərzi
haqqında kifayət qədər məlumat toplanmış olduğu bir vaxtda baş
vermişdir. Geniş emprik məlumatlar insanlara başa düşməyə
imkan yaratdı ki, yalnız orqanizmlərin quruluşu və inkişafı deyil,
həm də onların yaşayış mühitindəki qarşılıqlı
əlaqələri
müəyyən
qanunauyğunluqlara tabedir.
Ekologiya elmi uzun bir tarixi yol keçmişdir. Bitki və
heyvanların həyat tərzi, xarici mühitdən asılılığı, yayılma
xüsusiyyətləri haqqında məlumatların toplanmasından və istifadə
edilməsindən başlanmışdır.
XVIII əsrdə fransız təbiətşünas alimi J.Byuffon ilk dəfə
olaraq ətraf mühitin heyvanların quruluşuna bilavasitə təsiri
məsələsini öyrənmişdir. Elə bu vaxtlar J.B.Lamark - evalyusiya
haqda ilk anlayışın müəllifi belə bir fikrə gəlir ki, «xarici
şəraitin təsiri» heyvan və bitki
aləminin
evolyusiyasmda, orqanizmlərin mühitə alışma prosesində əsas
səbəblərdən biridir. Ekoloji dünyagörüşün sonrakı inkişafı XIX
əsrin əvvəllərində yaranmış biocoğrafıyaya təkan vermiş oldu.
A.Humboltun, K.Qlokerin, T.Faberin və b. əsərləri bitkilərin
coğrafiyasında yeni istiqamət müəyyənləşdirdi. Elmə belə bir
anlayış daxil oldu ki, landşaftın «fizionomiyası» (xarakteri)
bitkilərin xarici görünüşü ilə müəyyən olunur. Məlum oldu ki,
oxşar zonal və şaquli-qurşaq coğrafi şəraitlərində müxtəlif
taksonomik qruplara aid olan bitkilərdə oxşar «fizionomik»
formalar da
22
yaranır. Bu formaların yayılması münasibətilə fiziki-coğrafi
mühit haqda fikir söyləmək mümkün olur. Ç.Darvinin «Növlərin
təbii seçmə yolu ilə əmələ gəlməsi və ya yaşayış uğrunda
mübarizədə əlverişli cinslərin saxlanması» adlı klassik əsərinə
canlı orqanizmlərlə ətraf mühit arasındakı qarşılıqlı əlaqələrin
öyrənilməsinin bir növ başlanğıcı kimi baxmaq olar.
XX
əsrin
əvvəllərində
artıq
hidrobioloqların,
fitosenoloqlarm, botaniklərin və zooloqların ekoloji məktəbləri
mövcud idi. Onların hər birində ekologiya elminin müəyyən
istiqaməti öyrənilirdi. Elə bu vaxtlar ekoloji elmlər fərdlərin
ekologiyasına (autekologiya) və cəmiyyətlərin ekologiyasına
(sinekologiya) bölünməyə başlayır. Beləliklə, ekologiya elmi
müxtəlif istiqamətlərdə yeni məlumatlarla zənginləşirdi.
2.3.
Atmosferin ekoloji xüsusiyyətləri və mühafizəsi
P^.3.1 . Atmosferin və iqlimin ekoloji xüsusiyyətləri
Planetimizi əhatə edən vahid hava okeanı yer üzərində
həyata təminat yaradır və mühafizə edir. Dünya dövlətləri səmam
öz sərhədləri daxilində bölüşə bilər, lakin daim hərəkətdə olan
atmosfer bəşəriyyətin ümumi sərvətidir, bölünməz təbii şəraitdir.
Təbii mühitin bir komponenti kimi atmosfer Kosmos, Dünya
Okeanı ilə, qurunun suları və təbii ekosistemlərlə qarşılıqlı
əlaqədədir.
İqlim təbiətin əsas amillərindən biridir. Xalq
təsərrüfatının müxtəlif sahələrinin, xüsusilə kənd təsərrüfatının
iqlim məlumatlarına böyük ehtiyacı vardır. Buna görə də ayrı-ayrı
rayonlar üzrə iqlim və hava şəraitinin öyrənilməsinə ölkəmizdə
böyük diqqət verilir.
İqlimin ayrı-ayrı ünsürlərinin təsviri çoxillik meteoroloji
müşahidə materiallarının işlənilməsi nəticəsində əldə edimiş orta
rəqəmlərin əsasında verilir. Bununla
23
Dostları ilə paylaş: |