Coğrafiya
və təbii resurslar, №1, 2017 (5)
4 AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
dendroloji parka bənzətmişdir. Dəmirağac, azat
(yerli əhali "nil" ağacı deyir), şabalıdyarpaq palıd,
şümşad, ipək akasiyası (güləbrişin), qaracöhrə, da-
naya (sonuncu ikisi, demək olar ki, məhv olmuş-
dur) və s. Talış meşələrinin inciləridir.
Bu meşələrin və ümumiyyətlə, regionun indiki
vəziyyətini öyrənmək üçün Lənkərançayın dərəsi
boyunca uzanan Lənkəran-Lerik şose yolunun hər
iki tərəfində yerləşən
meşələrin müasir vəziyyətini
öyrənməklə tədricən Zuvand çökəkliyinə yaxınla-
şırıq.
Şəkil 1. Eroziyadan kökləri səthə çıxmış
dəmirağac
Zuvand çökəkliyi Talış dağlarının ortadağlıq
hissəsində yerləşir. Çökəkliyin dibinin mütləq hün-
dürlüyü 1400-1450 m olub, qərbdən və cənub-
qərbdən Talış sıra dağları, şimaldan və cənub-şərq-
dən Peştəsər dağları ilə əhatə olunmuşdur. Ərazinin
hər tərəfdən dağlarla əhatə olunması burada özünə-
məxsus atmosfer sirkulyasiyasının və istilik rejimi-
nin yaranmasına səbəb olmuşdur. İqlimi qışı müla-
yim, yayı isti quru keçən yarımsəhra və quru çöl
iqlimidir. Yağıntıların miqdarı 350-400 mm olub,
əsasən ilin soyuq dövründə düşür. Torpaqları açıq
dağ şabalıdı olub, aşağıkeyfiyyətli aqroistehsal
qrupuna aiddir. Bitkiləri arid iqlim şəraitinə uyğun-
laşmış seyrək kserofit kollardan ibarət müxtəlif-
otlu bitki qruplarıdır. Bura bir sıra endemik bitki
növlərinin geniş yayıldığı ərazi kimi məşhurdur.
Zuvand çökəkliyinə gedən yol Lənkarançayın ən
böyük qolu olan Qoncavuçayın Peştəsər silsiləsinin
tufanogen süxurlarını kəsərək yaratdığı kanyonvarı
dərəsindən keçir. Yerli əhali qeyri-adi görünüşə
malik bu kanyonu "Şeytan dərəsi" adlandırır (şəkil
2).
Kanyon dərəsi yamaclarının hündürlüyü 4-5 m,
bəzən isə 7-8 m-ə çatır. Üzərindən salınmış körpü-
nün baş dayaqlarını çox möhkəm və aşınmaya da-
vamlı təbii qranitoidlərdən ibarət süxurlar təşkil
edir. Qonçavuçayın dörd kiçik qolu "Şeytan dərəsi"
kanyonuna şəlalə kimi tökülərək onunla birləşir.
Kanyonun suayrıcı hissəsində paleogen vulkaniz-
minin bu günümüzə çatmış müxtəlif görünüşlü
qaya çıxıntıları qayalıq dağ kserofit bozqır land-
şaftlarını daha da cəlbedici edir. Suayrıcından Lən-
kərançay dərəsinin qeyri-adi vadisi çox aydın gö-
rünür. Belə mənzərəli landşaftların turizmə cəlb
edilməsi və turizm marşurutlarına salınması çox
vacibdir.
