24
dәyişikliyin müşahidә edilә bilinmәmәsi gizli inflyasiya
probleminin ölçülmәsinin aktuallığını artırır.
İQİ-nin standart metodikasının mövsümi amillәrin
qiymәt üzәrindәki tәsirini nәzәrә almağa imkan
vermәmәsi.
Xüsusilә İQİ qısamüddәtli dövr üçün (mәsәlәn,
bir ay) hesablanırsa, onda bu problemi hәll etmәk çәtinlәşir.
Bәzәn elә olur ki, hәr hansı bir ay üçün qiymәt müşahidәsi
apararkәn bazarda istehlak zәnbilindә olan mәhsulların
nәzәrәçarpacaq bir hissәsini müşahidә etmәk mümkün olmur.
Yәni mövsümi xarakter daşıyan istehlak mәhsullarının bәzi
hallarda bazarlarda az vә ya çox müşahidә edilmәsi, bәzәn isә
heç müşahidә edilmәmәsi hәmin dövrlәr üçün hesablanan İQİ-
nin adekvatlığını azaldır.
Standart İQİ metodologiyasının xidmәtlәrin
qiymәt dәyişmәsini adekvat әks etdirmәmәsi.
Baxmaya-
raq ki, müasir dövrdә insanlar öz istehlak xәrclәrinin böyük bir
hissәsini müxtәlif növ xidmәtlәrin әldә edilmәsinә yönәldirlәr,
bir sıra inkişaf etmiş ölkәlәrin statistika orqanları xidmәtlәrin
qiymәtlәri üzәrindә dolğun vә dәqiq müşahidә hәyata keçirә
bilmirlәr ki, bu da sonda hesablanan İQİ-nin adekvat
olmamasına gәtirib çıxarır.
Lakin bütün bunlara baxmayaraq, dünyanın әksәr
ölkәlәrindә, o sıradan da Azәrbaycanda İQİ Laspeyres düsturu
әsasında hesablanır.
25
FӘSİL 3. AZӘRBAYCANDA
ALTERNATİV İNFLYASİYA
DӘRӘCӘSİNİN HESABLANMASINDA
BEYNӘLXALQ TӘCRÜBӘDӘN
İSTİFADӘ İMKANLARI
BÖLMӘ 1. İNKİŞAF ETMİŞ ÖLKӘLӘRİN
TӘCRÜBӘSİ
İnkişaf etmiş ölkәlәrin demәk olar ki, hamısında
İstehlak Qiymәtlәri
İndeksi hesablanarkәn ortaq
konsepsiyadan istifadә edilir. Bu konsepsiya İQİ-nin
hesablanması üçün Laspeyres indeksindәn istifadә edilmәsi
ilә bağlıdır. Lakin bu ölkәlәrin bir çoxunda hesablanan vә
ictimaiyyәtә elan edilәn İQİ coğrafi әrazisinә vә әhatә etdiyi
ev tәsәrrüfatlarının xarakteristikalarına görә fәrqlәnir.
İnkişaf etmiş ölkәlәrin tәcrübәsi göstәrir ki, İQİ
hesablanarkәn әsas kimi götürülәn istehlak zәnbili haqlı olaraq
ev tәsәrrüfatlarının bütün növ xәrclәrini әhatә etmir. Daha
doğrusu, investisiya (mәnzil alışı, qiymәtli kağız alışı), qәnaәt
vә ya transfert kimi xәrclәr, hәmçinin dә dövlәt tәrәfindәn
maliyyәlәşdirilәn ictimai xidmәtlәr (ictimai mәktәblәr, polis
xidmәti vә s.) ev tәsәrrüfatlarının istehlak xәrclәrinin tәrkibinә
daxil edilmir vә ona görә dә İQİ hesablanarkәn nәzәrә alınmır.
Lakin bir çox inkişaf etmiş ölkәlәrin tәcrübәsi onu da göstәrir
ki, ev tәsәrrüfatlarının avtomobil, mebel vә s. bu kimi
uzunmüddәtli istifadә mәhsullarına çәkdiklәri xәrclәr onların
istehlak xәrclәri hesab edilir vә İQİ hesablanarkәn nәzәrә
alınır.
26
İQİ hesablanma dövrülüyü
İnkişaf etmiş ölkәlәrin bir çoxunda İQİ aylıq hesablanır
vә ictimaiyyәtә hәr ayın yekunu әvvәlki aylarla müqayisәdә
elan edilir. Avstraliya, İrlandiya vә Yeni Zelandiyada İQİ
indeksi әsasәn rüblük hesablanır. Lakin bir çox inkişaf etmiş
ölkәlәrdә mәhz әrzaq mәhsullarının qiymәt indeksi daha
intensiv (hәftәlik) hesablanır.
Coğrafi miqyas vә әhalinin tәrkibi
Inkişaf etmiş dövlәtlәrin 16-da İQİ bütün ölkәni, 15-dә
isә bütün növ ev tәsәrrüfatlarını әhatә edir.
