Coğrafiya
və təbii resurslar, №1, 2017 (5)
114 AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
dərələrin Bağlı dərə adlandırılmasıdır. Bağlı
dərələr “Batan” dağ tirələri arasında yerləşir.
Sonrakı dövrlərdə qabarma və ya püskürmə
nəticəsində qalxmış sahə dərələrin qabağını kəsir
və buna görə də həmin dərələr bağlı dərələr adlanır.
Ümumiyyətlə, yer qabığı daimi davam edən
tektonik hərəkətlərin və xarici qüvvələrin təsirinə
məruz qalması nəticəsində bir sıra relyef formaları
əmələ gəlmişdir ki, bunlar da özünü qeyd edilən
mikrotoponimlərdə təzahür etdirməkdədir. Məsə-
lən, Əyri dağ (Yekəxana k., Qobustan r-nu), Çax-
naq (Şamaxı r-nu), Donbalan dağ (Kövlüc k., Ağsu
r-nu), Şiş dağ (Poladlı k., Qobustan r-nu), Dönən
yer (Dağ Kolanı k., Qobustan r-nu), Çat yeri (Cəm-
cəmli k., Qobustan r-nu), Çat yer (Quşçu k., Şama-
xı r-nu), Çömçə dərə (Bicov k., Ağsu r-nu) və b.
qeyd etmək olar. Bütün
bu mikrotoponimlərin təh-
lili göstərir ki, burada yer qabığı fəaldır. Bunun nə-
ticəsində yer üzərində əmələ gəlmiş çatlar çaxnaq
relyef formasını, sürüşmələr-axmalar, dönmələr,
axtarma və vulkan püskürmələri və başqa amillər
müxtəlif relyef formalarını yaratmışdır. Əyri dağın
adına gəldikdə isə, elə düşünmək olar ki, dağın gö-
rünüşü əyri formadadır. Əslində, bu coğrafi obyekt
kiçik şiş təpədir. Əyri dağ adı ilə onun forması, yə-
ni geomorfologiyası təzad təşkil edir. Bu isə bizdən
daha diqqətli olmağı, düzgün nəticə çıxarmağı tə-
ləb edir. Lakin bu baxımdan Əyri dağın geoloji qu-
ruluşu maraq doğurur. Əyri dağ çox yuyulub aşın-
mış, qədim suxurlar isə açılaraq çılpaqlaşmışdır.
Əlbəttə, bu, arid iqlim üçün xarakterik və səciyyə-
vidir. Bizi maraqlandıran isə dağ adının əyri adlan-
dırılmasıdır. Buna görə dağı (əslində, təpəni) təşkil
edən lay dəstələrinə, onu təşkil edən süxurlara diq-
qət yetirdikdə, lay dəstələrinin pozulmadan, adə-
tən, normal vəziyyətdə üfüqi istiqamətdə yataraq
formalaşdığı halda, hansı dövrdəsə gedən geoloji
proses nəticəsində lay dəstələrinin şaquli vəziyyət
alaraq adını birtərəfli əyilməsindən götürmüşdür.
Deməli, burada təpəyə Əyri dağ adının verilməsi
onun formasına görə deyil, onu təşkil edən layların
yatım formasına uyğun olaraq verilməsi daha inan-
dırıcıdır. Bu da, eyni zamanda, xalqın müdrikli-
yindən xəbər verir. Eyni zamanda, Daban təpə və
Kiçik tap adları da maraqlıdır. Daban təpə (Bəndə-
liyev N.S. 2009) Qobustan rayonunun ərazisin-
dədir. Bu kiçik təpə dağın aşağı ayağında yerləşir.
Buna görə də oxşatma olaraq adlandırılmışdır. Ki-
çik tap terrasvarı düzən sahələrdə hündürlükdür.
Dağətəyi və düzənliklərdə kiçik müsbət relyef for-
masıdır. Tap dağ ətəyi və dağ üstündə terraslararası
düzənlik [5], tap termini su çıxmayan düzən yerdə
təpə, düzənlik, dağ döşündə və s. [7], çayda çıxıntı
konusunun yaratdığı səki [6] və s. mənalarda gös-
tərilir. Əslində, tap müsbət relyef formasıdır. Tap
termini özünü tapan sözündə əksini tapmış olur.
Burada çox kiçik müsbət relyef formasından söz
getməsi qeyd edilməlidir.
