48
II FƏSİL
AZƏRBAYCAN ƏRƏB İSTİLASI
ƏRƏFƏSİNDƏ
I.
VI əsrin axırları və VII əsrin əvvəllərində
49
siyasi vəziyyət
VII əsrin başlanğıcında təqribən bütün Orta Şərq, o cümlədən
Zaqafqaziya bir-biri ilə çəkişən iki qüdrətli rəqib dövlət - Bizans ilə
Sasanilər İranı arasında bölüşdürülmüşdü.
Ümumi adı "Arran" (Albaniya, Ağvank) olub, yarımmüstəqil,
əmirlik və ya padşahlıq şəklində İrandan asılı olan Azərbaycanın
şimal rayonları daim öz daha güclü qonşuları və xəzərlərin
1
işğalçılıq
hücumlarına məruz qalmışdır; bu işğalçılardan hər biri Arran xalqını
kölə halına salmağa, onun torpaqlarını və təbii sərvətlərini qarət
etməyə cəhd edirdi. Bu şəraitdə Arran çox vaxt gah bir, gah digər
güclü qonşudan siyasi və iqtisadi cəhətdən asılı vəziyyətdə olmuşdur.
Bir əyalət (kustak) kimi Sasanilər imperiyası tərkibinə daxil
olmuş Azərbaycanın cənub rayonları da Bizans ilə İran arasında tez-
tez baş verib bəzən on illərlə davam edən dağıdıcı müharibələr
nəticəsində çox məhrumiyyətlərə qatlaşmışdır.
VI əsrin axırlarında həm Azərbaycan, həm də Arran Sasanilər
imperiyasının tərkibinə daxil olub İberiya və Ermənistanla birlikdə
imperiyanın dörd inzibati vahidindən biri olan Şimal canişinliyi
(Qafqaz kustakı)
2
təşkil edirdilər. İranın inzibati bölgüsü haqqındakı
məlumata əd-Dinəvəridə rast gəlirik: "Kisra Ənuşirəvan ölkəni dörd
yerə (hissəyə) böldü və bunlardan hər biri bir nəfər rəis tərəfindən
idarə olunurdu. Dörd hissədən biri Xorasan, Sicistan və Kirmandan,
o birisi - İsfahan, Qum, Cibəl, Azərbaycan və Ermənistandan,
üçüncüsü - Fars, əl-Əhvaz və əl-Bəhreyn, dördüncüsü – İraqdan
tutmuş Rum ölkəsinin sərhədinədək uzanan yerlərdən ibarət idi"
3
.
Lakin pəhləvi mənbələrindən istifadə etmiş Təbərinin (ət-
Təbərinin) qədim ərəb müəlliflərindən verdiyi məlumatda deyilir ki,
imperiyanın dörd əyalətə (kustaka) bölünməsi hələ I Xosrovdan
1
А.Ю.Якубовский. Ибн Мискавейх о походе руссов в Берда'a в 332
(943/944 г. н.э.). BB, т.XXIV, 1926, стр. 74.
2
С.Т.Еремян. Феодальные образования Картли в период марзбанства
(532-627 гг.), стр.3.
3
Əd-Dinəvəri.
50
əvvəl mövcud idi; Xosrov taxta çıxandan sonra "İranın dörd ölkəsini
idarə edən dörd Sepəhbudə məktub göndərdi". Məktublardan biri
"Azərbaycan, Ermənistan və qonşu ölkələrin Sepəhbudu Zədüyyə ibn
ən-Nahiracana göndərilmişdi"
1
.
I Xosrova qədər Sepəhbud adlanan baş hərbi rəis vəzifəsini
bir nəfər daşıyırdı. I Xosrov bu vəzifəni dörd nəfər arasında böldü:
"Şərq, yəni Xorasan və qonşu torpaqlar Sepəhbudu, Qərb (Məğrib)
Sepəhbudu, Cənub (Nimruz), yəni Yəmən Sepəhbudu, Azərbaycan
və qonşu torpaqlar, yəni Xəzərlər Sepəhbudu"
2
.
Kustaklar daha xırda vahidlərə bölünürdü və bu vahidlərdən
hər biri tarixən əmələ gəlmiş ərazi və etnik şəraitə uyğun olaraq az-
çox müstəqil vilayətdən (şəhərdən) ibarət idi. Şimal kustakına 13
belə vilayət (şəhər), o cümlədən Azərbaycan (Atrpatakan),
Ermənistan (Ərmən), İberiya (Varçan), Arran (Ran), Balasakan,
Sisakan və digər vilayətlər (Mukan, Deyləm, Dəmavənd, Ruyan,
Amul və s.) daxil idi
3
.
