İQTİSADİ İNFORMATİKA
________________________255________________________
Qərar qəbulunu dəstəkləyən sistemləri, şərti olaraq,
sənədlərə,
modellərə,
verilənlərə,
biliklərə
və
telekommunikasiyalara əsaslanan altsistemlərə bölmək
olar. Qərar qəbulunu dəstəkləyən sistemlərin modellərə
və verilənlərə əsaslanan altsistemləri məzmunca iqtisadi-
riyazi metodlara daha yaxındır.
SƏNƏDLƏRƏ ƏSASLANAN QQDS ALTSİSTEMİ
Qərar qəbulu praktiki olaraq həmişə sənədlərlə
müşayiət olunur. Lazımi sənədin axtarılması və istinad
edilməsi xeyli zəhmət tələb edir. Odur ki, sənədlərə
əsaslanan Qərar qəbulunu dəstəkləyən sistemlər
altsistemi daxili sənəd dövrüyyəsini və xaricdən daxil olan
sənədlərin qoyulmuş reqlamentlərə uyğun təqdim
edilməsini avtomatlaşdırır. Daxili sənəd dövrüyyəsini
avtomatlaşdıran sistemlərə nümunə olaraq IBM Lotus
Notes, “AyTi” şirkətinin Boss-Referent və Documentum
sistemlərini göstərmək olar. Xarici sənədlərə müraciət
etmək üçün çoxsaylı axtarış sistemləri mövcuddur.
MODELLƏRƏ ƏSASLANAN QQDS ALTSİSTEMİ
Modellər həmişə, hətta informasiya (kompüter)
texnologiyalarına qədər də qərarın hazırlanması və
qəbulunda əsas rol oynamışdır. Güclü İNTEX
instrumentlərinin meydana çıxması qərar qəbuluna
dəstəyi daha da möhkəmləndirmişdir. Qərar qəbulu üçün
dəstək verən modellərə ənənəvi statistik, balans və
optimallaşdırma modelləri nümunədir. Biznes-planların
İQTİSADİ İNFORMATİKA
________________________256________________________
tərtibində və mürəkkəb işlər ardıcıllığının icrasında qraf
modelləri tətbiq edilir. Bu sistemlərin əsas vəzifəsi
proqnoz
qiymətləri
əsasında
qərar
variantları
hazırlamaqdan
ibarətdir.
Həm
mikrosəviyyədə
(Qiymətlərin və satışın səviyyələrini, istehsalın həcmini
təsvir edən modellər), həm də makrosəviyyədə (Sahələrin
inkişafı ssenariləri əsasında bütövlükdə milli iqtisadiyyatı
təsvir edən modellər) qərar qəbulu üçün modellər qurmaq
mümkündür.
Model tiplərindən asılı olaraq müxtəlif paketlər tətbiq
edilir. Məsələn, statistik modellər üçün SAS və SPSS kimi
dünyada məşhur paketlər, optimallaşdırma məsələlərinin
həlli üçün GAMS paketi və s. mövcuddur.
VERİLƏNLƏRƏ ƏSASLANAN QQDS ALTSİSTEMİ
Bu, formal cəhətdən ən mürəkkəb məsələ olan
aktual verilənlərin operativ emalı altsistemidir. Burada
söhbət, faylların yaddaşda yerləşdirilməsi, axtarışı və
təqdimatı kimi elementar əməliyyatlardan deyil, ilk
növbədə, verilənlərin saxlanc yerlərindən (Data
Warehouse) və on-line emal sistemlərindən (OLAP) gedir.
OLAP-sistemlərə əsaslanan Qərar qəbulunu dəstəkləyən
sistemlər irihəcmli aktual verilənlərin təhlili əsasında qərar
qəbuluna güclü kompüter dəstəyi verə bilir. Belə
sistemlərə nümunə kimi coğrafi informasiya sistemlərini
(CİS) göstərmək olar.