Şəkil 2. Lənkarançayın qolu Qonçavuçayın "Şeytan
dərəsi"
Zuvandın təmiz, quru və yüngül havasını ud-
duqca adamda xoş bir əhvali-ruhiyyə yaranır. Bu-
radakı əhalinin uzun ömürlülüyünün bir sirri də,
güman ki, elə bundadır. Görünür, böyük təbiətşü-
nas alim Həsən müəllimi bura bağlayan da bu ol-
muşdur. Lerik və Yardımlının ortadağlığının kse-
rofit bozqırları və burada vaxtilə geniş yayılmış
arid seyrək meşə və kolluqları, Azərbaycanın digər
yerlərində olduğu kimi, ən qədim yaşayış məskən-
lərindəndir. Sonradan antropogen təsirlərlə ərazi-
nin zəif dayanıqlı landşaftları deqredasiyaya uğra-
mış və daha az məhsuldar dağ quru çöllərinə trans-
formasiya olunmuşdur. Landşaftın ekoloji potensi-
alının azalması əhalinin bu yerlərdən miqrasiyasını
gücləndirmişdir. Məhz bu səbəbdən akademik
H.Ə.Əliyev bu rayonlarda iqtisadi dirçəlişi və eko-
loji tarazlığı təmin etmək üçün badam və qoz bağ-
larının, üzüm plantasiyalarının salınması məsələsi-
ni irəli sürmüşdür. İlk əvvəllər Zuvandda badamla
yanaşı, qoz bağları da salınmışdır. Lakin qoz bağ-
ları baxımsızlıqdan məhv olmuş və bu günümüzə
gəlib çatmamışdır.
Zuvand çökəkliyindəki badam bağlarına çatan-
da ətraf oroqrafik temperatur inversiyasından əmə-
ləgəlmiş sıx dumana bürünmüşdü. Abşeronda ba-
dam ağacları təzəcə çiçək açmışdı. Zuvandda 1400
m-dən yüksək dağlıq sahəsində də badam ağacının
çiçəkləməsi çox maraqlı idi. Görünür, Həsən müəl-
lim yerli iqlim şəraitinin badam ağacı üçün əlverişli
olduğunu nəzərə almışdı. Tanış olduğumuz yerli
qocaman sakinlər burada badam bağının Həsən
müəllimin təşəbbüsü və şəxsən iştirakı ilə salınma
tarixçəsini həvəslə bizə danışdılar. İlk salındığı
dövrdə badam bağının sahəsi 20 ha olmuşdur. Əv-
vəllər kifayət qədər məhsul verən ağaclar normal
inkişaf etmişdir. Hazırda baxımsızlıq səbəbindən
Coğrafiya və təbii resurslar, №1, 2017 (5)
AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti
5
xeyli sahədə ağaclar yanacaq məqsədi ilə ya kö-
kündən kəsilmiş, ya da əsas budaqları kəsilərək
yöndəmsiz hala salınmışdır (şək. 3 və 4). Hazırda
bağın 3 ha-ya yaxın sahəsi nisbətən salamat qal-
mışdır. Bu da bizə 40 yaşlı badam ağaclarının Zu-
vandın özünəməxsus təbii ekoloji şəraitində inkişaf
xüsusiyyətlərini öyrənməyə imkan verir. Qeyd
edək ki, Zuvandın badam bağları Azərbaycanda ən
hündürdə salınmış yeganə bağdır. Burada ağacların
arasındakı məsafə 5 m, cərgələrarası isə 4 m-dir.
Bəzi ağacların diametri hətta 30-35 sm, ən hündü-
rünün boyu isə 5 m-dən çoxdur.
Böyük və Kiçik Qafqaz dağlarından fərqli ola-
raq, Talışın ortadağlıq qurşağının torpaq-iqlim şə-
raitinin badam, qoz və üzüm bitkiçiliyi üçün əlve-
rişli olmasının əsas səbəbi burada hündürlüyə doğ-
ru landşaftların dəyişməsində inversiyanın baş ver-
məsi, ərazinin ortadağlığında Talış, Peştəsər və
Burovar silsilələri arasındakı Zuvand, Dıman, Yar-
dımlı və s. dağarası çökəkliklərin geniş sahə tutma-
sıdır. Bu da çökəkliklərə rütubtəli hava axınlarının
təsirini xeyli zəiflədir. Nəticədə qeyd olunan dağ-
arası çökəkliyin özünəməxsus landşaft iqlim şəraiti
əmələ gəlir. Apardığımız tədqiqatlar göstərmişdir
ki, Azərbaycanın digər ərazilərindəki (Qonaqkənd,
Xınalıq, Yerfi, Dəstəfur və s.) dağarası çökəkliklər
də landşaft inversiyasına məruz qalmış və əlverişli
təbii şəraitinə görə qədim məskunlaşma sahələri ol-
muşlar.