Tədqiq olunan regionda geomorfoloji amillərin
də relyefin dəyişərək formalaşmasında rolu mikro-
toponimlərdə əks olunmaqdadır. Məsələn, Azər-
baycanda olan palçıq vulkanlarından çoxu bu rayo-
nun payına düşür. Bu səbəbdən də ərazinin relye-
fində iz qoymuş proseslər mikrotoponimlərdə ax-
tarma, pilpilə və s. adlarla yaşaması qeyd edilməli-
dir.
Şəkil 1. Dağlıq Şirvan və onu əhatə edən ərazilərdən qeydə alınmış bəzi mikrooronimlərin xəritə-sxemi
Coğrafiya və təbii resurslar, №1, 2017 (5)
AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti
115
Məlum olduğu kimi, yerin geomorfoloji qurulu-
şunun formalaşmasında xarici qüvvələrin (axar su-
ların, küləyin və s.), aşınmaların və həm də bunlar-
la yanaşı, süxurların tərkibinin, layların yatım xü-
susiyyətinin də rolu az deyildir. Məsələn, Doqquz
dərə, Bərk dərə, Keçəl dağ, Kəp dağ, Təngə dərə,
Çil dağ, Dəlmələr, Qapçaqlar, Kirbit dağı mikroto-
ponimlərini qeyd etmək olar. Qeyd edilən mikro-
adlardan məlum olur ki, relyefin formalaşmasında
daxili və xarici amillərlə yanaşı, süxurların tərkibi-
nin də rolu vardır. Məsələn, Kəp dağ [1] toponi-
mini nəzərdən keçirək: Kəp dağ Poladlı kəndinin
qərb tərəfindədir. Buradakı dağın şərq tərəfə baxan
yamacı dik sıldırımdır. Yumşaq əhəngdaşından və
başqa yumşaq süxurlardan təşkil olunduğundan
güclü fiziki aşınma prosesi getmişdir. Yağış suları
yeraltı mağaralar (yalançı karst) əmələ gətirmişdir
ki, bu mağaralar qıflar şəklində yer səthinə açılır.
Belə relyef formaları olan ərazidə heyvanların ota-
rılması təhlükəlidir. Ümumiyyətlə, relyefdəki kəp-
kirəbənzər formaya görə Kəp dağ adı verilmişdir.
Qotur dağda güclü fiziki aşınma prosesinin getməsi
dağın adında bitki örtüyünün kasıblığı özünü gös-
tərir. Çil dağ – farsca qırx dağ deməkdir [4]. Dağda
fiziki aşınma qüvvətli getdiyindən, dağın üzərində
daşlı sahələrdə bitki örtüyü zəifdir. Elə buna görə
də xarici görünüşünə uyğun Çil dağ adlandırmışlar
[1,2]. Tədqiq olunan ərazidə mikrotoponimlər vasi-
təsilə geoloji dövrləri və süxurların mənşəyini ət-
raflı müəyyən etməyə imkan yaranmış olur: məsə-
lən, Ağ təpə, Sarı təpə, Göy qaya, Qızıl burun, Qır-
mızı yal və b. Buradakı mikrotoponimlər, əslində,
oronimi təşkil edən süxurların rəngini bildirir.
Lakin qeyd edilən rəngləri bildirən adların elmi
tədqiqi müvafiq süxurların tərkibini və əmələ gəl-
diyi geoloji dövrləri öyrənməkdə əhəmiyyətə ma-
likdir. Ağ təpə və b. bu qəbildən olan coğrafi ob-
yektlərin təbaşir dövrü çöküntüləri süxurları ilə
bağlı olmasını izah etməyə imkan verir.
Tədqiq olunan ərazinin relyefi, geomorfoloji
quruluşu, hündürlük səviyyəsinin cənuba doğru al-
çalması özünü iqlim elementlərinin formalaşma-
sında göstərərək mikrotoponimlərdə əks olunmaq-
dadır. Bu, həm də Azərbaycan ərazisində iqlim xü-
susiyyətlərinin yayılması ilə bağlı olaraq tədqiq
olunan Dağlıq Şirvan regionunda cənuba və qərbə
doğru iqlimin aridləşməsi özünü mikrotoponim-
lərdə göstərir. Məsələn, Quru dərə (Qəşəd k., Ağsu
r-nu), Quru nohur, Boransız cülgə (Qobustan r-nu),
Quru dağ (Xiləmilli k., Qobustan r-nu), Çöl dərəsi
(Xınıslı k., Şamaxı r-nu), Çənlibel, Yelli qaya (Dağ
Kolanı k., Qobustan r-nu) və b. mikrotoponimlər
ərazinin iqlimi haqqında təsəvvür yaradır.