Verilənlərin saxlanc yeri dedikdə, qərar qəbulunu
dəstəkləmək üçün formalaşdırılan predmet yönümlü,
inteqrasiya edilmiş, zaman-zaman zənginləşdirilən, lakin
İQTİSADİ İNFORMATİKA
________________________257________________________
qeyd edildikdən (yaddaşa (bazaya) yazıldıqdan) sonra
dəyişdirilməyən verilənlər yığımı nəzərdə tutulur.
Verilənlərin saxlanc yerlərində istifadə edilən nisbətən
geniş yayılmış emal metodları çoxölçülü təsnifləşdirmə və
asılılıqların bərpası kimi statistik metodlardan ibarətdir. Bu
metodların bir qismi kəşfiyyat təhlili (Data Mining) deyilən
kateqoriyaya aid olub, bazaya yığılmış verilənlərdəki gizli
qanunauyğunluqları aşkarlamağa xidmət edir.
TELEKOMMUNİKASİYALARA ƏSASLANAN
QQDS ALTSİSTEMİ
Qərar qəbulunun telekommunikasiya dəstəyi iki və
daha çox mütəxəssisin ünsiyyət qurmasına, informasiya
mübadiləsi etməsinə və birgə fəaliyyətlərini koordinasiya
etməyə (əlaqələndirməyə) imkan verir. Belə sistemlərə
nümunə kimi audio-, video-, Veb-konfranslar, elektron
poçt göstərilə bilər ki, bunlara da bəzən qrupşəkilli qərar
qəbulu sistemi də deyilir. Bu tip altsistemlər mütəxəssis
qrupları
arasında
əlaqə
yaradaraq
informasiya
mübadiləsini reallaşdırır və mütəxəssis qruplarının birgə
işləməsini təmin edir.
QQDS-İN REALLAŞDIRILMASI NÜMUNƏLƏRİ
Rusiyada geniş tətbiq tapmış Qərar qəbulunu
dəstəkləyən sistemlərindən: ORACLE OLAP, mySAP,
Hyperion Enterprise sistemlərini göstərmək olar.
SAP (SAP- Software Applied Products) şirkətinin əsas
məhsulu olan SAP-ERP R/3 sisteminin əsas özəyi - on-line
İQTİSADİ İNFORMATİKA
________________________258________________________
transaksiya emalı sistemində (OLTP) R/3 funksional
altsistemi: maliyyə (FI), logistika (LO), kadrlar (HR) və
sahəvi əlavələri (Industry Solitions - IS) özündə birləşdirir.
QQDS-in intellektual əlavələrinə adətən, modellərə,
verilənlərə və biliklərə əsaslanan altsistemlər aid edilir.
SAP şirkəti aşağıdakı intellektual əlavələri təklif edir:
Biznes-informasiya
saxlanc
yeri
(Busines
Information Warehouse BIW);
Biliklərin saxlanc yerinin idarə edilməsi (Knowledge
Warehouse Management – KWM);
Korporativ maliyyənin idarə edilməsi (Corporate
Finance Management – CFM);
Şirkətin strateji idarə edilməsi (Strategic Enterprise
Management – SEM).
Bu siyahı daim artır. Çünki bu sahədə axtarışlar
davam edir. Məsələn, Malgöndərmə zəncirinin idarə
edilməsi sistemlərini (SCM- Supply Chain Management)
nümunə göstərmək olar.
Bu sistem malgöndərənləri, distribüterləri və alıcıları
bir məntiqi prosesdə birləşdirir. Malgöndərmə zənciri -
istehsal müəssisələri, topdan ticarət və ya distribüter
mərkəzləri, mal göndərilməsi və ya xidmət göstərilməsi
üzrə sifarişlərin icrası üçün birləşmiş insanlar kimi çoxsaylı
iqtisadi agentlərdən əmələ gəlir. Malgöndərmə zəncirinin
məntiqi ardıcıllığı belədir: tələbatın planlaşdırılması
tələbatın proqnozlaşdırılması
tələbatın spesifikasiyası
(Bir
şeyin
dəqiqləşdirilmiş
təsnifi)
sifarişin
rəsmiləşdirilməsi
sifarişin
yerləşdirilməsi
sifarişin
icrası
nəqliyyatmalın (xidmətin) alınması.
Dostları ilə paylaş: |