Şəkil 3. Qorunan badam bağları
Şəkil 4. Pozulmuş badam bağları
Badamın tibbi-bioliji xüsusiyyətləri. Elmi ədə-
biyyatlarda badamın nəfəs yollarına xeyirli olduğu,
insanı kökəltdiyi və beyin üçün faydalı olduğu
qeyd edilir. Bundan başqa, bağırsaq yarasını, mədə
pozğunluğunu və təngnəfəsliyi müalicə edir. Yetiş-
məmiş badam diş kökünü möhkəmlədir. Badam
yağı həm də quduz it dişləməsinə qarşı, mədə ağrısı
və quru öskürək üçün xeyirlidir. Badam yağı ilə
onurğa sütununu yağlamaq qocalıqda belin əyilmə-
sinin qarşısını alır. Acı badam isə ağciyərə xeyirli-
dir. Onu bal ilə yemək qaraciyərə və dalağa dər-
mandır. Yağı üzdəki ləkələri aparır və s. İnsana
xeyrini saymaqla tükənməyən bu qeyri-adi meyvə
ağacını kəsib yanacaq kimi istifadə etmək, sadəcə,
günahdır. Zuvanddakı bağların insan qayğısına,
onun isti nəfəsinə ehtiyacı vardır. Bağın yerləşdiyi
ərazidə vaxtilə Zərinqala adlı kənd olmuşdur. Ke-
çən əsrin ikinci yarısında, Sovetlərin hakimiyyəti
illərində bu kəndə də, Lerik və Yardımlı rayonları-
nın yüksək dağ kəndlərində olduğu kimi, "pers-
pektivsiz" adı qoyub, əhalisini Biləsuvar rayonu
ərazisinə köçürmüşlər. Bizə məlum oldu ki, indi
zərinqalalılar və digər köçürülməyə məruz qalmış
kəndlərin də əhalisi öz keçmiş yurd yerlərinə qa-
yıtmaq və dədə-baba yurdlarını bərpa etmək istə-
yirlər.
Ölkə əhalisinin qeyd olunan meyvəyə və onun
tibbi-bioloji keyfiyyətlərinə olan tələbatının yerli
istehsal hesabına ödənilməsi bu cür elmi-təcrübi iş-
lərin geniş tətbiqi ilə mümkündür. Lerikin Zuvand
zonasında badam bağlarını genişləndirməklə həm
torpaqları eroziyadan qorumuş, həm də eko-
sistemllərin təbii ehtiyat potensialını artırmış ola-
rıq. Bu sahədə vətəndaşların, fermerlərin və iş
adamlarının adi bir təşəbbüsünü də alqışlamaq və
dəstəkləmək vacibdir. Biz, AMEA Coğrafiya İnsti-
tutu olaraq, bu sahədə dövlətimizin
həyata keçirdi-
yi sənaye-aqrar islahatlarına hər cür elmi dəstək
verməyə hazırıq. Coğrafiya İnstitutunda aparılmış
elmi tədqiqat işlərinin nəticələri və kadr potensialı
bu problemin həllinə kifayət qədər imkan verir.
Yaxın gələcəkdə Coğrafiya İnstitutunun bir
qrup əməkdaşı ömrünü Azərbaycan təbiətinin öy-
rənilməsinə, yaxşılaşdırılmasına, qorunmasına
həsr etmiş böyük vətəndaş alim, akademik
H.Ə.Əliyevin canlı təbiət yadigarları olan Şabran,
Siyəzən, Giləzi, Şamaxı, Ağsu, İsmayıllı və Yar-
dımlı ərazilərindəki badam-püstə bağlarını, Qalaal-
tı, Quba, Qusar, Naxçıvan ərazilərindəki və İsma-
yıllı-Zaqatala avtomobil yolu ətrafındakı qoz bağ-
larının müasir vəziyyətinin öyrənilməsi istiqamə-
tində elmi axtarışlarını davam etdirəcəklər.