Yuxarıda qeyd olunduğu kimi, ərazinin relyef
müxtəlifliyi şaquli zonallıq üzrə hündürlük səviy-
yəsindən asılı olaraq nəzərə çarpır. Bu da relyefin
əmələgəlməsinə və onun tədricən dəyişikliyə uğra-
masına səbəb olan endogen və ekzogen
qüvvələrin
nəticəsidir. Bu da ərazidə iqlim ünsürlərinin forma-
laşmasına təsir edərək su mənbələrinin yayılmasın-
da özünü göstərməkdədir. Dağlıq Şirvan ərazisində
su obyektlərinin yayılması və onların yer üzərində
gördüyü işlər bir çox mikrotoponimlərdə əksini
tapmışdır. Məsələn, Su dərəsi, Su qovuşan dərə
(Çarhan k., Şamaxı r-nu), Kahalıdöş dərəsi (Poladlı
k., Qobustan r-nu), Kühül düzü (Nardərən k., Qo-
bustan r-nu), Kühül dərəsi (Ləngəbiz k., Ağsu r-
nu), Mağaralı döş (Yekəxana k., Qobustan r-nu) [3]
və s. qeyd etmək olar. Burada axar suların fəaliy-
yəti nəticəsində relyefdə müxtəlif dəyişikliklərin
getdiyi aydınlaşır. Axar suların fəaliyyəti nəticə-
sində yumşaq əhəngdaşlı süxurlarda yeraltı boşluq-
ların əmələ gəlməsi Kahalı döş dərəsi, Kəp dağ,
Mağaralı döş, Tək Kühül və s. mikrotoponimlərdə
əks olunmaqdadır. Belə relyef formaları inkişaf et-
miş ərazilərdə heyvandarlığa, kənd təsərrüfatına zi-
yan verə bilir və başqa tikinti işlərinin aparılmasın-
da təhlükəli hesab edilir. Bu baxımdan mikrotopo-
nimlərin öyrənilmə əhəmiyyəti böyükdür.
Axar suların mikrotoponimlərdə əksolunması
ərazinin iqlimindən, yağıntıların səviyyəsindən və
xüsusiyyətlərindən məlumatlar verir. Məsələn,
Axan su dərəsi, Su qovuşan dərə adlarında dərələ-
rin sululuğundan xəbər verir. Məlum olduğu kimi,
hər hansı bir ərazinin torpaq və bitki örtüyünün for-
malaşıb yayılmasında ərazinin relyefi, relyefin
hündürlük səviyyəsi, yerləşmə istiqaməti və s. ilə
əlaqədar olaraq iqlimlə, iqlim qurşaqları ilə sıx
bağlıdır. Eləcə də torpaq və bitki örtüyünün müxtə-
lifliyini ərazidən toplanılmış mikrotoponimlərdən
aydın görmək olur. Belə ki, ərazinin torpaq və bitki
örtüyü şaquli zonallıq və üfüqi zonallıq üzrə də-
yişir. Bu da heyvanlar aləminin yayılmasına şərait
yaradır. Məsələn, Qara torpaq zəmi (Qızmeydan k.,
Şamaxı r-nu), Qara arxa (Quşçu k., Şamaxı r-nu),
Qara taxta (Yekəxana k., Qobustan r-nu), Sarı tor-
paqlı zəmi (Ərəbqədim k., Qobustan r-nu) və b.
qeyd etmək olar. Ümumiyyətlə, mikrotoponimlərin
tədqiqi nəticəsində Dağlıq Şirvan ərazisində tor-
paqların tipini aydınlaşdırmağı asanlaşdırmış olu-
ruq. Məsələn, Qara torpaq zəmi adında ərazinin son
dövrlərdə meşə altından çıxması, ərazinin iqlimin-
də baş vermiş aridləşmənin nəticəsi olaraq land-
şaftdakı dəyişkənlik öz əksini tapmışdır. Yəni meşə
landşaftlarının çöl landşaftı ilə əvəz olunmasından
xəbər verir. Sarı torpaqlı, Qırmızı torpaq adlı mik-
rotoponimlərdə torpaqların üzvi və mineral mad-
dələrlə zənginliyi aydın olur. Bütün qeyd edilən