271
Şair məhəbbət silsiləsindən olan əsərlərində də
insanların bir-birinə münasibətlərinin inam və sədaqət
üzərində qurulmasını dönə-dönə təlqin edir. O göstərir
ki, ulu, ali və ülvi hiss olan sevgi motivlərinə heç bir
konyuktura daxil olmasın; heç bir iqtisadi amil, varlı-
kasıb, arxa-dayaq məsələləri onun hüsnünü korlama-
sın. Bunu müəllif bir də ona görə vurğulayır ki, qarşı-
lıqlı sevgi-məhəbbət üzərində qurulmayan ailə gec-tez
pozulmağa, dağılmağa məhkumdur. Ulu Ələsgər de-
miş, iki könül bir-birini tutmasa, alan da yazıqdır,
gələn də yazıq. Bu əlbəttə, heç də şairin bizə əxlaq
dərsi verməsi ilə bağlı məsələ olmayıb, öz həyati qə-
naətlərini gerçək qənaətləri kimi təzahür edir. Burada
heç bir tendensiya, açıq təbliğat yoxdur; yalnız həyati
gerçəkliyin obyektiv təcəssümü dayanır. Belə an-
larda bizim tanıdığımız cavan şairin əsərlərində bir
növ müdriklik, ağıllı və təmkinli nüanslar görürük ki,
bütün bunlar oxucunun marağına səbəb olur. Bu mə-
nada aşağıdakı misralar ibrətlidir:
Sevgidən danışma, bəsdi sən Allah,
Daha xatirəm də əksini anmaz.
Hərislik odunda yanan ürəklər,
Həqiqi məhəbbət oduna yanmaz.
Sevgidən danışmaq
yaraşmır sənə.
Şəhvətin bürüyüb hissini çənə.
Daha sədaqətdən dərs demə mənə,
Korşalan duyğular sevgini qanmaz.
272
Burada şairin özünün də səmimi etirafını dinlə-
mək mümkündür:
Görən neçə ürək sındırmışam mən,
Hesaba gəlməyən günahlarım var.
Bununçün Allahdan mükafat kimi
Nə qədər əzablı sabahlarım var.
Bugünkü şeirimizin vəziyyət və mənzərəsi
barədə çox dəqiq müşahidəyə əsaslanan şair şeirlərin-
dən birində gözəl demişdir:
Mənim də hardasa günahlarım var,
Bir kəlmə sözümlə ümid qırmışam.
Hardasa əzablı sabahlarım var,
Sinə dağlamışam, qəlb sındırmışam.
İdeal deyiləm, adi insanam,
Nə şair, nə alim deməyin mənə.
Çox da ki, çox şeyi bilən, qananam,
Hər şeyi, hər şeyi bilmirəm yenə!
Burada həm şairin təvazökarlığı, həm də həqi-
qətən də seirin-sənətin kasadlığı barədə söz özünü
doğrudur:
Dilimdən çıxmayıb heç bircə kərə
«Şairəm, aliməm», ya nəyəm sözü,
«Şair»lə, «alim»lə dolu hər dərə,
Adam düşünəndə utanır düzü.
273
Onu da qeyd etmək yerinə düşərdi ki, bu
kitabdakı şeirlərdə zənnimizcə, çatışmayan cəhətlər
də mövcuddur. Belə ki, şair sözləri, kəlmələri ürəyin
odlu kürəsində közərtmək üçün heç də əlindən gələni
tamamilə etmir, bir növ kasadlıq göstərir, ərinir. İstər
dünya, istər vətən, istərsə də məhəbbətə dair yazılan
əsərlərində bəzən mövzu, motiv, deyim tərzi, habelə
məzmun-mindəricə təkrarlığına yol verilir. Bunlar isə
öz növbəsində oxucuya pis təsir göstərir, sanki həmin
təkrarlardan usanır.
Ümumiyyətlə, çox milli, əsil azərbaycanlı
təfəkkürlü, təxəyyüllü bir qız olan Sona Xəyal bəzən
fars, ərəb və digər yabançı dillərə, ədəbiyyatlara bir
növ düşünməyə meyl göstərir, bu hal xüsusilə lirik
növün janrlarına və poetik vəznlərə münasibətində
özünü göstərir.
