38
gələcəyimiz olan uşaqlarımızın sağlamlığının qorunmasi üçün əsas şərtlərdən
biridir.
Bəs interaktiv təlimi həyata keçirmək üçün müəllimə lazım olan bacarıqlar
hansılardır?
Gündəlik dərs planını hazırlayarkən müəllim ilk olaraq öz işini mövzunun,
standartın, məqsədin, iş forması və iş üsulunun, inteqrasiya imkanlarının,
resursların müəyyənləşdirilməsi ilə başlamalıdır. Yuxarıda da qeyd etdiyimiz kimi,
alt standartlar təlim məqsədlərinin düzgün müəyyən edilməsində mühüm rol
oynayır. Belə ki, standart seçilir, ona uyğun mövzu müəyyənləşdirilir. Sonda isə
həm mövzuya, həm də standarta uyğun təlim məqsədi seçilir.
Təlim məqsədlərini həyata keçirmək üçünsə müəllim mütləq mövzuya,
standarta və məqsədlərə müvafiq təlim forması və təlim üsulu müəyyənləşdir-
məlidir. Təlim üsulunu dərsdə şagirdlərin əyləndirilməsi vasitəsinə çevirmək
olmaz. Yalnız mövzunu dərindən bilməklə bərabər, təlim üsulunun düşünülmüş
tətbiqi təhsil situasiyasının planlı inkişafını təmin edir. Düzgün istifadə olunmuş
təlim üsulu vasitəsilə, şagirdlərdə zehni yorğunluq hallarını aradan qaldırmaq,
onların düşünmə və tədqiqatçılıq qabiliyyətini inkişaf etdirmək, təhsilə marağı
artırmaq mümkündür. Təhsilə belə yanaşma şagirdlərin düşünmə qabiliyyətlərini
və müstəqil olaraq bilik əldə etmək bacarığını inkişaf etdirir.
İnteraktiv təlim üsullarının tətbiqi dərsin strukturu qarşısında müəyyən
tələblər qoyur. Bir qayda olaraq, interaktiv dərsin quruluşu üç əsas hissədən
ibarətdir: Giriş hissə, əsas hissə və yekun hissə.
Giriş hissəyə motivasiya, tədqiqat sualı; əsas hissəyə informasiyanın
mübadiləsi, informasiyanın müzakirəsi; yekun hissəyə nəticə və ümumiləşdirmə,
yaradıcı tətbiqetmə və qiymətləndirmə daxildir.
Motivasiya psixoloji amil kimi hər hansı fəaliyyətin mexanizmini işə salan
qüvvədir. Dərsin ən mühüm və ən mürəkkəb mərhələsi olan motivasiya düzgün
yaradılmalı, istifadə olunan materialın xüsusiyyətləri cəlbedici, qeyri-adi,
müəmmalı, gözlənilməz, marağı və müstəqil təfəkkürü şövqləndirməyə qadir
olmalıdır.
Şagirdlər tərəfindən irəli sürülən ehtimalların, fərziyyələrin yoxlanılması
üçün, ilk növbədə, tədqiqat sualı formalaşdırılmalı və bu sual yeni biliklərin
kəşfinə yönəlməlidir.
Tədqiqatın aparılması dərsin II mərhələsi olub,
problemin həlli üzrə irəli
sürülən fərziyyələri təsdiq və ya təkzib edən, habelə qoyulan tədqiqat sualına cavab
verməyə kömək edə biləcək faktları tapmağa imkan yaradır. Bu zaman yeni
faktların öyrənilməsi və bu suallara cavabların tapılması gedişində düşünmək və
yeni bilikləri kəşf etmək üçün özündə yeni informasiyanı və yeni sualları
cəmləşdirən müxtəlif çalışmaların olması vacibdir.
İnformasiya mübadiləsi dərsin III mərhələsi olub, şagirdlər tədqiqatın
gedişində əldə etdikləri tapıntıların, yeni informasiyanın mübadiləsini aparırlar.
Qoyulmuş suala cavab tapmaq zərurəti tədqiqatın bütün iştirakçılarını bir-birinin
təqdimatını fəal dinləməyə sövq edir.
İnformasiya müzakirəsi dərsin IV mərhələsi olub, bütün bilik, bacarıq və
vərdişlərin,
təfəkkürün
müxtəlif növlərinin (məntiqi, tənqidi, yaradıcı)
səfərbərliyini tələb edir. Müəllim fasilitasiya əsasında (yönəldici, köməkçi
39
suallardan istifadə etməklə) əldə edilmiş faktların məqsədyönlü müzakirəsinə və
onların təşkilinə kömək edir. İnformasiyanın təşkili bütün faktlar arasında
əlaqələrin aşkara çıxarılmasına və onların sistemləşdirilməsinə yönəldilir.
Nəticə və ümumiləşdirmə dərsin V mərhələsidir. Bu mərhələdə şagird
nəinki əldə olunan bilikləri ümumiləşdirməli, həm də gəldiyi nəticəni tədqiqat sualı
ilə və irəli sürülmüş fərziyyələrlə müstəqil olaraq tutuşdurmalıdır.
Yaradıcı tətbiqetmə mərhələsi VI mərhələ olub, biliyi möhkəmləndirir,
uşağa onun praktiki əhəmiyyətini açıb göstərir.
Qiymətləndirmə
və
refleksiya
mərhələsi
VII
mərhələsidir.
Qiymətləndirmə istənilən prosesin təkmilləşdirilməsini təmin edən bir
mexanizmdir. Refleksiya artıq başa çatmış prosesin şüurda inikasıdır. Təlim
prosesinin refleksiyası biliklərin mənimsənilməsinin bütün mərhələlərini təhlil
etməyə və dərindən başa düşməyə imkan verən başlıca mexanizmlərdən biridir.
Bir neçə dərs nümunəsini təqdim edilir.
VI sinif
Mövzu: Qaraciyər sorucusu.
Standart: 1.1.2.Canlıların quruluşunu təsvir edir.
4.1.1. Canlıların ətraf mühitlə və bir-birilə əlaqəsini izah edir.
Məqsəd:
Qaraciyər sorucusunun quruluşunu şərh edir.
Qaraciyər sorucusunun canlılara təsirini şərh edir.
İş forması: kollektivlə, qruplarla.
İş üsulu: Beyin həmləsi, klaster, Venn diaqramı.
Resurslar: Dərslik, flipçat, iş vərəqləri, marker, tablo, İKT vasitələri
İnteqrasiya: İnf.1.2.3.
Dərsin gedişi
1)
Motivasiya: lövhədə (adi yaxud elektron) labirint “Tayını tap”
Müəllim:
- Bu orqanizmlər bir-birilə necə əlaqəlidir? (Parazitizm)
- Parazitizm nədir?
(Canlıların qarşılıqlı münasibətinin bir formasında əgər bir canlı digər
canlıda yaşayırsa və onun hüceyrələri və hazır üzvi maddələri ilə qidalanırsa həmin
canlı – parazit, digəri isə - sahib adlanır)
Tədqiqat sualı: Parazit qurdların hansı xüsusiyyətləri vardır? Qaraciyər
sorucusu canlılara necə təsir göstərir ?