Belә ki, Amerika Birlәşmiş Ştatlarında (ABŞ) İQİ şәhәr
yerlәri üçün hesablanır vә CPI-U (
İstehlak Qiymәtlәri İndeksi -
Şәhәr
) adlandırılır. Bunun әsas sәbәblәrindәn biri şәhәr
әhalisinin ümumi ABŞ әhalisinin 90%-ә yaxın bir hissәsini tәşkil
etmәsi ilә bağlıdır. ABŞ-da bu mәqsәdlә şәhәrlәr seçilәrkәn
әhalisi 25 000 nәfәrdәn çox olan әrazilәr götürülür. Hәmin
şәhәr
әrazilәrindә sorğu obyekti bütünlükdә ev
tәsәrrüfatlarından ibarәtdir. Lakin әrazidә yaşayan hәrbçilәr,
fermerlәr (vә ya kәnd әhalisi) vә institutsional әhali (mәsәlәn,
qocalar vә körpәlәr evlәrindә, internatlarda, cәzaçәkmә
müәssisәlәrindә vә s. bu kimi qapalı institutlarda yaşayanlar)
bu sorğulara cәlb edilmir. Sorğuya cәlb edilәn insanların gәlir
sәviyyәsindәn asılı olmayaraq, onlar sual-cavab edilir. ABŞ-da
hesablanılan ikinci İQİ muzdlu işçilәr üçün nәzәrdә tutulan İQİ-
dir vә CPI-W (
İstehlak Qiymәtlәri İndeksi - İşçi
) adlandırılır.
Bu indeksi ölkә üçün ümumi hesablanan CPI- W göstәricisinin
tәrkib hissәsi dә hesab etmәk olar. Belә ki, CPI-W-yә şәhәr
ev tәsәrrüfatları daxil edilәrkәn, hәmin ev tәsәrrüfatlarının
gәlirlәrinin yarıdan çoxunun muzdlu işdәn vә ya әmәk
haqqından formalaşması әsas götürülür.
Avstraliyada da hesablanılan İQİ әsasәn şәhәr әhalisini
әhatә edir vә bir sıra ölkәlәrdәn fәrqli olaraq, burada
tәqaüdçülәri, özünümәşğulları vә işsiz әhali qruplarını
sorğulara cәlb etmirlәr. Daha doğrusu, Avstraliyada İQİ 8
27
paytaxt şәhәrdә yaşayan fәrdi ev tәsәrrüfatlarını әhatә edir ki,
bu da ümumi ev tәsәrrüfatlarının tәqribәn 65 faizini tәşkil edir.
Böyük Britaniyada uzun müddәt inflyasiya göstәricisi kimi
PQİ (
Pәrakәndә Qiymәt İndeksi
) istifadә olunmuşdur. Onlar
bu indeksi XX әsrin әvvәllәrindәn etibarәn hesablamağa
başlamışlar. Daha sonralar PQİ-dәn mәnzilә görә kirayә
ödәnişi mәblәğindә dәyişmә kәnar edilmiş vә inflyasiyanın
daha mәqsәdli çәrçivәdә hesablanmasına başlanmışdır. Böyük
Britaniyada bütün әsas gәlir mәnbәyi pensiya olanlardan,
hәmçinin әn varlı ev tәsәrrüfatlarından başqa (ölkә ev
tәsәrrüfatlarının әn varlı 4%-i) bütün ev tәsәrrüfatları sorğuya
cәlb edilir.
Fransada İQİ bütün ev tәsәrrüfatlarını әhatә edir. Lakin
istehlak mәhsullarının qiymәtlәri barәdә müşahidәlәr ABŞ-da
olduğu kimi, ancaq şәhәr әrazilәrindә aparılır. İQİ ümumi
әhalisi 2000-dәn çox olan 106 yaşayış obyektini (regionunu)
әhatә edir.
Kanadada İQİ 100-ә yaxın şәhәr әrazisini (әhalisi 30 000-
dәn çox olan) әhatә edir. Bu şәhәr әrazilәrinә daxil olan ev
tәsәrrüfatları ölçüsündәn vә gәlir sәviyyәsindәn asılı olmayaraq
sorğulara cәlb edilirlәr. Әhalinin әlilliyә vә tibbi sığortaya görә
çәkdiyi xәrclәr onların istehlak xәrclәrinә daxil edilmir vә bu
sәbәbdәn dә İQİ hesablanarkәn nәzәrә alınmır.
Yaponiyada İQİ hesablanarkәn fermer, balıqçı vә bir
şәxsdәn ibarәt ev tәsәrrüfatlarından başqa bütün ev
tәsәrrüfatları sorğuya cәlb edilir. Yaponiya 1 nәfәrdәn ibarәt
ev tәsәrrüfatları sorğuya cәlb edilmәyәn yeganә inkişaf etmiş
ölkәdir. Burada hәr ay istehlak mәhsullarının zәnbildәki xüsusi
çәkisi göstәricisini әldә etmәk mәqsәdilә tәqribәn 8000 ev
tәsәrrüfatı arasında “Ailәlәrin gәlir vә xәrclәri barәdә sorğu”
aparılır vә bu sorğunun nәticәsi olaraq, ev tәsәrrüfatlarının
ayrı-ayrı istehlak mәhsulları vә xidmәtlәri üzrә ortalama
xәrclәri hesablanılır.
Dostları ilə paylaş: |