2008
274
III HİSSƏ
MÜASİRLƏRİ
CƏLAL ABDULLAYEVİN
XATİRƏLƏRİNDƏ
275
USTAD HAQQINDA XATİRƏLƏRİM...
Dedim şeir yazım ona,
Sonra gördüm yox,
Doğrusu, yamanca zor bir işdir bu!
(Zeynal Xəlil)
Mən Mir Cəlalı əvvəllər bir ədib, yazıçı, tənqidçi
kimi, bir az sonra bir müəllim, ustad kimi, daha
sonralar isə dost, sirdaş və insan kimi tanıdım və bu
tanışlığı iki yerə bölmək olar: qiyabi tanışlıq, bir də
əməkdaş tanışlığı. Bu iki mərhələnin hər birinin özü-
nəməxsus gözəllikləri, orijinallıqları, təkrarsızlıqları
vardır.
Orta məktəbdə oxuyan vaxtlar onu yalnız
kitablardan, əsərlərdən tanıyırdım və onun barəsində
tamam ayrı fikirdə idim. Yəni, hələ həyatın bərk-
boşunu görməmiş bir şəxs kimi mən özüm xəyalımda
bir Mir Cəlal obrazı yaratmışdım. Bu obrazı bir
rəssamın yaratdığı portret-xalçaya bənzətsək, onun
ipi, ilmələri, toxumaları, onların rəng çalarları sanki
bir xəyal, fantaziya, qeyri-maddi bir məfhumdan-
anlamdan yaranmışdı. Bu portret olduqca zərif,
süslənmiş, əzizlənmiş, hər ilməsinə zər-ziba
toxunmuş, kəpənək qanadındakı zərifliyi və əlvan
rəngləri xatırladan, bəlkə də əllə toxunulmaz, idrakla
qavranılmaz, gözlə görünməz, ən ülvi, ən gözəl, ən
qüdsi bir zirvə kimi təsəvvür olunurdu. Yadımdadır,
orta məktəbin dərsliklərində bütün yazıçılar kimi Mir
276
Cəlal müəllimin də şəklini verirdilər və məşhur «Bir
gəncin manifesti»ndən bir parça çap olunurdu.
Mən həmin parçanı oxuyandan sonra və əsəri
bütövlükdə əldə etməkdən ötrü birbaşa kitabxanaya
müraciət etmişdim.
«Düş aşağı deyirəm!» (əsər ilk variantlarında
belə başlanırdı — C.A.) ifadəsi ilə başlanan bu gözəl
əsər məni ahənrüba kimi özünə elə cəlb etmişdi ki, bir
neçə gün yalnız onu mütaliə etməklə məşğul
olmuşdum. Əsərdə məni ən çox cəlb edən obraz
balaca Bahar olmuşdu. Hətta indi, yaşımın bu
vaxtında da Baharla müəllifin taleyi arasında, ədibin
orta məktəbdən duyğularımda həkk olunmuş portreti
arasında nə isə bir oxşarlıq, yaxınlıq hiss edirəm. Qəti
fikirdəyəm ki, Bahar surətinin timsalında minlərlə
Baharlarla yanaşı Mir Cəlal bəlkə də daha çox özünü
ifadə etmişdir. Bahar ədibin ilk poetik yavrusu,
gözünün ilkin odu, ilkin ovu idi. Əsər boyu Baharın
adı çəkilən sətirlər şeir misralarını xatırladır, melodiya
kimi səslənir. Bu obrazla bağlı səhifələrin hamısında
istisnasız olaraq nəsr şeiriyyətə çevrilir. Görünür, elə
buna görə də sonralar sevimli müəllimimin
yaradıcılığı barədə məqalələr yazanda da, həmin
hisslər məni heç vaxt tərk etməmişdi.
Mən ədibin əsərləri haqqında mühakimə
yürüdərkən, onun şəxsiyyəti ilə bu əsərlər arasında bir
doğmalıq, yaxınlıq da duyuram. Onun üzündə həmişə
xoş bir təbəssüm, nə isə qeyri-adi bir nur, şəfqət
örtüyü var idi. Bu xüsusiyyəti mən hələ o zamanlar,
yəni 27-28 il bundan əvvəl, onun mühazirələrini
dinlədiyim ilk günlərdən müşahidə etmişdim. Duzlu,
Dostları ilə paylaş: |