39
qəbahət və əxlaqsızlıqda təqsirləndirərək, "xürrəm" terminini
istədikləri kimi izah etmiş, onun tarixi və etimoloji köklərini
araşdırmamışlar.
F.Engelsin fıkirlərinə, həmçinin A.Müllerin və
N.V.Piqulevskayanın müşahidələrinə əsasən biz belə bir nəticəyə
gəldik ki, "xürrəm" termini qədim fars və qədim erməni sözü olan
"xur", "xvar" - "günəş", "gözə görünməyən, mücərrəd atəş" sözləri
ilə əlaqəli surətdə izah etmək bəlkə də daha doğrudur. Bu haqda
N.Emin və N.Nemətov da öz əsərlərində yazırlar.
Babəkin rəhbərliyi ilə Azərbaycan xürrəmilərinin üsyanından
danışmazdan əvvəl biz Azərbaycan və Xilafətin tərkibinə daxil olan
qonşu ölkələr ərazisində xürrəmilər üsyanından qabaq baş vermiş
xalq hərəkatlarının xarakteri və gedişini tədqiq etdik, habelə
xürrəmilər hərəkatını meydana gətirən səbəbləri öyrəndik.
IX əsrin birinci yarısında Babəkin rəhbərliyi ilə Azərbaycan
xalq kütlələrinin hərəkatı məsələsi, mənbələrdə və tarixçilərin
əsərlərində müxtəlif vaxtlarda müxtəlif şəkillərdə izah edilmişdir.
Lakin bu vaxta qədər, ümumiyyətlə, Xilafət tarixinin tədqiqatçıları,
xüsusilə də babəki-xürrəmilər hərəkatını tədqiq edənlər orta əsrlər
tarixinin bu mühüm hadisəsini öyrənmək məsələsinə lazım olduğu
kimi yanaşmamışlar.
Babəkilər hərəkatı təkcə Azərbaycan tarixində böyük yer
tutmur. Bu hərəkat qüdrətli Abbasilər dövlətinin ayrı-ayrı dövlətlərə
parçalanmasına səbəb olan əsas siyasi qüvvələrdən biri olmuşdur.
Babəkilər hərəkatı Xilafət tarixində ən möhtəşəm xalq
hərəkatlarından biri olmuş və X əsr ərəb müəlliflərindən birinin
dediyi kimi, ”...az qala Abbasilər dövlətini yıxmışdı"
1
. Babəkin
fəaliyyəti və şəxsiyyəti Hannibalın fəaliyyəti və şəxsiyyətinə bərabər
tutulur
2
.
1
Əl-Məsudi, II, 348.
2
H.Daghbaschean. Gründung des Bagratidenreiches dürch Aschot
Bagratuni, s.2-4; müqayisə et: Əhməd Fərid Riafa'i. Əsr əl-Mə'mun, c. III, Bağdad,
1927, səh. 258.
40
Lakin bu ötəri müqayisələr Abbasilər xilafətinin taleyi üçün
Babəkin rəhbərlik etdiyi xalq hərəkatının həqiqi əhəmiyyətini və
Babəkin özünün rolunu yalnız təhrif edilmiş şəkildə göstərir. IX
əsrdə Azərbaycan xalq kütlələrinin hərəkatını üsyan kimi
qiymətləndirmək azdır. Bu hərəkat, xarici işğalçılara qarşı
Azərbaycan xalqının apardığı uzunsürən qüdrətli azadlıq müharibəsi
idi.
Bu mübarizənin hansı şüarlar altında edildiyi, babəki-
xürrəmilərin sosial siyasəti, hərəkatın güddüyü ınəqsədlər, babəkilər
ordusunu təşkil edən xalq kütlələrinə rəhbərlik - bütün bunlar hələ
ətraflı tədqiq edilməli olan son dərəcə mürəkkəb məsələlərdir.
Babəkilər hərəkatı haqqında əsasən ərəb mənbələrindən çoxlu
məlumat bizə gəlib çatmışdır. Lakin mənbələrdə bir-birinin təkrarı
olan bütün bu məlumatlar ən adi həqiqətləri belə bu və ya digər
dərəcədə təhrif edir, E.Raytın
1
haqlı olaraq göstərdiyi kimi,
qərəzkarlıq ruhu daşıyaraq babəki-xürrəmilər hərəkatını "milli"
(bütün Xilafət üçün, sülalə üçün) fəlakət və bədbəxtlik kimi qələmə
verir. Bu mənbələrdə Babək özü və onun rəhbərlik etdiyi xalq
kütlələri birtərəfli, təhrif olunmuş şəkildə əks etdirilir. Həmin
mənbələrdə xəlifələrin müdrikliyindən, Xilafətin ərəb sərkərdələrinin
rəşadəti və strateji istedadından uzun-uzadı danışıldığı halda,
Xilafətə düşmən olub öz azadlığı uğrunda mübarizə edən
Azərbaycan xalqı barəsində az və qərəzkarlıq ruhunda yazılmışdır.