İbn Xordadbeh təsdiq edir ki, Qərbi və ya Şimal vilayətləri
Sasanilər imperiyasının dörddə bir hissəsini təşkil edirdi və
Azərbazqansepəhbud adlanan ölkə Şimal Sepəhbudunun hakimiyyəti
altında idi; bu hissəyə Azərbaycan, Ermənistan, Rey, Arran və
başqaları daxil idi
4
. Padşahlara verilən adlardan danışan ibn
Xordadbeh bildirir ki, hələ I Ərdəşir (224-241) Azərbaycan,
Ermənistan və digər ölkə padşahlarına şah adı vermişdi, məsələn,
Azərbazqan şah, Şiryan şah, Baraşkan şah (Azərbaycanda), Allan şah
(Mukan), Ərmənian Şah, Filan şah və i.a
5
. Mitilenli Zaxarinin Suriya
1
Ət-Təbəri, I, 892-894. Müqayisə et. Th.Nöldeke. Geschichte der Perser
und Araber zur zeit Sasaniden, p. 152-153; A.Chrlstensen. L´Iran sons la
Sassanides, Paris, 1936, p. 134, 1358-359; Н.В. Пигулевская. Города Ирана в
раннем средневековье, М.-Л, 1956 стр.169-173.
2
Ət-Təbəri, I, 89.
3
Армянская география, VII в, стр, 58, b a x В.Г. Луконин. Иран в
эпоху первых сасанидов, стр, 19-24; J.Manquart. Eransahr nach der geographie
der Ps.Moses Xorenaçi. Berlin, 1901, p. 108-136.
4
İbn Xordadbeh, 118-119.
5
İbn Xordadbeh, 17-18.
51
xronikasında Zaqafqaziyada yerli hakimlərin olduğu haqında
məlumat vardır. "Bu şimal tərəfdə (Zaqafqaziyada - Z.B.) beş dindar
xalq və onların 24 yepiskopu vardır. Onların katolikosu İran
Ermənistanının böyük şəhəri olan Dvindədir. Qurzan da Ermənistan
torpağındadır, onların dili yunan dilinə oxşayır, onların İran şahına
tabe olan xristian padşahı vardır. Arranın da öz torpağı, öz daxili,
dindar və xaçpərəst xalqı vardır, onların da İran şahına tabe olan
padşahı vardır"
1
.
Azərbaycan bu Şimal canişinliyində mühüm strateji mövqe
tutaraq, imperiyaya girən yolları həm şimalda xəzərlərdən, həm də
qərbdə Bizansdan qoruyurdu. Xəzərlər Arran və Azərbaycana
başqalarına nisbətən tez-tez basqın edirdilər, buna görə də Sasani
şahları öz sərhədlərini möhkəmləndirməyə son dərəcə əhəmiyyət
verirdilər.
"Ağvan tarixi"ndə Sasani şahlarından II Şapurun (309-379)
hökmranlığı zamanı xəzərlərin təqribən 350-ci ildə Arrana basqını
haqqında anaxronik məlumat vardır: "Külli miqdarda xəzər Çoqa
qapısından keçib, bizim ölkəyə girmişdi. Şapur Assuriya, Xorasan və
Xarəzmdən saysız-hesabsız ordu və Atrpatakan
2
əyalətindən çoxlu
qoçaq iranlıları (azərbaycanlıları - Z.B.), albanları və Qafqaz
dağlarının vəhşi xalqlarından 12 tayfa toplayıb bu böyük qüvvə ilə
yürüşə başlayaraq, onların qarşısına çıxdı"
3
.
Lakin xəzərlərə qarşı ciddi tədbir görən ilk İran şahı I Qubad
(Kavad - 446-531-ci illər) idi; onun sərkərdələrindən biri
Dinavərədək gəlib çıxan xəzərləri təqib edərək, Curzan (Gürcüstan)
və Arranı onlardan geri aldı. "O, Arran ölkəsinə daxil oldu və ər-Ras
1
The Chronicle of Zachariah of Mitylene, p. 327-328; həmçinin b a x; Из
Сирийской хроники Захария Митиленского, стр. 114; müqayisə et: Adons. Sitat
gətirilən əsəri, səh. 219.
2
К.П.Патканов. "Из храбрых персов области армянской
Атрпатакана".
3
История Агван, стр. 80-81/62; Müqayisə et: JI.M. Меликсет-Бек.
Хазары по древнеармянским источникам в связи с проблемой Моисея
Хоренского, стр. 112 və b.; М.И.Артамонов. История хазар, Л., 1936 стр. 116.
Dostları ilə paylaş: |