Azərbaycanda “Açıq Hökumətin Təşviqinə dair 2012-2015-ci illər üçün Milli Fəaliyyət Planı”nın
Yüklə 2,8 Kb. Pdf görüntüsü
|
24 (Güc nazirlikləri, Dövlət Sosial Müdafiə Fondu, Diasporla İş üzrə Dövlət Komitəsi, Satınalmalar üzrə Dövlət Agentliyi, Gömrük Komitəsi və sair və əksər yerli icra hakimiyyətləri) rast gəlinib. Öz fəaliyyətləri barəsində informasiyaları internet vasitəsi ilə mütəmadi açıqlayan qurumlar içərisində xüsusi olaraq 2 qurumu qeyd etmək yerinə düşər. Azərbaycan Respublikasının Təhsil Nazirliyi müxtəlif fəaliyyətlərini əlaqələndirmək və tanıtmaq məqsədi ilə www.edu.gov.az, www.portal.edu.az, http://mektebli.president.az/, http://www.nostrifikasiya.edu.az , http://xaricdetehsil.edu.gov.az/ saytlarını yaradıb. Azərbaycan Respublikasının Vergilər Nazirliyinin www. taxes.gov.az və www.e- taxes.gov.az saytları da geniş informativ fəaliyyət göstərir. İnformasiyanın saytda açıqlanması sarıdan fəaliyyəti mənfi qiymətləndirilən qurum kimi İnsan Hüquqları Ombudsmanını (www. ombudsman.gov.az ) göstərmək olar. Bir sözlə, monitorinqin nəticələri sübut edib ki, ən açıq və ən qapalı qurum arasında məsafə həddindən artıq genişdir. Bəzi mərkəzi icra hakimiyyəti orqanları hər gün bir neçə informasiya yaymaqla, öz fəaliyyətləri haqqında məlumatları sosial şəbəkədə paylaşmaqla, press-relizlər vasitəsilə, görüntülü və yazılı informasiyalar paylaşmaqla informasiyanın daha geniş dairədə yayılmasında maraqlı olduqlarını əməli şəkildə göstəriblər. Mövcud qanunvericilik “İnformasiya əldə etmə haqqında” Azərbaycan Respublikası Qanununun tələblərinə əməl etməyən informasiya sahibləri üçün inzibati məsuliyyət müəyyənləşdirir. İnzibati Xətalar Məcəlləsinə 20 oktyabr 2006-cı il tarixli 167- IIIQD nömrəli Azərbaycan Respublikasının Qanunu ilə 181-3-cü maddə əlavə edilmişdir. Həmin maddə ilə; 1. İnformasiya sahibi tərəfindən açıq informasiyanı əldə etmək 25 hüququnun məhdudlaşdırılması və ya sorğuçuya bilərəkdən yanlış informasiya verilməsinə görə; 2. İnformasiya sahibi tərəfindən informasiyanın əldə olunmasının təşkil edilməməsinə görə; 3. İnformasiyanın əldə edilməsi haqqında yazılı sorğunun qəbul edilməsindən imtina olunmasına görə; 4. İnformasiya sahibi tərəfindən malik olduğu sənədlərin qanunvericiliklə müəyyən olunmuş saxlanma, komplektləşdirilmə və mühafizə qaydalarının pozulmasına görə; 5. İctimaiyyətdə maraq doğuran hüquq pozuntuları barəsində məlumatı açıqladığı üçün vəzifəli şəxsin təqib olunmasına görə; - - fiziki şəxslər iyirmi manatdan iyirmi beş manatadək miqdarda, vəzifəli şəxslər səksən manatdan doxsan manatadək miqdarda, hüquqi şəxslər iki yüz əlli manatdan üç yüz manatadək miqdarda inzibati qaydada cərimə edilirlər 9 . Yerli icra hakimiyyəti orqanlarında bu baxımdan durum daha problemlidir. Belə ki, 2012-ci ildə bütün yerli icra hakimiyyəti orqanlarına internet səhifəsi yaradılsa da, onların bir çoxu informasiyanı yeniləməkdə maraqlı görünmürlər. Kiçik istisnaları nəzərə almasaq, heç bir yerli icra hakimiyyəti orqanının rəsmi internet səhifəsində elektron xidmətlər aktiv deyil. Xarakterik hal kimi onu qeyd etmək olar ki, yenilənən saytların xəbərlər bölümündə ay ərzində bir neçə informasiya yerləşdirilir. Bunlar isə icra hakimiyyətinin hüquqi fəaliyyətinə həsr olunan məlumatlar deyil, rayon və ya şəhər ərazisində keçirilən kütləvi tədbirlərdən, yaradıcılıq gecələrindən, hansısa mərkəzi icra hakimiyyəti orqanının rəhbərinin rayon sakinləri ilə görüşündən bəhs edir. Paylaşılan məlumatlar istifadəçilərin faydalanmasından çox, qurumun PR-na hesablanmış xəbər görüntüsü yaradır. Vətəndaşların qəbuluna, sosial-iqtisadi problemlərin həlli 9 Mənbə: http://e-qanun.az/code/13 26 yollarına və fəaliyyət sferalarına dair informasiyalara nadir hallarda rast gəlinir. Yerli icra hakimiyyətinin hüquqi əsasını təşkil edən Azərbaycan Respublikası Prezidentinin 6 iyun 2012-ci il tarixli Fərmanı ilə təsdiq edilmiş “Yerli İcra Hakimiyyəti haqqında Əsasnamə”də ümumi vəzifələr də daxil olmaqla, bu strukturlara ərazilərin sosial-iqtisadi inkişafı, aqrar, büdcə, istehlak, sosial müdafiə, əmək münasibətləti, şəhər və mənzil kommunal təsərrüfatları, ətraf mühit, təmir-tikinti, memarlıq, təhsil və mədəniyyət, uşaq, gənclər və bədən tərbiyyəsi, idman, turizm, kütləvi informasiyalar vasitəsi, qanunçuluq, asayiş və təhlükəsizlik, dövlət əmlakının idarə olunması, sağlamlıq və sair sahələr üzrə təxminən 100-dək vəzifə verilib. Bununla yanaşı, səlahiyyətlər daha da genişləndirilərək onların sayı yuxarıda qeyd edilən sahələr üzrə 180-dən artıq göstərilib. Təəssüf ki, yerli icra hakimiyyətlərinin heç birinin internet səhifəsində bu sahələr üzrə fəaliyyəti göstərən başlıqlar və məlumatlar nəzərə çarpmır. Xüsusilə, büdcəyə və onun xərclənməsinə dair informasiyalar çox məhdud şəkildə paylaşılır. Mərkəzi və yerli icra hakimiyyəti orqanlarının fəaliyyətlərinin ciddi bir hissəsini normativ xarakterli aktların qəbul edilməsi tutur. Lakin, saytlarda ümumi qanunvericiliyin bəzi məqamları olsa da, konkret yerli icra hakimiyyəti orqanlarının normativ xarakterli aktları-qərarları yer almır. Halbuki, Əsasnamənin 6.4-cü bəndinə görə, “Yerli icra hakimiyyəti orqanlarının qəbul etdikləri normativ xarakterli aktların icrası onun ərazisində yaşayan fiziki şəxslər və onun ərazisində yerləşən hüquqi şəxslər üçün məcburidir”. Yüklə 2,8 Kb. Dostları ilə paylaş:
|