IX-X əsrlər salnamə və "tarixlərinin" müəllifləri üsyan etmiş xalqı
təhqir edən kobud ibarələr yağdırmaqdan çəkinmirdilər; halbuki bu
"qara camaat", "tərbiyəsiz" Xilafətə və onun sərkərdələrinə uzun
müddət yaddan çıxmayan bir çox ibrət dərsi vermişlər. Ərəb və
erməni mənbələrində, həmçinin onlardan sonra fars və digər
dillərdəki mənbələrdə verilən məlumatlarda yeganə fərqli cəhət
üsyan etmiş xürrəmilərin verdikləri "qurbanların" sayında bir də bəzi
1
E. M. Wright. Babak of Badhdh and al-Afshin during the yeaps 816-
841; A.D. The Muslim world, v. 38, № 1-2, 1948, p.45 (sonrakı səhifələrdə bu
mənbət E.Rayt gösləriləcəkdir).
41
xırda təfərrüatlardadır. Bütün qalan məsələlərdə həmin mənbələr
mahiyyət etibarı ilə bir-birini təkrar edir. Misal üçün, Azərbaycan
xürrəmilərinin hərəkatı haqqında fars mənbələrində verilən məlumat
babəkilər hərəkatından təqribən yüz il sonrakı dövrdə yaşamış ət-
Təbəri, ibn ən-Nədimi, əl-Məsudi, əd-Dinəvəri və başqa ərəb
tarixçilərinin verdikləri məlumatm eynən təkrarından başqa bir şey
deyildir. Fars dilində yazan müəlliflər, həmçinin nisbətən sonrakı
dövrün tarixçiləri IX əsrin birinci yarısı hadisələrinin şərhində Babək
və xürrəmilərdən danışarkən əsli olmayan bir çox şeylər uydurmuş,
öz dövrünün hakim dairələrinə qulluq göstərərək hadisələri qəsdən
tünd boyalarla təsvir etmişlər.
Burjua şərqşünaslarının böyük əksəriyyəti, orta əsr
mənbələrinin Babəkə və onun başçılıq etdiyi xalq hərəkatına sinfi
cəhətdən məhdud və qərəzli münasibətini tənqidi surətdə, demək
olar, heç təhlil etmədən öz tədqiqatlarının səhifələrinə köçürmüşlər.
Bu alimlərin heç biri xürrəmilərin və Babəkin tarixdə dərin iz
buraxdığını inkar etməsə də, ənənəyə uyaraq xürrəmiləri və Babəki
bədnam etməkdən çəkinməmişdi. Onlardan bəzisi, sanki Babəklə
şəxsi ədavəti olan bir adam kimi, açıq-aşkar onu "quldur və nihilist"
1
,
"lovğa və təkəbbürlü adam"
2
,"məşhur soyğunçu və quldur"
3
adlandırır. Başqaları isə özlərini Xilafət dövrünün adamı və
hadisələrin sanki canlı şahidi hesab edərək, Azərbaycan
xürrəmilərinin başçısını "qorxunc bidətçi və qiyamçı"
4
, "təriqətçi və
mehdi"
5
, "üsyançı"
6
, "böyük bidətçi"
7
deyə qələmə verir.
1
Ameer Ali. A.Short History of the Saracens. London, 1834, p.271.
2
M.Chamich. History of Armenia, v. I, Calcutta, 1927, p. 400.
3
W.Muir. The Caliphate, its Rise, Decline and Fall, Edinburg, 1924,
p.504.
4
W.C.Taylor. The History of Mohammedanİsm and its sects. London,
1839, p.203
5
Я.А.Манандян. Народные восстания в Армении против арабского
владычества. Ереван, 1939, стр. 21
6
Ph. Hitti. History of the Arabs. London, 1937; 1957, p.323.
7
Edw. A.Browne. Literary History of Persia. London, 1929, p.323.
Dostları ilə paylaş: |